Tuesday, March 15, 2016

History of Applause လက်ခုပ်တီးခြင်းသမိုင်း

ကမ္ဘာ့သမိုင်းမှာ (၇) ရာစုရောက်လာတော့ အင်အားကြီးမားတန်ခိုးထွားခဲ့တဲ့ရောမအင်ပါယာကြီး အင်အားချိနဲ့လာပါတယ်။ တချိန်မှာ (ဟာရက်လိယပ်စ်) ဧကရာဇ်ဟာ ကြမ်းတမ်းလှတဲ့ဘုရင်နဲ့တွေ့ရာမှာ စော်ကားနည်းသစ်တခုသုံးတယ်။ လက်ခုပ်တီးပေးမယ့်သူတွေကို ငှားရမ်းပြီးအသုံးချတာပါ။

လက်ခုပ်တီးခြင်းဟာ ကနေ့ခေတ်မှာလည်း ခပ်ဆင်ဆင်တူပါတယ်။ စင်ပေါ်ကလူကို သဘောကျရင် လက်ခုပ်သြဘာ ပေးကြတယ်။ ယဉ်ယဉ်ကျေးကျေးတီးတဲ့လက်ခုပ်ရှိတယ်။ သရော်သလိုတီးတဲ့လက်ခုပ်ရှိတယ်။ အားရပါးရတီးတဲ့လက်ခုပ်ရှိတယ်။ ငြင်းတဲ့ပညာရှင်တွေကတော့ အဲလိုလုပ်တာဟာ ကပြအသုံးတော်ခံသူကို အဝေးကေနေ ကျောပုတ်သလိုပဲတဲ့။

လက်ခုပ်တီးတဲ့အလေ့အထ ဘယ်တုံးကစသလည်း မသိပါ။ ခရစ်ယန်ကျမ်းစာထဲမှာလည်းပါတယ်။ ကလေးတွေ ငယ်ငယ်လေးနဲ့ လက်ခုပ်တီးတတ်ပြီ။ နောက်ဆုံးပေါ်နည်းကတော့ ဖေ့စ်ဘွတ်မှာ (လိုက်) လုပ်ပေးတဲ့နည်းဖြစ်ပါတယ်။ နိုင်ငံရေးသမားရဲ့ လူကြိုက်များမှုကို လပ်ခုပ်သံနဲ့တိုင်းတာလို့ရပါတယ်။

ဘောလုံးပွဲသာမကပါ၊ ဘောက်ဆင်ပွဲတွေမှာပါ တရားသဖြင့်ပြိုင်လို့အနိုင်ရသူကို ပွဲအပြီးမှာ ရှုံးတဲ့သူကနေ ဖက်လှဲတကင်းလုပ်တာမျိုး တွေ့တိုင်း ပီတိဖြစ်ရတယ်။ မဲပေးပွဲတွေမှာ ရှုံးတဲ့သူကနေ အနိုင်ရသူကို ကွန်ဂရက်ကျူလေးရှင်းလုပ်တာမျိုးကို နိုင်ငံရေးယဉ်ကျေးမှုလို့ခေါ်တယ်။ ကျွန်တော်တို့နိုင်ငံမှာ ယဉ်ကျေးမှုသင်တန်းကို လွှတ်တော်ကစပေးရမယ်။ အနိမ့်ဆုံး ဝတ်ကျေတန်းကျေလောက်တော့ လက်ခုပ်တီးသင့်တယ်ထင်တယ်။

ကျွန်တော်တို့ငယ်ငယ်ကတော့ သင်္ကြန်မှာ စာချိုးကြပါတယ်။ သူများပျော်လို့မပျော်နိုင် ရည်းစားပျောက်လို့မှိုင်။

ဒေါက်တာတင့်ဆွေ
၁၆-၃-၂ဝ၁၆

No comments:

Post a Comment

Note: Only a member of this blog may post a comment.

သတ်ပုံမှန်ခေတ်က

ကောက်ရိုးကလေးတမျှင် စာကလေးတစောင် ဒေါက်တာတင့်ဆွေ