Incest ဆွေမျိုးနီးစပ် လက်ထပ်ခြင်း

အခုပဲတယောက်ကမေးတယ်။ မောင်နှမတဝမ်းကွဲလက်ထပ်ခြင်း။ သူမေးတာကို မထည့်တော့ပါ လွန်ခဲ့တဲ့ ၆-၇ နှစ်ကမေးတာကိုဖြေတဲ့စာကို တင်ပါမယ်။

ဆရာခင်ဗျ မောင်နှမတဝမ်းကွဲ အိမ်ထောင်ပြုရင် မွေးတဲ့ကလေးတွေ ဘယ်လိုဖြစ်နိုင်ပါသလဲ။ ကျွန်တော့်မှာ ကလေး ၂ ယောက်လုံး CP ဖြစ်နေပါတယ်ခင်ဗျ။ အကြီးလေးက မျက်စေ့မမြင်၊ အငယ်လေးကလဲ OA တဲ့ဆရာ။

ဆွေမျိုးနီးစပ်လက်ထပ်တာကို Incest ခေါ်တယ်။ တသွေးထဲက မွေးလာသူတွေနဲ့ (မွေးစားတာအပါအဝင်) တအိမ်တည်း နေသူတွေလို့ ကွဲသေးတယ်။ လက်ထပ်ပေါင်းသင်းမှုအပြင် စိတ်ဖြစ်ပေါ်မှု၊ မတော်တဆဖြစ်မှု မတူသေးပါ။

အမျိုးအစားတွေထဲမှာ (အမျိုးလူကြီး + အမျိုးကလေး)၊ (အမျိုးကလေး + အမျိုးကလေး)၊ အမျိုးအရွယ်ရောက်ချင်း၊ တဝမ်းကွဲအမျိုးချင်း။ သုတေသန လုပ်တာတွေက ယေဘုယျချဘို့ခက်တယ်။ အကြမ်းဖျင်း လူဦးရေ ၁ဝ-၁၅% လောက်မှာ ဒီစိတ်မျိုးရှိတတ်ပြီး၊ ကိုယ်ထိလက်ရောက်ဖြစ်တာက ၂% လောက်ရှိမယ်လို့ ယူဆကြတယ်။ ဖခင်-သမီး ဖြစ်ပျက်မှုက အများဆုံး။ မိခင်-သားက အနည်းဆုံး။ အကိုနဲ့နှမ မနည်းလှဘူး။ မောင်နဲ့နှမအကြား ဖြစ်တာမျိုးက မိဘနဲ့သားသမီးကြား ဖြစ်တာထက် များတယ်။ အရွယ်မရောက်သူအပါအဝင် ငယ်သူအပေါ် စော်ကားမှုမျိုးက ရေရှည်သဘောများတယ်။

မျိုးဗီဇတူသူအကြား အိမ်ထောင်ပြုရင် မွေးရာပါချို့ယွင်းချက်နဲ့ ကလေးတွေ မွေးတတ်တယ်။ မျက်နှာနှစ်ခြမ်းမတူတာ၊ လူကောင်သေးတာ၊ ခုခံအားစနစ် ကောင်းကောင်းမလုပ်တာ၊ သား-သမီး နည်းတာတွေ ဖြစ်မယ်။ မိဘ + သားသမီး = ၂၅%၊ မောင် + နှမ = ၂၅%၊ အဖေတူ + အမေကွဲ၊ မအေတူ + အဖေကွဲ = ၁၂့၅%၊ ဦးလေး + တူမ၊ အဒေါ် + တူ = ၁၂့၅%၊ မောင် + နှမ တဝမ်းကွဲ = ၆့၂၅%၊ ဦးလေး + တူမတဝမ်းကွဲ = ၆့၂၅%၊ မောင် + နှမနှစ်ဝမ်းကွဲ = ၁့၆% မှာ လာဖြစ်နိုင်တယ်။

