Misuse and Abuse of Prescription Drugs တရားဝင်ဆေး တလွဲသုံးခြင်း
တရားဝင်ထုတ်တဲ့ဆေးတွေကို ဆရာဝန်ညွှန်ကြားချက်နဲ့အညီသုံးလို့ရတဲ့အကြောင်း ပြောပါရစေ။ ဆေးတွေမှာ ဘိန်းကနေထုတ်တာတွေလည်းရှိပါတယ်။ မဖြစ်မနေသုံးရပါတယ်။ ဥပမာ ကင်ဆာဝေဒနာ အကြီးအကျယ် ခံစားနေရသူတွေ၊ သေလုမျောပါး နာကျင်မှုနဲ့ ရုပ်ပိုင်း စိတ်ပိုင်းဒေဒနာခံစားနေရသူတွေကို မူးယစ်နွယ်ဆေးတွေ မဖြစ်မနေပေးရပါတယ်။ ဆရာဝန်တွေက (အက်သစ်) ခေါ် ကျင့်ဝတ်အရ ဆေးညွှန်ပေးရပါတယ်။
အခုလိုချောင်းဆိုးပျောက်ဆေးကိုလည်း ပေးသင့်သူတွေကို ဆေးကို အသက်၊ ရောဂါကိုကြည့်ပြီး ဆရာဝန်ကနေ ဆေးညွှန်နဲ့ ပေးနိုင်ပါတယ်။ Misuse တလွဲသုံးခြင်းက နောက်အကြောင်းအရာတခုပါ။ အဲလိုအဖြစ်တွေက နိုင်ငံတိုင်းမှာ ရှိပါတယ်။ အရေးယူတာ၊ ကာကွယ်တားဆီးတာက နောက်အကြောင်းအရာတခုပါ။ တရားဝင်ဆေးတွေကို တရားမဝင် မူးယစ်ဆေးတွေနဲ့ တန်းတူတော့ ထားလို့မရပါ။
FDA ကနေတရားဝင်ခွင့်ပြုထားတဲ့ဆေးကို နည်းလမ်းတကျ (ဆေးလက်မှာနဲ့ဝယ်ရတာနဲ့ အလွတ်ဝယ်နိုင်) ဝယ်သုံးရင် Misuse တလွဲအသုံးပြုတယ်လို့မခေါ်ပါ။ သူ့အတွက် ဆရာဝန်ကညွှန်မထားတာကို ရောင်းရင် ဝယ်သုံးရင်တော့ တလွဲသုံးတာ မည်ပါတယ်။ ဆရာဝန်ညွှန်တြ့အတိုင်းထက်ပိုသုံးရင်လည်း တလွဲသုံးဖြစ်တယ်။ အဲဒီထဲမှာ euphoric feeling စိတ်ကို ပျော်စေတဲ့သတ္တိရှိတဲ့ဆေးတွေပါဝင်တယ်။ အိပ်ပျော်စေတဲ့ဆေးလည်းပါတယ်။ နာတာသက်သာစေတဲ့ ဆေးတွေလည်း ပါတယ်။ အဲလိုသုံးတာမှန်သမျှ ကျန်းမာရေးကိုထိခိုက်စေပါမယ်။
ဆေးတိုင်းမှာ ဘေးထွက်ဆိုးကျိုးတွေရှိသေးတယ်။ Opioids ဘိန်းပါတဲ့ဆေးကိုတလွဲသုံးရင် သေဆုံးတဲ့အထိဖြစ်နိုင်တယ်။
Benzodiazepines ဆေးမျိုးကိုတလွဲသုံးရင် ဆေးဖြတ်လိုက်ရင် တက်တာဖြစ်လာနိုင်တယ်။ Attention deficit hyperactivity disorder (ADHD) အတွက်သုံးတဲ့ဆေးကနေ သွေးတိုးစေမယ်။
