Friday, August 24, 2018

Fibrocystic breasts ရင်သားအကျိတ်တမျိုး

ပုံအတွက် ကန်တော့ပါ။

၁။ မင်္ဂလာပါဆရာရှင့် ကျွန်မအသက် ၂၈ ပါ သားဦးကိုယ်ဝန် ၈ လထဲမှာပါရှင့် ဘယ်ဘက် ရင်သားမှာ အကျိတ်အခဲ (ဖိလျှင်အောင့်) ဖြစ်နေတဲ့အတွက် OG က Ultrasound ရိုက်ခိုင်းပါတယ် အထက်ပါပုံပါ နောက်အပါတ်ထဲမှာ အထွေထွေ ခွဲစိတ်အထူးကုနဲ့ ပြန်လည် ပြခိုင်းပါတယ် မပြရခင် စပ်ကြား အထက်ပါ Report အရ ကျွန်မ ရင်သားအခြေအနေက စိုးရိမ်ရပါသလားဆရာရှင့် ရိုးရိုးအကျိတ်မဟုတ်ဘဲ ထူးထူးခြားခြား တွေများ ဖြစ်နေနိုင်ပါသလားရှင့်

၂။ ဆရာရှင့် ကျွန်မ ကလေး ၁၂ လထဲမှာ နိ့တိုက်မိခင်ပါ။ မန်းတလေးမှာနေပါတယ်။ အသက် ၃၁ ပါ။  ညာဘက် ရင်သားမှာ အကျိတ်လေးတွေ့လို့ ပြကြည့်တာ ကလေးနို့ဖြတ်ရမယ်၊ တလနေပြန်ကြည့်မယ်ဆိုပြီး ဆေပေးလိုက်ပါတယ်။ စမ်းကြည့်တော့ အမြှောင်းလိုက်လေးလို့ပြောပါတယ်။ ကင်ဆာကျိတ်က စမ်းရုံနဲ့သိနိုင်ပါလားဆရာ။ ရင်သားက မနာပါ။ ညာဘက်ပခုံး လက်မောင်းနောက်ကြောညောင်းတာ ကလေးကောင်းကောင်းမချီနိုင်ပါ။ အမြဲမအီမသာကြီး ခံစားနေရပါတယ်။ ကင်ဆာကျိတ်ဟုတ်မဟုတ် ဘယ်လိုသိနိုင်မလဲရှင့်။ ဆေးမှတ်တမ်းလေး ပို့ပေးလိုက်ပါတယ်။

Breast Cancer (1) ရင်သား-ကင်ဆာ (၁) ပို့လိုက်ပါတယ်။

Mammogram report ပါဆရာ။ 13.1.15 ကရိုက်ထားတာပါ။ သမီးအကျိတ်က cancer ဖြစ်နိုင်ပါသလားဆရာ။ တော်တော် စိတ်ဆင်းရဲနေလို့ ပါဆရာ။ သေချာလေးပြောပြပါလား။

Breast Fibroadenosis (ဖိုက်ဘရို-အဒီနိုးဆစ်) ရင်သားရောဂါလို့ရေးထားပါတယ်။

ကျေးဇူးတင်ပါတယ်ဆရာ။ နောက်လပြပြီးလည်း ဆရာ့ကိုပြန်ပြောပါမယ်ရှင့်။ မနေ့က မမ်မိုဂရမ် ထပ်ရိုက်လာတာပါဆရာ။ foto (1) က ဝိုင်းထားတာဘာလဲ သိပါရစေဆရာ။ Bilateral fibrocystic disease လို့ရေးထားပါတယ်။

