Nipple discharge အချိန်မဟုတ်ဘဲ နို့ကအရည်ထွက်ခြင်း

(ကန်တော့ပါ)

၁။ မင်္ဂလာပါဆရာ။ ကျွန်မအသက်က ၂၀ပါ။ အမျိုးသမီးတစ်ဦးပါရှင့်။ ကျွန်မရဲ့ ရင်သားကို ညှစ်လိုက်တဲ့အခါမှာ နို့ရည်ကြည်လေးတွေထွက်လာတတ်ပါတယ်။ မည်သည့်ယောက်ျားနှင့်မှ အတူမနေဖူးပါ။ အပျိုစစ်ပါတယ်ရှင့်။ လစဉ် ရာသီသွေးလည်းပုံမှန်လာပါတယ်။ ဒီလိုဖြစ်နေတာ ၆လလောက်ကြာပါပြီ။ ဘာကြောင့်ဒီလိုဖြစ်တာလဲ ဘယ်လိုကုသနိုင်မလဲ ဘာတွေပြုလုပ်ပြီး ဘာတွေရှောင်ရမလဲဆိုတာ ပြောပြပေးပါ ဆရာရှင့်။

၂။ ဆရာရှင့် သမီးတခုလောက်မေးချင်လို့ပါ။ သမီးအသက် ၂၇ နှစ်ပါ။ သမီးနို့ကနို့ရည်နည်းနည်းထွက်နေလို့ပါဆရာ။ ဘာဖြစ်လို့ထွက်တာလဲသိချင်လို့ပါဆရာ။ ရာသီလည်းပုံမှန်လာပါတယ်ဆရာ။ ကျေးဇူးပြုပြီးဖြေကြားပေးပါဆရာ။ ကျေးဇူးတင်ပါတယ်ရှင့်။ အိမ်ထောင်မရှိပါဘူးရှင့်။ ရာသီလည်းလတိုင်းလာပါတယ်ဆရာ။ ရာသီလာခါနီးတိုင်း နို့အရမ်းတင်းပြီး နာပါတယ်ဆရာ။ အံ့သြလို့ပါဆရာ။ ကိုယ်ဝန်လည်းမရှိဘဲနဲ့ ဘာဖြစ်လို့ထွက်တာလဲ သိချင်လို့ပါဆရာ။ စိုးရိမ်လို့ပါဆရာ။ ကျေးဇူးပြုပြီး ဖြေကြားပေးပါဆရာ။ ကျေးဇူးတင်ပါတယ်ရှင့်။

၃။ မင်္ဂလာပါဆရာ သမီးအသက်က ခု ၂၆ ထဲမှာပါ။ အိမ်ထောင်နဲ့ပါ။ ကလေးမရှိပါဘူး။ ကလေးလည်းတခါမှမမွေးဖူးသလို ဖျက်လည်း မချဖူးပါဘူး။ မရိုမသေစကားပါဆရာ ရင်သားကိုညှစ်လိုက်ရင် နို့ရည်တွေထွက်ပါတယ်ဆရာ။ ဝါကျင့်ကျင့်အရောင်လည်း ရှိတယ် အရည်ကြည်အရောင်လည်းရှိတယ်။ နိ့အရောင်လည်းရှိပါတယ်။ အမျိုးသားဖြစ်သူက ကလေးအမေတွေမှ နို့ထွက်တာလို့ပြောပါတယ်။ သမီးလည်း သူ့စကားကို သူကျေနပ်အောင် မရှင်းပြတတ်ခဲ့ပါဘူး။ သူကလည်း သမီး အကြောင်းသိနေလို့သာ ပြဿနာအကြီးအမားတရပ် မဖြစ်ခဲ့ပါဘူး။ စာမှာလက်လှမ်းမှီသလောက် လေ့လာကြည့်တော့ သူပြောသလိုမျိုးပါပဲ အပျိုတွေ၊ ကလေးမမွေးဖူး။ မဖျက်ချဖူးသူတွေ နိ့ထွက်တယ်ဆိုတာမျိုး မဖြစ်မိပါဆရာ။ ဘာကြောင့် ခုလိုဖြစ်ရပါသလဲဆရာရှင့်။ လေးစားစွာမေးမြန်းပါတယ် ဖြေပေးပါရှင့်။

