Cervical Cancer (3) သားအိမ်အဝ-ကင်ဆာ (၃)

Cervical Cancer သားအိမ်အဝ-ကင်ဆာ ဆိုတာ
သားအိမ်ခေါင်းလို့လဲ ခေါ်တယ်။ သားအိမ်အဝမှာရှိတဲ့ (ဆဲလ်) လေးတွေက ပုံမှန်မဟုတ် ဖြစ်လာတာ၊ ဘေးပြန့်လာတာကို ခေါ်တယ်။ စောစောသိပြီး ဆေးကုသရင် အလွန်သက်သာရာရတယ်။ ပျောက်အောင် ကုနိုင်တယ်လို့တောင် ပြောနိုင်ပါတယ်။

အများဆုံးဖြစ်စေနိုင်တဲ့ တရားခံ
Human papillomavirus (HPV) ခေါ်တဲ့ ဗိုင်းရပ်စ် အုပ်စုဖြစ်တယ်။ အမျိုးအစား ခိုးသား ၄ဝ ရှိတယ်။ တချို့က ပိုဖြစ်စေနိုင်တယ်။ လိင်လမ်းကို ဒီပိုးမျိုးဝဝင်ပေမဲ့ အများအားဖြင့် သူ့ဖါသူပျောက်နိုင်ပါတယ်။ မပျောက်ဘဲ နာတာရှည် ဖြစ်လာရင်တော့ သားအိမ်အဝက (ဆဲလ်) တွေ မူပြောင်းလာမယ်။ ဒါကနေ ကင်ဆာဖြစ်လာနိုင်တယ်။ ၉ဝ% သော သားအိမ်အဝ-ကင်ဆာက ဒါကနေဖြစ်တယ်။

ပိုးဝင်တဲ့ လက္ခဏာတွေ
ပိုးဝင်တာခံရပေမဲ့ ဘာမှမဖြစ်သလိုနေနိုင်တယ်။ သူ့အလိုလိုလဲ ပျောက်နိုင်တယ်။ တချိုကအမျိုးအစားတွေက လိင်လမ်း-ရေယုံဖြစ်စေတယ်။ ဒီအမျိုးအစားတွေက ကင်ဆာ ဖြစ်စေတာတွေနဲ့ မတူကြပါ။ လိင်လမ်း-ရေယုံကနေလဲ ဆေးမကုပေမဲ့ ကင်ဆာကို ပြောင်းမသွားစေပါ။ ဘာမှ ဒုက္ခမပေးသေးတဲ့ အကောင်တွေကသာ ကင်ဆာဖြစ်လာစေနိုင်တယ်။ အဲလိုရှိနေတာ နှစ်တွေနဲ့ကြာနေနိုင်တယ်။

ရောဂါလက္ခဏာတွေ
• ဗဂျိုင်းနားကနေ တခုခုဆင်းမယ်၊
• ကြားရက်သွေးဆင်းမယ်၊
• သွေးဆုံးပြီးတာ မှန်ပေမဲ့ သွေးဆင်းလာမယ်၊
• လိင်ဆက်ဆံစဉ်မှာ နာစရာမဟုတ်ဘဲ နာမယ်၊ သွေးဆင်းမယ်၊

ဘယ်လိုလူတွေမှာ အန္တရာယ်ရှိသလဲ
ယောက်ျားဖြစ်ဖြစ်၊ မိန်းမဖြစ်ဖြစ် လိင်ဆက်ဆက်မှုရှိသူတွေမှာသာ ပိုအဖြစ်များတယ်။ လိင်ဆက်ဆံရာကနေ တချိန်ချိန်မှာ တယောက်ယောက်ဆီကနေ ပိုးကူးစက်လာတာ ခံရနိုင်တယ်။ ဘာမှခံစားနေရတာ မဟုတ်ပေမဲ့ သူများကိုတော့ ကူးစက်စေနိုင်တယ်။ (ကွန်ဒွမ်) သုံးတာက အများကြီး အခွင့်အလမ်း နည်းစေတယ်။ လုံးဝမကူးဘူးတော့ မပြောနိုင်ပါ။ HPV ပိုးတွေဟာ သားအိမ်အဝသာမက၊ ဗဂျိုင်းနား (မွေးလမ်းကြောင်း)၊ မိန်းမကိုယ်၊ ယောက်ျား လိင်အင်္ဂါ၊ ယောက်ျား-မိန်းမ စအိုနဲ့ ခံတွင်း-ကင်ဆာတွေလဲ ဖြစ်စေနိုင်သေးတယ်။

