Wednesday, January 20, 2016

W-sitting ဖါးခြေကျိုးထိုင်ခြင်း

ဆရာ ကျွန်တော် သူများ post တခုမှာတွေ့တာပါ။ သူ့ post မှာပါတဲ့အချက်အလက်က ဖြစ်နိုင်ပါသလားဆရာ။ ကျွန်တော်ကိုယ်တိုင်လဲ သူရေးထားသလိုပဲထိုင်ဖြစ်လို့ပါ။ တူမလေး ၃နှစ်အောက်တွေလဲရှိသေးတော့ ထိုင်တဲ့ပုံစံ မှားနေရင် ပြင်ပေးလို့ရအောင်လို့ပါဆရာ။ ရေးထားတာတွေကိုကူးပြီး message မှာ ပို့ပေးထားပါတယ်ဆရာ။

(ကလေးငယ်တွေ မထိုင်သင်တဲ့ ပုံစံ = ကလေးငယ်တွေကို ဒီလိုပုံစံ ထိုင်နေတာတွေ့ရင် ချက်ခြင်းတားမြစ်သင့်ပါတယ်။ သင့်ရဲ့ ပတ်ဝန်းကျင်မှာ ကလေးငယ်တစ်ဦးက ခြေနှစ်ဖက်ကို အင်္ဂလိပ်အက္ခရာ W ပုံစံလုပ်ပြီး ထိုင်နေတာမျိုး မြင်ဖူးပါလိမ့်မယ်။ ဒါမှမဟုတ် သင်ကိုယ်တိုင်လည်း ငယ်ငယ်က ဒီလိုထိုင်ခဲ့ဖူးပါလိမ့်မယ်။ ဒီလိုထိုင်နေတဲ့ ကလေးငယ်တစ်ဦးကို မြင်လိုက်ရင်တော့ ချက်ချင်းရပ်တန့်ပစ်ဖို့ ပြောသင့်ပါတယ်။ ဒီပုံစံဟာ ကျန်းမာရေးအတွက် အတော်စိုးရိမ်စရာကောင်းတဲ့ကိစ္စပါ။ ဆရာဝန်တွေရဲ့ ထောက်ပြချက်အရ ခန္ဓာကိုယ်အောက်ပိုင်း အရိုးတွေအတွက် အတော်စိုးရိမ်စရာ ကောင်းပါတယ်။ ငယ်ရွယ်စဉ် ခန္ဓာကိုယ် ဖွံ့ဖြိုးနေတုန်းမှာ ဒီလိုထိုင်တဲ့အခါ တင်ပါးရိုး၊ ဒူးရိုးနဲ့ ခြေမျက်စိ ကိုထိခိုက်ဖို့ ရာခိုင်နှုန်းအရမ်းများပါတယ်။ ဒူးဆစ်နေရာမှာ ရှိတဲ့ အရိုးနှစ်ခုဆုံချက်ဟာ ဒီလိုထိုင်လိုက်တဲ့ အတွက် ဟန်ချက် ပျက်သွားလေ့ရှိပါတယ်။ အကျိုးဆက်ကတော့ ကြီးလာတဲ့အခါ အခြားကလေးငယ်တွေလို အားကစားလှုပ်ရှားမှု ကောင်းကောင်း မလုပ်နိုင်တာပါပဲ။ ဘောလုံးကစားတာလိုမျိုး လျင်လျင်မြန်မြန်လှုပ်ရှားရတဲ့နေရာတွေမှာ ကစားနိုင်မှာ မဟုတ်တာပါပဲ။ ဒါကြောင့် ဒီပုံစံထိုင်နေတဲ့ ကလေးငယ်တွေ့ရင် ချက်ချင်းတားမြစ်ရမှာပါ။)

အဲတာကပို့ပေးတဲ့ အချက်အလက်တွေပါ။ ကလေးတွေ ဖါးခြေကျိုးထိုင်တယ်လို့ပြောတာကို အင်္ဂလိပ်အက္ခရာ W နဲ့တူလို့ W-sitting ထိုင်နည်းလို့ခေါ်တယ်။ ရောဂါအနေနဲ့မစဉ်းစားသေးခင် အဲလိုထိုင်ရတာက ပိုအဆင်ပြေလို့ထိုင်ကြတာ ဖြစ်တယ်။ လူကြီးတွေလည်း ထိုင်ကြပါတယ်။ ဒီထိုင်နည်းမှာ အောက်ခြေဂွင်ကျယ်လို့ အဆင်ပြေတယ်။ ဒါပေမယ့် အထက်ပိုင်းလှုပ်ရှားမှုကတော့ နည်းစေတယ်။ ဘယ်-ညာနှစ်ဖက်ပူးတွဲလုပ်စရာလည်း နည်းစေတယ်။

ကလေးမှာ Hip Distortion တင်ပါးလွဲနေသလား၊ Knee and Foot Distortion ဒူးနဲ့ခြေပိုင်းလွဲနေသလား၊ Poor Development of Core Muscles အဓိကကြွက်သားတွေဖွံ့ဖြိုးမှုအားနည်းနေသလား၊ Lack of Cross-Body Coordination ကိုယ်ဘယ်-ညာပူးတွဲလုပ်ဆောင်မှုအားနည်းနေသလား စစ်ဆေးသင့်တယ်။ Hamstring, Hip adductors, Calves and Achilles tendons ကြွက်သားတွေတင်းနေတာဖြစ်စေနိုင်တယ်။ Hypertonia or Spasticity ကြွက်သားအားနည်းတာရှိရင် ရှိနေရင်ပိုဆိုးစေမယ်။ W-sitting ထိုင်တာကြာရင် ခြေထောက်ကြွက်သားတွေ အားနည်းစေနိုင်တယ်။ Pigeon toed walking ခိုသွားနည်းလို့ ခေါ်တယ်။ ခါးနဲ့ တင်ပါးပိုင်းနာစေနိုင်တယ်။ ခြေဖဝါးပြားနေနိုင်တယ်။

အဲလိုလုပ်ရမှာနည်းနေတာတွေ့ရင် ဖွံ့ဖြိုးမှုကို ထိခိုက်စေနိုင်လို့ ထိုင်နည်းပြင်ပေးသင့်ပါတယ်။ မိဘတွေစိတ်ရှည်ပေးပါ။ အဲလိုထိုင်တာ ကလေးစိတ်ဝေဒနာကြောင့် မဟုတ်ပါ။ စိုးရိမ်စရာကို လိုတာထက်တော့ မပိုစေလိုပါ။

ဒေါက်တာတင့်ဆွေ
၂ဝ-၁-၂ဝ၁၆

No comments:

Post a Comment

Note: Only a member of this blog may post a comment.

လက်ရေးနဲ့ကဗျာ

၁။ ပုံပါလက်ရေးက ဆရာ့လက်ရေးလား ဆရာမငွေတာရီလက်ရေးလား ဆရာ ကျွန်တော် မရေးပါ။ ငွေတာရီလက်ရေး။ ၂။ ဆရာ့စာလေးရောကဗျာလေးရော Share ထားပါတယ်ဆရာ ငယ...