Uterine Prolapse သားအိမ်ကျတယ်ဆိုတာ

(ကန်တော့ပါ)

၁။ မင်္ဂလာပါဆရာ။ ကျမအသက်က ၂၆ နှစ်ပါ။ သားအိမ်ကျတာ ၁ နှစ်ကျော်နေပြီ။ ကလေးနှစ်ရှိပါတယ်။ ဒုတိယကလေး မွေးမှ သားအိမ်ကျတာ တခါဖြစ်ရင် တနေကုန်နာတယ်။ ဆေးရုံပြတယ်။ ဆေးစစ်တာ အာလ်ထွာဆောင်းရိုက်တာမရှိပါ။ ဆေးပေးလိုက်တယ်။ ဒီဆေးပါရှင့်။

၂။ မင်္ဂလာပါရှင့် သမီးအသက် (၃ဝ) ပါ။ အမျိုးသားနဲ့ အသက်တူပါတယ်။ အိမ်ထောင်ကျတာ ၇ လရှိပါပြီ။ ရာသီလည်း မှန်ပါတယ်။ အနည်းအများလည်း ပုံမှန်ပါပဲ။ သန္ဓေတားဆေးမသုံးဖူးပါ။ ခုထိကလေးမရသေးလို့ပါရှင့်။ OG က သမီးကို သားအိမ်ကျယ်တယ်လို့ ပြောထားဖူးလို့ ခုကလေးမရတာနဲ့ ဆက်စပ်နေမလားလို့ပါရှင့်။ ကျေးဇူးပြုပြီး အဆင်ပြေရင် ဖြေပေးပါနော်။

၃။ ဆရာရှင့် သမီးအမေ ဆီးအိမ်အောင့်နေလို့ ဆရာမသွားပြတာ ဆီးအိမ်လျောလို့ လို့ပြောပါတယ် အဲ့ဒါစိုးရိမ် ရပါသလားရှင့်။ ဘယ်လိုနေထိုင် စားသောက်သင့်ပါသလဲဆရာ။ ကျေးဇူးပြုပြီး ပြောပြပေးပါဆရာ။ ဘာဆက်လုပ်ရမလဲ ဆရာ။

သားအိမ်ကျတာ အဖြစ်များတယ်။ ပိုများတာက ဆီးအိမ်ကျတာ၊ Cystocele လို့ခေါ်တယ်။ အမျိုးသမီးတွေ သားဖွါးဖူးရင်၊ ကြွက်သားအားနည်းရင်၊ အနေအထိုင် အဆင်မပြေရင် ဆီးအိမ်ကျတယ်။ သားအိမ်ကျသလိုပဲ။ ဗဂျိုင်းတားရှေ့နေရာ ဆီးအိမ်က ဗဂျိုင်းနားထဲ ကျွံကျတာဖြစ်တယ်။ ချောင်းဆိုးကြည့်ရင် စူထွက်လာတယ်။ သားအိမ်ကျတယ်ဆိုတာ သားအိမ်ကို ပင့်တင်-ထိန်းပေး ထားတဲ့ ကြွက်သားနဲ့ အရွတ်တွေရှိတယ်။ အဲဒါတွေ အားနည်းရင် ထိခိုက်ပျက်စီးရင် သားအိမ်ကအောက်ကျလာတယ်။ Uterine prolapse လို့ ခေါ်တာများတယ်။ အမျိုးသမီး ၃ဝ-၄ဝ% မှာ ဖြစ်ကြတယ်။ အသက် ၄ဝ ကျော်သူတွေက များတယ်။ အသက် ၅ဝ ကျော်ရင် ၅ဝ% မှာရှိပြီး ၁ဝ-၂ဝ% က ခံစားနေရတာတွေ ရှိနေကြတယ်။

