Monywa Prison မုံရွာအကျဉ်းထောင်
ကျွန်တော်က ၁၉၇၃-၇၄ ခုနှစ် မုံရွာဆေးရုံမှာ တာဝန်ကျစဉ်က မုံရွာထောင်ကို အလှည့်ကျသွားကြည့်ပေးခဲ့ရပါတယ်။
၁၉၉ဝ မှာ စင်ပြိုင်အစိုးရဖွဲ့ရေးလုပ်လို့လာဖမ်းတော့ လွတ်မြောက်ပြီး တိုင်းပြည်ကနေထွက်ပြေးတဲ့အတွက် ကျွန်တော့်ဇနီးကို ခိုးမှုပုဒ်မတပ်ပြီး ထိန်းသိမ်းစစ်ဆေးခဲ့တာလည်း မုံရွာထောင်ထဲမှာ။ ကျွန်တော့်ကို ကူညီသူတွေနဲ့ အမျိုးတွေ စုစုပေါင်း(၇) ယောက်ကိုလည်း မုံရွာထောင်မှာပဲ ထိန်းသိမ်းစစ်ဆေးပါတယ်။ ကွန်တော်လွတ်သွားလို့တဲ့ ကျွန်တော့်ညီအရင်းကို ထောင်လေးနှစ်တိတိချတာလည်း မုံရွာထောင်မှာပဲ။
ထောင်ထဲမှာနေခဲ့ရသူတွေ ထောင်ကို စိတ်ကူးထဲမှာတောင် မထည့်ချင်ကြလောက်ပါ။ ကျွန်တော်ကတော့ မုံရွာ ထောင်ထဲသွားပြီး ဆေးကုပေးချင်မိတယ်။ ထောင်ထဲကရောဂါဝေဒနာတွေကို ကျွန်တော်ကောင်းကောင်းသိတယ်။
ခုခေတ်ရောက်တော့ ထောင်ထွက်လက်မှတ်က တန်ဖိုးရှိတဲ့သူတွေမှာတော့ရှိတယ်။ ထိုက်တန်သူတွေရတာတော့ ကောင်းတယ်။ ကျွန်တော့်မှာတော့ ပြည်ပြေးလက်မှတ်ကို ရာသက်ပန်ရထားတယ်။ တန်ဖိုး မရှိပါ။
ဒေါက်တာတင့်ဆွေ
၁၇-၄-၂ဝ၁၆
တကူးတကဓါတ်ပုံရိုက်ပို့ပေးသူကို ကျေးဇူးတင်ပါတယ်။
Comments
Post a Comment