မြန်မာစာ ဖေါ်မြူလာတွေကို မေးခွန်းထုတ်ခြင်း
မြန်မာစာသတ်ပုံမှာ နောက်ထုတ်စာအုပ်တွေကသာမှန်တယ်လို့ တွင်တွင်ငြင်းနေကြတယ်။ နောက်ပေါ်ပုံသေနည်းတွေနဲ့ တိုင်းပြီးလည်း ထပ်ချည်းတလဲ ပြောနေကြတယ်။ ကျွန်တော်က တချို့ဟာတွေကို သဘောမတူနိုင်ပါ။ မြန်မာစာမှာ သိပ္ပံမှာလို ဖေါ်မြူလာတွေက အသုံးမကျတာက များတယ်။ ရေတွက်လို့ရတာကို တစ် ဆိုတာ အကုန်မမှန်ပါ။ သက်သေ တရာ (တစ်ရာ မဟုတ်) ရေးထားပြီးပြီ။ ပဲ နဲ့ ဘဲ မှာ မ နောက်က ဘဲ လိုက်ဆိုတာ အတော်များများမှာ မှန်ပေမယ့် ဖေါ်မြူလာလို သုံးမရပါ။ လဲ နဲ့ လည်းမှာလည်း ပုံသေနည်းလို မှတ်မရပါ။
မီ နဲ့ မှီ ကို အခုစာအုပ်တွေမှာ အချိန်မီ၊ မသွားမီ၊ မလာမီ၊ မီတာ၊ မီလီမီတာ နဲ့ မှီခို၊ မှီငြမ်း၊ မှီဝဲ၊ မှီတင်း၊ မှီအုံး လို့သာ သုံးတယ်။ အရင်ထုတ် သတ်ပုံစာအုပ်ထဲမှာလည်း မီအောင်လိုက်လို့ပါခဲ့တယ်။ အခုကဗျာထဲမှာ မမောနိုင် အမှီအမြန် လိုက်ရှာ၍လို့ ရေးခဲ့ပါတယ်။
တငေးမှိုင် မှုအရိုင်းတွေနှင့်၊ လူ့တိုင်းမှာ မနေပြီဘူးလို့၊ မြေမဟီ တုန်ကာသိမ့်တဲ့အောင်၊ အစွမ်းကုန် ဂျွမ်းခုန်လို့ လှိမ့်ရှာတော့၊ မိန့်အာဏာ ရေးတော်ပျက်ပြန်လို့၊ တပ်ထွက်ကာ အမှီလိုက်ပြန်ရ၊ တောတိုက် ဝနာမှာနော်ဗျာ၊ ဗတောဗရိုက် စောမကိုဋ်ကယ်ကြောင့်၊ မောဟိုက်စရာ။
တတောမြိုင် မဟီယံတဝိုက်မှာလ၊ မမောနိုင် အမှီအမြန်လိုက်ရှာ၍၊ ပြည်ပြန်ထိုက်အောင် အခြေဖေါ်လို့၊ ရွှေနားတော် သင့်အောင်လျှောက်သော်လဲ၊ နိက္ခမံ ဓိဋ္ဌာန်မြောက်သူမို့၊ ညှာထောက်ပုံ မူအရာနှင့်၊ ယူဇနာ ခြောက်ဆယ်လောက်ရှိလို့မှ၊ တမြူလွှာနောက်လယ်လို့၊ မကြည့်နေတော့့ မယ်သီဝလိက သံတော်ဦးတင်ပြန်သတဲ့။့့
တစ်ငေးမှိုင် မဟုတ်။ တစ်တောမြိုင် မဟုတ်။ မဟီယံတစ်ဝိုက်မှာလ မဟုတ်။ သင့်အောင်လျှောက်သော်လည်း မဟုတ်။
ပဲ နဲ့ ဘဲ ကို ကျွန်တော်လည်း မှားတတ်လို့ စေတနာနဲ့ ပြင်လာပေးကြပါတယ်။ မ သဘော၊ မရှိ-မဟုတ် သဘော ပါမှသာ ဘဲ လို့သုံးတယ်။ မ နောက်က ဘဲ လိုက်သည်တဲ့။
သိပ္ပံမောင်ဝရေးခဲ့တာလေးရှိတယ်။ မောင်ဝဆိုတဲ့ မောင်ဝကတော့ သတ်ပုံကျရင်ဖြင့် ဖြစ်ကတတ်ဆန်းဘဲ။ ရေးချင်သလို ရေးတော့တာဘဲ။ သည်နေရာမှာ ဦးဇော်ဂျီတို့ မင်းသုဝဏ်တို့က သာသဗျာ့့ ဒါကြောင့်မို့ အခုတော့ဖြင့် ကဝိမျက်မှန်သတ်ပုံစာအုပ်ကြီးကို အမြဲ လက်ကိုင်ထားတယ်။ ဒါတောင်မှ တခါတခါ (တစ်ခါတစ်ခါ မဟုတ်ပါ) အမှားတွေဖေါက်ဖေါက်လာတယ်။ မောင်ဝဆိုတဲ့ မောင်ဝဟာ ဘယ်လိုဘဲ ထွင်တယ်ဆိုဆို၊ ဘယ်လိုဘဲ အရေးကောင်းတယ်ဆိုဆို၊ ဘယ်လိုဘဲ စိတ်ကူးစိတ်သန်း ကောင်းတယ်ဘဲဆိုဆို (ကောင်းတယ်ပဲဆိုဆို မဟုတ်ပါ)၊ မသေချာတဲ့နေရာမှာတော့ ပထမတန်းဘဲဗျို့။ နို့ပေမဲ့ မွေးကတည်းကပါလာတဲ့ အကျင့်မို့လားမသိဘူး၊ ဘယ်တော့မှ ပြင်လို့မရဘူး။ သေသည်တိုင်အောင် ဖြစ်ကတတ်ဆန်းသမားဖြစ်သွားမဲ့ မောင်ဝပါဘဲဗျာ။ (၁၁-၁ဝ-၁၉၃၇ မြန်မာ့စွယ်စုံကျမ်း)
ကိုယ်မှန်တယ်ထင်ရင်တော့ ရေးကြပေါ့။ အရင်ရေးခဲ့တာတွေက မှားတယ်၊ နောက်လူတွေပြောတာသာ မှန်တယ်လို့တော့ သင့်ပါ့မလား။ စာဟောင်းတွေကို နောက်သတ်ပုံတွေနဲ့ပြင်ရေးပြီး ရောင်းမစား အမြတ်တော့ရမယ်၊ သင့်ပါ့မလား။
ဒေါက်တာတင့်ဆွေ
၁၃-၁၂-၂ဝ၁၆
Comments
Post a Comment