Super Gonorrhoea ဆူပါ ဂနိုးရီးယား

(ကန်တော့ပါ)

၂၈-၃-၂ဝ၁၈ နေ့ကတင်ခဲ့ပါတယ်။ ယူကေနိုင်ငံက အမျိုးသားတယောက်မှာ ကမ္ဘာ့အဆိုးဆုံး ဂနိုးရီးယား ခေါ် လိင်ကတဆင့်ကူးစက်ရောဂါကူးစက်ခံထားရတယ်လို့ ဆိုပါတယ်။ သူ့မှာ အတွဲအမျိုးသမီး ရှိတယ်။ အခုရောဂါကိုတော့ အရှေ့တောင်အာရှသူတယောက်နဲ့ အတူနေခဲ့ရာကနေရလာတာလို့ သိရတယ်။

ဆူပါဂနိုရီးယားလို့ ခေါ်တယ်။ မြန်ပြည်မှာတော့ ဆသံ နဲ့ စသံကို ကွဲလွဲအောင်အသံမထွက်ကြသူတွေ များသည်ထက် များနေတယ်။ ဆူပါမားကပ်ကို စူပါမားကက်၊ ဆူပါစတာကို စူပါစတား၊ အာထွာဆောင်းကို အာထွာစောင်းတဲ့။ အခုလည်း စူပါဂနိုးရီးယားလို့ ခေါ်ကြဦးမယ်။ အသံထွက်မမှန်တာနဲ့ သတ်ပုံမှားတာတာလည်း ကူးစက်ရောဂါပဲ။ မြန်မာနိုင်ငံကလည်း အရှေ့တောင်အာရှမှာရှိတာ။

ပုံမှန်ဆိုရင် azithromycin နဲ့ ceftriaxone ဆေးတွေပေးတာနဲ့ ပျောက်ပါတယ်။ ဆူပါဂနိုရီးယားကို သုံးနေတဲ့ ပဋိဇီဝဆေးတွေနဲ့ ကုလို့မပျောက်နိုင်ပါ။ သူ့ရောဂါ တနှစ်ရှိပြီ။

Neisseria gonorrhoeae ပိုးကနေဖြစ်တယ်။ အကာကွယ်မဲ့လိင်မှုနည်းပေါင်းစုံးကနေ ကူးစက်တယ်။ ကူးစက်ခံထားရသူတွေထဲမှာ ယောက်ျား ၁ဝ ယောက်မှာ ၁ ယောက်၊ အမျိုးသမီး ၃ ပုံ ၂ ပုံကျော်မှာ ပိုးရှိနေပေမဲ့ ရောဂါ ခံစားနေရတာမရှိကြပါ။

ရောဂါလက္ခဏာတွေကတော့ လိင်လမ်းနဲ့ ဆီးလမ်းကနေ ခပ်စိမ်းစိမ်ရောင်အရည်ထွက်မယ်။ လိင်အင်္ဂါတွေ နာမယ်။ ဆီးသွားလည်း နာမယ်။ အမျိုးသမီးဆိုရင် ကြားရက် သွေးဆင်းမယ်။ အဖြူဆင်းတာလို့ပြောကြမယ်။ သားအိမ်ဝရောင်မယ်။

ဆေးမကုပဲနေရင် တင်ပါးဆုံတွင်းအင်္ဂါတွေရောင်တာဖြစ်လာမယ်။ ကိုယ်ဝန်ရှိနေသူကနေ မွေးလာမဲ့ကလေးဆီ ကူးစက်မယ်။ မွေးစမျက်စိနာရောဂါရမယ်။ သားသမီးမရနိုင်တာ ဖြစ်နိုင်တယ်။ ၂ဝ၁၅ ခုနှစ်တုန်းကလည်း Azithromycin ဆေးယဉ်တဲ့ဂနိုရောဂါ ပြန်နှံ့ခဲ့သေးတယ်။

ကနေ့ ၂ဝ-၄-၂ဝ၁၈ နေ့မှာတော့ အဲဒီလူနာ ရောဂါပျောက်ကင်းသွားပါပြီ။ Ertapenem အာတာပင်နင် ပဋိဇီဝဆေးနဲ့ ကုသခဲ့ပါတယ်။

