First and Second Waves of Coronavirus ကရိုနာဗိုင်းရပ်စ်ရောဂါ ပဌမဝေ့ဖ်လော ဒုတိယလှိုင်းလော
အမြီးမပါ ခေါင်းမပါသဘော မေးတာဖြစ်နေတယ်။ First wave ဆိုတာဘာလဲတော့ သေချာ မသိပါ။ ကရိုနာလို့သာ ယူဆလိုက်မယ်။
မီဒီယာအသုံးစကားလုံးတွေနဲ့ ဆေးပညာသုံးဝေါဟာရတွေ တခါတခါမှာ ကွာတယ်။ ဆရာဝန်တွေအလိုအရကတော့ ကရိုနာဗိုင်းရပ်စ်ရောဂါဟာ ပဌမဝေ့ဖ် ခေါ် ပဌမလှိုင်းမှာသာ ရှိပါသေးတယ်။
တချို့နေရာဒေသတွေမှာ တန့်သွားပြီ။ တရုပ်ပြည်မှာလည်း အသစ်မတွေ့တော့။ တချို့နေရာတွေမှာ ဆိုးနေဆဲ။ အသစ်တွေ ဖြစ်နေဆဲ၊ သေဆုံးနေရဆဲ။ ကမ္ဘာမှာ အဖြစ်အများဆုံး ပဌမနေရာ ဒုတိယနေရာ လုနေဆဲ။
ဘယ်တော့မှာ ပဌမလိုင်းအဆုံးသတ်မလဲ ဆေးနဲ့ ကျန်းမာရေးပညာရှင်တွေက မပြောနိုင်သေးပါ။ ဆေးပညာရှင်နဲ့ ကျန်းမာရေးပညာရှင်တွေဆိုတာ ကျွမ်းကျင်နယ်ပယ် မတူကြပါ။
ကူးစက်ခံရပြီး ခံနိုင်ရည်ရှိသွားသလား။ ၁၀၀% မပြောနိုင်။ ထပ်ကူမလား။ ၁၀၀% မသိသေးပါ။
ဂျွန်ဟော့ပကင်းဆေးရုံက စပယ်ရှယ်လစ်စ် ဒေါက်တာ Lisa Maragakis အဆိုအရ ယူအက်စ်အေမှာ ပဌမဝေ့ဖ်မှာသာ ရှိပါသေးသတဲ့။
ကျန်းမာရေးပညာရှင်တွေက ဒုတိယဝေ့ဖ်လည်း လာနိုင်ပါသတဲ့။
ဒုတိယလှိုင်းက ပိုဆိုးမလား။ ပဌမလောက် မဆိုးဘူးလား။ လေ့လာ စဉ်းစား ဆွေးနွေးနေကြဆဲ။ လူအများစုအပေါ်မှာ မူတည်မယ်။ အကြောင်းတွေ အမျိုးမျိုး။ ထည့်မရေးတော့ပါ။
ကံ နဲ့ ဉာဏ်ကိုသာ အားကိုးပါလေ။
ဒေါက်တာတင့်ဆွေ
၁၀-၉-၂၀၂၀
Comments
Post a Comment