မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Sunday, December 11, 2016

The Outlaw အမောင် ဝါးရမ်းပြေး

Zarni Thantzin မြန်မာမှာ လူတော်တွေ တော်တော်များများက နိုင်ငံခြားကိုထွက်ခွာသွားခါနီးမှာ အမြဲလိုလို ညွှန်းဆိုတတ်တဲ့ ဆရာမင်းသုဝဏ်ရဲ့ ကဗျာတပုဒ်ပါ။ ခရီးမတ်တတ်၊ လမ်းခုလတ်တွင် ကိုယ်လွတ်ရှောင်ခွာ၊ ခွဲရပါ၍ အားနာခဲ့ကြောင်း ပြောပါလေ။ တကယ်တမ်းပြန်တွေးကြည့်မယ်ဆိုရင် ကမ္ဘာဟာ ရွာတရွာပါ။ ကမ္ဘာပေါ်က ဘယ်နေရာမှာ ရောက်နေနေ၊ ကိုယ့်ရွာသားဟာ ကိုယ့်ရွာသားပါပဲ။ ကိုယ့်ကိုယ်ကို ငါက ဘယ်ရွာသားကွလို့ ဟစ်ကြွေးတာမျိုးကိုလည်း သဘောမကျပါ။ ဆရာကကော ကိုယ့်ကိုယ်ကို ကိုယ်လွတ်ရှောင်ခွာ ထွက်ကာသွားသူရယ်လို့ သတ်မှတ်ထားပါသလားဆရာ။

မေးလို့ စဉ်းစားဖြစ်တာ ကျေးဇူးတင်တယ်။ ကျွန်တော်ဟာ ကိုယ်လွတ်ရှောင်ခွာ ထွက်ကာသွားသူ အစစ်ဖြစ်ပါတယ်။ ၁၉၉ဝ ခုနှစ် နိုဝင်္ဘာလ (၂၇) ရက်ညမှာ အိမ်ကိုလာဖမ်းပါတယ်။ ထွက်ပြေးတယ်။ ပြည်တွင်းထဲမှာ ရှောင်ပုန်းနေတယ်။ နောက်ဆုံး တိုင်းပြည်ကနေ ထွက်ပြေးဘို့ ဆုံးဖြတ်ချက်ချပြီး ထွက်ပြေးလိုက်တာ အခုထိပါပဲ။ ထွက်သာမပြေးရင် ကနေ့ မန္တလေးတိုင်းဝန်ကြီးချုပ် ဒေါက်တာဇော်မြင့်မောင်နဲ့ တမှုတည်း။ အလုပ်ကြမ်းနဲ့ ထောင် (၂၅) နှစ်ကျခံရပါမယ်။

ဆရာမင်းသုဝဏ်ရဲ့ သူ့မှာတမ်းကဗျာထဲကလိုလားမေးလို့ အထပ်ထပ်စဉ်းစားနေတာ ၃-၄ နာရီရှိပြီ။ ခရီးမတ်တတ်၊ လမ်းခုလတ်တွင် ကိုယ်လွတ်ရှောင်ခွာ၊ ခွဲရပါ၍ အားနာခဲ့ကြောင်း ပြောပါလေ။ ငါ့ကော့့

အလွန်ကောင်းတဲ့ ကဗျာ၊ နှစ်ခြိုက်စရာ စာ၊ ကြည့်ကောင်တဲ့ ရုပ်ရှင်၊ နားစွဲလှတဲ့ သီချင်းတွေအပြီးမှာ ကိုယ့်ကိုယ်ကို ဇာတ်လိုက်နေရာယူတတ်ကြတယ်။ ငယ်သူတိုင်းပါ။ ကျွန်တော်လည်းပါခဲ့တယ်။ တချို့က ကြီးတောင့်ကြီးမှ ကိုယ့်ကိုယ်ကို ဇာတ်လိုက်ပဲ ထင်နေကြတယ်။

ကျွန်တော်ကတော့ မဲပေးတာယူ၊ မဲပေးသူထားခဲ့၊ ငါတာဝန်ကျေရဲ့လားလို့ ကိုယ့်ကိုယ်ကိုသာ ပြန်မေးပါတယ်။ အမောင်ပြောက်ကျားကတော့ စကားသုံးခွန်း ဖြေသွားချိန်ရပါသေးတယ်။ ကျွန်တေ်ာ ထွက်မပြေးခင်မှာ ဇနီးတယောက်တည်းကိုသာ မှာချိန်ယူခဲ့ရပါတယ်။ မိဘကိုမှာချိန် မရှိခဲ့ပါ။ တိုင်းပြည်ကိုမှာစရာ ထူးမရှိပါ။

မဲပေးခဲ့သူတွေကို အားနာတယ်လို့သုံးတာထက် သင့်တော်တာ ရှိသေးလား။ ရှိရင် အဲတာပါပဲ။ ကျွန်တော် ချေဂွေဗားရား မဟုတ်ပါ။ ရဲဘော်သုံးကျိပ်ဝင် မဟုတ်။ ဝါးရမ်းပြေးသာ အမှန်ဖြစ်ပါတယ်။

ဒေါက်တာတင့်ဆွေ
၁၁-၁၂-၂ဝ၁၆
ည ၁၁ နာရီ၊ ၂၇ မိနစ်။

No comments:

Post a Comment

Note: Only a member of this blog may post a comment.