ပြည်ထောင်စုမြန်မာနိုင်ငံ ဦးပိုင်လီမိတက် (၄)
Asia World ကို Crony capitalist ခရိုနီအရင်းရှင် (ခရိုနီ) လို့ပြောနိုင်တယ်။ UMEH ဦးပိုင်ကို (ခရိုစိမ်း) လို့ အရပ်ခေါ် ခေါ်နိုင်ပါတယ်။
မြန်မာစီးပွားရေးကော်ပိုရေးရှင်း (မစက)သည် စစ်တပ်မှ စီမံခန့်ခွဲလုပ်ကိုင်သည့် စီးပွားရေးအဖွဲ့အစည်း နောက်တခု ဖြစ်သည်။ ၎င်းသည် တပ်မတော်၏အလျှို့ဝှက်ဆုံး စီးပွားရေး အဖွဲ့အစည်းတခု ဖြစ်ကောင်းဖြစ်မည်။ ၁၉၈၉ ခု၊ မတ်လတွင် နဝတ အစိုးရသည် နိုင်ငံပိုင်စီးပွားရေးလုပ်ငန်းဥပဒေကို ပြဋ္ဌာန်းခဲ့သည်။ ဤဥပဒေတွင် စီးပွားရေးလုပ်ငန်း ၁၂ ခုကို နိုင်ငံပိုင်စီးပွားရေးလုပ်ငန်း အဖြစ် လုပ်ကိုင်ရန် အစိုးရ၌သာ အခွင့်အရေးရှိသည်။ သို့သော် တခြားလူပုဂ္ဂိုလ် သို့မဟုတ် တခြားအဖွဲ့အစည်းတခုခုနှင့် ဖက်စပ်လုပ်ကိုင်နိုင်သည်ဟု ဖော်ပြပါရှိသည်။
နဝတ ဥပဒေ ၉/၈၉ အရ ဤစီးပွားရေးလုပ်ငန်းများမှာ
၁။ ကျွန်းသစ်ထုတ်ယူခြင်းနှင့်ပြည်တွင်းပြည်ပ၌ ရောင်းဝယ်ခြင်း။
၂။ ရွာသူရွာသားများက ၎င်းတို့တကိုယ်ရေသုံးစွဲရန် ၎င်းတို့ကိုယ်တိုင်စိုက်ပျိုးထားသည့် ကျေးရွာပိုင် လောင်စာထင်း စိုက်ပျိုးခြင်းများမှလွဲ၍ သစ်တောစိုက်ပျိုးခြင်းနှင့်ထိန်းသိမ်းခြင်း။
၃။ ရေနံနှင့်သဘာဝဓါတ်ငွေ့ရှာဖွေခြင်း၊ ထုတ်လုပ်ခြင်းနှင့် အလားတူ ထုတ်ကုန်များ ထုတ်လုပ်ခြင်း။
၎။ ပုလဲ၊ ကျောက်စိမ်း၊ အဖိုးတန်ကျောက် ရှာဖွေခြင်း၊ ထုတ်ယူခြင်းနှင့်တင်ပို့ခြင်း။
၅။ အစိုးရက သုတေသနလုပ်ငန်းအတွက် အရံထားရှိသည့် ငါးလုပ်ငန်းမှ ငါးနှင့်ပုဇွန်မွေးမြူရေးနှင့် ထုတ်လုပ်ခြင်း။
၆။ စာတိုက်နှင့်ကြေးနန်းဆက်သွယ်ရေးလုပ်ငန်း။
၇။ လေကြောင်းနှင့်ရထားပို့ဆောင်ရေးလုပ်ငန်း။
၈။ ဘဏ်နှင့်အာမခံလုပ်ငန်း။
၉။ အသံထုတ်လွှင့်ခြင်းနှင့်ရုပ်မြင်သံကြားလုပ်ငန်း။
၁ဝ။ သတ္ထုရှာဖွေခြင်းနှင့်ထုတ်ယူခြင်း၊တင်ပို့ခြင်း။
၁၁။ ပုဂ္ဂလိကအား ဥပဒေအရ ခွင့်ပြုထားသည့် လုပ်ငန်းများနှင့်သမဝါယမမှ လုပ်ကိုင်သည့် လျှပ်စစ်ထုတ်ယူခြင်း လုပ်ငန်းများမှ လွဲ၍ လျှပ်စစ်ထုတ်ယူခြင်း လုပ်ငန်းများ။
၁၂။ ရံဖန်ရံခါ အစိုးရမှ အမိန့်ကြော်ငြာစာများဖြင့် ပြဋ္ဌာန်းထားသည့် လုံခြုံရေးနှင့်ကာကွယ်ရေးဆိုင်ရာပစ္စည်းများ ထုတ်လုပ်ခြင်း စသည်တို့ ဖြစ်သည်။
သို့သော် ၁၉၉၇ ခုနှစ်၊ မတ်လ ၄ ရက်နေ့တွင် ဖော်ပြပါ အပိုဒ်သစ်တခု ထပ်ထည့်ပြီး နဝတ ဥပဒေ အမှတ် ၆/၉၇ ဖြင့် ဤ ဥပဒေကို ပြင်ဆင်ခဲ့သည်။ နိုင်ငံတော်စီးပွားရေးဖွံ့ဖြိုးရန်အလို့ငှာ နိုင်ငံတော်ဘဏ္ဍာမှ အသုံးစရိတ် လျော့ကျစေ ရန် နှင့် နိုင်ငံတော်ဝန်ထမ်းများ သက်သာချောင်ချိရေးအကျိုးစီးပွားအတွက် အစိုးရသည် အမိန့်ကြော်ငြာစာဖြင့် စီးပွားရေး လုပ်ငန်းတခု လုပ်နိုင်စွမ်းရှိသည့် အဖွဲ့အစည်းတခုခုကို နိုင်ငံတော်ဘဏ္ဍာမှ ငွေကြေးထည့်ဝင်ခြင်း မပြုသော်လည်းဘဲ၊ စပ်ဆိုင်သည့် ဝန်ထမ်းအဖွဲ့အစည်းတခုခုက ပိုင်ဆိုင်သည့် ရန်ပုံငွေများမှ ရင်းနှီးမြှုပ်နှံမှုပြုလုပ်ခြင်းဖြင့် ဖွဲ့စည်းနိုင်သည်။
နောက် နှစ်ရက်သုံးရက်ကြာသောအခါ ကာကွယ်ရေးဝန်ကြီးဌာနအောက်တွင် မြန်မာ့စီးပွားရေး ကော်ပိုရေးရှင်းဖွဲ့စည်း ရန် အစိုးရသည် နဝတ အမိန့်ကြော်ငြာစာ အမှတ် ၄/၉၇ ကို ထုတ်ပြန်ခဲ့သည်။ ရည်ရွယ်ချက်ကို အောက်ပါအတိုင်း ဖော်ပြထားသည်။
နိုင်ငံတော်စီးပွားရေးဖွံ့ဖြိုးရန်အလို့ငှာ တပ်မတော်၏လိုအပ်ချက်ကို ဖြည့်ဆည်းပေးခြင်းဖြင့် ကာကွယ်ရေး အသုံး စရိတ် လျှော့ချရန်၊ တပ်မတော်စစ်မှုထမ်းများ၏ သက်သာချောင်ချိရေးကို လုပ်ဆောင်ရန်နှင့် တပ်မတော်အတွက် အခြား လိုအပ်သောကိစ္စရပ်များအကောင်အထည် ဖော်ရန်ဟူ၍ဖြစ်သည်။
အစပထမ၌ ဦးပိုင်လီမိတက်သည် စစ်ရေးချုပ်ရုံးအောက်၌ရှိပြီး မစက (MEC) သည် စစ်ထောက်ချုပ်ရုံးလည်းဖြစ်သည့်၊ ပျောက်ကွယ်မသွားသေးသည့် စစ်ဖက်ရေးရာဝန်ကြီးဌာနအောက်တွင်ရှိသည်။ ထိုအချိန်က ကာကွယ်ရေး ဝန်ကြီးဌာနအား အသစ်ဖွဲ့စည်းလိုက်သလို စစ်ရေးချုပ် ဒုတိယဗိုလ်ချုပ်ကြီးဝင်းမြင့်နှင် စစ်ထောက်ချုပ် ဒုတိယဗိုလ်ချုပ်ကြီးတင်လှတို့အား ဖယ်ပစ်လိုက်ပြီး ဦးပိုင်လီမိတက်ကို Bureau of Defense Industries အောက်တွင်ထားလိုက်သည်၊ (မစက) ကို စစ်ထောက်ချုပ် ရုံးအောက်တွင် ဆက်လက်ထားရှိသည်။ အစိုးရသည် စီးပွားရေးလုပ်ငန်းများ ကျယ်ကျယ် ပြန့်ပြန့် ဆောင်ရွက်ရန် (မစက) အား လုပ်ပိုင်ခွင့်ပေးခဲ့သည်။ (ဇယား ၆.၁၃ တွင် ရှု)။
