Vaginal itching မိန်းမကိုယ် ယားခြင်း

(ကန်တော့ပါ)

၁။ ဆရာမင်္ဂလာအပေါင်းနဲ့ ပြည့်စုံပါစေရှင့်။ ကျွန်မကို တခုလောက်မေးခွင့်ပြုပါ။ ကျွန်မအသက် ၂၈ ထဲမှာပါဆရာ။ သမီးလေးတယောက် ရှိပါတယ်။ လွန်ခဲ့တဲ့ ၅ လလောက်ကစပြီး ကန်တော့ပါဆရာ မိန်းမကိုယ် တအားယားလို့ ဆေးတောင့်ဝယ်ပြီးထည့်ပါတယ်ဆရာ။ ထည့်တုန်းတော့သက်သာပြီး ရာသီပေါ်ခါနီးရင် ပြန်ယားပါတယ်ဆရာ။ ရာသီပြီးသွားရင်လဲ သွေးဆက်မဆင်းတော့ပေမယ့် အဖြူဆင်းသလိုမျိုး အညိုရာင်ဆင်းပြီး အရမ်းယားပါတယ်။ အခုနောက်ပိုင်းအနံ့ကပါ တော်တော်နံလာပါတယ်။ မရိုသေစကားပါ။ အခုဆိုနေ့တိုင်း daily pad သုံးပြီးခဏခဏ လဲပေးနေရပါတယ်။ မဟုတ်ရင် အနံ့ထွက်မှာစိုးလို့ပါ။ ကျွန်မဘာလုပ်သင့်ပါသလဲဆရာ။ စိတ်ပူတာတခုက သားအိမ်ကင်ဆာလက္ခဏာက အဲလိုမျိုးလားဆရာ။ ရန်ကုန်မှာဆရာဝန်တခါပြဖို့ကလဲ တိုကင်နံပါတ်ရာနဲ့ချီစောင့်ရတော့ ကလေးတဖက်နဲ့ ဘယ်လိုမှကိုမဖြစ်နိုင်လို့ လတွေတလပြီးတလ ကြာနေတာ တော်တော်ဆိုးနေပါပြီ။ ကျွန်မစာကို ပြန်ဖြေကြားပေးပါဆရ။ာ ကျေးဇူးတင်ပါတယ်။

၂။ ဆရာ မင်္ဂလာပါရှင့်။ ကျွန်မနာမည့့် ပါဆရာ။ အသက်က ၂၀ပါဆရာ။ အိမ်ထောင်သည်ပါ။ အိမ်ထောင်ကျတာ ၇ လရှိပါပြီဆရာ။ ဒီ ၃ရက်နေ့မှာ မိန်းမကိုယ်ယားယံလို့ဆေးခန်းပြခဲ့ပါတယ်။ Gynomix နဲ့သောက်ဆေးပေးလိုက်ပါတယ်။ သက်သာသွားပြီး အခုပြန်ဖြစ်နေလို့ပါ။ ထပ်ဆေးခန်းပြတော့ အခုမသက်သာလို့ပါဆရာ။ ဘာလုပ်သင့်လဲဆရာ ဖြေပေးပါရှင့်။

၃။ ဆရာ မင်္ဂလာပါရှင့်။ ကျွန်မက အသက်၂၈ နှစ်၊ အိမ်ထောင်မရှိ အပျိုပါ။ အခုဖြစ်နေတဲ့ ဝေဒနာကတော့ (စကားရိုင်းရင် ခွင့်လွှတ်ပါ) ဆီးလမ်းကြောင်း ယားယံနေပါတယ်။ ဖြစ်တာကတော့ ဒီကနေ့နဲ့ဆို ၅ရက်ရှိပါပြီ။ လစဉ်ရာသီလာတာ ပုံမှန်ပါပဲ။ ရာသီမလာခင် အဖြူဆင်းလေ့ရှိပါတယ်။ ယခုယားယံခြင်းဖြစ်နေစဉ်မှာတော့ အဖြူခပ်ပျစ်ပျစ်တွေ ဆင်းနေပါတယ်ရှင့်။ အနံအသက်တော့မရှိပါ။ Metronidazole ကို သောက်ကြည့်တာ တရက်ပဲရှိပါသေးတယ်။ မသက်သာသေးပါ။ ကျွန်မတို့ရုံးမှာသုံးတဲ့ toilet မှာ အလိုအလျောက် သန့်စင်စနစ်နဲ့ပါ။ အပေါ့အလေးသွားတိုင်း ခလုတ်နှိပ်ရုံနဲ့ အလိုအလျောက်ရေပန်းထွက်လာပြီး သန့်စင်ပေးပါတယ်။ နောက်မှရှေ့သို့ နည်းနဲ့ပါ။ ၎င်းအိမ်သာစနစ်ကို သုံးမိပါတယ်။ ဖြစ်နိုင်ချေကို ပြောပြတာပါရှင့်။ ဆရာ့ဆီမှ လမ်းညွှန်မှုကို သိပါရစေရှင့်။ ကျေးဇူးတင်ပါတယ်ရှင်။ ကျွန်မ၏ အထက်ပါမေးမြန်းချက်အား ဆရာ့ page မှ reply ပြန်ပြီးဖြစ်ပါသည်။  ကျေးဇူးတင်ပါတယ်ဆရာ။

