ရောက်ရား
ကျွန်တော်လက်လှမ်းမီသလောက် သတ်ပုံစာအုပ်တွေမှာတော့ မတွေ့ပါ။ ရောက်တတ်ရာရာနဲ့ ရောက်ရာပေါက်ရာလို့သာ တွေ့တယ်။
သုမောင်ရေးတဲ့ ခွေးချော်လဲအိမ်ထဲမှာ -
နောင်မှ တဖြည်းဖြည်းချင်း ရောက်ရားဟု သဘောထားသည်လို့ရေးတယ်။
ဆရာမောင်စွမ်းရည်ရေးတဲ့ မောင်မိုးသူ အသက် ၆၀ ပြည့် မွေးနေ့တုန်းက အပယ်ခံကဗျာထဲမှာ -
ဟေ့ သူငယ်ချင်း
မင်းပြောတဲ့ ငါ့မွေးနေ့
မင်းမမေ့ရင်၊ ငါမမေ့ပါဘူး
မေ့လဲ မေ့တယ်ပဲထား
ကဲ မင်းဘာစားမလဲ
ငါ ဘာစားမလဲ
ဘာပဲစားစား၊ နောက်မှ ရောက်ရား
အကြွေးစားကြစို့
လူသားမို့ အကြွေးတင်
ရှင်ဘုရင်ဆပ်လိမ့်မယ်
ရှင်ဘုရင်မဆပ်လဲ မင်းဆပ်ပေါ့ကွာ
လာ သွားကြစို့ လာ စားကြစို့ တဲ့။
ရောက်ရားဆိုတာ ဖြစ်လာတဲ့အခြေအနေအရ ကြည့်လုပ်မယ်။ မီးစင်ကြည့်ကမယ်ဆိုတဲ့သဘောဖြစ်ပါမယ်။ ကျွန်တေ်ာမှားရင် ပြင်ပါမယ်။
ဒေါက်တာတင့်ဆွေ
၂၈-၈-၂ဝ၁၈
Comments
Post a Comment