ဤအထဲတွင် ကုန်သွယ်ရေးနှင့်ကူးသန်းရောင်းဝယ်ရေးလုပ်ငန်း၊ စိုက်ပျိုးရေးထွက်ကုန်ပစ္စည်းကုန်သွယ်ရေးလုပ်ငန်း၊ ဝန်ဆောင်မှုလုပ်ငန်း၊ စက်မှုထုတ်ကုန်ထုတ်လုပ်ရေးလုပ်ငန်းနှင့်ဆောက်လုပ်ရေးလုပ်ငန်း၊ ဟိုတယ်နှင့်ခရီးသွားလုပ်ငန်း၊ လေကြောင်း၊ မီရထားနှင့်တခြားပို့ဆောင်ရေးလုပ်ငန်း၊ ကျောက်မျက်နှင့်သတ္ထုတူးဖော်ရေးလုပ်ငန်း၊ ဘဏ်လုပ်ငန်း၊ ဘဏ္ဍာရေးနှင့်အာမခံလုပ်ငန်း၊ ရေနံနှင့်သဘာဝဓါတ်ငွေ့ရှာဖွေရေး၊ တူးဖော်ရေးနှင့်ရောင်းဝယ်ရေးလုပ်ငန်းနှင့် ရေနံနှင့် သဘာဝဓါတ်ငွေ့ထွက်ကုန်ပစ္စည်းထုတ်လုပ်ရေးလုပ်ငန်း၊ ကြေးနန်းဆက်သွယ်ရေးလုပ်ငန်းနှင့် ၁၉၈၉ ခုနှစ်၊ နိုင်ငံတော်ပိုင် စီးပွားရေးလုပ်ငန်းဥပဒေအရ အစိုးရလက်ဝါးကြီးအုပ်လုပ်ငန်းများဖြစ်သည့် စီးပွားရေးလုပ်ငန်းအားလုံး ပါဝင်သည်။
တပ်မတော်အား ၎င်းတို့ကိုယ်ပိုင် စက်မှုနှင့်နည်းပညာ အခြေစိုက်ဌာနများ တည်ဆောက်ရေးကို အကူအညီ ပေးရန် (မစက) ကို ပုံဖော်ထားသည်။ (မစက) ၏ကနဦး ရင်းနှီးမြှုပ်နှံမှုမှာ ကျပ်ငွေ (၁ဝ) ဘီလျံရှိသည်။ ဤရင်းနှီးမြှုပ်နှံမှု အရင်းပမာဏမှာ မကြာသေးမီနှစ်များအတွင်း ၎င်း၏ စီးပွားရေး လုပ်ငန်းဆောင်ရွက်မှုများ တိုးချဲ့လိုက်သည်မှစပြီး သိသိသာသာ တိုးချဲ့လိုက်ခြင်းဖြစ်သည်။
ဇယား ၆.၁၁
ဦးပိုင်အောက်ရှိကုမ္ပဏီများ
စဉ် ကုမ္ပဏီအမျိုးအစား ၁၉၉၉-၂ဝဝဝ ၂ဝဝ၁-ဝ၂ ၂ဝဝ၃-ဝ၄ ၂ဝဝ၆-ဝ၇
၁။ ဦးပိုင်က ရာနှုန်းပြည့်ပိုင် ၁၅ ၁၆ ၁၇ ၃၅
၂။ အစုစပ်လုပ်ငန်း (ဦးပိုင်အခွဲ) ၁၈ ၂၁ ၁၁ ၉
၃။ အစုစပ်လုပ်ငန်း (တွဲဖက်) ၇ ၁၁ ၈ ၇
စုစုပေါင်း ၄ဝ ၄၈ ၃၆ ၅၁
[ကိုးကား။ ။ မြန်မာ့စီးပွားရေးဦးပိုင်လီမိတက် ညွှန်ကြားရေးမှူး အစီရင်ခံစာ(နှစ်အလိုက်)]
ဇယား ၆.၁၂
ဦးပိုင်အမြတ်နှင့်ခွဲဝေမှု
(ကျပ်သန်းပေါင်း)
ကအဆင့်အစုရှယ်ရာဝင် ခအဆင့်အစုရှယ်ရာဝင်
စဉ် ဘဏ္ဍာရေးနှစ် အမြတ်
ရာခိုင်နှုန်း ပမာဏ ရာခိုင်နှုန်း ပမာဏ
၁။ ၁၉၉ဝ-၉၁ ဝ.၆၁ --- --- --- ---
၂။ ၁၉၉၁-၉၂ ၆.၆၇ ၁ဝ ၄.ဝဝ ၁ဝ ၂.ဝ၂
၃။ ၁၉၉၂-၉၃ ၅.၉၉ ၄ဝ ၂.၄၇ ၁ဝ ၃.၆၂
၎။ ၁၉၉၃-၉၄ ၂၅.၁၂ ၄ဝ ၅.ဝ၇ ၁၅ ၇.၅၈
၅။ ၁၉၉၄-၉၅ ၅၂.၈၉ ၄ဝ ၁၃.၁၁ ၃ဝ ၁၉.၆၆
၆။ ၁၉၉၅-၉၆ ၂၁၈.၆၂ ၁၂.၅ ၄၁.၂၅ ၃ဝ ၁ဝ၇.၉ဝ
၇။ ၁၉၉၆-၉၇ ၇၃၃.၁၇ ၃ဝ ၉၉.ဝဝ ၃ဝ ၃၁၆.၆၇
၈။ ၁၉၉၇-၉၈ ၁၂၂၅.၈၃ ၃ဝ ၆၄.ဝဝ ၃ဝ ၆၅၁.၈၃
၉။ ၁၉၉၈-၉၉ ၁၁၈၄.၁၉ ၃ဝ ၂၈.၇၅ ၃ဝ ၉၄၉.၄ဝ
၁ဝ။ ၁၉၉၉-၂ဝဝဝ ၂၆၃၄.၈၆ ၁၂.၅ ၄၁.၂၅ ၃ဝ ၁၄၂၉.၆၅
၁၁။ ၂ဝဝဝ-ဝ၁ ၃၄၃၃.၁၇ ၁၂.၅ ၄၁.၂၅ ၃ဝ ၂၁၃၃.၆၉
၁၂။ ၂ဝဝ၁-ဝ၂ ၃၂၅၄.၁၈ ၁၂.၅ ၄၁.၂၅ ၃ဝ ၂၈၈၉.၃၅
၁၃။ ၂ဝဝ၂-ဝ၃ ၄၇၉၂.၄၁ ၁၂.၅ ၄၁.၂၅ ၃ဝ ၃၉၆ဝ.၄
၁၄။ ၂ဝဝ၃-ဝ၄ ၆၉၅၉.၁၆ ၁၂.၅ ၄၁.၂၅ ၃ဝ ၅ဝ၄ဝ.၅၁
၁၅။ ၂ဝဝ၄-ဝ၅ ၈၉၄၃.၉၇ ၁၂.၅ ၄၁.၂၅ ၃ဝ ၇၂၆၆.၅၄
၁၆။ ၂ဝဝ၅-ဝ၆ ၉၉၈၁.၁၂ ၁၂.၅ ၄၂.၂၉ ၃ဝ ၈၈၃၇.၉၇
၁၇။ ၂ဝဝ၆-ဝ၇ ၁၂ဝ၁ဝ.၇ဝ ၁၂.၅၁ ၄၂.၂၉ ၃ဝ ၁ဝ၂၆၈.၆၅
စုစုပေါင်း ၅၅၄၆၂.၆၆ --- ၇၈၉.၇၃ --- ၄၃၈၈၅.၅၂
[ကိုးကား။ ။ မြန်မာ့စီးပွားရေးဦးပိုင်လီမိတက် ညွှန်ကြားရေးမှူး အစီရင်ခံစာ(နှစ်အလိုက်)]
ဇယား ၆.၁၃
(မစက) အောက်ရှိစက်ရုံများ (၂ဝဝ၆)
စက်ရုံ တည်နေရာ ထုတ်ကုန်/မှတ်ချက်
၁။ သံမဏိစက်ရုံ (၁) အောင်လံ သံမှို
၂။ သံမဏိစက်ရုံ (၂) မြောင်းဒကာ တံတားဘောင်
၃။ သံမဏိစက်ရုံ (၃) အင်းစိန်(ရွာမ) သံမှို၊ square match၊ သံဆူးကြိုး
၎။ သံမဏိစက်ရုံ (၄) မြင်းခြံ သံသတ္ထုရိုင်း
(ဆောက်လုပ်ဆဲ စီမံကိန်း)
၅။ ဘိလပ်မြေစက်ရုံ မြိုင်ကလေး ဘိလပ်မြေ
၆။ ဘိလပ်မြေစက်ရုံ ကျောက်ဆည် ဘိလပ်မြေ
၇။ စကျင်ကျောက်ပြားစက်ရုံ မန္တလေး စကျင်ကျောက်ပြား
၈။ ဂရင်နိုက်ကျောက်ပြားစက်ရုံ လွိုင်ကော် ဂရင်နိုက်ကျောက်ပြား
၉။ အောက်စီဂျင်စက်ရုံ ရန်ကုန် (မင်းဓမ္မ) အောက်စီဂျင်ဓါတ်ငွေ့
၁ဝ။ အမှတ် ၁ သကြားစက်ရုံ ကန့်ဘလူ သကြား
၁၁။ မက်သနောစက်ရုံ ကန့်ဘလူ မက်သနော
၁၂။ အမိုးပြားစက်ရုံ အင်းတကော် အိမ်မိုးသွပ်ပြား
၁၃။ ရန်ကုန်ဆေးဝါးစက်ရုံ မှော်ဘီ ဆေးထိုးပိုက်၊အိမ်သုံးဆေး
၁၄။ SIGMA ဝိုင်ယာစက်ရုံ လှိုင်သာယာ ဝိုင်ယာကြိုး
၁၅။ ဒဂုံဘီယာချက်စက်ရုံ ရွှေပြည်သာ ဘီယာ (SKOL/ DAGON)