မိန်းမကိုယ်ယားတာ လိင်ကတဆင့် ကူးစက်ရောဂါတွေ ဖြစ်နိုင်တယ်။ အရွယ်ကောင်းတွေမှာ အဖြစ်များတယ်။ သွေးဆုံးသူတွေမှာလဲ အဖြစ်မနည်းကြပါ။ ကိုယ်ဝန်ဆောင်နေချိန်၊ ကလေးနို့တိုက်ချိန်တွေမှာ တချို့ယားတယ်။ အိမ်ထောင်မရှိသူ ပိုးသေဆေးသောက်နေရရင် မွေးလမ်းမှာ မှိုပိုးဝင်လာစေနိုင်တယ်။ မိန်းမကိုယ်သန့်ရှင်းရေး လိုတာထက် ပိုလုပ်သူတွေမှာလည်း မှိုပိုးဝင်တတ်တယ်။ လိင်လမ်းကြွက်နို့၊ သားအိမ်ကင်ဆာ၊ ဝမ်းမလုံတဲ့ရောဂါ၊ ဘိုဝင်ရောဂါ၊ ဆီးချို နဲ့ HIV ရှိနေသူတွေမှာလဲ မှိုပိုးဝင်လွယ်တယ်။ မှို၊ သန်ကောင်၊ ဝဲတွေကနေ ဖြစ်နိုင်တယ်။ အရေပြားနာအမျိုးမျိုးကနေ ဖြစ်နိုင်တယ်။ ဆပ်ပြာ၊ ရေမွှေး၊ ချွေးနံ့ပျောက်ဆေး၊ ကွန်ဒွမ်၊ အဝတ်အထည် ဆိုးဆေး၊ ဆပ်ပြာမှုံ့၊ အဝတ်အထည်၊ ကွန်ဒီရှင်နာ၊ အတွင်းခံစတဲ့ သန့်ရှင်းရေးနဲ့ အမွှေးအကြိုင်တွေနဲ့ မတည့်သူတွေမှာလဲ ယားနိုင်တယ်။ ကင်ဆာကိုလဲ စာရင်းထဲထည့်ရတယ်။ အဖြစ်အလွန်နည်းပါတယ်။

၁။ Yeast infection (Candidiasis) (Monilia, Thrush) ဗဂျိုင်းနား (ရိစ်) ပိုးဝင်ရင် အဖြူရောင် ပျစ်တဲ့ (ချိစ်) လို ဆင်းတယ်။ အလွန်ယားပြီး၊ မိန်းမကိုယ် နီနေမယ်။ နာမယ်။ ဆီးအောင့်မယ်။ Diflucan (Fluconazole) 150 mg တခါတည်း သောက်ပါ။ လိုအပ်ရင် ရက်ပိုပေးပါတယ်။ (သို့) Nystatin, Mycostatin စားဆေး၊ (400,000 to 600,000 units) တနေ့ ၄ ကြိမ်သောက်ပါ။ (သို့) Clotrimazole vaginal tablet မွေးလမ်းထဲ 100 mg ၆ ညထည့်ပါ။ ဒါမှမဟုတ် 200 mg ၃ ညထည့်ပါ။ (သို့) Monistat cream, Mycelex, Lotrimin, Terazol, Femstat, Gentian violet, Nystatin 100,000 IU pessary, Nystatin Ointment လိမ်းဆေး၊ ထည့်ဆေးတွေကိုလည်း သုံးတယ်။

