Pulse pressure ပါ့လ်စ် ပရက်ရှာ

၁။ ဆရာ တခုမေးခွင့်ပြုပါ။ အပေါ်ဂဏန်းက ၁၃၅ အောက်က ၅ဝ ဖြစ်နေပါတယ်။ ဘာကြောင့်ဖြစ်တာလဲဆိုတာ ရှင်းပြပေးပါဆရာ။ ကျေးဇူးတင်ပါတယ်ခင်ဗျ။

၂။ Narrow blood pressure အကြောင်းလေး ရေးပေးပါဦးဆရာ။

ပါ့လ်စ် ပရက်ရှာဆိုတာ BP ခေါ် သွေးဖိအားတိုင်းတဲ့အခါ အထက်သွေးဖိအားဂဏန်းနဲ့ အောက်သွေးဖိအားဂဏန်း နှစ်မျိုးကြားမှာ ဘယ်လောက်ကွာခြားသလည်းကိုပြောတာဖြစ်တယ်။ ဥပမာ 120/80 mmHg ဆိုရင် ပါ့လ်စ်ပရက်ရှာ 40 ဖြစ်တယ်။

သီအိုရီအရပြောရရင် Systemic pulse pressure ဆိုတာ Stroke volume ဆထုပ်ထုထည်နဲ့ အချိုးကျတယ်။ တနည်းအားဖြင့် နှလုံးဘယ်အောက်ခန်းကနေ ညှစ်ထုတ်လိုက်တဲ့ သွေးထုထည်ဟာ သူ့ကိုလက်ခံယူမဲ့ အေအိုတာ ခေါ် သွေးလွှတ်ကြောမကြီးကနေ သွေးခံယူနိုင်ခြေနဲ့ ပြောင်းပြန်အချိုးဖြစ်တယ်။

ဖေါ်မြူလာ
• Systemic pulse pressure = Psystolic - Pdiastolic = 120mmHg - 80mmHg = 40mmHg
• Pulmonary pulse pressure = Psystolic - Pdiastolic = 25mmHg - 10mmHg = 15mmHg

အများအားဖြင့် ထိုင်ပြီးနားနေချိန်မှာ 30-40 mmHg ရှိမယ်။ 100 mmHg အထိလည်းပုံမှန်ဖြစ်တယ်။ နောက် ၁ဝ မိနစ်နေရင် ပုံမှန်ဂဏန်းပြန်ရောက်မယ်။

Low (Narrow) Pulse Pressure ပါ့လ်စ် ပရက်ရှာ နိမ့်ခြင်း
၂၅% ထက်နည်းနေတာကိုခေါ်တယ်။ နှလုံးဘယ်အောက်ခန်းကနေညှစ်ထုတ်လိုက်တဲ့ (ဆထုပ်ခ်) ထုထည် ကျနေချိန်မှာ ဖြစ်တယ်။ သွေးဆုံးရှုံးမှုများရင်ဖြစ်မယ်။ သွေးဆုံးရှုံးလို့ နှလုံးကနေသွေးထုတ်းပေးတာနည်းလို့ ဖြစ်တယ်။ အဲလိုဖြစ်တာ သိပ်နည်းနေရင် ဥပမာ 25 mmHg နဲ့ ဒိထက်နည်းနေရင် Congestive Heart Failure နဲ့ Shock ဖြစ်မယ်။ နှစ်ခုလုံးတွဲတာလည်းဖြစ်နိုင်တယ်။ နောက်ဖြစ်နိုင်ခြေက Aortic valve stenosis (အေအိုတာ) အဆို့ရှင်ကျဉ်းနေတာနဲ့ Cardiac tamponade နှလုံးရောဂါကြောင့် ဖြစ်မယ်။

High (Wide) Pulse Pressure ပါ့လ်စ် ပရက်ရှာ မြင့်နေခြင်း
လေ့ကျင့်ခန်းလုပ်ပြီးချိန်မှာ များနေမယ်။ ဖျားတာ၊ သွေးအားနည်းတာ၊ ဗီတာမင် ဘီ-၁ နည်းတာ၊ ကိုယ်ဝန်ရှိတာ၊ စိုးရိမ်တာတွေကနေလည်းဖြစ်တယ်။ 100 mmHg ကနေမကျရင် သွေးလွှတ်ကြောကြီးတွေ တင်းမာနေခြင်း၊ အေအိုတာ အဆို့ရှင်မလုံခြင်း၊ သွေးလွှတ်ကြောနဲ့ သွေးပြန်ကြောဆက်နေခြင်း၊ လည်ပင်းကြီးဟော်မုန်းများခြင်းတွေကနေ ဖြစ်နိုင်တယ်။ တမျိုးမကတွဲနေတာလည်းဖြစ်နိုင်တယ်။ သွေးတိုးကျဆေး ACE Inhibitors ဆေးတွေကနည်းစေနိုင်တယ်။

နားနေချိန်မှာ ပါ့လ်စ် ပရက်ရှာများနေရင် နှလုံး၊ ဦးနှောက်နဲ့ ကျောက်ကပ်တွေကိုထိခိုက်မယ်။ နှလုံးခုန်နှေးတာပါ တွဲနေရင် ဦးနှောက်တွင်းဖိအားများလို့ဖြစ်တယ်။ စိုးရိမ်ရတယ်။ Cushing's triad ခေါ်တယ်။ ဦးနှောက်ရောင်နေသလား၊ သွေးယိုနေသလား။

• Atherosclerosis
• Arteriovenous fistula
• Chronic aortic regurgitation
• Aortic root aneurysm
• Aortic root dilation
• Thyrotoxicosis
• Heart block
• Aortic dissection
• Endocarditis
• Raised intracranial pressure
• Hyperkinetic heart syndrome
• Patent ductus arteriosus ရောဂါတွေနဲ့ ဆက်စပ်နေနိုင်တယ်။

ပါ့လ်စ် ပရက်ရှာများနေသူတွေကို ဘာလို့ဖြစ်ရသလည်းအပေါ်ကြည့်ကုသရမယ်။ Folic acid (Folate) (Vitamin B9) ဖေါလစ်အက်စစ်ကို နေ့တိုင်း 5 mg အနည်းဆုံး ၃ ပတ်ပေးရင် ကျလာတယ်။

ဒေါက်တာတင့်ဆွေ
၁-၆-၂ဝ၁၅
၁၈-၁ဝ-၂ဝ၁၅
၂၃-၁၂-၂ဝ၁၇