၁၆။ သင်္ဘောပျက် သံတိုသံစ စက်ရုံ သီလဝါ သံတိုသံစများ
(သံမဏိစက်ရုံ ၁ အတွက်)
၁၇။ ကျောက်မီးသွေးထုတ်လုပ်ရေးစက်ရုံ မောတောင် ကျောက်မီးသွေး
(ထိုင်းနိုင်ငံသို့အဓိကပို့ရန်)
၁၈။ ဂေါဒန်မိုင်း သီပေါ ဂျစ်ပဆန်
၁၉။ အင်းဝကူးသန်းရောင်းဝယ်ရေး ရန်ကုန် သွင်းကုန်၊ ထုတ်ကုန်
(ပဲနှင့်ပဲမျိုးစုံ)
၂ဝ။ အင်းဝဘဏ် ရန်ကုန် ဘဏ္ဍာရေးလုပ်ငန်း
၂၁။ ကုန်စည်ခန့်ခွဲခြင်းလုပ်ငန်း ရန်ကုန် ကွန်တိန်နာ လုပ်ငန်း
(မစက) အောက်ရှိ အင်းဝဘဏ်သည် အရင်းငွေ ကျပ် (၁၅) ဘီလျံဖြင့်လှည့်ပတ်နေပြီး အပ်နှံငွေ (၈)ဘီလျံနှင့် ချေးငွေ (၄) ဘီလျံရှိသည်။ အင်းဝဘဏ်သည် မကွေး၊ လာရှိုး၊ ဟဲဟိုးရှိ လေဆိပ် များနှင့်လေယာဉ်ပြေးလမ်းများ ဆောက်လုပ်ခြင်းနှင့် တိုးချဲ့ခြင်းလုပ်ငန်းများအတွက် ဆောက်လုပ်ရေးကုမ္ပဏီများအား ဘဏ်ချေးငွေ စုစုပေါင်း ကျပ် (၂) ဘီလျံ ထုတ်ပေးခဲ့သည်။ တခြားချေးငွေ ကျပ်သန်း (၅ဝဝ) သည် ငါးကန်တူးဖော်ရေးစီမံကိန်းများသို့ ရောက်သွား သည်။ ဝန်ဆောင်မှုနှင့် ကုန်သွယ်ရေးကဏ္ဍအား ချေးငွေများမှာ ကျပ် (၁.၅) ဘီလျံခန့် ရှိသည်။ မစကသည် လျှပ်စစ် ဓါတ်အား မီဂါဝပ် (၇၁ဝဝ) ကျော်ထုတ်ပေးနိုင်မည့် တာဆန်းရေအားလျှပ်စစ်စက်ရုံ တည်ဆောက်ရေးကိုလည်း ထိုင်းကုမ္ပဏီနှင့်အတူ လုပ်ကိုင်ဆောင်ရွက်နေသည်။
(မစက) အောက်တွင် အထင်ရှားဆုံးနှင့်လူသိအများဆုံးလုပ်ငန်းမှာ အာမခံလုပ်ငန်းဖြစ်သည်။ ၁၉၇၇ ခုနှစ်အထိ နိုင်ငံ တော်ပိုင် မြန်မာ့အာမခံလုပ်ငန်းသည် မြန်မာနိုင်ငံတွင် တခုတည်းသော အာဏာပိုင်သည့် အသက်နှင့်အထွေထွေ အာမခံကုမ္ပဏီ ဖြစ်သည်။ သို့သော် ၁၉၉၆ ခုနှစ် ဇွန်လ ၂၄ရက်နေ့နှင့် ၁၉၉၇ခုနှစ် ဇွန်လ ၂၆ရက်နေ့တွင် မြန်မာ့အာ မခံ လုပ်ငန်းဥပဒေ (အမှတ် ၆၊ ၁၉၉၆) နှင့် မြန်မာ့အာမခံဥပဒေ (ကြော်ငြာအမှတ် ၁၁၆၊ ၁၉၉၇) တို့ကို အသီးသီး ထုတ်ပြန်လိုက်ခြင်းနှင့်အတူ အစိုးရသည် (မစက) အား အာမခံလိုင်စင် ထုတ်ပေးခဲ့သည်။ ဤသည်မှာ ယခုကဲ့သို့ လိုင်စင်ထုတ်ပေးသည့် တခုတည်းသောကုမ္ပဏီ ဖြစ်တန်ရာသည်။
(မစက) သည် မြန်မာ အပြည်ပြည်ဆိုင်ရာအာမခံ ကော်ပိုရေးရှင်းကို အာမခံပေးသူ အဖြစ်လည်းကောင်း၊ မြန်မာ အပြည်ပြည်ဆိုင်ရာ အာမခံဝန်ဆောင်မှုလုပ်ငန်း ကော်ပိုရေးရှင်းကို ကြားခံအာမခံဆောင်ရွက်ပေးသူ အဖြစ်လည်းကောင်း ၁၉၉၇ ခုနှစ်၊ သြဂုတ်လတွင် ဖွဲ့စည်းခဲ့ပြီး အာမခံဈေးကွက်အတွင်း ဝင်ရောက်ခဲ့သည်။
မြန်မာအပြည်ပြည်ဆိုင်ရာအာမခံကော်ပိုရေးရှင်းတွင် အဓိကရှယ်ယာပိုင်ဆိုင်သူများမှာ (မစက) (၅၅%)၊ Jarney Asia Bhd၊ မလေးရှား (၂၇%)၊နှင့် မိုက်ကယ်ညွန့်နှင့်ကုမ္ပဏီ (၁၈%) တို့ဖြစ်သည်။ မြန်မာအပြည်ပြည်ဆိုင်ရာ အာမခံ ကော်ပိုရေးရှင်းသည် (မိုက်ကယ်ညွန့်နှင့်ကုမ္ပဏီ)နှင့် Swiss Underwriting Services တို့ကို အာမခံကိုယ်စား လှယ်အဖြစ် ခန့်အပ်ထားသည်။ သို့သော် ၁၉၉၈ ခုနှစ် သြဂုတ်လ (၁) ရက်နေ့တွင် မြန်မာ အပြည်ပြည်ဆိုင်ရာအာမခံ ကော်ပိုရေးရှင်းသည် အာမခံကိုယ်စားလှယ်ခန့်အပ်မှုကို ပြန်လည်ရုတ်သိမ်းခဲ့ပြီး လုပ်ငန်းဆောင်ရွက်မှုကို သိမ်းယူခဲ့သည်။ နောက်ပိုင်းတွင် Jarney Asia Bhd၊ မလေးရှားသည်လည်း ၎င်း၏ရှယ်ယာများကို အင်းဝဘဏ်သို့ လွှဲပြောင်းပေးခဲ့သည်။ စီးပွားရေးအရအောင်မြင်သော်လည်း အစိုးရ၏ဆုံးဖြတ်ချက်နှင့်အညီ နောက်ဆုံးတွင် မြန်မာအပြည်ပြည်ဆိုင်ရာ အာမခံ ကော်ပိုရေးရှင်းကို ၂ဝဝဝ ခုနှစ် အစောပိုင်းတွင် ဘဏ္ဍာရေးနှင့်အခွန်ဝန်ကြီးဌာနသို့ လွှဲပြောင်းပေးခဲ့သည်။ ထို့ပြင် တချို့ မစက အောက်ရှိ စက်ရုံများနှင့်ဝန်ဆောင်မှုလုပ်ငန်းများကို ဖျက်သိမ်းခြင်း သို့မဟုတ် တခြားအစိုးရဌာနများသို့ လွှဲပြောင်းခြင်းများ ပြုလုပ်ခဲ့သည်။
တပ်မတော်မှစီမံခန့်ခွဲသည့် အခြားစီးပွားရေးလုပ်ငန်းများ