ဒီလိုဆေးတလွဲသုံးတဲ့ပြဿနာကကြီးမားပါတယ်။ အမေရိကန် Substance Abuse and Mental Health Services Administration (SAMHSA) ဖက်ဒရယ်ကျန်းမာရေးအေဂျင်စီ ၂ဝဝ၈ အစီရင်ခံစာအရ အသက် ၁၂ နှစ်အဖထက် ၅၂ သန်း တသက်မှာ အနည်းဆုံးတကြိမ်ဆေးတလွဲသုံးနေကြတယ်လို့ဆိုပါတယ်။ ၁၉၉၈ ကနေ ၂ဝဝ၈ အထိ ၄ဝဝ% တိုးလာပါသတဲ့။ ဆေးတွေက ဘိန်းပါတဲ့ အနာသက်သာဆေးတွေကများတယ်။
Centers for Disease Control and Prevention (CDC) ဌာနလေ့လာမှုတခုအရ အထက်တန်း (၁၂ တန်းအထိ) ကျောင်းသား ၅ ယောက်မှာ ၁ ယောက် ဆရာဝန်လက်မှတ်မပါတဲ့ဆေးမျိုးသုံးစွဲတယ်လို့ တွေ့ရတယ်။ အဲတာက ၁၉၉၂ ကနေ ၂ဝဝ၈ အထိဆိုရင် ၂ဝ% လျော့ကျလာပါတယ်။
အများဆုံးတလွဲသုံးကြတာ ဆေးအမျိုးအစား (၄) မျိုးရှိတယ်။
(၁) Pain relievers အနာအကိုက်သက်သာဆေးတွေ၊ (၂) Tranquilizers စိတ်ငြိမ်ဆေးတွေ၊ (၃) Stimulants စိတ်ကြွဆေးတွေနဲ့ (၄) Sedatives အိပ်ဆေးတွေဖြစ်ပါတယ်။
အမေရကန် ၃၅ သန်းတို့ဟာ ဘိန်းပါတဲ့အနာအကိုက်သက်သာဆေး Hydrocodone (Vicodin), Oxycodone (OxyContin, Percodan, Percocet) နဲ့ Fentanyl (Duragesic) ဆေးတမျိုးမျိုးကို တသက်မှာ တခါတော့ သုံးဘူးကြတယ်။
၂၁့၅ သန်းဟာ စိတ်ငြိမ်ဆေး Diazepam (Valium), Alprazolam (Xanax) နဲ့ Clonazepam (Klonapin) တမျိုးမျိုးကို တသက်မှာ တခါတော့သုံးဘူးကြတယ်။
၂၁့၂ သန်းဟာ စိတ်ကြွဆေး Amphetamine (Adderall), Methylphenidate (Ritalin, Concerta, and Daytrana), နဲ့ Methamphetamine (ယာဘ) ဆေးတမျိုးမျိုးကို တသက်မှာ တခါတော့သုံးဘူးကြတယ်။ ၁၃ သန်းလောက်ဟာ (ယာဘ) ဆေးသုံးတယ်။
၉ သန်းဟာ အိပ်ဆေး Amobarbital (Amytal), Pentobarbital (Nembutal) နဲ့ Secobarbital (Seconal) ဆေးတမျိုးမျိုးကို တသက်မှာ တခါတော့သုံးဘူးကြတယ်။
ထိန်းချုပ်ရေးလုပ်ရင် အဖက်ဖက်ကကြည့်ရမယ်။ သတင်းပူလောင်တာလေးတခုနဲ့ ဆေးမီးတိုနဲ့တော့ ကုစားလို့မရပါ။ အမေရိကန်လို ဥပဒေစိုးမိုးမှု အားကောင်းတဲ့နိုင်ငံမှာတောင် ခက်ခဲလှပါတယ်။ မြန်မာပြည်မှာ ဆေးဝါးတလွဲသုံးခြင်းကို ကိုင်တွယ်ဘို့ လူတိုင်းမှာတာဝန်ရှိပါတယ်။ တရားဝင်ဆေးတွေနဲ့ တရားမဝင်ဆေးတွေကိုလည်း ခွဲခြားနားလည်ရပါမယ်။
ဒေါက်တာတင့်ဆွေ
၁၉-၁-၂ဝ၁၆
Comments
Post a Comment