Zinc သွပ်ဓါတ်
ဖျားစေတဲ့အကြောင်းရင်းတွေက များတယ်။ အများဆုံးဖြစ်တတ်တာက ဗိုင်းရပ်စ်တမျိုးမျိုးကြောင့်။ နောက် ဗက်တီးရီးယားတွေကြောင့်။ နှာစေးအအေးမိတာက ဗိုင်းရပ်စ်ကြောင့်။ လည်ပင်နာ အာသီးရောင်က ဗက်တီးရီးယားကြောင့် များတယ်။ ဗက်တီးရီးယားကြောင့်ဆိုရင် ပဋိဇီဝ ခေါ် ပိုးသေဆေးလိုမယ်။ ဖျားတာနာတာတိုင်း ပါရာစီတမော၊ အိုင်ဘူပရိုဖင် ဆေးတမျိုးမျိုးလိုတယ်။ လျှာဖြူတာ များသောအားဖြင့် ဖန်းဂတ်စ် ခေါ် မှိုပိုးကြောင့်ဖြစ်တယ်။ စမ်းသပ်စစ်ဆေးပေးတဲ့ဆရာဝန်က သူ့လူနာအကြောင်း ပိုသိတယ်။ ကျွန်တော်က ဆေးပညာစာသာရေးပါတယ်။
၂။ ဆရာခင်ဗျာ အထင်ပါပုံဟာ Tiens company မှ Zinc ဓာတ်စာပုံဖြစ်ပါတယ်။ ကျတော်သိသလောက် zinc သတ္တုဓာတ် ဖြစ်တာကြောင့် 40mg ထက်ပိုမိုမသုံးစွဲသင့်ကြောင့် ဆောင်းပါးတခုမှာဖတ်ထားမိပါတယ်။ ဒါပေမယ့် ယ္ခု Zinc ဓာတ်စာဟာ Organic ကနေရတာဖြစ်လို့ ဘေးဥပဒ် မရှိဘူးလို့ သူတို့ company က တာဝန်ရှိသူကပြောရောင်းနေပါတယ်။ FDA လဲ ရထားပြီးသားလို့ပြောပြန်ပါတယ်။ Organic Zinc ဆိုတာဘယ်လိုမျိုးပါလဲခင်ဗျာ။ Zinc ရဲ့ ဘေးထွက်ဆိုးကျိုးက ပျို့မယ်၊ အန်မယ်၊ ဝမ်းပျက်မယ်။ ယ္ခု Zinc က ကြိုက်သလောက်စားသုံးနိုင်တယ်လို့ပြောပါတယ်။ Organic Zinc မှာ တကယ် limit မရှိသုံးစွဲနိုင်ပါသလား။
အောဂဲနစ်ဆိုတာ ဘာလဲ။ Organic Food (အော်ဂဲနစ်) http://doctortintswe.blogspot.com/2015/10/organic-food.html အဲဒီစာမှာ ရေးထားပါတယ်။
၃။ ကျွန်မက အသက် ၃၃ နှစ်နှင့် အမျိုးသားက အသက် ၄၂နှစ်ပါ။ အိမ်ထောင်သက် ၃နှစ်ရှိပါပြီး တားဆေးများ လုံးဝမသုံးစွဲခဲ့ပါရှင့်။ OG ကိုပြသောအခါ Ultrasound & TVS စစ်ခိုင်းပါတယ်ရှင့်။ OG ၏ညွှန်ကြားချက်အရ ကျွန်မကတော့ femol နှင့် Vitamin E-400IU ကို တနေ့တလုံးစီဖြင့် ၂ နှစ်ကျေ်ခန့် သောက်ခဲ့ပါတယ်ရှင့်။ ကလေးယူနေတာ ခုထိမရဘူးဖြစ်နေပါတယ်ရှင့်။ တချို့ကတော့ အမျိုးသားကို Zinc ပါဝင်နှုန်းများသောဆေးကို သောက်ရန် ပြောပါတယ်ရှင့်။ မည်သို့ပင်ဆိုပါစေ ကျွန်မကတော့ ဆရာ့လိုတက်သိနားလည်သော ပညာရှင်၏ အကြံပြုချက်ကို သိလိုပါတယ်ရှင့်။ ဆရာရှင့် ကလေးရနိုင်စေရန် မည်သို့နေထိုင်စားသောက်ရမည်၊ မည်သည့် ဆေးဝါးများကို ဖြည့်စွက်မှီဝဲရမည်ကို အကောင်းဆုံး အကြံဥာဏ်များ မျှဝေပေးစေလိုပါတယ်ရှင့်။ Zinc ၏ သိမှတ်ဖွယ် အဖြာဖြာလည်းကို မျှဝေပေးစေလိုတယ်ရှင့်။
