ပုဒ်ဖြတ်ခြင်း
မြန်မာစာမှာ ဒေါ့ ခေါ် ဖူးလ်စတော့ပ် မရှိတာကို ထည့်ရိုက်ကြတယ်။ အဲလိုစာရိုက်ရင် အစကနေ အဆုံးထိဟာ ဝါကျ တကြောင်းတည်းသာ ဖြစ်နေတယ်။
စပေ့စ် ခေါ် စာစုတခုနဲ့တခုကြား အကွက်ခြာတာလည်း နေရာတကျသုံးမှသာ နားလည်စေတယ်။ လက်နှိပ်စက်ခေတ်မှာ စနစ်တကျသင်ရတယ်။ မသိသူတွေက စာလုံးနဲ့ ဂဏန်း ဥပမာ အသက်ရေးတာ ဆက်ရိုက်ကြတယ်။ ပို့စ်မှာသုံးတိုင်း အကုန်လိုက်ပြင်ရတယ်။
မြန်မာ့စွယ်စုံကျမ်းမှာ ပုဒ်ကလေး၊ ပုဒ်ကြီးလို့သာတယ်။ ကျွန်တော်တို့စာသင်တဲ့ခေတ်မှာ ပုဒ်ထီး၊ ပုဒ်မလို့ သင်တယ်။ အတူတူသာဖြစ်တယ်။ ဝါကျအဆုံးမှာ ပုဒ်မ ခေါ် ပုဒ်ကြီး ချရတယ်။ စကားစုတခုနောက်မှာ ပုဒ်ထီး ခေါ် ပုဒ်ကလေး ချရတယ်။
ခုခေတ်မှာ ဖုန်းကနေစာရိုက်သူတွေ ပုံနှိပ်စာအုပ်တွေလိုအထိတော့ လိုက်နာကြပါလို့ မပြောလိုပါ။ ဖတ်တဲ့သူ နားလည်စေအောင်တော့ စနစ်ထားစေချင်တယ်။ ဒါမှသာ လိုရင်းရောက်ပြီး ကိုယ်လိုချင်တဲ့အကျိုးရစေပါမယ်။
အလွဲတွေ အလွယ်တွေ ကြံကြံဖန်ဖန်တွေများနေတဲ့ထဲမှာ အမှန်အတည့်ဟာ အဆန်းဖြစ်တယ်။ ဆန်းတာကို လူတွေက စိတ်ဝင်စားတတ်ကြပါတယ်။
ဒေါက်တာတင့်ဆွေ
၆-၉-၂၀၁၉
၆-၉-၂၀၂၀
Comments
Post a Comment