Birth control methods for breastfeeding mothers နို့တိုက်မိခင်တွေအတွက် ကိုယ်ဝန်တားနည်းများ

၁။ မေးသူ - မ အသက် - 30 ကလေးမွေးထားတာ တလရှိပါပြီဆရာ။ မိခင်နို့ဘဲတိုက်ပါတယ်။ ခွဲမွေးထားတာပါ။ ၄၅ ရက်ပြည့်မှ ကိုယ်ဝန်တားဆေးစသုံးရမယ်ဆိုတော့ ၄၅ ရက်မပြည့်ခင် ကြားထဲမှာ အတူနေရင် ကုယ်ဝန်ရှိနိုင်လား သိချင်လို့ပါဆရာ။ ဆရာ ကျန်းမာပါစေ။

၂။ မင်္ဂလာပါဆရာ။ သမီးအသက် ၃၁ နှစ်ပါ။ ကလေးဗိုက်ခွဲမွေးထားတာ ၇ လခွဲရှိပါပြီ။ ကလေး ၃ လကစ၍ Excluton တားဆေးသောက်ခဲ့ပါတယ်။ Menstruation လည်းမလာသေးပါ။ ယခုကလေး ၇ လ ကျော်ရောက်တော့ Marvalon ပြောင်းသောက်နေတာ အဆင်ပြေပါ့မလားရှင့်။ ကလေးနို့တိုက်တာထိခိုက်ပါသလားဆရာ။ Marvalon သောက်ရင် Menstruation လာပါ့မလားဆရာ။ ကလေးနို့တိုက်တာသက်ရောက်မှုရှိမရှိနဲ့ ကိုယ်ဝန်တားနိုင်မှုရှိမရှိ သိချင်ပါတယ်ဆရာ။

၃။ ဆရာရှင့် ကျွန်မအသက် ၂၈ သားဦးခွဲမွေးထားပါတယ်။ သားဆက်ခြားချင်လို့ ၃လခံထိုးဆေး သုံးသင့်လား ဆေးသောက်သင့်ပါသလား။ သင့်တော်တဲ့သားဆက်ခြားနည်းလေးသိချင်လို့ပါ။ ၂နှစ်ပြည့်ရင် နောက်တယောက် ထပ်လိုချင်ပါတယ် တချို့တားနည်းတွေက ရပ်လိုက်ရင် ကလေးတန်းမရပဲ ကြာတတ်တယ်ကြားလို့ပါ။ အကြံလေးပေးပါရှင့်  လေးစားစွာဖြင့်။

တယောက်နဲ့တယောက် မတူကြပါ။ ကလေးနို့တိုက်နေတုံးမှာ တားနည်းရွေးရမယ်။ ရွေးတာမမှန်ရင် နိုထွက်နည်းစေတယ်။ ကလေးကိုနို့တိုက်နေခြင်းဟာ သဘာဝတားနည်းဖြစ်တယ်။ ၆ ပတ်အထိလို့ ကိုယ်ဝန်မရအောင် အတူနေနိုင်တယ်။ တချို့အမျိုးသမီးတွေက အနာကျက်တာမြန်ကြလို့ မွေးပြီး ၂ ပတ်မှာ အတူနေနိုင်တဲ့အထိ ကောင်းလာနေသူတွေရှိတယ်။ တချို့က ၄ ပတ်နေရင် အဆင်သင့်ဖြစ်ကြပြီ။ ကာယကံရှင်ကိုယ်တိုင်ကလည်း အဆင်သင့်ဖြစ်ပြီဆိုတာ သိသူတွေ ရှိပါတယ်။

(၁) ကွန်ဒွမ်၊ ယောက်ျားသုံးနဲ့ မိန်းမသုံးရှိတယ်။

(၂) IUD/IUCD သားအိမ်ထဲပစ္စည်းထည့်နည်း။ အများစုက ၅ နှစ်တခါအသစ်လဲရတယ်။ Mirena, ParaGard ကို ၁ဝ-၁၂ နှစ် ထည့်ထားနိုင်တယ်။

(၃) Mirena သားအိမ်ထဲပစ္စည်းက ဟော်မုန်းတမျိုးကို နည်းနည်းချင်းထုတ်ပေးနေတယ်။ ၅ နှစ်အထိထည့်ထားနိုင်တယ်။