၁၉၈၉ ခုနှစ်ထိတိုင် စစ်တပ်အတွက်မရှိမဖြစ်လိုအပ်သည့် ရိက္ခာပစ္စည်းများအတွက်ပင်လျှင် စက်မှု (၁) ဝန်ကြီးဌာန အောက်ရှိ နိုင်ငံပိုင်စက်ရုံများအပေါ် မှီခိုနေရပေသည်။ ၁၉၈၉ ခုနှစ် ဇူလိုင်လ (၁)ရက်နေ့တွင် စစ်လက်နက်ပစ္စည်း ညွှန်ကြားရေးမှူးရုံးက စက်မှု (၁) ဝန်ကြီးဌာနမှ စက်ရုံ (၃) ခုအား စီမံခန့်ခွဲမှုကို သိမ်းယူခဲ့သည်။ ၎င်းတို့မှာ တပ်မတော် အထည်ချုပ်စက်ရုံ (မင်္ဂလာဒုံ)၊ တပ်မတော်မိုးကာကင်းဗတ်စစက်ရုံ (သမိုင်း)နှင့် တပ်မတော်ရှူးဖိနပ်စက်ရုံ (အင်းတိုင်) တို့ဖြစ်ကြသည်။ နောက်ထပ် စက်ရုံ (၆)ခုကိုလည်း စစ်လက်နက်ပစ္စည်းညွှန်ကြားရေးမှူးရုံးသို့ လွှဲပြောင်းပေးခဲ့သည်။ ဤသည်တို့မှာ တပ်မတော်ချည်မျှင်စက်ရုံ (မိတ္ထီလာ)၊ တပ်မတော်ချည်မျှင်စက်ရုံ (သမိုင်း)၊ တပ်မတော်ဘောလုံး စက်ရုံ (မှော်ဘီ)၊ တပ်မတော်သတ္ထုပစ္စည်းစက်ရုံ (အုတ်ကျင်း)၊ တပ်မတော်သားရေစက်ရုံ (မန္တလေး) နှင့်တပ်မတော် ဆေးဝါး စက်ရုံ (မှော်ဘီ) တို့ ဖြစ်သည်။
ထို့ကြောင့် လောလောဆယ်ဆယ်တွင် စစ်လက်နက်ပစ္စည်းညွှန်ကြားရေးမှူးရုံး (ကကနက်) သည် တပ်မတော် အသုံးပြုရေးအတွက် လက်နက်နှင့်ခဲယမ်းမီးကျောက်များထုတ်လုပ်ခြင်းအပြင် စက်ရုံ (၉) ရုံကိုလည်း လည်ပတ် လုပ်ကိုင်လျှက်ရှိသည်။ အများစုမှာ စစ်တပ်သီးသန့်သုံးဖြစ်သော်လည်း အချို့ ပစ္စည်းများမှာ စစ်တပ်သုံးမဟုတ်သည့် ကူးသန်းရောင်းဝယ်ရေး ရည်ရွယ်ချက်အတွက် ထုတ်လုပ်သည့် ပစ္စည်းများဖြစ်သည်။ အထင်ရှားဆုံးပြရလျှင် ဘောလုံးစက်ရုံနှင့် ဆေးဝါးစက်ရုံမှပစ္စည်းများ ဖြစ်သည်။ ဤလုပ်ငန်းများမှ တပ်မတော်အတွက် တစုံတရာဝင်ငွေရပြီး သာမန်စစ်သည်များ၏ မိသားစုများအတွက် အလုပ်အကိုင်များကိုလည်း ဖန်တီးပေးသည်ဟု ပြောဆိုသည်။
စစ်လက်နက်ပစ္စည်း ညွှန်ကြားရေးမှူးရုံးအပြင်၊ ထောက်ပံ့ရေးနှင့်ပို့ဆောင်ရေး ညွှန်ကြားရေးမှူးရုံး (ကကပံ့) ကလည်း စက်ရုံအများအပြားကို လုပ်ကိုင်နေသည်။ ၎င်းတို့မှာ တပ်မတော်လ္ဘက်စက်ရုံ (နမ့်ဆန်)၊ တပ်မတော်လ္ဘက်စက်ရုံ (သံတောင်)၊ တပ်မတော်လ္ဘက်စက်ရုံ (ရန်ကုန်)၊ တပ်မတော်စည်သွပ်စက်ရုံ (မန္တလေး)၊ တပ်မတော်စည်သွပ်စက်ရုံ (သံတွဲ)၊ တပ်မတော် ပုဇွန်ငါးပိနှင့်ငါးချဉ်စက်ရုံ (မှော်ဘီ)၊ တပ်မတော်ဘီစကွတ်နှင့်ခေါက်ဆွဲစက်ရုံ (မှော်ဘီ) နှင့်တပ် မတော်ဂျုံမှုန့်စက်ရုံ (သြဘာ) တို့ ဖြစ်ကြသည်။ ဤစက်ရုံများက စစ်တပ်ရိက္ခာအတွက်သာမက စီးပွားရေးရည်ရွယ် ချက်အတွက်လည်း ကုန်ပစ္စည်းများ ထုတ်လုပ်သည်။
စီးပွားရေးရည်ရွယ်ချက်အတွက် နေတံဆိပ် SUN နို့ဆီဗူး ထုတ်လုပ်ရန် ၁၉၉၇ ခုနှစ်၊ မေလတွင် ညွှန်ကြားရေးမှူးရုံးက ပျဉ်မပင်နို့ထွက်ပစ္စည်းစက်ရုံကို သိမ်းပြီး ပုဂ္ဂလိကပိုင်ကဏ္ဍသို့ ကန်ထရိုက် ချပေးခဲ့သည်။ ကာကွယ်ရေးဝန်ကြီးဌာန (ယခင်) ထောက်လှမ်းရေးညွှန်ကြားရေးမှူးရုံး (ကကလှမ်း) ကလည်း စီးပွားရေးလုပ်ငန်းများတွင် ကျယ်ကျယ် ပြန့်ပြန့် ပါဝင်ခဲ့ဖူးသည်။ ဤသည်မှာ ထောက်လှမ်းရေးအသိုင်းအဝိုင်းတွင် ထူးထူးခြားခြား မဟုတ်ပေ။ ၎င်းတို့၏ လျှို့ဝှက် စစ်ဆင်ရေးများအား ဘဏ္ဍာငွေ ထောက်ပံ့ရန် ရှေ့တန်းအဖွဲ့အစည်း အများအပြား ထူထောင်စဉ်ကတည်းကဖြစ်သည်။
တပ်မတော်ထောက်လှမ်းရေးညွှန်ကြားရေးမှူးရုံးက စားသောက်ဆိုင်များ ဖွင့်လှစ်ထားခြင်း၊ စာအုပ်များ၊ ဂျာနယ်များ ထုတ်ဝေခြင်းနှင့် ဖြေဖျော်ရေးပစ္စည်းများ ထုတ်လုပ်နေခြင်းများသည် လုံးဝ လူသိထင်ရှား ဖြစ်လှသည်။ ၂ဝဝ၄ ခုနှစ် နိုဝင်ဘာလတွင် တပ်မတော် ထောက်လှမ်းရေး ကမကထပြုထားသည့် စေတမန် တေးဂီတထုတ်လုပ်ရေးကုမ္ပဏီလီ မိတက်၊ မြက်ခင်းသစ်အနုပညာအုပ်စု တို့ကို ပြည်ထဲရေးဝန်ကြီးဌာနက ဖျက်သ်ိမ်းခဲ့သည်။ အလားတူ မြန်မာသတင်း ဂေဇက် (Myanmar News Gazettee) နှင့် ဝံသာနု၊ နှစ်ပါတ်တခါထုတ်ဝေသည့် ဂျာနယ်များ၊ မြက်ခင်းသစ် လစဉ်ထုတ် မဂ္ဂဇင်းနှင့် တနှစ် ၄ ကြိမ်ထုတ်ဝေသည့် မြန်မာ့မြင်ကွင်း (Myanmar Perspective) ထုတ်ဝေခွင့်လိုင်စင်များကိုလည်း ရုပ်သ်ိမ်းခဲ့သည်။
ယခင်ပြည်သူ့စစ်နှင့်ပြည်သူ့ဆက်ဆံရေးညွှန်ကြားရေးမှူးရုံး (ကကပြည်) သည် ၁၉၉ဝ စုနှစ်အစောပိုင်းက မြဝတီ ပုံနှိပ်တိုက်ကို သိမ်းယူခဲ့သည်။ လစဉ်ထုတ် မဂ္ဂဇင်း ၂ စောင်၊ လစဉ်ထုတ် ကလေးမဂ္ဂဇင်းတစောင်၊ အပါတ်စဉ်ထုတ် ဂျာနယ်တစောင်နှင့် စာအုပ်အနည်းငယ် ထုတ်ဝေခဲ့သော်လည်း၊ ပုံနှိပ်တိုက်သည် ထောက်ပံ့မှုအပေါ် အကြီးအကျယ် မှီခိုနေရပုံပေါ်သည်။ ဤ ညွှန်ကြားရေးမှူးရုံး၏ တစိတ်တပိုင်းဖြစ်သည့် မြဝတီရုပ်မြင်သံကြားဌာနသည် ရုပ်သံ စီးပွားရေးအတွက် ကြော်ငြာအေဂျင်စီများကို လည်ပတ်လုပ်ကိုင်နေသည်။ ထိုလုပ်ငန်းမှ ဝင်ငွေတစုံတရာ ရကောင်း ရနေမည်ဖြစ်သော်လည်း ထုတ်လုပ်မှုစရိတ်နှင့်ထုတ်လွှင့်မှုစရိတ်များ မလုံလောက်ချေ။ အဆင့်အသီးသီးရှိ တပ်ရင်းတပ်ဖွဲ့များသည် စီးပွားရေးလုပ်ငန်းများတွင် ဆက်လက်ပါဝင် လုပ်ကိုင်နေကြသည်သာမက တိုးချဲ့၍ပင် လုပ်ကိုင်နေကြသည်။ အောက်ခြေအဆင့်တပ်ဖွဲ့များ၌ စားသောက်ဆိုင်လုပ်ငန်းနှင့် အခြားအ်ိမ်တွင်းမှုလုပ်ငန်းစသည့် သာမန်စီးပွားရေးလုပ်ငန်းများ အပြင်၊ တချို့တပ်ရင်းများသည် ရေခဲစက် သို့မဟုတ် ကုန်လမ်းသယ်ယူပို့ဆောင်ရေးစသည့် အငယ်စားလုပ်ငန်းများတွင် ပါဝင်လုပ်ကိုင်နေကြသည်။
စစ်တပ်က တပ်ပိုင်အဆောက်အဦး၊ လျှပ်စစ်များသာမက ထရပ်ကားများကိုပင် စီးပွားရေးလုပ်ငန်းအတွက် ငှားရမ်းသည့်ကိစ္စ အများအပြားရှိသည်။ သို့သော် အကျိုးခံစားခွင့်ရရှိသည့် တပ်ရင်းတပ်ဖွဲ့များအကြား နေရာ အတော်များများ၌ ကွာဟမှုရှိပုံပေါ်သည်။ ထောက်ပံ့မှုများတွင် အဆမတန်ကွာဟမှုရှိသည်။ တချို့တပ်ရင်းတပ်ဖွဲ့များသည် လစဉ်ထောက်ပံ့ငွေ အတော်ကောင်းမွန်စွာ ပေးနိုင်ပြီး၊ အထူးသဖြင့် ဝေးလံသော ဒေသများရှိ တပ်ရင်းတပ်ဖွဲ့များမှာမူ ငွေ သားထောက်ပံ့မှုမှာ အနိမ့်ဆုံးလိုအပ်ချက် ဖြည့်ဆီးနိုင်ရန်ပင်ခက်ခဲလှသည်။ ၂ဝဝဝ ခုနှစ်တွင် ၁၅ဝဝ ကျပ်မျှသာ ထောက်ပံ့နိုင်ပြီး ၂ဝဝ၃ ခုနှစ်တွင် ကျပ် (၃ဝဝဝ) သာ ထောက်ပံ့နိုင်သည်။
ဤဖြစ်ရပ်များမှာ အဖွဲ့အစည်း စည်းလုံးညီညွတ်မှုကို စတင်ခြိမ်းခြောက်နေပြီး၊ တပ်ရင်းဘားတိုက်များတွင် လိုင်စင်မဲ့ ကားများထားပေးခြင်း၊ သို့မဟုတ် စစ်ထရပ်ကားများဖြင့် မှောင်ခိုကုန်များ သယ်ယူပေးခြင်း စသည့် ဥပဒေပြင်ပ စီးပွား ရေးလုပ်ငန်းများတွင် ပါဝင်လုပ်ကိုင်ရန် တပ်ရင်း တပ်ဖွဲ့များကို အားပေးနေခြင်းလည်း ဖြစ်သောကြောင့်၊ တပ်မတော် ခေါင်းဆောင်မှုက တသီးပုဂ္ဂလ စီးပွားရေးလုပ်ငန်းများ ရပ်ပစ်ရန် ဆုံးဖြတ်ခဲ့သည်။
ဝန်ကြီးဌာနများနှင့်ဦးစီးဌာနများသည် ဝန်ထမ်းသက်သက်သာချောင်ချိရေးအကြောင်းပြပြီး ရံပုံငွေ ရှာဖွေရန်အတွက် စီးပွားရေးလုပ်ငန်းများ ဖွဲ့စည်းရတော့မည်မဟုတ်။ ၂ဝဝ၃ ခုနှစ်ဒီဇင်ဘာလမှစ၍ ဝန်ထမ်းအားလုံးအတွက် တဦးလျှင် ကျပ် ၅ဝဝဝ လစဉ်အပိုဆောင်း ငွေပေးထားပြီး ဖြစ်သည့်အတွက် ဤနှစ်ကုန်တွင် စီးပွားရေးလုပ်ငန်းအားလုံး ရပ်ဆိုင်း ကြရန် ဟု ၂ဝဝ၄ ခုနှစ် စက်တင်ဘာလ (၃ဝ)ရက်နေ့၊ ကက်ဘိနက်အစည်းအဝေး၌၊ ဗိုလ်ချုပ်မှူးကြီးသန်းရွှေက လမ်းညွှန်ချက် ပေးခဲ့သည်။ စိုက်ပျိုးရေးလုပ်ငန်းများမှလွဲ၍ စီးပွားရေးလုပ်ငန်းအားလုံးနှင့် တပ်ရင်းရံပုံငွေနှင့်ဆက်စပ်သည့် တရားဝင် ပိတ်ပင်ထားသည့်လုပ်ငန်းများကို ၂ဝဝ၄ ခုနှစ် မတ်လ (၃၁)ရက်နေ့တွင် အဆုံးသတ်ရန် ဒီဇင်ဘာလတွင် ကာကွယ်ရေး ဝန်ကြီးဌာနက တပ်မတော်တပ်ရင်းတပ်ဖွဲ့အားလုံးသို့ ညွှန်ကြားချက် ထုတ်ပြန်ခဲ့သည်။ ဤအမိန့်သည် စီးပွားရေး လုပ်ငန်းအချို့အား ဝန်ကြီးဌာနများ သို့မဟုတ် အဖွဲ့အစည်းအသီးသီးသို့ လွှဲပြောင်းပေးရန်နှင့် မလွဲပြောင်းသည့် လုပ်ငန်းများအားလုံး ဖျက်သိမ်းပစ်ရန် ဖြစ်သည်။
တပ်မတော်ထောက်လှမ်းရေးညွှန်ကြားရေးမှူးရုံးကို ဖျက်သိမ်းပစ်ပြီး နောက်တွင် ဤညွှန်ကြားချက်ကို ပိုမို ထိရောက် စွာ အကောင်အထည်ဖော်ခဲ့သည်။ ထို့ကြောင့် တပ်ရင်းတပ်ဖွဲ့အကုန်လုံး ၎င်းတို့၏ စီးပွားရေးလုပ်ငန်းအားလုံးကို ရပ်ဆိုင်းခဲ့သည်။
စစ်တပ်ကျောထောက်နောက်ခံပေးထားသည့် စီးပွားရေးလုပ်ငန်းများ
စစ်ရေးချုပ်ရုံးအောက်တွင် မတူခြားနားသည့်စစ်မှုထမ်းဟောင်းများအတွက် စီးပွားရေးအဖွဲ့အစည်း (၂)ခုရှိသည်။ တခု မှာ မြန်မာနိုင်ငံစစ်မှုထမ်းဟောင်းအဖွဲ့ စည်းရုံးရေးကော်မတီ (မစစက) ဖြစ်ပြီး အခြားတဖွဲ့မှာ ပြန်လည်နေရာချထားရေး ညွှန်ကြားရေးမှူးရုံး၏ ကြီးကြပ်မှုအောက်တွင် ရှိသည်။ မြန်မာနိုင်ငံစစ်မှုထမ်းဟောင်းအဖွဲ့ စည်းရုံးရေး ကော်မတီသည် ကျပ်ငွေ (၉.၆) ဘီလျံတန်ဖိုးရှိသော နာမည်အမျိုးမျိုးဖြင့် စီးပွားရေးလုပ်ငန်း (၂၆) ခု ပိုင်ဆိုင်သည်။ ၎င်းသည် ဒေသအသီးသီးတွင် စီးပွားရေးလုပ်ငန်းများလုပ်ကိုင်ရန် တိုင်းနှင့်ပြည်နယ်အသီးသီးရှိ စစ်မှုထမ်းဟောင်း အဖွဲ့များအား ချေးငွေများ ချပေးသည်။ စစ်မှုထမ်းဟောင်းအဖွဲ့ စည်းရုံးရေးကော်မတီအောက်ရှိ အကျော်ကြားဆုံး စီးပွားရေး အဖွဲ့အစည်းများမှာ ရွှေအင်းဝအလုပ်အကိုင်အေဂျင်စီနှင့်ရွှေအင်းဝ ဘတ်စ်ကားလိုင်းတို့ ဖြစ်သည်။
ဤ ၂ ဖွဲ့စလုံးကို ၂ဝဝ၁ ခုနှစ်တွင် တည်ထောင်ခဲ့ခြင်းဖြစ်သည်။ ၂ဝဝ၂ ခုနှစ် ဇွန်လတွင် (မစစက) သည် ရန်ကုန်မြို့တွင် တပ်မတော်အထူးကုဆေးခန်းကို ဖွင့်လှစ်ခဲ့သည်။ ဝန်ထမ်းများမှာ တပ်မတော်ဆေးရုံများမှ လက်ရှိ ဝန်ထမ်းများနှင့် အငြိမ်းစားဝန်ထမ်းများ ဖြစ်သည်။ မူလက အခကြေးငွေ သင့်တင့်လျောက်ပတ်စွာဖြင့် ကောင်း ကောင်း ကုသပေးသည်ဟု ဆိုသော်လည်း လက်တွေ့တွင်မူ အရာရှိကြီးများနှင့် အောက်ခြေရဲဘော်မိသားစုများအကြား ခွဲခြားမှုများရှိသည်ကို တွေ့ရှိရသည်။
၂ဝဝ၁ နှင့်၂ဝဝ၄ အကြား (၄) နှစ်အတွင်း (မစစက) သည် အဖွဲ့ဝင်များနှင့် ၎င်းတို့၏ မိသားစုများအတွက် ကျပ်ငွေ (၁၄၃ဝ.၅)သန်း ထောက်ပံ့ပေးခဲ့ပြီး အရာရှိ (၄၆) ယောက်၊ အဖွဲ့ဝင် (၁၇၉) ယောက်နှင့် မိသားစုဝင် (၁၈၂) ယောက် တို့အား ပြည်တွင်း၌ အလုပ်အကိုင်များ ရှာဖွေပေးခဲ့သည်။ ထို့ပြင် ၎င်းတို့၏အဖွဲ့ဝင်များနေထိုင်ရန် တန်ဖိုးနည်းအိမ်ယာ အလုံး (၁၂ဝ) ခန့် တည်ဆောက်ပေးခဲ့သည် ဟုဆိုသည်။
ပြန်လည်နေရာချထားရေးညွှန်ကြားရေးမှူးရုံး (ကကပြန်) သည် သန်မြန်သူစီးပွားရေးလုပ်ငန်းကို ကြီးကြပ်သည်။ ၎င်းတွင် သန်မြန်သူဘတ်စ်ကားလိုင်းနှင့် သန်မြန်သူဆောက်လုပ်ရေးအုပ်စု တို့ပါဝင်သည်။ မသန်မစွမ်းစစ်သည်များ သက်သာ ချောင်ချိရေးအတွက်ဖြစ်သည်။ ဤ ညွှန်ကြားရေးမှူးရုံးက မသန်မစွမ်းစစ်သည်များအတွက် ဝင်ငွေရရန် အသက်မွေးဝမ်းကျောင်းသင်တန်းများ ဖွင့်လှစ်ပို့ချပေးသည်။ မသန်မစွမ်းစစ်သည် (၁၇၇) ယောက်အတွက် ရေရှည် အထောက်အပံ့ဖြစ်ရန် ဦပိုင်းလီမိတက်၌ အစုရှယ်ယာများဝယ်ပေးပြီး၊ တခြားစစ်သည် (၁၃၄ဝ) အား ထောက်ပံ့ပေးသည် ဟု ဆိုထားသည်။ မသန်မစွမ်းစစ်သည်များအတွက် ငွေလှူပွဲအခမ်းအနားများကို ရံဖန်ရံခါ သတင်းမီဒီယာများသို့ အစီရင်ခံပေးပို့သည်။ သန်မြန်သူ ဘတ်စ်ကားလိုင်းသည် ရန်ကုန်မြို့တွင်း၌ ဘတ်စ်ကားလိုင်း တဒါဇင်ကျော် ပြေးဆွဲနေသည်။ မော်လမြိုင်၊ ဘားအံ၊ မုံရွာ၊ လွိုင်ကော်တွင် လုပ်ငန်းခွဲများရှိပြီး အဝေးပြေး ဘတ်စ်ကားလိုင်းများ ပြေးဆွဲနေသည်။
ထို့ပြင် သန်မြန်သူစစ်ဆေးရေးလုပ်ငန်း၊ သန်မြန်သူ စီးပွားရေးဖွံ့ဖြိုးမှုကုမ္ပဏီနှင့် သန်မြန်သူ ဆောက်လုပ်ရေးအုပ်စုကို ထူထောင်ထားသည်။ မော်တော်ကားဝန်ဆောင်မှုလုပ်ငန်း၊ မော်တော်ကားဘော်ဒီပြင် အလုပ်ရုံ၊ မြေထိုးမြေသယ်စက် ငှားသည့်လုပ်ငန်းနှင့်မော်တော်ကားအရံပစ္စည်းရောင်းချခြင်းလုပ်ငန်းတို့ကဲ့သို့ တခြားလုပ်ငန်းများကိုလည်း လုပ်ကိုင် သည်။ ၂ဝဝဝခုနှစ် မတ်လတွင် သန်မြန်သူစီးပွားရေးလုပ်ငန်းက သွားဆေးခန်းတခုကို ရန်ကုန်မြို့တွင်ဖွင့်လှစ်ခဲ့သည်။ ဈေးနှုန်း သင့်တင့်စွာဖြင့် သွားရောဂါများကို ကုသပေးသည်။ ညွှန်ကြားရေးမှူးရုံးကလည်း မသန်မစွမ်းများ လုပ်ကိုင်သည့် သံကြိုးနှင့် သံဆူးကြိုးစက်ရုံ၊ အုပ်စက်ရုံနှင့်ထင်းအစားထိုးလောင်စာတောင့် စက်ရုံတို့ကဲ့သို့ စက်ရုံများကို လည်ပတ် လုပ်ကိုင်နေသည်။
စစ်တပ်တွင်းကွာဟမှုများစေခြင်း
ဗမာပြည်တွင် စစ်အုပ်စုက အာဏာရထားသည်ဖြစ်သဖြင့် စစ်တပ်ဗျူရိုကရက် အရင်းအနှီးနှင့်နိုင်ငံတော် အရင်းအနှီးတို့မှာ ဒွေးရောယှက်တင်ဖြစ်နေပြီး ဤသို့သော ငွေကြေးအဆောက်အဦမျိုး မတည်ထောင်ခဲ့ကြခြင်း ဖြစ် သည်။ ယခုတော့ အဆန်းလိုဖြစ်နေသည်။ အထက်တွင်ဆိုခဲ့သော နိုင်ငံများတွင်မူ ဤသို့သော စစ်တပ်ပိုင်အရင်းအနှီးကြီးများမှာ ဗြောင်ပင် တည်ရှိနေကြသည်။ ရှက်စရာဟူ၍ပင် မယူဆကြချေ။ ဒါတင်မက ထိုင်းနိုင်ငံလို စစ်အုပ်စုများ ဗြောင်ကွဲနေသော နိုင်ငံမျိုးတွင် သူတို့၏စီးပွားရေး အဆောက်အဦမှာလည်း ဗြောင်ပြိုင်ဆိုင်နေကြလေသည်။
ဗမာပြည်တွင် စစ်တပ်တခုလုံး၏ အကျိုးစီးပွားများထည့်သွင်းထားသော ဦးပိုင်စီးပွားရေးလီမိတက်တရပ် ပေါ်ပေါက် လာသဖြင့် စစ်တပ်တွင်းကွဲပြဲမှုများကို ထိန်းချုပ်နိုင်မည်လော။ လက်ဝါးကြီးအုပ် အရင်းရှင်းစနစ်သည် အရင်းအနှီး ငယ်သူများ၊ စီးပွားပျက်သူများကို သူ့အောက်ဆွဲသွင်းကာ စုစည်းလိုက်သည်မှာ မှန်သည်။ သို့သော် အရင်းရှင် စနစ်၏အခြေခံမှာ လက်ဝါးကြီးအုပ်စနစ် ဖြစ်သလို အရင်းရှင်စနစ်၏ပျက်စီးခြင်းကိုလည်း လက်ဝါးကြီးအုပ်စနစ်ကပင် ဆောင်ကျဉ်းသည်ဆိုသောအချက်ကို မမေ့အပ်ပေ။
