Omega-3 and Pregnancy အိုမီဂါ နှင့် ကိုယ်ဝန်
အိုမီဂါ-၃ ဆိုတာ ကိုလက်စထောအတွက်သာဖြစ်တယ်။ ကိုယ်ဝန်နဲ့ နို့တိုက်မိခင်တွေအတွက် ဆေးသုတေသနက မတူတာတွေရှိတယ်။
Omega-3 အစားအသောက်များများစားရင်လည်း ကလေးမှာ အလာဂျီဖြစ်မှာ နည်းစေနိုင်လောက်တယ်လို့ ဆိုပါသေးတယ်။ ကိုယ်ဝန်ဆောင်နဲ့ နို့တိုက်မိခင်တွေ တနေ့မှာ အိုမီဂါ-သရီး 500 mg + EPA + DHA လိုအပ်တယ်လို့ သတ်မှတ်ထားပါတယ်။ ငါးတွေမှာ အဲတာတွေပါတယ်။ ဒါပေမဲ့ Cod liver oil ငါးကြီးဆီထဲမှာ Retinol ဗီတာမင်အေ များလွန်းတယ်။
အိုမီဂါ-သရီးကြောင့် ရောင်ခြင်းဖြစ်စဉ်ကို လျော့နည်းစေတယ်။ နှလုံးရောဂါ၊ ကင်ဆာနဲ့ အဆစ်နာရောဂါတွေကို သက်သာစေမယ်လို့ ယူဆစရာအကြောင်း ရှိနိုင်တယ်။ စားတဲ့အထဲကပါတဲ့ ဒီဓါတ်ဟာ ဦးနှောက်မှာ အများကြီး လာစုနေတယ်။ ဒါ့ကြောင့် ဦးနှောက်မှတ်ဥာဏ်၊ စဉ်းစားမှုနဲ့ အမူအယာအလုပ်တွေအတွက် အရေးပါတာ ဖြစ်နိုင်တယ်။ တကယ်လို့ မိခင်ဆီကနေ အိုမီဂါ-သရီး အလုံအလောက်မရရင် ကလေးဟာ အမြင်ဆိုင်ရာနဲ့ အာရုံကြောတွေမှာ အားနည်းနိုင်တယ်။
EPA နဲ့ DHA ဓါတ်တွေပါတဲ့အစားအသောက်ဟာ ကိုယ်ဝန်အတွက်ကောင်းတယ်လို့ ဆေးသုတေသနတွေဆိုလာတာ နှစ်သိပ်မကြာသေးပါ။ ကလေးဖွံ့ဖြိုးမှုကို ကောင်းမွန်စေတယလို့ဆိုပါတယ်။ အမြင်နဲ့ စဉ်းစားမှု။ အိုမီဂါ-သရီးတွေထဲက EPA နဲ့ DHA တွေပါတာ ဆာလ်မွန်၊ ကျူနာ၊ ဟာလီဘတ်ငါးတွေ ဖြစ်တယ်။ ပင်လယ်စာတွေ၊ အပင်တွေနဲ့ အစေ့အဆံကရတဲ့ အဆီတွေမှာလဲပါတယ်။ ALA ဆိုတာက နှမ်းကြတ်စေ့၊ နှမ်းကြတ်ဆီ၊ ပန်းနှမ်းဆီ၊ ပဲပုပ်စေ့၊ ပဲပုပ်စေ့ဆီ၊ ဖရုံစေ့၊ ဖရုံစေ့ဆီ၊ သစ်ကြားသီး၊ သစ်ကြားစေ့ဆီတွေကနေရတယ်။
DHA ဆေးက နာမည်တော့ကြီးပါတယ်။ ဒါပေမယ့် ထိရောက်နိုင်တာတွေက AMD အသက်ကြီးလို့ ချို့ယွင်းလာတာတွေ၊ နှလုံးသွေးကြောကျဉ်းရောဂါနဲ့ ကိုလက်စထောများတာတွေဖြစ်တယ်။ ကိုယ်ဝန်ဆောင်နဲ့ ကလေးနို့တိုက်ချိန်မှာ မသင့်ပါလို့ တချို့သုတေသနကဆိုတယ်။ Aspirin ဆေးနဲ့တွဲသောက်ရင် သွေးခဲစနစ်ကို သက်ရောက်စေနိုင်တယ်။ သကြားဓါတ် တက်စေနိုင်တယ်။ သွေးတိုးကျစေလို့ သွေးကျဆေးနဲ့တွဲရင် ဆေးထိန်းရခက်တယ်။
ကိုယ်ဝန်ဆောင်တွေအပါအဝင် ဘယ်လိုအခြေအနေနဲ့ ရောဂါတွေဖြစ်ဖြစ် အခြေခံကျတာနဲ့ အဓိကဦးစားပေးရမှာတွေကို အာရုံစိုက်သင့်တယ်။ အဲတာတွေအပြင်သာ ကြိုက်တာကို စနစ်တကျရွေးသင့်တယ်။ နာမည်ကြီးလို့၊ ခေတ်စားလို့ နောက်ဆုံးပေါ်မို့ လိုက်လုပ်တာထက် ကျန်းမာရေးဆိုရင် ဆရာဝန်ကညွှန်တာသာ သုံးသင့်ကြပါတယ်။ ကြော်ငြာကောင်းတိုင်း ဆေးပိုမကောင်းပါ။
ဒေါက်တာတင့်ဆွေ
Comments
Post a Comment