The weak get eaten စာက လူကိုစား၍ နိုင်ငံရေးက တိုင်းပြည်ကိုစား၏
ကျွန်တော်ငယ်ငယ်က ဖတ်ဖူးတဲ့စာတွေ၊ ကဗျာတွေထဲမှာ မြန်မာနာမည်မဟုတ်တာတွေ ပါလာရင် ဖတ်ရတာခက်တယ်။ ဘာသာပြန်စာတွေထဲမှာ လူနာမည်တွေ၊ နေရာဒေသနာမည်တွေ မြန်မာလိုမဟုတ်တာတော့ မတတ်နိုင်ဘူးပေါ့။ ဒါလဲဘဲ အဲလိုနာမည်တွေကို စာရိုက်တဲ့အခါ (ပုံနှိပ်စာလုံးစီတဲ့အခါ) သီးသီးခြားခြား လုပ်ပေးမထားရင် သဘောပေါက်အောင် ထပ်ထပ်ဖတ်နေရတာ သဘောမကျပါ။ အခုလည်းအဲလိုဟာတွေကို ဖတ်နေရတုန်းဘဲ။
ဘာသာပြန်ကဗျာတွေမှာ မြန်မာနာမည်မဟုတ်တာတွေပါတာကို နားလည်ပါတယ်။ ဒါပေမဲ့ မြန်မာကဗျာစစ်စစ်ထဲမှာ နိုင်ငံခြားနာမည်တွေပါလာရင် တမျိုးကြီးဘဲလို့ ထင်မိတယ်။ အော့့် နိုင်ငံခြားဗဟုသုတ ပြည့်ဝပါပေရဲ့လို့တော့ ချီးကျူးမိတဲ့အခါတော့ ရှိပါတယ်။ အဲလိုလုပ်ရတာက အတော်နည်းလှတယ်။ ဘိုနာမည်လို့ခေါ်တဲ့ အင်္ဂလိပ်နာမည်တွေကို ထမင်းစားရေသောက်သုံးတာမျိုးကြရင် ဒွေးတော်လွမ်းလှကြသလား ရိုးစွပ်မိတယ်။ နိုင်ငံတကာသုတနဲ့ အင်္ဂလိပ်စာ အတန်အသင့်တော့သိပါရဲ့ မြန်မာဆရာသမားများက လိုက်မမီတာတွေကို ရေးနိုင်ကြတာကိုတော့ အားမကျပါ။
ကိုလိုနီခေတ်မှာ ရာဇဝင်ထဲက ဘုရင်တွေကို ဇာတိသွေးဇာတိမာန်တက်ကြွစေဘို့ရည်ရွယ်ပြီး ပုံကြီးချဲ့ရေးကြတယ်။ သမိုင်းအမှန်ကို လွဲသိစေတယ်။ လွတ်လပ်ရေးရပြီးမှာလဲ အနော်ရတာ တော်မှတော်။ မင်းတုန်းမင်းကြီး ဘုန်းတန်ခိုးကြီး၊ နယ်ချဲ့အစိုးရမှန်သမျှ ရွံ့မုန်းကြရတယ်။ အတွေးအမြင်ကို လိုတာထက်ပိုပြီး အမှောင်တိုက်ပေးတာနဲ့ တူနေတယ်။ ကိုလိုနီတွေက ဘာလို့ ဒို့နိုင်ငံကို သိမ်းနိုင်တာလဲ၊ ဒို့ကဘာညံ့လို့လဲကို ဝေဖန်ဆန်းစစ်တဲ့အခါ ခက်ခဲစေတယ်၊ သင်္ခန်းစာမယူတတ်စေပါ။
ဒိနောက် လက်ဝဲ-လက်ျာအပြိုင်ခေတ်လို့ခေါ်ရမဲ့ ကာလတွေမှာ မြန်မာပြည်က လူအတော်များများဟာ လက်ဝဲဘက်ကို သိသိသာသာကြီးလိုက်ခဲ့ကြတယ်။ စာတွေ၊ ကဗျာတွေထဲမှာ ဆိုဗီယက်၊ တရုတ်နဲ့ ဗီယက်နမ်နာမည်တွေက လွှမ်းမိုးလာခဲ့တယ်။ မြစ်ဆိုရင် ဗော်လ်ဂါနဲ့ ယန်စီကိုသာ ရိုးမယ်ဖွဲ့ကြပြီး၊ ဧရာဝတီနဲ့ ချင်းတွင်းတို့ကို ထည့်တွက်စရာထဲမှာ မပါသလိုထားခဲ့ကြတယ်။ မစစ္စပိ မြစ်တို့ နိုင်းလ် မြစ်တို့ကို ပထဝီမှာသာပါတယ်။ ဘယ်ဗမာ (မြန်မာ) မှ အရေးမပါတော့ဘဲ၊ အင်တာနေရှင်နယ်လေးသီချင်းသာ အရေးပါလာတော့တယ်။