ဒီပိုးကနေ ကင်ဆာ ဘယ်လိုဖြစ်လာသလဲ
ကင်ဆာဖြစ်စေဘို့များတဲ့ ပိုးအမျိုးအစား ကူးစက်တာခံထားရရင် ကိုယ်ထဲမှာ အကြီးနေရာကနေ သားအိမ်အဝမှာ ရှိကြတဲ့ (ဆဲလ်) လေးတွေကို မူ-ပုံစံပြောင်းစေမယ်။ ဒီအဆင့်ကို ကင်ဆာမဖြစ်ခင်ပြောင်းလဲမှုလို့ ခေါ်တယ်။ ကင်ဆာလူနာ မဟုတ်ပါ။ ကြာလာရင်တော့ ကင်ဆာ-ဆဲလ်တွေ ဖြစ်လာချင် ဖြစ်လာနိုင်တယ်။ ဘေးကိုပြန့်လာမယ်။ “Cervical cancer test DIY သားအိမ်ဝ-ကင်ဆာကို ကိုယ့်ဖါသာ စမ်းသပ်နည်း” ကို ဖတ်နိုင်ပါတယ်။

ဖြစ်နိုင်ခြေများသူတွေကတော့ အဖြူမဟုတ်တဲ့ အမျိုးသမီးတွေ၊ ဆေးလိပ်သောက်သူတွေ၊ ကလေးမွေး များသူတွေ၊ ကိုယ်ဝန်တားဆေး နှစ်ရှည်လများ သုံးသူတွေ၊ HIV positive ခုခံအားကျဆင်းနေသူတွေ။

Pap Test (ပက်ပ်-တက်စ်) ဆိုတာ အလွန်အောင်မြင်တဲ့ စမ်းသပ်နည်းတခုဖြစ်တယ်။ အစမ်းခံရတာ မနာဘူး။ ထုံဆေးသုံးပါတယ်။ သားအိမ်အဝကို ဂွမ်းစလေးနဲ့ သုတ်ယူတာသာ ဖြစ်တယ်။

Pap Test Abnormal မကောင်းဘူးဆိုတာ မကောင်းတာလေး နဲနဲတွေ့တယ်လို့ဆိုရင် ဆေးထပ်စစ်ရမယ်။ လိုအပ်ရင် Colposcopy ကရိယာနဲ့ကြည့်မယ်။ လိုသေးရင် Biopsy အသားစလေးဖြတ်ယူပြီး စစ်မယ်။ Precancerous abnormal cells တွေ့နေရင် ထုတ်ပြစ်ပေးမယ်။ ဖျက်ဆီးပေးမယ်။

စောစောသိဘို့ တခါတလေ Pap test သာမကဘဲ HPV DNA Test ကိုလည်းလုပ်မယ်။ High-risk forms of HPV ပိုးအမျိုးအစားကို ခွဲခြားတာ ဖြစ်တယ်။ ကင်ဆာဖြစ်စေတဲ့ အကောင်လား သိချင်လို့ပါ။ အသက်မငယ်သူတွေကို လုပ်တာများတယ်။ Pap test က မူမှန်တာတွေလို့လဲ အရွယ်ငယ်ငယ်-ကြီးကြီး လုပ်မယ်။

Biopsy (ဘိုင်အော့ပ်စီ) အသားစ ဖြတ်ယူစစ်ဆေးနည်းနဲ့ ရောဂါကို သေခြာစေရတယ်။ Cervical tissue သားအိမ်အဝက (တစ်ရှူးစ) ကိုစစ်တာပါ။ ပုံမှန် (ဆဲလ်) တွေလား၊ Precancerous cells ကင်ဆာမဖြစ်ခင် (ဆဲလ်) တွေလား၊ Cancer cells ကင်ဆာ-ဆဲလ်တွေလား မှန်ဘီလူးနဲ့ စစ်တယ်။ မေ့ဆေးလိုတယ်။

ကင်ဆာ အဆင့်များ
1. Stage 0 ကင်ဆာ-ဆဲလ်တွေက သားအိမ်အဝ မျက်နှာပြင်မှာသာရှိနေသေးချိန်၊
2. Stage I ကင်ဆာ-ဆဲလ်တွေက သားအိမ်အဝကနေ ဘေး-တခြားမရောက်သေးချိန်၊
3. Stage II ကင်ဆာ-ဆဲလ်တွေက ဗဂျိုင်းနား အပေါ်ပိုင်းအထိသာရောက်သေးချိန်၊
4. Stage III ကင်ဆာ-ဆဲလ်တွေက ဗဂျိုင်းနားအောက်ပိုင်းရောက်ပြီး ဆီးလမ်းကိုလဲ ပိတ်ချင်ပိတ်လာချိန်၊
5. Stage IV ဆီးအိမ်၊ အစာဟောင်းအိမ်၊ တခြားနေရာတွေအထိရောက်နေချိန်။