၂။ Bacterial Vaginosis ဗက်တီးရီးယားကြောင့် မွေးလမ်းကြောင်းရောင်ရင် ခပ်ကျဲကျဲ၊ ကြည်တဲ့ ဖြူဝါတဲ့ အနံ့ဆိုးတဲ့ အရည်ဆင်းတယ်၊ ယားမယ်၊ လိင်ဆက်ဆံ ပြီးရင် ပိုဆိုးတယ်။ နောက်ဆက်တွဲ အဖြစ် (PID) တင်ပါးဆုံတွင်း အင်္ဂါတွေ ရောင်တာဖြစ်နိုင်တယ်။ ကိုယ်ဝန်ရှိရင် ရေမြွှာအိတ်ရောင်တာ၊ သားအိမ်ရောင်တာ ဖြစ်စေမယ်။ ၃ ပုံ ၁ ပုံလောက်က ဆေးမလိုဘဲပျောက်နိုင်တယ်။ Metronidazole 2 Gm တခါတည်းသောက်။ တချို့က ဆေးမခံနိုင်ဘူး။ ပျို့-အန် တတ်တယ်။ အစားပျက်တယ်။ (သို့) Metronidazole 500 mg တနေ့ ၂-၃ ကြိမ်၊ ၇ ရက်၊ လိင်ဆက်ဆံဘက်ကပါ သောက်သင့်တယ်။ ကွန်ဒွမ်သုံးပါ။ စားဆေးနဲ့အတူ Metronidazole vaginal gel (Metrogel) မွေးလမ်းကြောင်းထဲ ထည့်ဆေး၊ (သို့) Clindamycin cream 2% မွေးလမ်းကြောင်းထဲထည့်ဆေး၊ ညအချိန်၊ ၆-၇ ရက်ထည့်ပါ။ (သို့) Clindamycin 300 mg တနေ့ ၂ ကြိမ် ၇ ရက်သောက်ပါ။

၃။ Chancroid (ရှိန်ကာရွိုက်) သားအိမ်အဝမှာအနာဆိုတာ လိင်ကတဆင့်ကူးစက်ရောဂါအနာဖြစ်တယ်။ အနာရဲ့ နှုတ်ခမ်းသား မညီမညာဖြစ်မယ်။ အခြေက ခပ်မွဲမွဲ အရောင်ရှိမယ်။ ထိရင်နာမယ်။ လိင်အင်္ဂါမှာ အနာ-အကြိတ် ပေါ်မယ်။ ပေါင်ခြံကအကျိတ်တွေရောင်လာတယ်။ Azithromycin 1 gm တခါတည်းသောက်ပါ။ (သို့) Ceftriaxone, Ciprofloxacin 500 mg တနေ့ ၂ ကြိမ်၊ ၃ ရက် သောက်ပါ။ (သို့) Erythromycin 500 mg တနေ့ ၄ ကြိမ် ၇ ရက်သောက်ပါ။

၎။ Chlamydial infection (ကဲလ်မီဒီးယား) ဟာ လိင်ကတဆင့်ကူးစက်ရောဂါတွေထဲမှာ အဖြစ်အများဆုံးပါ။ လိင်အင်္ဂါတွေမှာ အနာဖြစ်တာပါ။ အနာဆိုပေမဲ့ မနာဘူး။ ပေါင်ခြံမှာ တက်စေ့တွေ ရောင်လာမယ်။ သားအိမ်အဝမှာ အဖြစ်များတယ်။ တချို့ အဖြူဆင်းမယ်။ အတူနေပြီး သွေးနည်းနည်းဆင်းမယ်။ တချို့မှာ ပြည်လိုနေတယ်။ နဲနဲဝါမယ်။ မီးခိုးရောင်၊ ခပ်စိမ်းစိမ်းအရောင် ဖြစ်နိုင်တယ်။ အမြှုပ်လို ရှိတတ်တယ်။ ယားမယ်။ အနံ့ဆိုးတယ်။ ဆီးခဏခဏ သွားချင်ပြီး ဆီးအောင့်တယ်။ အတွင်းအင်္ဂါတွေအထိ ရောက်နိုင်တယ်။ ဒီအချိန်မှာ လိင်ဆက်ဆံရင် နာမယ်။ ပိုးရှိနေပေမဲ့ လက္ခဏာမပြသူတွေ ရှိတယ်။ အသက် ၃ဝ အောက် အဖြစ်များတယ်။ အထူးသဖြင့် လိင်ဆက်ဆံဖက်များသူတွေမှာ ဖြစ်တယ်။ Azithromycin 1 Gm သောက်ပါ။ (သို့) Doxycycline 100 mg တနေ့ ၂ ကြိမ် ၇-၁၄ ရက်။ (သို့) Erythromycin 250-500-800 mg တနေ့ ၄ ကြိမ်၊ ၇-၁၄ ရက်။ (သို့) Ofloxacin 300 mg တနေ့ ၂ ကြိမ်၊ ၇ ရက်၊ (သို့) Ofloxacin = 400 mg တခါတည်းသောက်ပါ။ (သို့) Tetracycline 250-500 mg တနေ့ ၄ ကြိမ်၊ ၁၄ ရက်သောက်ပါ။

