Aphasia ဝဋ်လိုက်တတ်တယ်
အမှန် = ချင်းအမျိုးသားပါ။
မြန်မာ့အလင်းအယ်ဒီတာ - အသည်းရောင် (စီ) ဟာ လေကကူးစက်တာတဲ့။
အမှန် = သွေးကတဆင့်ကူးတယ်။
သစ်ပင်ပြခန်းကစာတန်း - ထိုင်းမန်ကျီးချို။
အမှန် = မန်ကျည်း။
ဗီနိုင်းတခု - လူမှု့နှင့်တရားမျှတမှု့။
အမှန် = မှု။
ဆုံးမစာတခု - ကိုယ့်ကိုကိုယ်။
အမှန် = ကိုယ့်ကိုယ်ကို။
စာအုပ်မျက်နှာဖုံးနှစ်ခု -
(၁) ဖိနပ်ခြောက်ရန်နှင့် အခြားစာစုများ (အရိုး)
အမှန် = ဖိနပ်ခြောက်ရံ။
(၂) လာချစ်သူ နှစ်ပါးတွားမယ် (မိန်းကလေး)
အမှန် = နှစ်ပါးသွားမယ်။
Aphasia (အဖေးဇီးယား) ဆိုတာ စကားမပီသတဲ့ရောဂါဖြစ်တယ်။ ဦးနှောက်မှာစကားပြောတာကိုထိန်းချုပ်တဲ့နေရာမှာ ချို့ယွင်းနေလို့ဖြစ်ရတယ်။ ပြောတာရော ရေးတာပါမမှန်ကြဘူး။ လူကြီးတွေမှာပိုဖြစ်တယ်။ အထူးသဖြင့် (ဆထုပ်) ဦးနှောက်သွေးကြောရောဂါခံစားရပြီးရင်ဖြစ်တယ်။ ဦးနှောက်အကျိတ်၊ ခေါင်းထိခိုက်မိတာနဲ့ (ဒီမင်းရှား) ရောဂါ ရသူတွေမှာလည်းဖြစ်ကြတယ်။
အမျိုးအစား (၄) မျိုးရှိတယ်။
၁။ Expressive aphasia = ဘာပြောမယ်တော့သိနေတယ်။ ပြောဇို့ခက်နေတယ်။
၂။ Receptive aphasia = ပြောတာကိုကြားတယ်။ ရေးထားတာကိုဖတ်နိုင်တယ်။ ဒါပေမယ့် စကားလုံးကို အာရုံမယူနိုင်ဘူး။
၃။ Anomic aphasia = အရာဝတ္တု၊ နေရာ နဲ့ အဖြစ်အပျက်တွေကို ဘယ်လုံးသုံးစွဲရမလဲမှာ ခက်ခဲနေတယ်။
၎။ Global aphasia = စကားကိုမပြောနိုင်ပါ။ စကားကိုလည်းနားမလည်ပါ။ စာလည်းမရေးနိုင်ပါ။
အရပ်ထဲမှာ စကားမပီသူတွေကို ယဉ်ကျေးမှုအရ ကဲ့ရယ်တာမျိုးမလုပ်အပ်ပါ။ ဝဋ်လိုက်တတ်တယ်လို့ လူကြီးတွေက ဆုံးမကြတယ်။ စကားပီသူတွေက ပီအောင်မပြောတာ၊ မရေးတာတွေကို အပြစ်တင်ချင်ပါတယ်။ ယဉ်ကျေးမှု ပျောက်မှာစိုးလို့။ ဝဋ်အမြဲ ငရဲအပလို့လည်းရှိတယ်။
ဒေါက်တာတင့်ဆွေ
၅-၁-၂ဝ၁၆
Comments
Post a Comment