မြန်မာပြည်မှာ အတော်အဖြစ်များတယ်။ တာဝန်ကျတုံးက ခွဲစိတ်ပေးရတာ မနည်းပါ။ မွေးလမ်းကြောင်းကနေ ကလေးမွေးဘူးသူတွေမှာသာ ဖြစ်တယ်။ အိမ်ထောင်မကျသေးတဲ့ မိန်းကလေးဖြစ်တာတော့ တယောက်တည်းသာ ခွဲပေးခဲ့ရဖူးတယ်။ အဲတာကတော့ အနေအထိုင်လိုလို့ ဖြစ်တာပါ။

ကလေးများများ မွေးရသူ၊ သွေးဆုံးလို့ (အီစထိုဂျင်) ဟော်မုန်း နည်းလာရင်၊ အသက်ကြီးသူ၊ လူက အဝလွန်ရင်၊ အလေးအပင် မရတာ များရင်၊ (မထိန်းမှသာ ဖြစ်ပါတယ်) တာရှည် ချောင်းဆိုးရရင်၊ နှာချေတာ၊ ဝမ်းချုပ်လို့ ညှစ်ရတဲ့အခါမျိုးတွေမှာ သတိထားဘဲ (မထိန်းဘဲ) လုပ်ဖန်များရင်၊ အရွယ်အစားကြီးတဲ့ သားအိမ်အလုံး၊ ကင်ဆာတွေ ရှိနေသူ၊ တခြားရောဂါတွေအတွက် တင်ပါးဆုံတွင်းနေရာကို ခွဲစိတ်ခံရသူ၊ ခါးရိုးထဲက အာရုံကြော ထိခိုက်ခံထားရသူ၊ ကြွက်သားအားနည်းရောဂါရှိသူ၊ ဆိုတဲ့အကြောင်းခံတွေကြောင့် သားအိမ်ကျနိုင်တယ်။

လူနာကို စမ်းသပ်ကုတင်ပေါ်မှာ ပက်လက်အိပ်၊ ဒူးထောင်-ပေါင်ကားအနေအထားမှာ လူနာကို ချောင်းဆိုးခိုင်းတဲ့အခါ မွေးလမ်းကြောင်းအဝမှာ အပေါ်နားကနေ စူစူထွက်လာတာကို မြင်ရတယ်။ (ပ) စောက်ပုံဖြစ်တယ်။ အရောင်က ပန်းရောင်။ တစ်ဆို့ဆို့နေတယ်လို့ ခံစားရတယ်။ ဘောလုံးလေးပေါ် ထိုင်နေရသလို ထင်မှတ်နေမယ်။ မနက်ခင်းမှာ သက်သာတယ်။ (ဗဂျိုင်းနား) နောက်မှာရှိတဲ့ အစာဟောင်းအိမ်ကလဲ သူ့ရှေ့ကို ကျွံထွက်တာရှိတယ်။ Rectocele ခေါ်တယ်။ ချောင်းဆိုးခိုင်းတဲ့အခါ မွေးလမ်းကြောင်းအဝမှာ အောက်ကနေ စူစူထွက်လာတာမြင်ရမယ်။ (ဂ) ငယ်ပုံ။ အရောင်က ပန်းရောင်။

သားအိမ်က အောက်တည့်တည့် ကျလာရင် မွေးလမ်းကနေ သားအိမ်အဝပါတဲ့ ပန်းနီရောင်အရာ စူထွက်လာမယ်။ အစပိုင်းမှာ မွေးလမ်းထဲ တစ်ဆို့ဆို့နေယုံဘဲ။ နောက်တော့်ညှစ်လိုက်ရင် (ချောင်းဆိုး၊ နှာချေ၊ အလေးအပင် မတဲ့အခါ) အပြင်အထိ ထွက်လာမယ်။ နောက်ဆုံးအဆင့် ရောက်လာရင် တောက်လျှောက် စူထွက်နေလို့ လက်နဲ့ပြန်သွင်းမှ ဝင်တယ်။ ကြာတော့ ပြန်သွင်းလဲ မရတော့ဘူး။ အဲလိုဖြစ်နေသူတွေမှာ ပေါင်နဲ့ပွတ်တိုက်တာကြာတော့ အနာလည်း ဖြစ်နေမယ်။ ခပ်ပြာပြာ၊ ခပ်ညိုညို။ ၃ မျိုးလုံးဖြစ်သူလဲ မနည်းဘူး။