၎။ ဆရာရှင့် ကျွန်မသမီး အသက် ၁ နှစ်တုန်းက ဝမ်းစသွားပါတယ်။ တပတ်လောက်နေတော့ ပျောက်သွားပါတယ်။ တပတ်ခန့်ကြာ ပြန်ဖြစ်ပါတယ်။ ကလေးဆရာဝန်က zinc အားနည်းလို့ ပြန်ဖြစ်တယ်ပြောပြီး becozinc အားဆေးတိုက်ဖို့ ညွှန်ပါတယ်ဆရာ။ ကျွန်မသိချင်တာက zinc ဆေးသောက်ချင်ရဲ့ အကျိုး အပြစ်လေးတွေပါဆရာ။
၅။ ဆရာခင်ဗျာ tiens ကုမ္ပဏီကထုတ်တဲ့ zinc ကို ကလေးကျွေးလို့ရတယ်ပြောနေလို့ သူ့အဖွားက နို့ဗူးထဲ ထည့်ဖျော်ကျွေးတယ်။ နောက် pollen လည်းတိုက်တယ် တစ်ရက် ၂ လုံး ကျွန်တော်က မတိုက်ချင်ဘူး၊ သူ့အဖွားက တိုက်နေတယ်။ ရှင်းပြပေးပါဦးခင်ဗျာ။
၆။ ကျွန်တော်က ရန်ကုန်ကပါ။ ကျွန်တော့်ကို ဆရာဝန်တယောက်က ဇင့်ပါတဲ့အားဆေး သောက်ဖို့ ညွှန်းခဲ့ပါတယ်။ အဲ့ဒီ ဇင့်ဓါတ်ဆိုတာ ဘာလဲဆိုတာသိပါရစေ။ ဇင့်ဆေးပြားရော သီးသန့်သောက်လို့ရပါသလား။
မြန်မာပြည်လို မချမ်းသာတဲ့တိုင်းပြည်တွေမှာ ဝမ်းပျက်ဝမ်းလျှောဖြစ်တာ အလွန်များတယ်။ နှစ်စဉ် ကမ္ဘာမှာ အသက် ၅ နှစ်အောက်ကလေးပေါင်း ၁ သန်းကျော် ဝမ်းပျက်ရောဂါခံစားနေကြရတယ်။ အများစုက သေရတယ်။ သေဆုံးမှုပေါင်းရဲ့ ၁၃% ရှိတယ်။ ORS ဓါတ်ဆားရည်သုံးပါ။ ဆုံးရှုံးသွားတဲ့ဓါတ်ဆားနဲ့ရေကိုပြန်ဖြည့်ပေးတယ်။ ကလေး အသက် ၆ လအောက် Zinc supplementation 10 mg per day နဲ့ ၆ လအထက် 20 milligrams per day သွပ်ဓါတ်ကို ၁ဝ-၁၄ ရက်တိုက်ပါ။ ဝမ်းလျှောတဲ့ဒဏ်သက်သာမယ်။ ထပ်ဖြစ်တာကိုလည်း နောက်ထပ် ၂-၃ လ နည်းစေမယ်။ zinc sulphate, zinc acetate or zinc gluconate တွေကိုသုံးတယ်။
လူတွေအတွက် အားဆေးဆိုရင် အများအားဖြင့် (ဗီတာမင်) တွေလို့ သိကြတယ်။ ဒါအပြင် ဓါတ်ဆားတွေလဲ လိုပါတယ်။ ဥပမာ သွေးအားကောင်းဘို့ သံဓါတ်ကို အတော်များများသိကြတယ်။ လည်ပင်းကြီးရောဂါ မဖြစ်စေတဲ့ (အိုင်အိုဒင်း) ကိုလဲ တချို့သိကြတယ်။ အလားတူ မပါမဖြစ်လိုအပ်တဲ့ဓါတ်ဆားမျိုးစုံထဲမှာ (သွပ်ဓါတ်) လဲပါတယ်။ သံဓါတ်ဆေး များသူတွေမှာ သွပ်ဓါတ်နည်းစေတတ်တယ်။ သွပ်ဓါတ်များပြန်ရင်လဲ ကြေးနီဓါတ်နည်းစေပြန်တယ်။