သမိုင်းမှာလဲ နမူနာတွေရှိခဲ့ဘူးတယ်။ ရိုမန်အင်ပါယာ Caligula ကနေ Julia Livilla, Drusilia, Agrippina the Younger ဆိုတဲ့ နှမ-တူမ သုံးယောက်လုံးကို ယူခဲ့တယ်။ အင်္ဂလန်က ဗစ်တိုရီယာဘုရင်မနဲ့ အဲလ်ဇတ်မင်းသားတို့လဲ တဝမ်းကွဲတွေ။ ဥရောပဘုရင်တွေရော မြန်မာဘုရင်တွေပါ သွေးသားတော်စပ်သူတွေကို မိဘုရားမြှောက်တာ နန်းတွင်းအစဉ်အလာ Intermarriage ရှိခဲ့ကြတယ်။ နာမည်အကြီးဆုံးဆိုရမှာက House of Habsburg ဖြစ်တယ်။ ရာစု ၆ စုတိုင် အမျိုးချင်း လက်ထပ်တာကြောင့် မေးရိုးက ရှေ့ငေါထွက်နေတာကို Austrian lip လို့ ခေါ်တယ်။ စပိန်ဘုရင် Charles II ဟာ အစားတောင် သူများလို ဝါးမရတော့ဘူး။

မျိုးဗီဇဝေးတာကို Exogamy ခေါ်တယ်။ Gene (ကော်ပီ) ဖြစ်ဘို့ အခွင့်အလမ်းနည်းလို့ ပေါင်းသင်းထိုက်တယ်။ Iceland က deCODE genetics company ကနေ ၃ ဝမ်းကွဲတော်သူတွေဟာ မျိုးစပ်လို့ အောင်မြင်မှု အများဆုံးလို့ ထုတ်ပြန်တယ်။ အိုက်စလန်ဆိုတာ သေးငယ်လွန်းလို့ အမျိုးနီးစပ် လက်ထပ်ကြတာများတာကိုး။ Genetic sexual attraction (GSA) ဆိုတာလဲ ရှိသေးတယ်။ အမျိုးတော်ပေမဲ့ ကြီးမှပြန်တွေ့တဲ့အခါ လိင်ဆွဲဆောင်မှုဖြစ်တာကို ပြောတာပါ။ ဆွဲဆောင်မှု သာမက ယုံကြည်မှုလဲ ရှိကြတယ်လို့ မှန်းရတယ်။ အိုးချင်းထား အိုးချင်းထိ၊ ကြိုးချင်းထား ကြိုချင်းငြိဆိုတာနဲ့ မတူဘူး။

Incest ဟာ တရားမဝင်ဘူး၊ ဘာသာရေးက ခွင့်မပြုဘူး၊ မလိုလားအပ်တဲ့ Taboo ဖြစ်တယ်၊လို့ နားလည်လက်ခံကြတယ်။ လူမှုရေး အသိုင်းအဝိုင်းနဲ့ ဘာသာရေးအယူတွေမှာ ကွဲပြားမှုတော့ ရှိတယ်။ ရှိသမျှ ဘာသာပေါင်းစုံက တားမြစ်မှုအမျိုးမျိုး လုပ်ထားပေမဲ့ တခုနဲ့တခုမတူဘူး။ ရိုမန်ကက်သလစ်က အတင်းကြပ်ဆုံးဘဲ။ အရှေ့အော်သိုဒေါက်စ်က ၂ ဝမ်းကွဲအထိ ခွင့်မပြုဘူး။ အင်ဂလီကန်က တဝမ်းကွဲကို လက်ထပ်ခွင့်ပြုတယ်။

