Adenomyosis သားအိမ်အတွင်းဆုံးလွှာရောဂါတမျိုး

၁။ ပထမဆုံးမေးဖူးတာမို့ အမှားပါလျှင်ခွင့်လွှတ်ပေးပါရှင့် အသက် ၃၅ အိမ်ထောင်ရှိ / ကလေးမရှိပါ အသက် ၂၈ လောက်မှ myoma စဖြစ်ပါတယ် အသက် ၃၀ မှာ အိမ်ထောင်ကျပြီး ၃၁မှာ ကလေးရှိပြီး ပျက်ခဲ့ဖူးပါတယ် / သားအိမ်ခြစ်ခဲ့ရပါတယ် အသက် ၃၃ မှာကလေးရှိပြီး ထပ်ပျက်ပါတယ် သားအိမ် ၂ခါခြစ်ရပါတယ် ပထမအကြိမ်ခြစ်ပြီး သွေးဆင်းမရပ်လို့ဆိုပြီး ထပ်ခြစ်ရတာပါရှင့် ၂ခါခြစ်ပြီးသည့်တိုင် သွေးဆင်းနေသေးတဲ့အတွက် OG မှ bHCG စစ်ခိုင်းတဲ့အခါ ၅သောင်းကျော် ဖြစ်နေပါတယ် Lab အဖြေမှ pertial mole လို့ထွက်တဲ့အတွက် ကင်ဆာဆေးသွင်းရန် ကင်ဆာဆရာဝန်ထံလွှဲပေးပါတယ် ဆေးခန်းပြောင်းပြပြီးပြန်စစ်တဲ့အခါ သားအိမ်တွင်း Adenomyosis ရှိနေပြီး သားအိမ်မှာ ကိုယ်ဝန် ၃လဆိုဒ်ဖြစ်နေပါတယ် ကင်ဆာဆေးသွင်းရန်မလိုပါဟုပြောခဲ့ပါတယ် Yasmin ဆေးပေးခဲ့ပြီး ၆လလျှင်ပြန်ပြဖို့ ချိန်းခဲ့ပါတယ် ရောဂါဖြစ်တယ်လို့ သိရတာ ၅လပိုင်း ၂၀၁၆ ပါ (၆လကြာသော်လည်းဆေးခန်းပြန်မပြဖြစ်ပါ) ၂၀၁၈ ၃လပိုင်းမှာ ဒုတိယအကြိမ် ပြန်စစ်တော့လည်း သားအိမ်အရွယ်အစားမှာ ၃လခွဲဖြစ်နေသေးတဲ့အတွက် သားအိမ် ထုတ်ပြစ်သင့်တယ်လို့ OG မှအကြံပေးပါတယ်ရှင့် ယခုအခါ Viasnne 2mg tablet ကို တရက်တလုံး သောက်ခိုင်းပြီး ၃ လအတွင်း ခွဲဖို့ပြောထားပါတယ်ရှင့် ကျေးဇူးပြုပြီး သားအိမ်ထုတ်သင့် / မထုတ်သင့် နှင့် Adenomyosis အတွက် မည်သည့်ဆေးနှင့် ဖြည့်စွက်စာများ သောက်လျှင်အဆင်ပြေနိုင်သလဲဆိုတာ အကြံပြုပေးစေလို့ပါတယ်ရှင့် ဆေးစစ်ချက် အဖြေများအား တွဲလျှက်ပေးပို့ပါသည်ရှင့် လေးစားကျေးဇူးတင်လျှက်ပါရှင့်

၂။ ကျွန်မအသက် ၂၉ ပါ အိမ်ထောင်ရှိပါ။ Adenomyosis ရှိပါတယ်ဆရာ။ ကလေးယူဖို့ကြိုးစားနေပါတယ်ဆရာ။ အိမ်ထောင်ကျတာ ၄ လရှိပါပြီ။ ကလေးမရသေးပါ။ ဆရာဝန်ပြသင့်ပါသလား။ ဆက်ကြိုးစားရမလားဆရာ။ ခုအိမ်ထောင်ကျပီးမှ ကျွန်မ သွေးပေါင်ချိန်ခဏ့ခဏ့ကျနေပါတယ်ဆရာ မိန်းကလေးတစ်ယောက်အတွက် ရှိသင့်တဲ့ သွေးပေါင်ချိန်ရှိအောင် ဘယ်လိုပြုမှုနေထိုင်စားသောက်သင့်ပါသလဲဆရာ။ ကျွန်မလက်ရှိသွေးပေါင်ချိန်က 90,  60 ဖြစ်ပါတယ် ကျေးဇူးအနန္ဒဖြင့်။ အဝေးမှလူနာတဦး။