(၄) Depo-Provera ဒီပိုထိုးဆေး။ ၃လ တခါထိုးရမယ်။ သတိထားဘို့က ရာသီနည်းမယ်။ တချို့ရာသီမလာဘူး။ စိုးရိမ်စရာတော့မဟုတ်ပါ။ အရိုးပါးတာ သူများထက်ပိုတယ်။ လူဝစေနိုင်တယ်။ လိင်စိတ်နည်းသူလည်းရှိတယ်။

(၅) Implants (အင်မ်ပလန့်) အရေပြားအောက်ထည့်ထားရတဲ့ ဆေးချောင်း။ ၃ နှစ်အထိထားနိုင်တယ်။ Implanon (အင်ပလန်နွန်)။ (ဒီပို) ထိုးဆေးလို ဘေးထွက်ဆိုးကျိုးတွေရှိနိုင်တယ်။

(၆) Minipill ကိုယ်ဝန်တားအသေးစားဆေးပြားမှာ ဟော်မုန်းတမျိုးတည်းပါတယ်။ စားဆေးနာမည်အမျိုးမျိုးရှိတယ်။
- Aizea (desogestrel)
- Cerazette (desogestrel)
- Cerelle (desogestrel)
- Exluton
- Nacrez (desogestrel)
- Micronor (norethisterone)
- Noriday (norethisterone)
- Norgeston (levonorgestrel)
- Nor-QD (norethindrone)
- Micronor (norethindrone)
- Zelleta (desogestrel)

ရာသီစဆင်းတဲ့ရက်ကနေစပြီး တနေ့ ၁ ပြားသောက်ပါ။ နေ့တိုင်း သောက်နေကျအချိန်မှာ အချိန်တူသောက်ပါ။ ဆေးကဒ်တခုကုန်ရင် နောက်ကပ်သစ်တခု စသောက်ပါ။ တချို့မှာ (၃၅) ပြားပါတယ်။ ရာသီက ၂ လမှ တခါသာ လာမယ်။ ကိုယ်ဝန်ပျက်-ဖျက်သူတွေလဲ သွေးဆင်းတဲ့ ပဌမရက်နေ့မှာ ဆေးပြားစသောက်ပါ။

အကျိုးရှိတာတွေ
ကလေးနို့တိုက်နေချိန်လဲ သောက်နိုင်တယ်။ ဆေးဖြတ်တာနဲ့ ကလေးပြန်ရဘို့ လွယ်တယ်။ ရာသီနဲ့ဆက်စပ်နေမဲ့ Sickle cell disease ရောဂါနဲ့ Dermatitis ရောဂါတွေကို ကုသရာမှာ သုံးနိုင်တယ်။ သွေးဆင်နည်းလို့ သွေးအားနည်းတာ သက်သာမယ်။ ဆေးလိပ်သောက်သူ၊ အသက် ၃၅ နှစ်ကျော်သူတွေလဲ သောက်နိုင်တယ်။ နှလုံးရောဂါရှိသူတွေအတွက် စိတ်ချနိုင်တယ်။

ဘေးထွက်ဆိုးကျိုးတွေ
ဆေးစသောက်ကာစ အစောပိုင်းလတွေမှာ ရာသီမမှန်တာ ဖြစ်နိုင်တယ်။ တချို့ နည်းတယ်။ တချို့ များတယ်။ ရာသီမလာဘဲနေတာလဲ ဖြစ်နိုင်တယ်။ တလအထိနောက်ကျသွားရင် ဆရာဝန်ပြပါ။ အသားဝါဖြစ်လာရင် ဆရာဝန်ပြပါ။ ဝက်ခြံထွက်မယ်၊ ပျို့ချင်မယ်၊ ခေါင်းကိုက်မယ်၊ ရင်သားတင်း-နာမယ်၊ ဒါတွေကလဲ စောစောပိုင်းလတွေမှာသာ ဖြစ်လေ့ရှိတယ်။ လူက ဝလာနိုင်တယ်။ ဟော်မုန်း ၂ မျိုးတွဲဆေးလောက် ကိုယ်အလေးချိန် မတက်ဘူး။ နောက်ပိုင်းမှာတော့ ဆက်မတိုးတော့ဘူး။ ဆီးချိုရှိနေသူတွေ သတိထားပေးရမယ်။ ဆီးချိုကိ်ု အထိန်းရခက်နိုင်တယ်။ ကိုယ်ရောင်တာ ဖြစ်စေနိုင်လို့ နှလုံးရောဂါ၊ ကျောက်ကပ်ရောဂါ၊ အတက်ရောဂါ၊ (မိုင်ဂရင်း) ရောဂါ၊ သွေးတိုး၊ ပန်းနာရောဂါရှိသူတွေက သတိထားသောက်ရမယ်။ ဆေးသောက်ကာစ ပဌမတနှစ်မှာ ၃ လတကြိမ် ဆေးစစ်သင့်တယ်။ နောက်ပိုင်း ၆ လတခါစစ်သင့်တယ်။ လိင်စိတ်နည်း၊ စိတ်မူပြောင်း၊ စိတ်ဓါတ်ကျ၊ ၁ဝဝ မှာ ၁ ယောက်ကနေ ၁၃ ယောက်အထိ ပဌမ ၁ နှစ်အတွင်းမှာ ကိုယ်ဝန်ရတာတွေ့ရတယ်။ ဟော်မုန်း ၂ မျိုးတွဲထက် ဒီလိုဖြစ်တာ ပိုများတယ်။ တကယ်လို့ ကိုယ်ဝန်ရလာရင် သိဘို့ခက်တတ်တယ်။ ကံမကောင်းရင် သားအိမ်ပြင်ပမှာ သန္ဓေတည်နိုင်တယ်။ Functional ovarian cysts ရောဂါရယ်လို့မဟုတ်တဲ့ မျိုးဥအိမ်အကျိတ် ဖြစ်နိုင်တယ်။ မခွဲဘဲလဲ ပျောက်နိုင်တယ်။ လိင်ကတဆင့် ကူးစက်ရောဂါတွေကို မကာကွယ်နိုင်ဘူး။