အစ္စလမ်ကတော့ ဖအေရဲ့မိန်းမ (မိခင်နဲ့ မိထွေး)၊ နှစ်ဘက်က အဒေါ်၊ နှမအရင်း၊ ဖအေတူ-မအေတူ နှမ၊ တူမ၊ သမီး၊ (မအေကို ယူပြီးရင်) မယားပါ-သမီး၊ ချွေးမတွေကို ယူခွင့်မပြုဘူး။ လက်တွေ့ဘဝမှာ ၂ဝဝ၇ နိုဝင်္ဘာ ၂ဝ ဘီဘီစီသတင်း တပုဒ်မှာ အိန္ဒိယ၊ အနောက်ဘင်္ဂလားမယ် သမီးအကြီးကို ယူတာဟာ အလာရှင်အလိုတော်ရလို့ Afazuddin Ali ကနေ သူ့မိန်းမကို ပြောတယ်။ မိန်းမကလဲ တရားရုံးမှာ အဲလိုပြောတာ လက်ခံတယ်လို့ ထွက်ဆိုတယ်။ ရွာသားတွေကတော့ ဒေါသထွက်ပြီး ခေါင်းဖြတ်ချင်ကြတယ်။ တရားရုံးကလဲ သူ့အာဏာစက်မဟုတ်လို့ အဆုံးအဖြတ် မပေးနိုင်ခဲ့ဘူး။ မိသားစုဟာ တခြားနေရာရွေ့ပြီး ကနေ့ထက်ထိ နေထိုင်ပေါင်းသင်းနေကြဆဲပဲ။

ဟိန္ဒူတွေက ဒါကို ပြင်းပြင်းထန်ထန် ဆန့်ကျင်ကြတယ်။ ဒါပေမဲ့ တောင်ပိုင်း (ဒရာဗီဒီယန်) တွေကတော့ တူမကို ယူတာ လက်ခံတယ်။ ဗုဒ္ဓဘာသာမှာတော့ ၅ ပါးသီလနဲ့ မဂ္ဂင်ရှစ်ပါးအရ Sexual misconduct လိင်မဖွယ်မရာမှုလို့ ကျယ်ပြန့်တဲ့ တားမြစ်မှုတွေ ပါရှိနေတယ်။

သမားရိုးကျ ခွဲခြမ်းစိတ်ဖြာစိတ်ပညာ သီအိုရီက ကလေးငယ် ၃-၅ နှစ်သား အရွယ်မှာ ဆန့်ကျင်ဘက်လိင် မိဘကို ဒီသဘောဆောင်တဲ့ တွယ်တာမှု ဖြစ်တယ်လို့ ဆိုတယ်။ ဂရိ Oedipus Rex ကို အစွဲပြုပြီး သားကနေ မိခင်အပေါ် စိတ်ညွှတ်တာကို Oedipus complex လို့ ခေါ်တယ်။

ဂရိရှေးဟောင်းစာပေထဲက Zeus နဲ့ Hera တို့က မောင်နှမတော်ကြတယ်။ အခုခေတ် မောင်နှမတဝမ်းကွဲ လက်ထပ်ကြတာကို အမေရိကားမှာ ပြည်နယ် ၂၆ ခုက ခွင့်ပြုထားတယ်။ တချို့နိုင်ငံတွေ ဥပမာ ပါကစ္စတန်မှာ အဲလို ဝမ်းကွဲတွေယူတာဟာ မျိုးသန့်တယ်လို့ ယူဆတယ်။ လိင်စိတ်ကြွစေတဲ့ ဝတ္ထုတွေမှာတော့ သွေးသားတော်စပ်သူတွေရဲ့ ဇာတ်လမ်းတွေ ရေးကြတယ်။ အမျိုးတော်နေတာကိုမသိဘဲ လက်ထပ်ယူတာတွေရှိတယ်။ မတော်တဆဖြစ်မှုခေါ်တယ်။ မျိုးဗီဇလိင်ဆွဲဆောင်မှုကြောင့်လို့ စိတ်ပညာရှင်တွေက ယူဆတယ်။