ခွဲစိတ်ကုသနည်း
Stage II ထက်မကျော်သေးရင် ခွဲစိတ်မယ်။ သားအိမ်နဲ့တခါတည်း သားအိမ်အဝကိုပါ ထုတ်ပြစ်မယ်။ ဘေးနားက ထုတ်သင့်တာတွေလဲ ထုတ်မယ်။ ဥပမာ သားအိမ်ပြွန်၊ မျိုးဥအိမ်၊ (လင့်ဖ်-နုတ်) တက်စေ့တွေ။

ဓါတ်ကင်ခြင်း
External radiation therapy ခေါ်တယ်။ High-energy X-rays ပြင်းအားများတာသုံးတယ်။ ကင်ဆာ-ဆဲလ်တွေကို သေစေတယ်။ ခွဲစိတ်တုံးက မမြင်နိုင်လို့ ကျန်နေတာရှိရင်လဲ သေစေမယ်။ Internal radiation နည်းကို Brachytherapy ခေါ်တယ်။ ရေဒီယိုသတ္တိကြွပစ္စည်းကို ကင်ဆာနေရာမှာ ထည့်ပေးနည်း ဖြစ်တယ်။ များသောအားဖြင့် ဓါတ်ကင်နည်းနဲ့ ဆေးပေးကုသနည်း တွဲလုပ်ပေးတယ်။ ဆေးအပြင်းတွေကြောင့် သွေးဖြူဥနည်းတာ၊ မောပန်းတာ၊ အစာမကျေတာ၊ ပျို့-အန်တာ၊ ဝမ်းပျက်တာတွေ ဖြစ်စေနိုင်တယ်။

ဆေးပေးကုသနည်း
ဆေးကြောင့် တကိုယ်လုံးမှာ ရောက်နေသမျှ ကင်ဆာ-ဆဲလ်တွေကို သက်ရောက်စေနိုင်တယ်။ ပြန့်နေတဲ့အဆင့်အတွက် အသုံးကျတယ်။ မောပန်းတာ၊ ဆံပင်ကျွတ်တာ၊ သွေးယိုလွယ်တာ။ ပျို့-အန်တာ၊ အစားပျက်တာတွေ ဖြစ်စေနိုင်တယ်။ ကင်ဆာဖြစ်နေလို့ကုသတာကနေ လူကိုတော့ ပင်ပန်းနွမ်းနယ်စေမှာ အမှန်ပါ။ ဒါပေမဲ့ အဆိုးကြီးအတွက် ဒိလောက်မဆိုးတာနဲ့ လဲရတာ ကောင်းစေပါတယ်။ အစာအာဟာရပြည့်ဝ-မျှတအောင်စားပါ။ လူကလဲ တတ်စွမ်းသလောက် တက်ကြွမှုရှိနေပါစေ။ သက်တောင့်သက်သာ ကိုယ်လက်လေ့ကျင့်ခန်းလုပ်ပါ။ “Chemotherapy (ခီမို) အတွက် (၁၅) ချက်” ကိုဖတ်နိုင်ပါတယ်။

Cervical Cancer and Fertility သားသမီးရနိုင်မှု
သားအိမ်-ကင်ဆာကို ဆေးကုရတာကနေ ကလေးမရစေတာဖြစ်စေနိုင်တယ်။ ဒါပေမဲ့ စောစောသိလို့ ဆေးသေခြာကုသရင် တချိန်မှာ ကိုယ်ဝန်ဆောင်နိုင်ပါသေးတယ်။

ဘယ်လောက်ကြာကြာ ကောင်းနေမှာလဲ
စောစောသိတာ၊ ဆေးကုသနည်းတွေအပေါ် မူတည်တယ်။ ကိုယ်ခံအားအပေါ်လဲ မူတည်တယ်။ ၁၅% ကနေ ၉၃% အထိ ၅ နှစ်သက်တမ်းရှိတယ်လို့ လေ့လာမှုတွေကဆိုတယ်။ ဒီကိန်းဂဏန်းတွေက ၂ဝဝဝ နဲ့ ၂ဝဝ၃ တုံးကရထားတာမို့ နောက်ပိုင်းမှာ ပိုကောင်းစရာသာရှိပါတယ်။ တယောက်နဲ့တယောက် မတူတာကို ကံတရားလို့ပြောရင် မှန်ပါတယ်။