ပါပီလို့မရေးရ။ ခွေးကလေးဖြစ်သွားပါမယ်။ ပါပြီလို့ရေးရ။ ခဏ့ခဏ့မှာ အောက်မြင့်မလိုပါ။ အနန္ဒမဟုတ် အနန္တလို့ ရေးရပါမယ်။

၃။ ကျမက့့ ပါ။  အသက် ၃၂ နှစ်ပါ။့့ မှာနေတာပါ။ အိမ်ထောင်မကျသေးပါရှင့်။ ၂ဝ၁၂ June က ရေအိတ်ပေါက်လို့ အရေးပေါ် တခါခွဲထားပါတယ်။ ရာသီလာခါနီရင် အတော်ဗိုက်အောင့်ပါတယ်။ ပြီးတဲ့လက ဗိုက်အောင့်လို့ OG နဲ့ပြန်ပြပါတယ်။ သားအိမ်ထဲအလုံးရှိတယ်ပြောပါတယ်။ ၆ လတွင်း အိမ်ထောင်မပြုသေးရင် Depo ၁ လတခါ ၆ လ ထိုးရမယ်ပြောပါတယ်။ ဒါပင်မဲ့ ဗိုက်ကတော့အောင့်ပါတယ်။ သောက်ဆေးလဲပေးပါတယ်။  မဲညစ်ညစ်တွေ နဲနဲစီ ဆင်းနေပါတယ်ရှင့်။ Depo ထိုးရင်းနဲ့ အားလုံးသက်သာနိုင်ပါသလား။ ကျမ အိမ်ထောင်ပြု ကလေးမွေးနိုင်ပါသေးလားရှင့်။ ကျမ ဆေးမှတ်တမ်းပုံတင်ပေးလိုက်ပါတယ်။ ဘယ်အခြေနေထိ ရောက်နိုင်လဲ ရှင်းပြပေးပါရှင့်။

၎။ သမီး ကို adenomysis ဖြစ်နေတယ်ပြောတယ်။ laparoscopic လုပ်ရမယ်ပြောတယ်။ လုပ်ပြီးရင် ကလေး ရနိုင်မှာလား။ သမီး အသက်က ၃၂ ပါ။့့ မှာ နေတာပါ။့့ 15,000 လောက် ကုန်မယ်ပြောတယ်။ ရန်ကုန် ပြန်လုပ်ရင် ကောင်းမလားဆရာ။ ကျေး ဇူး။

၅။ ကျွန်မ အသက်က ၃၅ နှစ်ပါဆရာ။ မြန်မာနိင်ငံမှာနေပါတယ်။ သမီးလေးတယောက်ရှိပါတယ်။ ကလေးထပ်ယူဖို့ သားအိမ်ကိုစစ်တော့ သားအိမ်မှာ Adenomyosis ဆိုတဲ့ရောဂါဖြစ်နေပါတယ်တဲ့။ ကလေးယူရင် မြန်မြန်ယူပါတဲ့။ ကျွန်မ မျက်နှာမှာလဲ တင်းတိပ်တွေအများကြီးထွက်လာပါတယ်ဆရာ။ ကျေးဇူးပြု၍ အများဖတ်နိင်အောင်လို့ Facebook မှာ တင်ပေးပါဆရာ။ ကလေးထပ်ယူဖို့ အန္တရာယ်များရှိပါသလားဆရာ။ ဆရာရှိလို့ ကျွန်မတို့ မြန်မာနိင်ငံမှာ ဆေးပညာဗဟုသုတတွေရပါတယ်ဆရာ။ ကျေးဇူးကြီးလှပါတယ်ဆရာ။

