Typing error စာရိုက်အမှား
မလျှော့နဲ့။ ဆရာလည်း ဘဝမှာ အင်္ဂလိပ်လိုစကေားစပြောရတာ နယ်စပ်ကိုကျော်အပြီးမှာတွေ့ရတဲ့ ရဲအရာရှိနဲ့ပါ။ ဆရာက မုံရွာကနေဆယ်တန်းအောင်တာမို့ အင်္ဂလိပ်စာ မတော်ပါ။ ဆေးကျောင်းမှာ စာအုပ်မှန်သမျှက အင်္ဂလိပ်လိုဖြစ်လို့ ကြိုးစားပြီးဖတ်ရတယ်။ (မဆလ) လက်ထက်မှာ အင်္ဂလိပ်လိုစကားပြောတာကို အားမပေးတဲ့ပြင် ပြစ်တင်ခံရမယ်။ ပါမောက္ခချုပ်နဲ့မျက်နှာချင်းဆိုင်တွေ့ရင် (ဂွတ်မောနင်း) လောက်သာပြောဖူးတယ်။
အိန္ဒိယမှာ အင်္ဂလိပ်စာကရုံးသုံးဖြစ်နေတာကြောင့် လေ့လာရတာ တပမ်းသာတယ်။ အိုက်ဇောမြို့မှာ တနှစ်ကြာနေတုံးက ဘတ်စကားစီးရင် မှတ်စုစာအုပ်သေးသေးလေးအိတ်ထဲထည့်ယူသွားပြီး တွေ့သမျှ ဆိုင်းဘုတ်ပေါ်က မသိသေးတဲ့ အင်္ဂလိပ်စာလုံးတွေ မှတ်တယ်။ ပြန်ရောက်ရင် ပေါ့ကက်အဘိဓာန်လေးကို လှန်တယ်။ ဒီလို့နဲ့ ဖါသာလေ့လာခဲ့ရတာ။
မီဇိုရမ်ပြည်နယ်က အစစအရာရာ အဆင့်ကနိမ့်တယ်။ သူတို့ဆီကထုတ်တဲ့အင်္ဂလိပ်သတင်းစာကို ဖတ်ပါတယ်။ ၆ လ နောက်ပိုင်းမှာ တဆင့်တက်ပြီး မြန်မာပြည်အကြောင်း အင်္ဂလိပ်လို လက်သွေးပြီး ရေးကြည့်တယ်။ အာသန်ခေါ်တဲ့ (အာဆမ်) မြို့တော် (ဂဝါဟာတီ) ကနေထုတ်တဲ့ အပါတ်စဉ်ဂျာနယ်တခုကနေ ပုံနှိပ်ပေးပါတယ်။
တပုဒ်မှာ အိန္ဒိယပြည်သူတွေကို ကျေးဇူးတင်ပါကြောင်းလေးပါထည့်ရေးပါတယ်။ Hospitality စကားလုံးနဲ့ပေါ။ အဲတာဗျာ Hostility လို့ရိုက်လိုက်ပါရော။ (ဟော်စပီတယ်လတီ) ဆိုတာက ဧည့်ဝတ်ကျေပွန်မှု၊ (ဟော်စတယ်လတီ) ဆိုတာက ရန်လိုမှုလို့အဓိပ္ပါယ်ရတယ်။ တော်သေးတယ် စာရိုက်အမှား ဒုက္ခမများလို့။
ဒေါက်တာတင့်ဆွေ
၁၇-၈-၂ဝ၁၅
ဓါတ်ပုံ = ၁၉၉၁ အိုက်ဇောမှာ
Comments
Post a Comment