Cervical Cancer Vaccine ကာကွယ်ဆေး
Cervarix နဲ့ Gardasil ဆိုပြီး ကာကွယ်ဆေး ၂ မျိုးရှိနေပြီ။ ၆ လအတွင်း ၃ ခါထိုးရမယ်။ သားအိမ်အဝ-ကင်ဆာကို ၇ဝ% ကာကွယ်နိုင်တယ်။ Gardasil ဆေးက Genital warts ကိုဖြစ်စေတဲ့ ပိုး ၂ မျိုးကိုပါ ကာကွယ်နိုင်တယ်။ ကာကွယ်ဆေးကို အသက် ၁၁-၁၂ နှစ်သမီးအရွယ်ကတည်းက ထိုးဘို့ CDC က အကြံပြုထားတယ်။ ငယ်တုံးက မထိုးရသေးရင် ၁၃ နှစ်ကနေ ၂၆ နှစ်အထိလဲ ထိုးသင့်ပါတယ်။ “HPV Vaccine for Ca Cx သားအိမ်အဝ-ကင်ဆာ ကာကွယ်ဆေး” ကို ဖတ်နိုင်ပါတယ်။

Screening သားအိမ်ဝ ကင်ဆာ စစ်ဆေးခြင်း
HPV ကို ကာကွယ်ဆေးရှိနေပြီ။ သားအိမ်ဝ-ကင်ဆာ ၇ဝ% ကိုဖြစ်စေတဲ့ HPV types 16 and 18 ကို ကာကွယ်မယ်။ WHO ကတော့ မိန်းကလေး အသက် ၁၁-၁၂ နှစ်ကစပြီးထိုးခိုင်းတယ်။ အမေရိကားမှာ ၉ နှစ်သမီးတွေကို စထိုးတယ်။ ၆ လ အတွင်းမှာ ၃ ခါထိုးရတယ်။ ပဌမတခါထိုး၊ ဒုတိယတခါကို နောက် ၁-၂ လမှာထိုးပြီး တတိယတခါကို ပဌမတခါရဲ့ နောက် ၆ လ အကြာမှာထိုးတယ်။ ကာကွယ်ဆေးထိုးထားပေမဲ့ ကင်ဆာအတွက် ဆေးစစ်နေသင့်တယ်။ ကျန်တဲ့ပိုးတွေကို မကာကွယ်နိုင်လို့ဖြစ်တယ်။

အမျိုးသမီးတွေမှာ ဒုတိယအများဆုံး ဖြစ်တဲ့ Cervical cancer သားအိမ်ဝ ကင်ဆာ ဆိုတာ HPV (16, 18, 31, 33) စတဲ့ ဗိုင်းရပ်စ် အမျိုးအစားတွေ ကူးစက်တာ ခံရပြီးနောက်မှာ ဖြစ်လာတာလို့ ယုံကြည်ရတယ်။ တကမ္ဘာလုံးမှာ နှစ်တိုင်း လူနာသစ် ၅ သိန်းတွေ့နေရတယ်။ ဒါကြောင့် စောစောစီစီးသိအောင် မဖြစ်မနေစစ်ဆေးနေသင့်တယ်။ Cervical dysplasia ဆိုတဲ့အဆင့်မှာသိရရင် သိပ်ကောင်းတယ်။ ရှိ-မရှိစမ်းတာကို Papanicolaou (Pap) smear ခေါ်တယ်။ ဒါစမ်းရင်းနဲ့ သားအိမ်ဝမှာ တခြားဖြစ်နေတာကိုလဲ သိနိုင်သေးတယ်။ Pap smear မလုပ်နိုင်တဲ့နေရာတွေမှာ မျက်စိနဲ့စစ်ပြီး၊ Acetic acid ဒါမှမဟုတ် Lugol iodine နဲ့ စမ်းတာလဲ အကျိုးရှိတယ်။ STI ရှိတဲ့ အမျိုးသမီးတွေကို အရွယ်မရွေး Pap smear စမ်းသင့်တယ်။ များများစားစား တွေ့တာတော့ မဟုတ်ပါ။

ဒေါက်တာတင့်ဆွေ