Verbal Communication နှုတ်မှုရေးရာ
အဆင်တော့ မချောလှပါ။ ပြောဆိုတဲ့အသံချင်း မတူကြတာကိုတော့ အထူးသတိထားမိပါတယ်။ စိတ်မကောင်းလည်း ဖြစ်ရပါတယ်။ စိတ်တော့ မပျက်ပါ။
ရှင်းရှင်းလာတာတွေတော့ ရှိရှိလာနေပါတယ်။ တိုင်းရင်းသားလို့ တစုတစည်းတည်းခေါ်ခဲ့ကြဖူးတယ်။ (၁၃၅) လို့လဲ ခွဲခြားတာရှိတယ်။ အပစ်ရပ်နဲ့ အပစ်မရပ်လို့လည်း ကွဲပြားလာတယ်။ လူမျိုးစုတခုတည်းကနေ မတူတဲ့ (အတော်ကို မတူခြားနားတဲ့) အသံကလည်း ကျယ်လောင်လှပါတယ်။
လူ-လူချင်း၊ အဖွဲ့-အဖွဲ့ချင်းဆက်ဆံရာမှာ နှုတ် (ဝစီကံမှု) ဟာ အလွန်တရာ အရေးပါတယ်။ စကားလုံးအသုံးအနှုန်း၊ လေသံ (တုန်း) တွေဟာ လူပုံအလယ်မှာ အထုပ်ဖြေပြရာကျတတ်တယ်။
၁။ နှုတ်နဲ့ဆက်သွယ်ရေး = မျက်နှာချင်းဆိုင်၊ တယ်လီဖုန်း၊ ရေဒီယို (သို့) တီဗွီ၊ တခြားမီဒီယာ၊ စသည်။
၂။ နှုတ်နဲ့မဟုတ်တဲ့ဆက်သွယ်ရေး = ကိုယ်အမူအယာ၊ မျက်နှာအမူအယာ၊ ဝတ်စားဆင်ယင်မှု၊ အဖြစ်အပျက်တခု အပေါ်မှာဖေါ်ပြတဲ့လူနေဟန်၊ စသည်။
၃။ ရေးသားဆက်သွယ်ရေး = စာ၊ အီးမေးလ်၊ အင်တာနက်၊ စာအုပ်စာတမ်း၊ ထုတ်ပြန်ကြေညာချက်၊ စသည်။
နှုတ်နဲ့ဆက်သွယ်ရေးဟာ ၃၅%သာရှိပြီး၊ နှုတ်နဲ့မဟုတ်တဲ့ဆက်သွယ်ရေးက ၆၅% ရှိတယ်လို့ လေ့လာမှုတခုက ဆိုပါတယ်။ နှုတ်ကနေထုတ်မပြောတဲ့ ရင်ထဲကစကားရှိမှန်းလည်း သိကြရပါမယ်။
သုံးပွင့်ဆိုင်ထဲက တပွင့်တည်းမှာ အဲလိုကွဲပြားကြတာကို ထောက်ပြလို့ စိတ်မရှိပါနဲ့။ မြေပြင်မှာရှိတာကို သိရမယ်ဆိုတာနဲ့ မလုံလောက်ပါ။ ရင်ထဲမှာရှိတာကိုပါ အပြန်အလှန်သိကြမှသာ အမျိုးသားရင်ကြားစေ့ရေးဖြစ်နိုင်တယ်။
ဒေါက်တာတင့်ဆွေ
၂၇-၃-၂ဝ၁၆
Comments
Post a Comment