သားအိမ်ထုတ်ထားသူမျာလဲ ကျနိုင်တယ်။ ဒါ့ကြောင့် သားအိမ်ကျတယ်လို့ ခပ်လွယ်လွယ်ခေါ်တာ များတယ်။ Vaginal prolapse မွေးလမ်းကြောင်း-ကျွံတယ်လို့ ခေါ်တာက ပိုမှန်တယ်။ သားအိမ်ဟာ (ဗဂျိုင်းနား) ထိပ်မှာ နေတယ်။ သူ့ကို ထုတ်လိုက်တော့ (ဗဂျိုင်းနား) ထိပ်မှာ အထိန်းမရှိတော့ဘဲ အောက်ကျတာကို Vaginal vault prolapse ခေါ်တယ်။

ဖြစ်နေသူတွေမှာ နေရတာ တစ်ဆို့ဆို့နေတာအပြင်၊ လိင်ဆက်ဆံရာမှာလဲ အဆင်မပြေတာ၊ နာတာဖြစ်နိုင်တယ်။ ဆီးခဏခဏ သွားချင်မယ်။ ဆီးက အကုန်မထွက်ဘူး။ (ဗဂျိုင်းနား) ထဲကို လက်ချောင်းထည့်ပြီး အပေါ် (ရှေ့) ပင့်တင်ပေးမှ ဆီးကုန်တယ်။ Urinary stress incontinence ဗိုက်ညှစ်ရတဲ့အချိန်မှာ ဆီးထွက်ကျတယ်၊ ခါးနာမယ်။ ဆီးခဏခဏအောင့်မယ်။ သွေးဆင်းမယ်။ အဖြူစတာမျိုး ဆင်းမယ်။ ဝမ်းချုပ်တယ်၊ ဝမ်းအသွားရခက်မယ်။ မွေးလမ်းအဝဟာ ဒီအတိုင်းနေရင်းကို ကျယ်နေတော့မယ်။ ခံစားရတာတွေက ကြာလေဆိုးလေဖြစ်တယ်။ စိတ်ညစ်လာမယ်။

Cystocele ဆီးအိမ်ကျခြင်း၊ Rectocele အစာဟောင်အိမ်ကျခြင်း၊ Enterocele အူကျခြင်း၊ Urethrovesical junctions ဆီးသွားပြွန်ကျခြင်းဆိုပြီး ကျတာတွေ အားလုံးကို Pelvic Floor Prolapse လို့ခေါ်မှ မှန်တယ်။ သားအိမ်က ကျချင်မှကျလို့ ဖြစ်ပါတယ်။ အဆင့် (၄) ဆင့်ရှိတယ်။
အဆင့် (၁) = အပျိုမှေးရှိတဲ့နေရာအထက်ထိသာကျတာ၊
အဆင့် (၂) = အပျိုမှေးရှိတဲ့နေရာအထိသာကျတာ၊
အဆင့် (၃) = အပျိုမှေးရှိတဲ့နေရာအောက်ကိုကျတာ၊
အဆင့် (၄) = သားအိမ်တခုလုံးကျတာ။