ဘယ်လောက်ထိရောက်သလဲ
သီအိုရီအရပြောရရင် ဟော်မုန်း ၂ မျိုးတွဲနဲ့ အတူတူထိရောက်တယ်။ နည်းနည်းလေးတော့နည်းတယ်။ အချိန်တူသောက်ဘို့၊ ရက်မပျက်ဘို့ ပိုလိုတယ်။ ကလေးနို့တိုက်နေသူတွေမှာ ၆ လ အတွင်းသောက်ရင် ၁ဝဝ% ကိုယ်ဝန်မရဘူး။ ကလေး နို့မတိုက်နေသူတွေမှာ ၉၉့၅% ကိုယ်ဝန်မရဘူး။ ဆေး ၂ မျိုးတွဲ ၉၉့၇-၉၉့၉% မရစေဘူး။ ဆေးတရက်ပျက်လို့ ကိုယ်ဝန်ရလမ်းက ၂ မျိုးတွဲထက်ပိုမယ်။ ကလေးမွေးထားပြီး ကလေးကိုလဲ နို့အပြည့်အဝတိုက်နေမယ် ရာသီလဲ ပြန်မပေါ်သေးရင် ၆ လအထိ၊ ကလေး မွေးထားပြီး ကလေးကို နို့မတိုက်ရင် ၂၁ ရက်အထိ ကိုယ်ဝန်ရလမ်း အလွန်နည်းတယ်။

သတိထားစရာတွေ
ရာသီတလ သွေးစဆင်းတဲ့ရက်ကနေ စသောက်တာ အကောင်းဆုံးဖြစ်တယ်။ ဆေးသောက်အပြီး ၄-၂၂ နာရီအတွင်းမှာ သားအိမ်အဝအချွဲ စေးပျစ်တာက အများဆုံးအချိန် ဖြစ်လို့ မနက်ခင်း ဆေးသောက်ပြီး ညမှာအတူနေတာ အကောင်းဆုံးအစီအစဉ်ဖြစ်တယ်။ ရာသီစလာတဲ့ရက်မှာ စသောက်ပေမဲ့ ရာနှုန်းပြည့် သေချာအောင် ဆေးစသောက်ပြီးနောက် ၄၈ နာရီအတွင်း အတူနေရင် ကွန်ဒွမ်သုံးပါ။ ဆေးသောက်ချိန်ထက် ၃ နာရီ နောက်ကျသွားရင် ၄၈ နာရီအတွင်း အတူမနေပါနဲ့။ နေဖြစ်ရင် အရေးပေါ်တားဆေးသောက်ပါ။ တရက်နောက်ကျသွားရင် နောက်ရက်မှာ ဆေး ၂ လုံးတခါတည်း သောက်ပါ။ ၄၈ နာရီ အတူမနေပါနဲ့။ ဒါမှမဟုတ် ကွန်ဒွမ်သုံးပါ။ ဆေးတကပ်ကုန်တာနဲ့ ရာသီ လာလာ-မလာလာ၊ နောက်ဆေးတကပ် ဆက်သောက်ပါ။ အတူမနေဖြစ်သေးလဲ ဆက်သောက်ပါ။ ၁-၇ ရက်အထိ ဆေးသောက်တာ နောက်ကျသွားရင် ကွန်ဒွမ်သုံးပါ။ ဆေးသောက်ပြီး ၂ နာရီအတွင်း အန်ရင် နောက် ၁ လုံးသောက်ပါ။ ဟော်မုန်း ၂ မျိးတွဲဆေးကနေ ဒီအမျိုးအစားကို ပြောင်းချင်ရင် ဟော်မုန်းပါအရင်သောက်ရတဲ့ဆေးပြား သောက်နေတုံးမှာ ချက်ချင်း ပြောင်းသောက်ပါ။ St. John's Wort တိုင်းရင်းဆေး၊ Rifampin တီဘီဆေး၊ Griseofulvin ပွေး-မှိုဆေး၊ Phenobarbitone, Phenytoin, Primidone, Carbamazepine, Dichloralphenazone အတက်သက်သာဆေး၊ HIV ဆေးတချို့၊ ပဋ္ဋိဇီဝဆေးတချို့တွေနဲ့ တွဲမသောက်သင့်ပါ။ ကလေးလိုချင်လို့ ဆေးရပ်ချင်ရင် ဆေးကပ်မကုန်သေးလဲ ရပ်လိုက်နိုင်တယ်။ ၂၄ နာရီအတွင်း ကိုယ်ဝန်ရနိုင်တယ်လို့ ထင်မှတ်ထားရမယ်။ ရက်လဲမှတ်လို့ လွယ်အောင် ရာသီမှန်စေပြီးမှ ကလေးယူသင့်တယ်။ ဆေးရပ်အပြီး ကြားထဲမှာ ကွန်ဒွမ်သုံးပါ။ ဆေးဖြတ်ပြီး ကိုယ်ဝန်ရချင်ရင် ဖေါလစ်အက်စစ်ကို တလကြိုသောက်နိုင်ရင် ပိုကောင်းတယ်။

ဒီလိုအမျိုးသမီးတွေ မသောက်သင့်ပါ
အပျိုဖြစ်ကာစ ရာသီရက်မမှန်သေးသူတွေ၊ Thrombophlebitis, Thromboembolic processes သွေးပြန်ကြောရောဂါရှိသူ၊ အသည်းမကောင်းသူ၊ မွေးလမ်းကနေ ဘာလို့မှန်းမသိဘဲ သွေးဆင်းနေသူ၊ ရင်သားကင်ဆာ ရှိနေသူ၊ ရှိဘူးသူ။

တားဆေးတားနည်း တခုချင်းအကြောင်းတွေကို သပ်သပ်စီရေးထားပါတယ်။ (ဘလော့ခ်) မှာရှာဖတ်ပါ။ ဒါမှမဟုတ် မေးခွန်းစည်းကမ်းနဲ့အညီ မေးနိုင်ပါတယ်။

• Birth Control Methods ကိုယ်ဝန် တားနည်း-တားဆေး ဘယ်လိုရွေးမလဲ http://doctortintswe.blogspot.com/2015/01/birth-control-methods.html
• Contraceptive implant ကိုယ်ဝန်တား အရေပြားအောက်ထားရတဲ့ပစ္စည်း https://doctortintswe.blogspot.com/2015/12/contraceptive-implant.html
• Contraceptive pills ကိုယ်ဝန်တားဆေး https://doctortintswe.blogspot.com/2016/05/contraceptive-pills.html
• Contraceptives Analysis တားဆေး-တားနည်းများ ဆန်းစစ်ချက်များ https://doctortintswe.blogspot.com/2014/11/contraceptives-analysis.html
• Depo Provera Analysis သုံးလခံထိုးဆေး အတွေ့အကြုံဖေါက်သည်ချခြင်း http://doctortintswe.blogspot.com/2015/12/depo-provera-analysis.html
• Depo Provera သုံးလခံ ကိုယ်ဝန်တားထိုးဆေး https://doctortintswe.blogspot.com/2016/04/depo-provera.html
• Different Methods of Contraception ပဋိသန္ဓေတားနည်းများ http://doctortintswe.blogspot.com/2014/11/birth-control-methouds.html
• Exluton နို့တိုက်မိခင် ကိုယ်ဝန်တားဆေး https://doctortintswe.blogspot.com/2014/11/birth-control-minipill.html
• Implant Vs Depo တားဆေးနှစ်မျိုး နှိုင်းယှဉ်ချက် https://doctortintswe.blogspot.com/2017/08/implant-vs-depo.html

ဒေါက်တာတင့်ဆွေ