၅။ Gonorrhea ဂနိုးရီးယား ဒုတိယအများဆုံး လိင်ကတဆင့် ကူးစက်ရောဂါဖြစ်တယ်။ အမျိုးသမီးဆိုရင် အဖြူဆင်းမယ်။ ပြည်လိုဆင်းမယ်။ ဆီးက ပန်းထွက်သလို သွားတယ်။ ကြားရက် သွေးဆင်းတာ ဖြစ်တတ်တယ်။ အတူနေရင် နာမယ်။ အထဲကို ရောဂါပြန့်ရင် သားအိမ်ဘေးကအင်္ဂါမှန်သမျှ ရောင်နိုင်တယ်။ ဆေးမကုရင် ယောက်ျားရော မိန်းမပါ ကလေးမရတာ ဖြစ်သွားတတ်တယ်။ Cefixime 400 mg တခါတည်းသောက်ပါ။ (သို့) Ceftriaxone 125 mg IM ထိုးပါ။ (သို့) Ciprofloxacin 500 mg သောက်ပါ။ (သို့) Ofloxacin 400 mg + Azithromycin 1 g (သို့) Doxycycline 100 mg တနေ့ ၂ ကြိမ် ၇ ရက်တွဲပါ။ ဆေးယဉ်တာတွေရှိနေပြီ။

၆။ မှိုပိုးဝင်တာကို Gynazle, Lotrimin, Monistat, and Terazol လိမ်းဆေး (ထည့်ဆေး) တွေ ၁-၂-၃ ရက်နဲ့ ပျောက်တယ်။ Fluconazole (Diflucan) တပြားသောက်တာနဲ့ပျောက်မယ်။ ဆိုးတာဆိုရင် ထည့်ဆေးနည်း Azole ဆေး ၁၄ ရက် ထည့်ရမယ်။ Vaginal cream, ointment, tablet or suppository အနေနဲ့ လာတယ်။ Clotrimazole (Gyne-Lotrimin), miconazole (Monistat 3), and terconazole (Terazol 3) တွေဖြစ်တယ်။ တချို့ဆေးတွေက ဆေးညွှန်မှာ ၅-၆ ည ထည့်ခိုင်းတယ်။ ဆေးညွှန်အတိုင်းသုံးပါ။ - စားဆေးနည်း Fluconazole (Diflucan) စားဆေးကို ၂-၃ ရက် သောက်ဖို့ ထည့်ဆေးအစားပေးတယ်။ ကိုယ်ဝန်ရှိရင် မပေးရပါ။ ထိန်းထားဘို့လိုသူကို Fluconazole tablets စားဆေး တပတ် ၁ ပြား၊ ၆ လကြာ။ Clotrimazole ထည့်ဆေးကို တပတ် ၁ ခါလည်းပေးနိုင်တယ်။ လိင်ကတဆင့် ကူးစက်တာဆိုရင် အဖေါ်ကိုလည်းဆေးကုသပါ။

