Tuesday, April 18, 2017

Unicornuate Uterus ဂျိုတခုသာပါတဲ့ သားအိမ်

ဆရာ သမီးအသက် ၂၉နှစ်ပါ။ ကိုယ်ဝန် ၃၇ပတ် ရှိပြီ။ သားအိမ်တစ်ခြမ်းပဲ ဖွံ့ဖြိုးတယ်ပြောပါတယ်ဆရာ။ ရင်ညွှန့်နှင့် နံရိုးနားတဝိုက် ကြွက်တတ်သလိုမျိုး စမ်းကြည့်ရင် အမြှောင်းလိုက် ဖြစ်ပြီး နာပါတယ်ဆရာ။ သက်သာချင်ရင် သက်သာပါတယ် တနေ့ ၁ဝ ကြိမ်လောက်ဖြစ်ပါတယ်ဆရာ။ ပက်လက်နေရင် သက်သာပါတယ်ဆရာ။ ပက်လက်အနေအထား အကြာကြီးမနေနိုင်ပါဘူးဆရာ။ သမီးကို အကြံပေးပါရန် မေတ္တာရပ်ခံအပ်ပါတယ်ဆရာ။

ကိုယ်ဝန် အာလ်ထွာဆောင်းအဖြေ (ပုံ မဟုတ်) သိပါသလား။

အဖြေ ပို့လိုက်ပါတယ်ဆရာ။ ဟုတ်ပါသလား။

သားအိမ်တခြမ်းပဲ ဖွံ့ဖြိုးတယ်လို့ စာထဲမှာ မတွေ့။

ခရီးလွန်နေလို့ အခုမှပို့ဖြစ်တာပါဆရာ တောင်းပန်ပါတယ်။ Result စာရွက်က အိမ်မှာဖြစ်နေလို့ပါဆရာ

ဆေးစစ်ချက်အရ Unicornuate Uterus ချို (ဂျို) မပါတဲ့သားအိမ်ဖြစ်ပါတယ်။ ရှားတယ်။ အာလ်ထွာဆောင်းရိုက်မှသာ သိကြတယ်။ သားအိမ်ဆိုတာ ချိုနှစ်ခုလိုပါတယ်။ အစွန်းတခုစီကနေ သားအိမ်ပြွန်လာဆက်နေတယ်။ ချိုတခုတည်းသာပါသူမှာ သားအိမ်ပြွန်လည်း တခုသာပါတယ်။

Rudimentary horn ခေါ် စတိသဘော ချိုရှိနိုင်တယ်။ ခွဲစိတ်ဖြတ်သင့်တယ်။

အမျိုးသမီး ၃ဝဝဝ မှာ မွေးရာပါ didelphys သားအိမ်နှစ်ခွရှိသူ ၁ ယောက်။ ဂျိုမပါတဲ့သားအိမ်က ၄ဝဝဝ မှာ တယောက်ရှိတယ်။

အဲလိုအမျိုးသမီးဟာ သူကိုယ်တိုင်သန္ဓေသားဘဝကတည်းက မူမမှန်တာဖြစ်ခဲ့တယ်။

ဒီလိုသားအိမ်ရှိသူ ကိုယ်ဝန်ရရင် ကိုယ်ဝန်ဆောင်စောင့်ရှောက်မှု စနစ်တကျလုပ်ရမယ်။

လေ့လာမှုတခုအရ အဲလိုအမျိုးသမီး ၂၉ဝ မှာ ၁၇၅ ယောက်ကကိုယ်ဝန်ရကြတယ်။ ထပ်လည်းကိုယ်ဝန်ရလို့ စုစုပေါင်း ၄၆၈ ခါရှိတယ်။ ၅ဝ% ကကလေးအကောင်းမွေးတယ်။ သားအိမ်ပြင်ပသန္ဓေတည်နှုန်း ၂့၇% ရှိတယ်။ ကိုယ်ဝန်ပျက်တာ ၃၄% နဲ့ စောမွေးတာ ၂ဝ% ရှိတယ်။ ၁ဝ% ကသားအိမ်ထဲမှာကလေးသေဆုံးတယ်။

ဒေါက်တာတင့်ဆွေ

No comments:

Post a Comment

Note: Only a member of this blog may post a comment.

သတ်ပုံမှန်ခေတ်က

ကောက်ရိုးကလေးတမျှင် စာကလေးတစောင် ဒေါက်တာတင့်ဆွေ