ဤစစ်တပ်ဦးပိုင်လီမိတက်သည် လက်တွေ့တွင် နဂိုကမှ အဆင့်အတန်း အင်မတန် ကွာခြားနေသော စစ်တပ်ထိပ်ပိုင်း နှင့် အောက်ခြေတို့အား ပိုမိုကွာခြားစေမည်သာဖြစ်ရာ ရေရှည်တွင် အောက်ခြေက ထိပ်ပိုင်းကို မကျေနပ်မှုများ ပေါ်ပေါက်စရာ အကြောင်းတကြောင်းလည်း ဖြစ်လာမည်မှာ သေချာသည်။ ထို့အပြင် ထိပ်ပိုင်းတွင် ဆရာကြီး သခင်ကိုယ်တော်မှိုင်း ရေးသော (တောင်ကျရေ နွားနှစ်ကောင် မဝသလိုပ၊ မောင်ဘဖေ ငါးထောင်မရသော်ကြောင့်) ဆိုသည်မျိုး ၎င်းတို့ချင်း အဝေမတည့်သည့် ပြဿနာများလည်း ပေါ်လာပါလိမ့်ဦးမည်။ ဤသို့သော စီးပွားရေးအဆောက်အအုံများ စစ်တပ်အတွက် ကြီးကြီးမားမားနှင့်အခြေတကျ ရှိသည့် အကြားမှပင် အကြိမ်ကြိမ် အာဏာသိမ်းမှုများ၊ အပြန်အလှန် အာဏာသိမ်းမှုများ ဖြစ်နေသော တတိယကမ္ဘာနိုင်ငံများ၏ သာဓကများမှာ အပုံအပင် မဟုတ်ပါလား။
နိဂုံး
ဗိုလ်ချုပ်မှူးကြီးစောမောင်လက်ထက်မှစခဲ့သည့် ကုဋေတထောင်တန် ဦးပိုင်လုပ်ငန်းကိုင်ငန်းကြီးကို ဗိုလ်ချုပ်မှူးကြီး သန်းရွှေက ဆက်ခံခဲ့ပြီး ဆက်လက် တိုးချဲ့လာခဲ့သည်မှာ တတိုင်းပြည်လုံး စီးပွားရေး လုပ်ငန်းမှန်သမျှ ဦးပိုင်အောက် သို့ လည်းကောင်း၊ ဦးပိုင်နှင့်လွတ်ကင်း၍မရသည့် အခြေအနေမျိုးသို့ လည်းကောင်း ရောက်ရှိသွားပေပြီ။
မူလက တပ်မတော်နှင့် တပ်မတော်သားများအကျိုးအတွက် ဟုပြောဆိုကာ ဖွဲ့စည်းခဲ့သော်လည်း လက်တွေ့တွင်မူ ဗိုလ်ချုပ်ကြီးများနှင့်၎င်းတို့မိသားစု ဆွေမျိုးသားချင်းတစုသာ ကုဋေကြွယ်သူဌေးကြီးများ၊ ဇောတိကများ ဖြစ်သွားစေခဲ့ ပြီး အောက်ခြေရဲဘော်အများစုမှာ အများပြည်သူနည်းတူ ဆင်းရဲမွေတေမှုများနှင့်သာ နပန်းလုံးနေကြရပေသည်။
၂ဝ၁ဝ အတုအယောင်ရွေးကောက်ပွဲမှ တက်လာမည့် ဘောင်းဘီချွတ် အရပ်ဝတ် ဗိုလ်ချုပ်ဟောင်းများသာ ကြီးစိုး သည့် အစိုးရသစ်အနေဖြင့်လည်း ၎င်းတို့၏ အကျိုးစီးပွားများနှင့်တသားတည်းဖြစ်နေသည့် ဤဦးပိုင်ကုမ္ပဏီကြီးကို ရာသက်ပန်တပ်မတော်ထိပ်သီးကြီးနေရာတွင် စိုးမိုးနေရာယူထားသည့် တပ်ချုပ်ကြီးသန်းရွှေနှင့်ဒုချုပ်ကြီးမောင် အေးတို့ အာဏာစက်အောက်တွင် အသက်နှင့်ရင်းကာ ကာကွယ်ကြပေဦးမည်မှာ မြေကြီးလက်ခတ်မလွဲ ဖြစ်ချေ သည်။
တပ်မတော်တွင်းက အောက်ခြေရဲဘော်များနှင့်ပြည်သူလူထုအဖို့မူ ပြည်သူတို့သွေးများဖြင့် ပေကျံနေသော၊ ဤ စစ်တပ် ဦးပိုင်လီမိတက်ကြီးကို မချစ်သော်လည်း အောင့်ကာနမ်းရ ပေဦးတော့မည်။
နောင်တချိန်ချိန် အစစ်အမှန် အရပ်သားအစိုးရ တက်လာချေဦးတော့ ဤစစ်ဗျူရိုကရက်ထိပ်သီးများနှင့် ဤစစ်တပ်တို့ တွဲလျက်သားတည်ရှိနေသမျှ ၎င်းတို့ အာဏာရှိစဉ် ပြဋ္ဌာန်းခဲ့သည့် ယခုကဲ့သို့သော အမိန့်ကြော်ငြာစာများကို မည် သည့် အရပ်သားအစိုးရကမျှ တရားမဝင်ဟု ကျေငြာပယ် ဖျက်ဝံ့မည်မဟုတ်။ ထို့ပြင် နိုင်ငံခြားနှင့်စာချုပ်ထားသော သဘောတူညီမှုများကလည်း ပါရှိနေသေးတော့ အဖက်ဖက်လည်း ထောက်ထားရဦးမည်။
နောက်တက်လာမည့်အစိုးရများ နဝတနှင့်နအဖ ထင်တိုင်းလုပ်ခဲ့သဖြင့် ဖရိုဖရဲ၊ ပျက်စီးချင်တိုင်း ပျက်စီးနေသော နိုင်ငံ ၏စီးပွားရေးကို ကြိုးစားပမ်းစား စုစည်းရာတွင် အရင်းအနှီး ရှာဖွေစုဆောင်းရေး၊ ငွေစက္ကူဖောင်းပွမှု ထိန်းချုပ်ရေးတို့ ကို မဖြစ်မနေ လုပ်ရပေမည်။ သို့သော် ဤစစ်တပ်၏ ဦးပိုင်လီမိတက်ကြီးသည် တိုင်းပြည်၏ ရှားပါးသည့် ငွေရင်းငွေ နှီးကိုလည်း ယူသုံးနေခြင်းကြောင့် တိုင်းသူပြည်သားများမှာ ငွေစက္ကူဖောင်းပွမှုဒဏ်ကိုလည်း ပိုမိုဆိုးဝါးခံရပေဦးမည် သာ ဖြစ်ပေသည်။
သေချာသည်မှာတော့ ဤစစ်တပ်ပိုင် ဦးပိုင်လီမိတက်ကြီးကိုသာ မဖျက်သိမ်းနိုင်ပါက မည်သည့် အရပ်သားအစိုးရ တက်လာသည်ဖြစ်စေ စစ်တပ်နှင့်စစ်အုပ်စုသည် ဗမာပြည်တွင် အကြီးဆုံးသော ကိုယ်ကျိုးရှာ လက်ဝါးကြီးအုပ်အရင်း ရှင်အုပ်စုကြီး အဖြစ် ဆက်လက်တည်ရှိနေကာ တိုင်းပြည်စီးပွားရေး ပိုမိုချွတ် ချုံကျကာ ပြည်သူအားလုံး ဆင်းရဲတွင်း နက်သထက်နက်ပြီး တပြည်လုံးဘဝများမှာ ငါးပါးသာမက သံဃာစင်ပါ မှောက်ကိန်းသို့ မုချ ဆိုက်ရောက်လာပေလိမ့် မည် ဖြစ်ပေသတည်း။
နောက်ဆက်တွဲ (က)
ဦးပိုင်၏ဖက်စပ်လုပ်ငန်းများ (UMEH Business Ventures)
BAT subsidiary, Rothmans Pall Mall Myanmar Private Ltd.