၇။ ယားလို့ကုတ်ရင် ပိုဆိုးစေတယ်။ Benzodiazepines ညအချိန်သောက်နိုင်တယ်။ ဟော်မုန်းလိမ်းဆေးကို သွေးဆုံးသူတွေကိုပေးမယ်။ စတီရွိုက်လိမ်းဆေးကို ရောင်တာသက်သာအောင်ပေးမယ်။ (စတီရွိုက်) လိမ်းဆေး သတိထားသုံးပါ။ တချို့အခြေအနေတွေကို ပိုဆိုးစေနိုင်တယ်။ Moisturisers (Emollients) ဆေးကို (ခရင်) လိမ်းဆေးအနေနဲ့ လာတယ်။ ဘာလို့ယားတာဖြစ်ဖြစ် သက်သာစေမယ်။ ဆေးများသွားလို့လဲ ကိစ္စမရှိ။ လက်အိတ်သုံးပါ။ လက်သည်း အတိုဖြတ်ပါ။ လက်သည်းနီဆိုးတာ သတိထားပါ။ ကော်တွန်ခပ်ချောင်ချောင်ကိုသာ ဝတ်ဆင်ပါ။ အတွင်းခံကို နေ့တိုင်းလဲလှယ်ပါ။ စိုထိုင်းတာများရင် တနေ့တခါမက လဲပါ။ နေလို့ရတဲ့ နေရာ-အချိန်တွေမှာ အတွင်းခံ မဝတ်ဘဲနေပါ။ လေသလပ်ခံပါ။ ရေနဲ့နေ့တိုင်း မိန်းမကိုယ်ကို အသာအယာဆေးကြောပါ။ Feminine hygiene sprays and douches ကိရိယာတွေ၊ အသုံးအဆောင်တွေ မသုံးဘဲသာဆေးပါ။ ရေကို စည်ပိုင်းထဲ စိမ်ချိုးတာမကောင်း။ ရေမခြောက်သေးခင် အတွင်းခံမဝတ်ပါနဲ့။ ခေါင်းလျှော်တာကို သီးသန့်လုပ်ပါ။ တချို့ ခေါင်းလျှော်ရည်က ကိုယ်နဲ့မသင့်တာဖြစ်နိုင်တယ်။ဆပ်ပြာ၊ ရေမွှေး၊ ချွေးနံ့ပျောက်ဆေးတွေက ကိုယ်နဲ့ သင့်-မသင့် သတိထားပါ။ လိုမယ်ထင်ရင် ပြောင်းသုံးပါ။ မသုံးဘဲ နေလို့ရရင် မသုံးပါနဲ့။ ကွန်ဒွမ်မှာ သုက်ပိုးသတ်ဆေးလဲ တွဲထားတာဆိုရင် ကိုယ်နဲ့ သင့်-မသင့် ကြည့်ပါ။ ဆီးစပ်မွှေး မရိတ်ပါနဲ့။ စိတ်ဖိအား များနေရင် လျှော့ချပါ။ သန့်ရှင်းရေးလုပ်တာမှာ (ထိုင်နေတဲ့ အနေအထားမှာ) လက်ကို ရှေ့ကနေ နောက်ဖက်ဆီသာ တလမ်းသွား လှုပ်ရှားပါ။ (ရောဂတ်) ဒိန်ချဉ် စားပါ။ ကိုယ်အလေးချိန် များနေရင် ပိန်အောင်လုပ်ပါ။

- Chlamydia (ကဲလ်မီဒီးယား) အဖြစ်များဆုံး STD https://doctortintswe.blogspot.com/2014/12/chlamydia-std.html
- Chlamydia and Gonorrhea ကဲလ်မီဒီးယား နဲ့ ဂနိုးရီးယား https://doctortintswe.blogspot.com/2015/06/chlamydia-and-gonorrhea.html
- Restroom အိမ်သာအကြောင်း https://doctortintswe.blogspot.com/2017/01/restroom.html
- Personal hygiene for women အမျိုးသမီးများ တကိုယ်ရေသန့်ရှင်းရေး http://doctortintswe.blogspot.com/2014/11/personal-hygiene-for-women_19.html
- STDs Basic လိင်မှတဆင့် ကူးစက်သောရောဂါများအခြေခံ http://doctortintswe.blogspot.com/2014/11/stds-basic.html
- Vaginal itching မိန်းမကိုယ် ယားခြင်း http://doctortintswe.blogspot.com/2014/11/vulvovaginitis.html
- Vaginal Discharge မွေးလမ်းကြောင်းမှ အဖြူဆင်းခြင်း http://doctortintswe.blogspot.com/2014/11/vaginal-itching.htm
- Vulvovaginitis အမျိုးသမီးအင်္ဂါ ရောင်ခြင်း http://doctortintswe.blogspot.com/2014/11/vaginal-itching.html
- White Discharge အဖြူဆင်းခြင်း http://doctortintswe.blogspot.com/2015/07/white-discharge.html

ကွန်မင့်ကနေ မဖွယ်မရာ ရေးလာရင် ဘလော့ပါမယ်။ ဆောရီး။

Dr. တင့်ဆွေ

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး