Clobetamil G cream ကော်တီဇုန်းလိမ်းဆေး အသားဖြူဆေးမဟုတ်

မင်္ဂလာပါ ဆရာ။ ကျမဒေါ်လေးက ဒီဆေးတွေကို မျက်နှာဖွေးအောင်သုံးနေလို့ပါဆရာ။ ဆေးဆိုင်ကလည်း ရောင်းရင်လူတိုင်းကို မရောင်းဘူးပြောပါတယ်။ ဒီဆေးတွေက ဆိုးကျိုးများရှိနှိင်လားဆရာ။

ဖြစ်တဲ့သူ အသက် မသိ။ တခြားအချက်အလက်တွေ မသိ။

ကော်တီဇုန်းလိမ်းဆေးဖြစ်တယ်။ အသားဖြူဆေးမဟုတ်ပါ။ G ဆိုတာ ဂျန်တာမိုင်စင် ခေါ် ဗက်တီးရီးယားအတွက်ဆေး ဖြစ်တယ်။

Clobetamil G Cream ဆေးဟာ ကော်တီဇုန်းလိမ်းဆေးအပြင်းစားဖြစ်တယ်။ ထိုးဆေး၊ စားဆေး၊ လိမ်းဆေး ကော်တီဇုန်းဆေးတိုင်းဟာ ရောင်ရမ်းဖြစ်စဉ်ကို နှိမ်ပေးတယ်။ အနီရောင်လို မြင်နေရတာကို သက်သာစေမယ်။ ယားတာ သက်သာစေမယ်။ ရောင်တာ သက်သာစေမယ်။ သက်ရောက်မှုတိုင်းဟာ ယာယီသာဖြစ်တယ်။ ဆေးအရှိန်ရှိစဉ် သက်သာနေတဲ့သဘောသာဖြစ်တယ်။ ဘေးထွက်သက်ရောက်မှုတွေကို အထူးသတိထားရတယ်။

Eczema ခေါ် နှင်းခူနာ၊ allergic reactions ခေါ် အလာဂျီ ခေါ် တခုခုနဲ့မတည့်တာ၊ dermatitis ခေါ် အရေပြားရောင်တာ၊ psoriasis ခေါ် ပျောက်နိုင်ခဲ့တဲ့တနာတာရှည်အရေပြားနာတွေအတွက် ပေးပါတယ်။ autoimmune diseases ခေါ် ခုခံအား ကမောက်ကမရောဂါတွေဖြစ်တဲ့ vitiligo သမင်ဖြူလိုဖြစ်တာ၊ alopecia areata ခေါ် အမွေးမပေါက်တာ၊ lichen planus, lichen sclerosus ခေါ် အနာတွေကိုလည်း ပေးတယ်။

ဆရာဝန်ညွှန်မှသာ သုံးသင့်တယ်။ ဆေးသုံးရမဲ့ရက်လည်း ပြောမယ်။ ရက်ရှည်သုံးရင် အရေပြားပါးမယ်။ များရင် မျက်နှာ ကိုယ်လက် ရောင်မယ်။ အရေပြားအရောင်ပြောင်းမယ်။ နီမယ်၊ ခြောက်မယ်။ ကိုယ်လက်နာမယ်။ ခေါင်းကိုက်မယ်။ လည်ချောင်းနာမယ်။ ကိုယ်မွေး များမယ်။ အသက် ၁၂ နှစ်အောက် မသုံးသင့်။

1. Clobetasol cream ကလိုဘက်တာဆိုလ် လိမ်းဆေး https://doctortintswe.blogspot.com/2016/04/clobetasol-cream.html
2. Vesicular Eczema နှင်းကူနာတမျိုး http://doctortintswe.blogspot.com/2015/05/vesicular-eczema.html
3. Cortisone ကော်တီဇုန်းဆေး သတိနဲ့ပေး https://doctortintswe.blogspot.com/2015/05/cortisone.html
4. Steroid injections (စတီရွိုက်) ထိုးဆေး http://doctortintswe.blogspot.com/2014/10/steroid-injections.html
5. Eczema နှင်းခူနာ http://doctortintswe.blogspot.com/2014/12/eczema.html

ဒေါက်တာတင့်ဆွေ