မင်္ဂလာဒုံမြို့နယ် စစ်တပ်ပိုင် စက်မှုလုပ်ငန်းဇုံတွင် စီးကရက် စက်ရုံတရုံပိုင် (ဗြိတိသျှ)
Myanmar Hwa Fuh international Ltd
ဦးပိုင်ကပိုင်ဆိုင်သည့် မြေနှင့်အဆောက်အဦးငှားရမ်းပြီး အထည်ချုပ်လုပ်ငန်းလုပ်ကိုင်။ ဦးပိုင်က ပြည်တွင်းရောင်း ဝယ်မှုမှ ကော်မရှင် ၅% ထပ်ရ။ (ဟောင်ကောင်)
Myanma Macau Hotels and Travels Ltd
(Central Hotel)
ဦးပိုင်က ၄ဝ% ပိုင်ဆိုင်ပြီး၊ နောက်ပိုင်းတွင် တခြားကုမ္ပဏီ ၏ အစုရှယ်ရာ ၂၅% ကို ဝယ်ယူခဲ့။ ဟိုတယ်ကို အနှစ် ၃ဝ လုပ်ကိုင်ပြီးနောက် ဦးပိုင်အား လွှဲပြောင်းပေးရန် စီစဉ်ထား သည်။
Shin Corporation
ထိုင်းဝန်ကြီးချုပ်ဟောင်းထပ်စင်ရှီနာဝပ်ထရာမိသားစုနှင့် ချိတ်ဆက်ထားသည့် ကြေးနန်းဆက်သွယ်ရေးအုပ်စု။ (ထိုင်းနိုင်ငံ)
Myanmar Nouveau Co Ltd
ကျောက်မျက်အချောထည်ပစ္စည်းများ ထုတ်လုပ်သည်။ (ထိုင်းနိုင်ငံ)
Suzuki
မြန်မာပြည်တွင် ရင်းနှီးမြှုပ်နှံမှုပမဏ ကြီးမားပြီး ကားနှင့် မော်တော်ဆိုင်ကယ်များ ထုတ်လုပ်သည်။
Myanmar Segye International Ltd
ပြည်ပတင်ပို့သည့် အဝတ်အထည်များ ထုတ်လုပ် (ဟောင်ကောင်)
Myanmar Daewoo International Ltd
ပြည်ပတင်ပို့သည့်အဝတ်အထည်များထုတ်လုပ် (တောင်ကိုရီးယား)
Myanmar Unimix International Ltd
ပြည်ပတင်ပို့သည့် အဝတ်အထည်များ ထုတ်လုပ် (ဟောင်ကောင်)
Korean Gas Company with Daewoo
ဓါတ်ငွေ့ (တောင်ကိုရီးယား)
Austrian Airlines
လေကြောင်းလိုင်း (သြစတြေးလျ)
Myanmar Mamee Double Decker Ltd
ခေါက်ဆွဲ (မလေးရှာ-မမီးခေါက်ဆွဲ)
Myanmar Brewery
ပြည်တွင်းသုံး ဘီယာအမျိုးမျိုး( မြန်မာ့စီးပွားရေး ကော်ပို ရေးရှင်းက ထူထောင်ထားသည့် Singapore – Fraser & Neave ကုမ္ပဏီ)
Myanmar Posko Steel Co
သံနှင့်သံမဏိ(တောင်ကိုရီးယား ပိုဟွန်နှင့်သံမဏီ ကုမ္ပ ဏီ- Pohon Iron and Steel Co.)
Berger Paints Manufacturing Ltd
အိမ်သုတ်ဆေးထုတ်လုပ်ရေး (Singapore – Berger International)
First Automotive Co.
အစ်စူးဇူးကားများ ထုတ်လုပ် (ဂျပန်– Mitsugi Corp)
Myanmar Jade International
ကျောက်စိမ်းရောင်း (ဟောင်ကောင်)
Myanmar Cement Co.
ဘိလပ်မြေ(Indonesia – P.T. Semen Cibninong & P.T. Prima Comexindo)
Myanmar Forward Support Co.
ကုန်သွယ်ရေးနှင့်ကုန်ပစ္စည်းတင်ပို့ လွှဲပြောင်းရေး (စင်္ကာပူ– SKS Marketing Pte.)
NTCY Fair Price Cooperative. Ltd
ကုန်တိုက်ကြီးများနှင့်ကုန်ပစ္စည်းများ တင်သွင်း(စင်္ကာပူ)
Myanmar Hotel & Cruises Ltd
ဟိုတယ်နှင့်ခရီးသွားလာရေး.(ဗြိတိသျှ)
Myanmar Tokiwa Corporation
ခဲတံထုတ်လုပ်ရေး(ဂျပန်)
Kurosawa Trust Co.
ကျောက်မျက်(ဂျပန်)
Hanthawaddy Golf Club
ဂေါက်ကလပ်(ဂျပန် – Nikko Shoji Co.)
Myanmar Samgong Industrial Co.
ရာဘာလှေထုတ်လုပ်ရေး (South Korea - Samgong Industrial Co.)
Myawaddy Trading
ကုန်သွယ်ရေး(စင်္ကာပူ)
Innwa Bank
ဘဏ်လုပ်ငန်း
Myawaddy Bank
ဘဏ်လုပ်ငန်း
Myawaddy Travels and Tours Ltd
ခရီးသွားလုပ်ငန်း
PVC Pipe Factory
PVC ပိုက်လုံးများ
Hyundai
မော်တော်ကားနှင့်မော်တော်ဆိုင်ကယ်
နောက်ဆက်တွဲ (ခ)
ယခင် DSI အောက်ရှိ ကုမ္ပဏီများ
1. Defense Services Institute Head Office;
2. DSI No.1 General provision store and canteen;
3. Betreace Foods (Burma) Ltd.;
4. Burma Orchid Ltd.;
5. Burma International Inspection Co. Ltd.;
နောက်ဆက်တွဲ (ဂ)
ယခင် BEDC အောက်ရှိကုမ္ပဏီများ
1. BEDC Head Office;
2. Burma Beverage Co.;
3. Mandalay Brewery and Distillery;
4. Burma Chemical Industries Ltd.;
5. Burma Paints Ltd.;
6. Burma Pharmaceutical Industries;
7. C entrade Polyproducts Ltd.;
8. Burma Canning Factory;
9. Burma Shoes Ltd.;
10. Garment Factory Ltd.;
11. Lodge Plug (Burma) Ltd.;
12. Mechanical and Electrical Ltd.;
13. Multitex Co. Ltd.;
14. Burma Firms Ltd.;
15. Burma Fisheries Ltd.;
16. Burma National Housing and Construction Co. Ltd.;
17. Ava House (Bookstore);
18. Myawaddy Press;
19. Burma Five Star Line Ltd.;
20. Rangoon Agencies Ltd.;
21. Diesel and General Services Ltd.;
22. Burma Hotel Ltd.;
23. Hotel International Ltd.;
24. Tourist (Burma) Ltd.;
25. Strand Hotel Ltd.;
26. Ava Insurance Ltd.;
27. People's Loan Co. Ltd.;
28. Rangoon Drug House;
29. Rowe & Company Ltd.;
30. Burma Asiatic Co. Ltd;
31. Burma Teak and Plywood Trading Co. Ltd.;
32. Continental Trading House;
33. Burma Trading House Ltd.;
34. Dalhousie Stores Ltd.;
35. General Trading House Co. Ltd.;
36. International Trading House Co.;
37. Motor House Co. Ltd.;
38. S. Openheimer & Co. Ltd.;
39. United Coal and Coke Suppliers and General Trading Co. Ltd.;
40. Economic Development Fisheries Ltd.;
41. Burma Trade (London);
42. BEDC Branch Office (Tokyo, Japan);
ဝန်ခံချက်။ ဤစာတမ်းကို ပြည်သူ့အာဏာဂျာနယ်မှ ဖိုးသံချောင်းရေးသားသည့် စစ်တပ်ဦးပိုင်လီမိတက်၊ မောင်အောင်မျိုး ရေးသားသည့် Building the Tamadaw နှင့် Andrew Selth ရေးသားသည့် စာတမ်းများမှ အချက်အလက်များအား စုဆောင်းတင်ပြထားခြင်းသာဖြစ်ပါသည်။ လွဲမှားမှုများ၊ ချို့ယွင်းချက်များပါရှိပါက မိမိ၌သာ တာဝန်ရှိပါသည်။
ဒေါက်တာတင့်ဆွေ
Comments
Post a Comment