၆။ ပြီးခဲ့တဲ့ နိုဝင်ဘာက့့ မှာ အလုပ်လုပ်နေရင်း ရုတ်တရက်ဗိုက်အောင့်လို့ ဆေးရုံရောက်ခဲ့ပါတယ်။ Severe Adenomypsos လို့ပြောပါတယ်။ Medroxyprogesterone Acet 150Mg/3Ml I nj ကို ၃ လတခါ ထိုးခိုင်းပါတယ်။ ထိုးရင်ဗိုက်အောင့်တာသက်သာမယ်၊ ထပ်ပြီးမကြီးလာဘူးလို့ပြောပါတယ်။ ဒီဆေးဟာ တားဆေးလို့ သိရပါတယ်။ ခု ၂ ခါ ထိုးပြီးပါပြီ။ ထိုးပြီးတဲ့အချိန်ကစလို့ ခုထိနေ့စဉ်ရာသီလာပါတယ်။ ရန်ကုန်ပြန်တော့ ဒေါက်တာ့့ နဲ့ ပြဖြစ်ပါတယ်။ ဒါပေမဲ့ လူနာကအရမ်းများတော့ သေချာမပြောနဲ့ခဲ့ပါဘူး။ ဘာမှမဖြစ်ဘူးသေးသေးလေးလို့ ပြောပါတယ်။ သမီးသိချင်တာ သမီးကအပျိုပါ။ အသက် ၃ဝ ပါ။ သမီးခုလို ဆေးထိုးနေလို့ အိမ်ထောင်ကျခဲ့ရင် ကလေးရနိုင်မဲ့ အခွင့်အရေးမရမှာ စိုးရိမ်ပါတယ်။ ကျေးဇူးပြုပြီးရှင်းပြပေးပါနော်။ ဘာဆက်လုပ်သင့်တယ် ဆိုတာလေးလည်း အကြံပြုပေးပါနော်။

သားအိမ်မှာ အလွှာ ၃ ခုရှိတယ်။ အတွင်းဆုံးက အရေးကြီးတယ်။ ရာသီလာတာအဲဒီကဖြစ်တယ်။ ကိုယ်ဝန်ကပ်တာလဲ အဲဒီမှာဘဲ။ အတွင်းဆုံးအလွှာကနေ အလယ်လွှာဖြစ်တဲ့ ကြွက်သားလွှာထဲကို တိုးဝင်နေတာကို အဒီနိုမိုင်ယိုးဆစ်လို့ ခေါ်တယ်။ ရာသီလာတိုင်းနာမယ်။ ဗိုက်အောက်ပိုင်းနာမယ်။ လေတက်မယ်။ ဆင်းတာလဲများမယ်။ တနေရာလောက်မှာသာ အဲလိုဖြစ်တာနဲ့ သားအိမ်တခုလုံးမှာဖြစ်တာလို့ရှိတယ်။ ခံရတာမသက်သာလှပေမဲ့ ကင်ဆာ မဟုတ်ပါ။ တချို့မှာ ရောဂါရှိနေပေမဲ့ မသိသလိုနေနိုင်သေးတယ်။

Adenomyosis သားအိမ်အတွင်းဆုံးလွှာရောဂါ အဖြစ်မနည်းပါ။ အသက်အရွယ် လူလတ်ပိုင်းမှာဖြစ်ကြတာများတယ်။ ကလေးရဘူးသူတွေမျာပိုဖြစ်တယ်။ ဘာလို့ဖြစ်သလဲ တိတိကျကျတော့မသိသေးပါ။ Estrogen, Progesterone, Prolactin နဲ့ Follicle stimulating hormone ခေါ်တဲ့ ဟော်မုန်းတွေနဲ့ဆိုင်မယ်လို့ ယူဆပါတယ်။

မျိုးဗီဇနဲ့ဆက်စပ်မှုရှိပေမဲ့ မိသားစုတခုထဲမှာ အတူရှိနေတာ မတွေ့ပါ။ သားကြောဖြတ်ထားသူ၊ ဗိုက်ခွဲမွေးထားသူ၊ ကိုဝန်ဖျက်ချထားသူတွေမှာ ဖြစ်တာပိုများတယ်။ ဒါပေမဲ့ အဲလိုဖြစ်နိုင်ခြေများတယ်လို့ ကောက်ချက်ချလို့မရပါ။ ဘာလို့ဖြစ်သလဲကိုလဲ မပြောနိုင်ပါ။