သားအိမ်မကျအောင် ကာကွယ်နည်း
- Kegel exercises လုပ်ပါ။ ရေးထားပါတယ်။
- Vaginal Pessary ခေါ်တဲ့ကရိယာလေးကို (ဗဂျိုင်းနား) ထဲထည့်ထားပြီး ထိန်းနိုင်တယ်။ ယာယီသဘောသာဖြစ်တယ်။ ကလေးမရအောင်ထည့်ရတဲ့ Diaphragm (ဒိုင်ယာဖရမ်) နဲ့ဆင်တူတယ်။ ဘယ်လိုသန့်ရမယ်၊ သုံးရမယ်ဆိုတာ သင်ယူထားရတယ်။
- သွေးဆုံးလို့ ဟော်မုန်းနည်းတာကို Estrogen ဟော်မုန်းဆေးပေးရမယ်။ စားဆေး-ထည့်ဆေး ၂ မျိုး လုပ်နိုင်တယ်။
- ကိုယ်အလေးချိန် လျှော့ပါ။
- လုပ်နေကျအလုပ်တွေကို ပြင်ဆင်ပြုပြင်သင့်တာရှိရင် ပြင်ပါ။ ဥပမာ ကြမ်းပေါ်မှာ ဖင်ထိုင်ခုံနဲ့ မထိုင်ပါနဲ့။ ဝမ်းချုပ်တာကို အစားအသောက်-ရေနဲ့ ပြုပြင်ပါ။ ချောင်းဆိုးနေတာ မြန်မြန် ပျောက်အောင်လုပ်ပါ။ နှာချေတာ၊ ချောင်းဆိုတာ အလေးအပင်မတာတွေအားလုံး ထိန်းပြီးမှ လုပ်ပါ။ ရေအိမ်သာကို ဆောင့်ကြောင့်ထိုင် မသုံးဘဲ ဒူးနေရာ ၉ဝ ဒီဂရီထား ထိုင်နိုင်တဲ့ ဗိုလ်အိမ်သာမျိုးသာ သုံးပါ။

နောက်ကျမှ လာပြသူတွေကို ခွဲစိတ်ပေးတယ်။ ခွဲစိတ်တဲ့အခါမှာလဲ လူနာ့အသက်၊ လိုအပ်ချက်၊ သားအိမ်က ဘယ်လောက်အထိကျနေတယ်၊ တခြားရောဂါဆိုတဲ့ အချက်တွေအရ ခွဲစိတ်နည်းကို ရွေးချယ်ပါတယ်။ ခွဲတိုင်း သားအိမ်ကို မထုတ်ပါ။ ဥပမာ Sacrospinous fixation နည်းက သားအိမ်ကိုထိန်းပေးနေတဲ့ Ligaments အရွတ်တွေကိုသာ ပြုပြင်ပေးတယ်။ သားအိမ်ထုတ်တာမှာလဲ Abdominal hysterectomy ဗိုက်ကနေခွဲနည်း နဲ့ Vaginal hysterectomy မွေးလမ်းကနေခွဲနည်း ရှိတယ်။ ပိုပြီး လက်ဝင်တယ်။ တော်တော့ဆရာဝန်က မလုပ်ချင်ဘူး။ သားအိမ်ကို ထုတ်အုံးတော့ သားအိမ်ဝကို ချန်တာလဲလုပ်တယ်။ မျိုးဥအိမ်လဲ ချန်သင့်ရင်ချန်ထားမယ်။ Manchester operation (မန်ချက်စတာ) ခွဲစိတ်နည်းဆိုတာ ဘောလုံးသင်းလိုဘဲ ကြာလှပြီသုံးနေခဲ့တာ။ Laparoscopic surgery ကင်မရာပါ ကရိယာနဲ့ ခွဲစိတ်နည်းလဲ ပေါ်နေပြီ။ ခွဲစိတ်နည်းရလဒ်တွေက အလွန်ကောင်းပါတယ်။ (ကီဂယ်) လေ့ကျင့်ခန်းကိုတော့ အမျိုးသမီးကြီးငယ်တွေ လုပ်စေချင်တယ်။

Kegel Exercise for Women (ကီဂယ်လ်) လေ့ကျင့်ခန်း http://doctortintswe.blogspot.com/2015/01/kegel-exercise-for-women.html
Kegel Exercise for Men ယောက်ျားများ စိတ်ဝင်စားကြသည် http://doctortintswe.blogspot.com/2014/11/kegel-exercise-for-men.html
Uterine prolapse သားအိမ်ကျတယ်ဆိုတာ http://doctortintswe.blogspot.com/2014/11/uterine-prolapse.html

Dr. တင့်ဆွေ