ဆန့်ကျင်ဘက်လိင်ကို စွဲလမ်းနှစ်လိုမှု၊ ကာယကံမြောက်မှု ဆိုတာတွေက အဲလို အကြောင်းတွေကနေ ဖြစ်တာဘဲ။ လူနဲ့ တိရစ္ဆာန် ကွဲပြားတာက ဒီနေရာမှာပါ။ လူ့စည်းဆိုတာ ရှိကြရတယ်။ ဘာသာရေးစည်း၊ လူမှုရေးစည်းဆိုတဲ့ အခြေခံနဲ့ အကျယ်ပြန့်ဆုံး စည်းတွေသာမက အသင်းစည်းကမ်း၊ ကျောင်းစည်းကမ်းစတာတွေလဲ ရှိသေးတယ်။ သစ္စာရည်သောက်၊ သွေးဖေါက်သစ္စာဆို လုပ်တတ်ကြသလို တချို့ကြ သံမဏိစည်းကမ်းလို့တောင် ခေါ်တဲ့ ဖေါက်ရင် ပြစ်ဒဏ် ကြီးကြီးမာမားနဲ့ တားတာမျိုးလည်းရှိတယ်။ သီရိလင်္ကာ တမီးလ်အဖွဲ့ LTTE တွေဟာ လည်ပင်းမှာ စိုင်ယာနိုက်အဆိပ်ပုလင်း ဆွဲကြရတယ်။ စည်းမတူ၊ နည်းမတူ၊ လူလူချင်းမတူကြပါ။

စိတ်ဟာ အထူးအာရုံခံလို့ခေါ်တဲ့ အကြား၊ အမြင်၊ အနံ့၊ အရသာ၊ အထိအတွေ့ ဆိုတဲ့ အာရုံငါးပါးမှာ နစ်မြော-မွေ့လျော်-ပျော်ပါးလေ့ရှိတယ်။ အာရုံငါးပါးအပြင် လူလူချင်း မတူကြတာက မျိုးဗီဇ၊ ဟော်မုန်း-ဆေးဝါး အပြင် ကာလံဒေသံ ဆိုတာလဲ အရေးပါသေးတယ်။ ဇာတ်တော် တခုထဲမယ် ဆိတ်ကွယ်ရာမှာ ဆန့်ကျင်ဘက်လိင် နှစ်ဦးထဲ အတူရှိနေရင် ဖေါက်ပြန်စိတ် ဆိုတာ ဆွေမျိုးတော်သော၊ မတော်သောဖြစ်တတ်တာကို ဇာတ်တော်ထဲမှာ မိခင်ကနေ သားကိုပညာပေးဆုံးမဘူးတယ်။ အဆုံးအမတည်လို့ ဘာမှ အမှားအယွင်းမဖြစ်ဘူး။

Liberal သမားတွေဟာ အများစုက အစဉ်အလာအရ လက်ခံတာတွေ အပါအဝင် ပယ်ချင်တာ မှန်သမျှ ပယ်ချင်ကြတယ်။ သူတို့နဲ့ မတူရင် ခေတ်ဟောင်း နောက်မြီးဆွဲလို့ သမုတ်ကြတယ်။ ဒီ ကျန်းမာရေးပြဿနာမှာ သေချာတာက ကျိန်စာလို့ ထင်မှတ်မှုကြောင့် အဖြစ်နည်းစေပါတယ်။ တဝမ်းကွဲတွေအိမ်ထောင်ကျပြီး ပုံမှန် သားသမီး မွေးတာတွေလည်း အများကြီးရှိပါတယ်။ မောင်နှမတဝမ်းကွဲတွေ လက်ထပ်ပေါင်းသင်းလို့ ကျန်းမာရေးအရ စိုးရိမ်စရာတွေဟာ ပြောကြသလောက်မဆိုးပါလို့ ၄-၄-၂ဝ၁၂ နေ့ထုတ် နယူးယောက်တိုင်းမ်သတင်းစာမှာ ရေးထားတယ်။

Dr. တင့်ဆွေ
၁၃-၁ဝ-၂ဝ၁ဝ
၂၇-၄-၂ဝ၁၇