မေရု နှင့် မေယု
မေရုလို့ ရေးမှသာ မှန်တယ်။ ပါဠိစာလုံးဖြစ်တယ်။ မေရု = မြင်းမိုရ်တောင်။ ယူဇနာ ၈၄၀၀၀ ယှိ (ရှိ) သော တောင်မင်း။
တောင်အားလုံးထက် အလွန်မြင့်သောကြောင့် မေရုမည်၏။ နတ်တို့ကို ဆောင်ထားတတ်သောကြောင့် နေရုမည်၏။
သီချင်းတွေမှာ မေယုလို့ မှားရေးထားကြတယ်။
ချစ်လွန်းပို သီချင်းလည်း မှားနေတယ်။
လနဲ့နေလို မြနဲ့ရွှေလို လိုက်ဖက်တင့်သား နှစ်ဖြာဂဟေဆက်ပါလို့ ဪ သွေမပျက်ပါတဲ့ မေယုမြင့်မိုရ် မေတ္တာတောင်ထုဗဟို
တူနှစ်ကိုယ်တိုင်းပြည် လည်း မှားနေတယ်။
အာကာကိုလွှာပုံပြုလို့မေယုနဲ့စုတ်တံချီ ပင်လယ်ပြာ အဏ္ဏဝါသမုဒ်ကို မှင်လုပ်လို့ရေးသီ မြန်မာရှင်ဘုရင်တွေခေတ်တုန်းက ဒီအချစ်ရဲ့အကြောင်းတွေသည် ရွှေပေလွှာ ပုရပိုက်ထဲမှာ အိပ်မက်ဖြစ်သွားပြီ
ယုံတမ်းစကားသီချင်းတင်ထားတာ မေရုကတော့ မှန်တယ်။ နေရာတကာ၊ စကားနဲ့တမျိုး တွေကို စသတ်တာ မှားတယ်။
မောင်တို့ယောက်ျားတွေရယ် မိန်းမတွေကိုနေရာတကာမှာ နိုင်ထက်စီးနင်းပြုချင်ကြတယ် စကားနဲ့တမျိုး အားမာန် ကိုးပါလို့တသွယ် မိန်းမမာယာသဲကိုးဖြာလို့ဆိုကြပြန်သေးလေတယ် မောင်တို့ယောက်ျားတွေများကျတော့ သဲကိုးဖြာတောင် မလောက်ပါတယ် မန်ကျည်းကိုးပင်ကို နှောက်ပါလို့ရယ် လိမ်လည်လှည့်စား ဉာဏ်များလှပါတယ်။
စစ်ရေယာဉ် မေယုရှိတယ်။ မေယုနယ်ခြားခရိုင် ရှိတယ်။
ဘိုကလေးတင့်အောင်နဲ့ ဂီတလုလင်မောင်ကိုကိုတို့က သတ်ပုံမှန်နဲ့ သီချင်းတွေ အများကြီးရေးသားကြတယ်။
လွမ်း မေရုတောင် - မာမာအေး https://www.youtube.com/watch?v=ARYNl5bZHZw
ဒေါက်တာတင့်ဆွေ
၁၉-၉-၂၀၂၀
Comments
Post a Comment