1. Cervicitis သားအိမ်ဝ ရောင်ခြင်း https://doctortintswe.blogspot.com/2014/10/cervicitis.html
2. Chlamydia (ကဲလ်မီဒီးယား) အဖြစ်များဆုံး STD https://doctortintswe.blogspot.com/2014/12/chlamydia-std.html
3. Chlamydia and Gonorrhea ကဲလ်မီဒီးယား နဲ့ ဂနိုးရီးယား https://doctortintswe.blogspot.com/2015/06/chlamydia-and-gonorrhea.html
4. Gonorrhea ဂနိုရောဂါ https://doctortintswe.blogspot.com/2014/10/gonorrhea.html
5. KTV-STD လိင်ကတဆင့်ကူးစက်ရောဂါတချို့  https://doctortintswe.blogspot.com/2017/01/ktv-std.html
6. Pelvic Inflammatory Disease PID အမျိုးသမီး တင်ပါးဆုံတွင်း အင်္ဂါများရောင်ခြင်း https://doctortintswe.blogspot.com/2015/07/pelvic-inflammatory-disease-pid.html
7. Syphilis Treatment ဆစ်ဖလစ် အတွက်ဆေးများ http://doctortintswe.blogspot.com/2014/12/syphilis-treatment.html
8. Syphilis ဆစ်ဖလစ် http://doctortintswe.blogspot.com/2014/12/syphilis.html
9. Vaginal discharge Q and A အဖြူဆင်းခြင်း အမေး-အဖြေ http://doctortintswe.blogspot.com/2014/11/vaginal-discharge-q-and.html
10. Vaginal Discharge မွေးလမ်းကြောင်းမှ အဖြူဆင်းခြင်း http://doctortintswe.blogspot.com/2014/11/vaginal-itching.htm
11. Vaginal infections မွေးလမ်းကြောင်း ပိုးဝင်ခြင်း https://doctortintswe.blogspot.com/2014/11/vaginal-infections.html
12. Vaginal itching မိန်းမကိုယ် ယားခြင်း http://doctortintswe.blogspot.com/2014/11/vulvovaginitis.html
13. Vaginal odor ဗဂျိုင်းနား အနံ့ဆိုးနေခြင်း https://doctortintswe.blogspot.com/2014/11/vaginal-odor.html
14. VDRL ကာလသားရောဂါ စစ်ဆေးနည်းများ http://doctortintswe.blogspot.com/2014/12/vdrl-tpha.html
15. Vulvovaginitis အမျိုးသမီးအင်္ဂါ ရောင်ခြင်း http://doctortintswe.blogspot.com/2014/11/vaginal-itching.html
16. White discharge အဖြူဆင်းခြင်း http://doctortintswe.blogspot.com/2015/07/pelvic-inflammatory-disease-pid.html
17. White discharge အဖြူဆင်းခြင်း https://doctortintswe.blogspot.com/2017/08/white-discharge.html

Ertapenem အာတာပင်နင်ဆေးဟာ Carbapenem ကာဘာပင်နင်ပဋိဇီဝဆေးဖြစ်တယ်။ Invanz နာမည်နဲ့ရေးင်းချတယ်။ 1 g IV, IM ပေးရတယ်။ Staphylococcus aureus (methicillin-susceptible isolates only), Streptococcus agalactiae, Streptococcus pneumoniae (penicillin-susceptible isolates only), Streptococcus pyogenes, E. coli, Haemophilus influenzae, Klebsiella pneumoniae, Moraxella catarrhalis, Proteus mirabilis, Bacteroides fragilis, Bacteroides distasonis, Bacteroides ovatus, Bacteroides thetaiotaomicron, Bacteroides uniformis, Clostridium clostridioforme, Eubacterium lentum, Peptostreptococcus species, Porphyromonas asaccharolytica, Prevotella bivia ဗက်တီးရိးယားတွေကိုနိုင်တယ်။ MRSA, ampicillin-resistant enterococci, Pseudomonas aeruginosa, Acinetobacter species ပိုးတွေကိုတော့ မနိုင်ပါ။

ဘေးထွက်သက်ရောက်မှုတွေကတော့ သွေးယို၊ ပူလောင်၊ ဝမ်းပျက်၊ အရေပြားအရောင်ပြောင်း၊ ရောင်ရမ်းခြင်း၊ ထုံကျင်၊ အနာ၊ နာတာတွေဖြစ်နိုင်တယ်။

BCG Vaccine, Typhoid Vaccine, Cholera Vaccine ကာကွယ်ဆေးတွေနဲ့ တွဲမပေးသင့်။ Lactobacillus and Estriol, Probenecid, Sodium Picosulfate, Tacrolimus (Systemic), Valproate Products ဆေးတွေနဲ့ မတွဲသင့်။

ဒေါက်တာတင့်ဆွေ
၂၈-၃-၂ဝ၁၈
၂ဝ-၄-၂ဝ၁၈