လူရဲ့ဇီဝဖြစ်စဉ်မှာ လိုအပ်တဲ့ (အင်ဇိုင်း) ပေါင်း ၁ဝဝ လောက်မှာ သူပါတယ်။ ရောဂါပြီးစနစ်၊ (ပရိုတင်း) တည်ဆောက်မှု၊ အနာကျက်စေမှု၊ DNA မျိုးဇီဇတည်ဆောက်မှုနဲ့ (ဆဲလ်) တွေ ပွါးများမှုတွေမှာ သွပ်ဓါတ်ပါရတယ်။ အနံ့နဲ့ အရသာ အာရုံခံရာမှာလဲ သူ့အခန်းပါတယ်။
ကိုယ်ဝန်ဆောင်ချိန်၊ ကလေးငယ်ဘဝ၊ လူငယ်ဘဝတွေမှာ ပိုလိုတယ်။ အသက် ၆ လအောက် ကလေးတယောက်မှာ တနေ့ကို 2 mg လိုပြီး၊ ၁၄ နှစ်သားရောက်ရင် 11 mg လိုတယ်။ ကိုယ်ဝန်ဆောင်နဲ့ နို့တိုက်ချိန်တွေမှာ 13-14 mg လိုတယ်။ ယောက်ျားတွေမှာ Zinc သွပ်ဓါတ်နည်းရင် သုက်ပိုးအရေအတွက်နည်းတယ်။
သွပ်ဓါတ်နည်းနေသူတွေမှာ ကြီးထွားမှုနှေးတယ်၊ အစားပျက်တယ်၊ ရောဂါပြီးစနစ်ကို ထိခိုက်တယ်။ ဆိုးသူတွေမှာ ဆံပင်ကြွတ်တယ်။ ဝမ်းလျောတယ်၊ လိင်ပိုင်းဆိုင်ရာ ဖွံ့ဖြိုးမှုနောက်ကျတယ်၊ ပန်းသေတာဖြစ်တတ်တယ်။ ပိန်တယ်၊ အနာကျက်တာနှေးတယ်၊ အရသာပျက်တယ်၊ စိတ်ထိုင်းမှိုင်းတာတွေလဲ ဖြစ်တတ်တယ်။
သတ်သတ်လွတ်စားသူတွေမှာ သွပ်ဓါတ် ၅ဝ% နည်းနေတတ်တယ်။ အရက်စွဲသောက်သူတွေမှာလဲ ၃ဝ-၅ဝ% နည်းနေတယ်။
သွပ်ဓါတ်ဟာ ပင်လယ်စာ ကမာမုတ်မှာ (76.7 mg) အများဆုံးပါတယ်။ အမဲ-ဆိတ်-ဝက်-သိုးသား၊ (8.9 mg)၊ ဝက်သား (4.2 mg)၊ ကြက်သား (2.7 mg)၊ ပဲတွေမှာ (1.3 mg)၊ အများဆုံးပါတယ်။ ပြုပြင်မထားတဲ့ ဂျုံ-ဆန်-ပြောင်း အစေ့အဆံ၊ နို့နဲ့နို့ထွက်စာ၊ ဆီရီရယ်ခေါ်မနက်စာ၊ အသား၊ ငါး၊ ပဲ၊ ဥ၊ သီဟိုဠ်သရက်စေ့၊ ဗာဒံစေ့၊ အစေ့အဆံတွေမှာလဲ ပါတယ်။
အအေးမိလို့ သောက်ရ-ငုံရတဲ့ဆေး၊ နှာခါင်းထဲထည့်ရတဲ့ဆေးတွေထဲမှာပါနေတယ်။ ဒါပေမယ့် ဇင့်ပါတဲ့ နှာခေါင်းထဲ ဖြန်းတဲ့ဆေးကို ကြာရှည်သုံးရင် အနံ့မရဖြစ်သွားတတ်တယ်။
Quinolone antibiotics (Cipro) နဲ့ Tetracycline (Achromycin) ဆေးတွေနဲ့ တချိန်ထဲတွဲပေးတာ မကောင်းဘူး။ အဆစ်နာအတွက်ပေးတဲ့ Penicillamine ဆေးလဲအဲလိုဘဲ။ Chlorthalidone and Hydrochlorothiazide ဆေးတွေက သွပ်ဓါတ်ကို များများစွန့်ထုတ်စေတယ်။
သွပ်ဓါတ်ပါဆေးနာမည်တွေ
• Zinc Tablets