စစ်အစိုးရခေတ်မှာ တမျိုးတဘာသာလုပ်လာပြန်တယ်။ စစ်သူကြီးဘုရင်တွေကိုရွေးပြီး သိဒ္ဓိတင်ပေးတယ်။ သမိုင်းကို ရှေးဟောင်းသုတေနတွေ့ရှိချက်အရ မရေးတော့ဘူး။ မြန်မာပြည်မှာ အာဇာနည်ဆိုတာ မထားတော့ပါ။ ရက်စက်မှရာဇာလို့ ထင်စေအောင်လုပ်လာတယ်။
ဒီအကျိုးဆက်တွေကြောင့် ခုချိန်မှာ အဲလိုမတူတာတွေဟာ အစပ်အဟပ်မတည့်စွာ ရောထွေးနေပါတော့တယ်။ တချို့က ဇာတိမာန် လုပ်လိုက်၊ မျိုးချစ်လုပ်လိုက်။ တချို့ကတော့ နိုင်ငံခြားကဟာထည့်သုံးကြတယ်။ ချေဂွေဗားရား ခေတ်စားတုန်းပဲ။ ဘင်လာဒင်တီရှပ် ဝတ်ချင်သူပေါ်တာ အဲဒီစနက်တွေဘဲ။ စစ်ပွဲတွေနိုင်သူကသာ တိုင်းပြည်အုပ်ချုပ် မင်းလုပ်သင့်တယ် ဇာတ်သွင်းခံထားရတယ်။
နိုင်ငံရေးနဲ့ စာတွေကနေ လူတွေကို ဆွဲစားနေတယ်။ ကနေ့အခြေအနေမှာ အရောင်တွေကတော့စုံပါရဲ့ အစပ်အဟပ်က မတည့်ပါ။ မြန်မာပြည်မှာ နိုင်ငံရေးကောင်းလာဘို့ဆိုတာ စာတွေကပါ မှန်တည့်ကောင်းမွန်နေရပါမယ်။ စာတတ် ပညာတတ်တွေ နိုင်ငံရေးပါတတ်ကြစေချင်တယ်။
ဒေါက်တာတင့်ဆွေ
၃၁-၈-၂ဝ၁၄
၃၁-၈-၂ဝ၁၈
သိန္ခိက ဘာကိုပြောတာလဲ မသိတော့။ သိဒ္ဓိ နဲ့ Typing Error ဖြစ်သွားတာလားလို့။
ဟုတ်ပါ့။ The weak get eaten စာက လူကိုစား၍ နိုင်ငံရေးက တိုင်းပြည်ကိုစား၏ပို့စ်မှာ ကျွန်တော် စာရိုက်မှားခဲ့တာ။ ကျေးဇူး။ အမှားမပါ ဒေါက်တာတင့်ဆွေ မဟုတ်။
သိဒ္ဓိတင်ဆိုတာ သိဒ္ဓိ ပါဠိကနေလာတယ်။ ချီးမွမ်းသည်။ အမွှမ်းတင်သည်။ ဂုဏ်တင်သည်။ ရှိတဲ့အရည်အသွေးထက်ပိုပြီး တောက်ပြောင်စေအာင်လုပ်သည်။ ကဲ့ရဲ့၊ ရှုတ်ချနဲ့ ဆန့်ကျင်ဘက်စကားလုံးဖြစ်တယ်။
သိဒ်
ဇေယသိဒ္ဓိ
သိဒ္ဓိတင်သည်
သိဒ္ဓိပေါက်သည်
သိဒ္ဓန္တကျမ်း
သိဒ္ဓတ်မင်းသား
ကျွန်တော်စာထဲက စစ်သူကြီးဘုရင်တွေကိုရွေးပြီး သိဒ္ဓိတင်ပေးတယ်ဆိုတာ ရှိတဲ့အရည်အသွေးထက်ပိုပြီး တောက်ပြောင်စေအာင်လုပ်သည်လို့ ဆိုလိုပါတယ်။
ဒေါက်တာတင့်ဆွေ
၃၁-၈-၂ဝ၁၈
Comments
Post a Comment