Slang ဘန်းစကား

ဘန်းစကားတွေကတော့ ခေတ်အလိုက်ပေါ်လေ့ရှိပါတယ်။ ခေတ်လူတွေက စကားလုံးတွေတီထွင်ကြပါတယ်။ စကားလုံးသစ်တီထွင်တာနဲ့ သတ်ပုံမှန်အောင်မရေးတာတော့ မတူပါဗျာ။ အများ လက်ခံပြီးသားဘန်းစကားကိုလဲ စာလုံးပေါင်းမှားလို့မရပါ။ တချို့ကရေးတယ်။ အလမ်းတဲ့။ အလန်းမဟုတ်လား။ အလမ်းဆိုရင် နာရီနိုးစက်ဖြစ်သွားမယ်။
ဘန်းစကားကို အင်္ဂလိပ်လို Slang နဲ့ Jargon ဖြစ်ပါတယ်။ အီဒီယမ်ဝေါဟာရတမျိုးဖြစ်တယ်။ ဘန်းစကားဆိုတာ Colloquial language အရပ်သုံးစကားနဲ့မတူပါ။ ဘန်းစကားဟာ ခေတ်စကားဖြစ်တယ်။ အသစ်ထွင်တာဖြစ်တယ်။ မြန်မာလိုတော့ ဓလေ့သုံးစကား၊ ကာလဒေသအလိုက်သုံးစကား၊ ဒေသိယစကား စသဖြင့် ဘာသာပြန်ပါတယ်။

ဘန်းစကားဆိုတာ ခပ်လွယ်လွယ်၊ ခပ်ပေါ့ပေါ့၊ ပျော်စေပျက်စေ၊ ထိထိမိမိ၊ မတိမကျ၊ ခပ်စောင်းစောင်း၊ ထူးထူးခြားခြား၊ ရွှန်းရွှန်းလဲ့လဲ့၊ ခပ်ရိုင်းရိုင်း၊ မဖွယ်မရာ၊ လူလေလူလွင့်ပြောစကား၊ အချင်းချင်းသာနားလည်တဲ့၊ လူတိုင်းမသိတဲ့၊ အတူလုပ်သူတွေသာသိတဲ့ စကားမျိုးဖြစ်တယ်။ ဘန်းစကားတွေကို ကာလတိုတခုမှာသာသုံးတယ်။ တမင်တကာ တီထွင်ယူတာမျိုးဖြစ်တယ်။ သူခိုးသုံး၊ စစ်သုံး၊ ပုလိပ်သုံး၊ ထောက်လှမ်းရေးသုံး၊ စီးပွါးရေးလောကသုံး၊ ပွဲစားသုံး၊ နိုင်ငံရေးသုံး၊ မူးယစ်လောကသုံး စကားလုံးတွေ ဖြစ်တယ်။ နောက်ပိုင်းမှာ အင်တာနက်သုံး၊ ဆိုရှယ်ကွန်ယက်သုံးတွေ ပေါ်လာတယ်။

အင်္ဂလိပ်ဘန်းစကားသမိုင်းကြည့်ရင် ၁၇၅ဝ တုံးက စပြီးမှတ်တမ်းရှိခဲ့တယ်လို့ဆိုပါတယ်။ ရာဇဝတ်မှုမှာ broad ကို မိန်းမဖေါ်၊ drag ဆိုတာ ဆေးလိပ်ငွေ့ရှူတာ၊ nick ဆိုတာ ခိုးတာ။ မြင်းပွဲတွေမှာ dark horse, no-hoper, hot favourite စတာတွေသုံးတယ်။ ကွန်ပြူတာသုံးတွေထဲက hacking ကွန်ယက်ထဲထိုးဖေါက်တာ၊ surfing အင်တာနက်ထဲ လိုက်ရှာတာလဲ အဲလိုကနေ ဖြစ်လာတာ။ လူငယ်သုံးစကားတွေမှာ blatantly ဆိုတာ definitely သေခြာပေါက်လို့ ပြောတာ၊ wicked ဆိုတာက excellent သိပ်ကောင်းတာ။ awesome ဆိုတာလဲ excellent သိပ်ကောင်းတာ၊ take out ဆိုတာ kill သတ်တာ။ Bae ဆိုတာ Baby, Sweetie ကိုပြောတာ။

တချိန်က ဘန်းစကားတချို့က အခုအခါမှာ စံကိုက်စကားလုံးတွေလိုဖြစ်လာပြီ။ arse ဆိုတာ ass, buttocks, anus တင်၊ ဖင်၊ စအိုလို့ပြောတာ။ stupid person, fool အရူးလို့လဲဆိုလိုတယ်။ shit ဆိုတာ ညစ်ညမ်းတယ်။ defecate အခင်းကြီးသွားတာ၊ disgusting မသတီတာ။

ဆေးလောကသုံး ဘန်းစကားတွေ
• Hemorrhage သွေးထွက်တာကို Bleed လို့သာပြောတယ်။
• Chicken spray ဆိုတာ ဆေးထိုးတာမနာအောင်ဖြန်းတဲ့ ethyl chloride spray ဆေး။
• Code call ဆိုတာ Urgent medical emergency အရေးပေါ်။
• Crack ဆိုတာ cocaine ကိုကိန်း။
• Crank ဆိုတာ cocaine + amphetamine ကိုကိန်းနဲ့ ရာဘရောထားတာ။
• Dope addict ဆိုတာ cocaine ကိုကိန်းနဲ့ heroin ဘိန်းဖြူစွဲနေသူ။
• Jump start ဆိုတာ Cardiac defibrillation နှလုံးခုန်ရပ်သွားတာကိုပြန်ခုန်အောင်လုပ်တဲ့ကိရိယာ။
• Pee ဆိုတာ ဆီးသွာတာ။
• Rule of 9s ဆိုတာ မီးလောင်နာကို တိုင်းထွာနည်း။

မြန်မာဘန်းစကားတွေ အများကြီး ခေတ်အလျောက်ပေါ်ပေါက်နေတာပါ။ ဘန်းစကားမသုံးသူက ခေတ်မမီဘူးတဲ့။ ဟောင်းသွားတဲ့ ဘန်းစကားတွေသုံးရင် အောက်သွားပြီလို့သတ်မှတ်တယ်။ ခက်တာက အသက်ကြီးသူတွေကနေ ခေတ်သုံး ဘန်းစကားတွေ လိုက်ပြောပြန်ရင်လဲ မမိုက်ဖူးထင်တယ်။ သိပ်ငယ်ချင်ပုံရတယ်လို့ အထင်ခံရမယ်။ လူပေါင်းစုံက အသားကုန်ပြောနေတဲ့ အရမ်းအရမ်းကောင်းတဲ့ စကားလုံးသစ်တွေကို လိုက်မမီပါ။ ဖဲဝိုင်းမှာသုံးတာကို ဖဲသမားတွေသာ သိပါတယ်မဟုတ်ပါလား။ လူရွယ်အမျိုးသမီးတယောက်က ဆရာ့ကို အဲတာတွေသင်ပေးရမလားတဲ့။ ကန်တော့ဆွမ်း လောင်းလိုက်ပါတယ်။

ဒေါက်တာတင့်ဆွေ
၂၂-၅-၂ဝ၁၆
၂၂-၅-၂ဝ၁၇