• Ferrous Fumarate 152+Folic acid 750mcg+Zinc sulphate
• Activecal-Forte Tablets = Calcitrol 0.25 mcg. + Calcium 500 mg. + Zinc 7.5 mg. + Magnesium 100 mg
• Haematinic with Zinc Tablets
• B complex with zinc capsules
• Multivitamin, minerals fortified with Methylcobalamin, Vitamin C and Zinc Tablets
• Boneshell Forte = Calcium 210mg + Calcitrol 0.25mcg + Calcium Citrate 1000mg + Zinc Sulpha 7.5mg
• Calcitrol 0.25 mcg + Calcium Citrate 250 + Zinc 7.5
• HG-CAL drugs = Calcium Citrate, Magnesium Hydroxide, Zinc Sulphate, Vitamin D3
• Zinc Sulfide, Zinc Sulphide
• Zinc Sulphate 20mg
• Carbonyl 100 mg + Folic Acid 1.5 mg + Vitamin B 12 15 mcg + Vit. C 75 MG + Zinc Sulphate 61.8 mg
သွပ်ဓါတ် တနေ့တာ လိုအပ်ချက်
• အသက် 0-6 လ = 2 mg ထက်မနည်း၊ 4 mg ထက်မများသင့်၊
• အသက် 7 လ - 3 နှစ် = 3 mg ထက်မနည်း၊ 5 mg ထက်မများသင့်၊
• အသက် 4-8 နှစ်= 5 mg ထက်မနည်း၊ 12 mg ထက်မများသင့်၊
• အသက် 9-13 နှစ် = 8 mg ထက်မနည်း၊ 23 mg ထက်မများသင့်၊
• အသက် 14-18 နှစ် = 11 mg ထက်မနည်း၊ 34 mg ထက်မများသင့်၊
• အသက် 18 နှစ်အထက် = 11 mg ထက်မနည်း၊ 40 mg ထက်မများသင့်၊
• ကိုယ်ဝန်ဆောင်ချိန် = 12 mg ထက်မနည်း၊ 34 mg ထက်မများသင့်၊
သွပ်ဓါတ်ဆေးကို ဘယ်တိုင်းပြည်ကနေထုတ်တာဖြစ်ဖြစ် ဘေးထွက်သက်ရောက်မှုတွေရှိတယ်။ တချို့မှာ ပျို့-အန်၊ ဝမ်းပျက်၊ သတ္တုနံ့ရ၊ အစားပျက်၊ ခေါင်းကိုက်၊ အစာအိမ်နဲ့ ကျောက်ကပ်ထိခိုက်နိုင်တယ်။ တနေ့မှာ 40 mg daily ထက်ပိုရင် မကောင်းပါ။ ရေရှည်သောက်ရင် ကောပါးဓါတ် ခေါ် ကြေနီဓါတ်နည်းစေမယ်။ HDL cholesterol ခေါ် ကောင်းတဲ့ ကိုလက်စထော နည်းစေမယ်။ ဆောရီး။
FDA ခွင့်ပြုချက်အကြောင်း ခဏခဏ (ခဏခဏ) ရေးပါတယ်။ ယူအက်စ်အေပါအဝင် နိုင်ငံတိုင်းမှာ ဖြည့်စွက်စာ၊ အားဆေး၊ ဗီတာမင်နဲ့ ဓါတ်ဆားလို့ ခေါင်းစဉ်တပ်လျှောက်တာမှန်သမျှကို ခွင့်ပြုပါတယ်။
Dr. တင့်ဆွေ
၁၁-၁ဝ-၂ဝ၁၆
၂၃-၁-၂ဝ၁၈
၂၉-၈-၂ဝ၁၈
Comments
Post a Comment