Tuesday, April 18, 2017

The Truth အမှန်

ကျွန်တော့်ပို့စ်တခု = အိုင်းစတိုင်း ဦးနှောက်

ကွန်မင့်လေးခု -
၁။ Naing Lwin Myint ဘာသာရေးထဲက နှိုင်းရအမှန်တရားဆိုတာ ဘာလဲဆရာ
၂။ Býè Býè ဟုတ်တယ်ဆရာ အဲ့စကားကိုမသိဘူး သိချင်ပါတယ်ဆရာ
၃။ KoJew Satori သမုတိသစ္စာကိုပြောတာဖြစ်မယ်ထင်တယ်ဗျ။
၎။ Naing Lwin Myint မဂ္ဂင်ရှစ်ပါး ထင်တယ်

ဘာသာရေးကို အများကြီး မကိုးကားလိုပါ။ ကျွန်တော်သိတာက နည်းနည်းလေး။ တတိယကွန်မင့်မှာရေးသလို သမုတ် (သတ်မှတ်) ထားတာနဲ့ အရှိအမှန် (အစစ်) လို့ နှစ်မျိုးရှိတယ်။ ဘယ်အရာကိုကြည့်ကြည့် တရားသဘောမတွေ့သေးသမျှ သမုတ် (မှည့်ခေါ်) ထားတာကိုသာ သိမြင်ကြတယ်။ အစစ်အမှန် (သစ္စာ) ကတော့ လေးနက်လို့ မြင်ခဲတယ်။

ကျွန်တော်ပြောလိုရင်း ဒိထက်ပေါ့ပါးတယ်။

အကိုဟာ သူ့ညီထက် အသက်ကြီးတယ်။ အဲဒီအကိုဟာ သူ့ညီနဲ့ယှဉ်ပြောမှသာ သူကပိုကြီးတာမှန်တယ်။ သူတယောက်တည်းကို ကြီးသလား၊ ငယ်သလားမေးရင် ဘယ်လိုဖြေမလဲ။

ပေတံတချောင်းကို တိုသလား ရှည်သလားမေးလို့မရပါ။ ခြောက်လက္မတံထက်တော့ ရှည်တယ်။ ကိုက်တံထက် တိုတယ်။

အားငယ်နေသူတွေကို အားပေးစကားရေးပါတယ်။ တိုတဲ့တုတ်နဲ့တိုင်းရတယ်လို့။ အစာအိမ်လေနာဖြစ်နေသူကို ကင်ဆာမဟုတ်တဲ့အတွက် စိတ်သက်သာရာ ရပါလို့ အားပေးရတယ်။

ကျွန်တော်ဆရာဝန်ဖြစ်စ ဘုန်းကြီးတပါးနဲ့ စကားပြောရတယ်။ သူ့ဆရာတော်ကို ကျွန်တော်က ဆေးကုပေးတာ သက်လို့ တည်ခင်းကျွေးမွေးရင်း စကားပြောဖြစ်တာပါ။ ဆရာဝန်လေး အင်းဝတံတားဟာ အသွားလမ်းလား၊ အပြန်လမ်းလားတဲ့။ ကျွန်တော်က စစ်ကိုင်းဖက်ကနေ သွားစဉ်းစားလိုက်၊ မန္တလေးဖက်ကနေ ပြေးစဉ်းစားလိုက်နဲ့ အဖြေမထုတ်တတ်ခဲ့ပါ။ ချွေးပြန်တယ်လို့တောင် ပြောချင်တယ်။

ကျွန်တော်က အချိန်ရတိုင်း စာတွေဖတ်ပါတယ်။ တရားတွေလည်းနာတယ်။ အိုင်းစတိုင်းရဲ့ ရီလေတစ်ဗတီ သီအိုရီကို မြန်မာလိုချောနေအောင်ပြန်ထားတဲ့ မြန်မာစာစကားပြေကို ဆယ်တန်း စိတ်ကြိုက်မြန်မာစာမှာပါတယ်။ ကျွန်တော်က အဲဒီဘာသာကို မယူပေမယ့် ငှားဖတ်တယ်။

မီးရတားနှစ်စီး မြောက်အရပ်ကို အပြိုင်ခုတ်မောင်းနေကြတယ်။ မီးရထားဘူတာမှာ ပဌမလူရှိ်တယ်။ သူကပြောတယ်။ တစီးက တနာရီ မိုင် ၅ဝ နှုန်းနဲ့ မြောက်အရပ်ကိုသွားနေတယ်။ နောက်တစီးက တနာရီ မိုင် ၄ဝ နှုန်းနဲ့ မြောက်အရပ်ကို သွားနေတယ်။

ဒုတိယလူက နှေးတဲ့ရထားပေါ်မှာ။ သူကပြောတယ်။ ရှေ့ကရထားဟာ တနာရီ ၁ဝ မိုင်နှုန်းနဲ့နဲ့ မြောက်အရပ်ကို သွားနေတယ်။

တတိယလူက မြန်တဲ့ရထားပေါ်မှာ။ သူကနောက်ပြန်ကြည့်ပြီး ပြောတယ်။ နောက်ကရထားဟာ တနာရီ ၁ဝ မိုင်နှုန်းနဲ့ တောင်အရပ်ကို သွားနေတယ်။

ဘယ်သူက မှန်သလဲ။ သူတို့အားလုံးက နှိုင်းပြောနေကြတာ။ ရထားဟာ ရထား၊ တံတားဟာ တံတား။

• အိုသည် ပျိုသည်၊ ကောင်းသည် ဆိုးသည်၊ နှိုင်းရအမှန်မည်။
• ပါဠိစာလုံးသုံးမှ မှန်သည်၊ အင်္ဂလိပ်စာလုံးပါမှ မှန်မည် မဟုတ်ပြီ။
• ရီလေတစ်ဗတီ သီအိုရီ အိုင်းစတိုင်းအရင်တည်းက နားရည်ဝထားသည်။
• ဘာသာပြန်သူတွေက ဘယ်လိုပြန်ပြန် အမှန်ဟာ ဘာသာစကားမခွဲခြားဘဲ မှန်နေသည်။
• စာမတတ်သူတွေအတွက်လည်း မှန်ပါသည်။ ကိုးကွယ်ဘာသာ မတူပေမယ့်လည်း မှန်ပါသည်။
• ဝေါဟာရကင်းတဲ့အသိထိ ရှိကြစေချင်သည်။

ဒေါက်တာတင့်ဆွေ
၁၉-၄-၂ဝ၁၇
ည (မနက်) ၁ နာရီ၊ ၁၇ မိနစ်။

No comments:

Post a Comment

Note: Only a member of this blog may post a comment.

ဈေးကြီးသော ပန်းချီဆရာဝန်

လွန်ခဲ့တဲ့ ၂၈ နှစ်ကသိမ်းထားခဲ့တဲ့ သံသေတ္တာလေးကို ဖွင့်တော့ အထဲမှာ ရေဆေးပန်းချီကားလေးတချပ်တွေ့တယ်။ ကျွန်တော့်လက်မှတ်ပါပေမဲ့ နေ့စွဲမပါ။ ပန်းခ...