ဆရာဝန်ကလက်နဲ့စစ်ဆေးရင် သားအိမ်ကပိုကြီးနေတာနဲ့ နာတာတွေ့ရမယ်။ တချို့မှာ သားအိမ်ထုတ်ပြစ်ပြီး စစ်ဆေးမှသာရောဂါကိုအတိအကျသိနိုင်တယ်။ MRI နဲ့ Transvaginal ultrasound မွေးလမ်းကနေရိုက်တဲ့ အာလ်ထွာဆောင်းနဲ့လဲသိနိုင်လာပြီ။ လက်နဲ့စမ်းသပ်ရင် သားအိမ်က ပုံမှန်ထက်ကြီးနေမယ်။ နာမယ်။ Sonohysterography လဲဆက်လုပ်ရတယ်။ ဆားရည်ထိုးထည့်ပြီးမှ အာလ်ထွာဆောင်းရိုက်တာဖြစ်တယ်။ Uterine Fibroids သားအိမ်အကျိတ် နဲ့ မှားနိုင်တယ်။

ကုသဘို့ဆိုတာ ခံစားနေရတာတွေ သက်သာအောင်လုပ်ပေးမယ်။
• Adenomyosis အဖြစ်မနည်းလှပါ။ အသက် ၃ဝ ဝန်းကျင်အမျိုးသမီးတွေမှာဖြစ်တာများတယ်။ ဘာလို့ဖြစ်ရသလဲ မသိတာများတယ်။
• ရာသီလာလို့နာတာသက်သာအောင်လုပ်တဲ့ဆေးနည်းတွေဖြစ်တယ်။ နာတာအတွက် NSAIDs ခေါ် ဆေးတွေပေးတယ်။ ဥပမာ Ibuprofen ပေးမယ်။ အပူကပ်ပေးတာလုပ်မယ်။
• ကိုယ်ဝန်တားဆေးတွေသုံးနိုင်တယ်။ ဟော်မုန်း ၂ မျိုးတွဲနဲ့ တမျိုးတည်းပါတာတွေ သုံးတယ်။
• Danazol ခေါ်တဲ့ Gonadotropin-releasing hormone agonist ဟော်မုန်းဆန့်ကျင်ဆေးလဲသုံးတယ်။ ရာသီမလာဘဲ သွေးဆုံးစေအောင်လုပ်ပေးနည်းတမျိုးဖြစ်တယ်။ သွေးဆုံးရင် ပျောက်ကင်းနိုင်တယ်။
• Endometrial ablation နည်းမှာ သားအိမ်အတွင်းလွှာကို ဖျက်ဆီးပေးတယ်။
• Laparoscopic myometrial electrocoagulation နည်းနဲ့ Adenomyoma excision နည်းတွေရှိတယ်။ Uterine artery embolization သားအိမ်သွားသွေးကြောပိတ်နည်းရှိတယ်။
• Leiomyoma (Fibroid) နဲ့ Endometriosis သားအိမ်ရောဂါတွေလဲ အတူတွဲနေ-မနေ စစ်ရတယ်။ ဒုတိယမေးသူမှာ တွဲရှိနေတယ်။
• ဟော်မုန်းပေးကုသနည်းမှာ Levonorgestrel-releasing IUD ဟော်မုန်းပါတာကို သားအိမ်ထဲ ထည့်ပေးတယ်။
• ကလေးယူဘို့ ခက်တယ်။ သန္ဓေလာကပ်ရမဲ့အလွှာက အခြေအနေမပေးလို့ဖြစ်တယ်။ ကလေးယူချင်သူဆိုရင် ဖြစ်နေတဲ့နေရာ၊ အရွယ်အစားကိုကြည့်ပြီး ခွဲစိတ်တာလုပ်နိုင်တယ်။ ကလေးမယူတော့သူတွေကို သားအိမ်ထုတ်ပေးမယ်။ ကလေးရဘို့တော့ အာမမခံနိုင်ပါ။ ပျောက်သွားအောင်ကုဘို့လဲ အာမမခံနိုင်ပါ။
• ကင်ဆာမဖြစ်စေပါ။ သွေးဆုံးရင် ခံစားနေရတာတွေ ကောင်းသွားမယ်။

ဒေါက်တာတင့်ဆွေ