Fibrocystic breasts ဆိုတာ ကင်ဆာမဟုတ်တဲ့ ရင်သားအကျိတ်တမျိုးဖြစ်တယ်။ အမျိုးသမီးတွေ တသက်တာမှာ ၅ဝ% လောက်အဲလိုဖြစ်တတ်ကြတယ်။ ဒါကြောင့် ရောဂါလို့အမည်တပ်ကကိုဆရာဝန်တွေကသိပ်မလုပ်ကြပါ။ ရင်သား အပြောင်းအလဲလို့သာ ရေးလာကြတော့တယ်။ ရောဂါလို့မခေါ်ပေမယ် တချို့မှာ နာတယ်။ အကျိတ်စမ်းလို့ရနေတယ်။ ရာသီဖြစ်စဉ်အရပြောင်းနေတယ်။ ရာသီသာမကာပါ ကိုယ်ဝန်နဲ့  ကလေးနို့တိုက်ချိန်မှာလည်း ပြောင်းနေမယ်။ စိတ်က မလုံဖြစ်နေကြသူတွေရှိတယ်။

အရွယ်အစားက ပြောင်းနေတတ်တယ်။ သတ်သတ်မှတ်မှတ်အျကိတ်ကိုစမ်းမရပါ။ ကင်ဆာနဲ့ အပျိုရွယ်တွေမှာ အဖြစ်များတဲ့ (ဖိုက်ဘရိုအဒီနိုးမား) လို မဟုတ်ပါ။ နို့ထိပ်ကနေလည်း အရည်ထွက်တတ်တာရှိသေးတယ်။ အသက် ၂ဝ ကနေ ၅ဝ အတွင်းမှာဖြစ်ကြတယ်။ သွေးဆုံးပြီးရင် မဖြစ်ပါ။ သူရှိနေသူတွေမှာ တချိန်မယ် ကင်ဆာပိုဖြစ်တယ်လို့မဟုတ်ပါ။

ဆရာဝန်ကိုပြတာမမှားပါ။ လိုအပ်ရင်စစ်ဆေးမှုတွေနဲ့ ကင်ဆာမဟုတ်တာသိရရင် အကောင်းဆုံးဖြစ်တယ်။
- Clinical breast exam ဆရာဝန်က ရင်သားစမ်းသပ်မှုလုပ်မယ်။
- Mammogram မင်မိုဂရမ်ရိုက်မယ်။
- Ultrasound တချို့ကို အာလ်ထွာဆောင်းရိုက်မယ်။
- Fine-needle aspiration လိုအပ်ရင် အပ်သေးနဲ့စုပ်ယူစစ်ဆေးမယ်။
- Breast biopsy လိုသေးရင် အသားစထုတ်ယူစစ်ဆေးမယ်။

ကုသနည်းတွေ
- ကိုယ်တိုင်လုပ်နိုင်တာတွေရှိတယ်။ ဘရာစီယာ အနေတော်တာသုံးပါ။ အားကစားဘရာ သုံးနိုင်တယ်။ ကေဖင်း လျှော့သောက်ပါ။ အဆီပါတာ လျှော့စားပါ။ ဆေးလိပ်၊ အရက်မသင့်ပါ။ အပူကပ်ပေးနိုင်တယ်။
- Fine-needle aspiration အရည်ရှိနေတာကို အပ်နဲ့စုပ်လို့ရရင်စုပ်မယ်။ ခံစားနေရတာ သက်သာစေမယ်။
- အနာသက်သာဆေးသုံးနိုင်တယ်။ ဥပမာ Pacetaminophen (Tylenol, Paracetamol), ibuprofen (Advil, Motrin IB) တမျိုးမျိုးသောက်နိုင်တယ်။
- Oral contraceptives တချို့ကို ကိုယ်ဝန်တားဆေးပေးတယ်။
- Surgical excision ရှားရှားပါးပါးခွဲထုတ်မယ်။

Dr. တင့်ဆွေ
၂၄-၈-၂ဝ၁၈

No comments:

Post a Comment

Note: Only a member of this blog may post a comment.

ဆိုရှယ်လစ်ခေတ်၏ ကောင်းကွက်ကိုရှာခြင်း

လုပ်သားပြည်သူနှင့် ဦးကြီးဟု အခေါ်ခံရသူများ၏ စကားဝိုင်းမှာ ပြောကြတယ်။ လုပ်သားပြည်သူ- အဲဒါ ငစိန်နဲ့ မီးဒုန်းခေတ် ဦးကြီး - ဆန်တပြည် ၆၅ ပြ...