၎။ ဆရာရှင့် ကျွန်မညာဘက်နို့သီးခေါင်းမှ ညစ်ကြည့်လိုက်လျှင် အရည်ကြည်ထွက်လာပါတယ်။ အဲလိုဖြစ်တာ ၆ နှစ်လောက် ရှိပါတယ်။ ကျွန်မက ဆရာ့ကိုရှေ့မှာမေးထားဖူးပါတယ်။ ညာဘက်သားဥအိတ်ထုတ်ထားရသူပါ။ အလုံးရှိလို့ပါ။ ၁ နှစ်ကျော်ပါပြီ။ အခုရင်သားကင်ဆာ စမ်းသပ်ပုံတွေကြည့်ရင်း အရည်ထွက်ရင်တွေ ပါလာတော့ လန့်လာပါတယ်။ နို့သီးခေါင်းက အရည်ကြည်ထွက်ရင်ရော အန္တရာယ်ရှိပါသလားဆရာ။ ဆရာဝန်ပြလို့ခွဲမယ်ဆိုပြီး မသေချာဘဲလုပ်မှာလည်း ကြောက်ပါတယ်။ ရာသီသွေးလည်း ပုံမှန်လာပါတယ်ဆရာ။ ဒါပေမယ့် ညာဘက်ရင်သားကနေ နို့ရည်ကြည်ထွက်တယ်ဆရာ။ အဲဒါ ကိုယ်ဝန်ရှိတာ ဖြစ်နိုင်လားဆရာ။ ကျေးဇူးပြုပြီး ဒီမေးကို အဖြေလေးပို့ပေးပါနော်။

နို့သီးထိပ်ဖျားကနေ တခုခုထွက်တာဟာ များသောအားဖြင့် ရောဂါမဟုတ်ပါ။ ဒါပေမဲ့ ရင်သားအတွက် ဆရာဝန်ဆီကို လာပြသူတွေထဲမှာ ရင်သားအကျိတ်နဲ့ ရင်သားနာတာပြီးရင် တတိယ အများဆုံးဖြစ်တယ်။ ဆယ်ကျော်သက် ယောက်ျားလေး၊ မိန်းကလေးတွေမှာ အရွယ်ရောက်ချိန်မှာ ဖြစ်နိုင်တယ်။ ကိုယ်ဝန်မဆောင်တဲ့ မိန်းကလေးတွေ၊ ကလေးနို့တိုက်နေတဲ့ အမျိုးသမီးတွေမှာ နို့ကနေအရည်တခုခုထွက်တာ စိုးရိမ်စရာ မရှိတတ်ဘူး။ ဆရာဝန်ကိုတော့ တိုင်ပင်သင့်တယ်။ ယောက်ျားတွေမှာဖြစ်ရင် ဘယ်အရွယ်ဖြစ်ဖြစ် ဆေးစစ်ရမယ်။

တဖက်တည်းကရော နှစ်ဖက်လုံးကပါဖြစ်စေနိုင်တယ်။ အလိုလိုထွက်တာနဲ့ ညှစ်ကြည့်မှထွက်တာ ဖြစ်နိုင်တယ်။ ရေလို၊ နဲနဲပျစ်ပျစ်၊ အတော်ပျစ်ပျစ်၊ အမျိုးမျိုး ဖြစ်နိုင်တယ်။ အလိုလိုပျောက်သွားနိုင်တယ်။ အသက် ၄ဝ ကျော်မှ ထွက်ရင်၊ ရင်သားထဲမှာ အကျိတ်လဲရှိနေရင်၊ သွေးပါနေရင်၊ တဖက်ထဲက သတ်သတ်မှတ်မှတ် ထွက်နေရင် ဆေးစစ်ပါ။

နို့ကနေထွက်တဲ့ အရည်အမျိုးအစားတွေ
အများဆုံးဖြစ်တတ်တဲ့ ခပ်နောက်နောက် အဖြူရည် Galactorrhea ကြောင့် ဖြစ်နိုင်တယ်။ အဖြူရောင်အရည်ကြည်ဟာ ကိုယ်ဝန်ဆောင်ချိန်မယ် ထွက်တယ်။ သွေးပါတဲ့ အနီရောင်ဟာ ပိုးဝင်တာ၊ Intraductal papillomas နို့ပြွန်ရောဂါနဲ့ နို့ကင်ဆာတွေကြောင့်ဖြစ်မယ်။ ဖြူဝါဝါ၊ အဝါ နဲ့ ခပ်စိမ်းစိမ်းဟာ ပိုးဝင်လို့ထွက်တဲ့ ပြည်ဖြစ်တယ်။

ဖြစ်နိုင်ခြေရှိတဲ့ ရောဂါမှန်သမျှရေးချရရင် -
၁။ ပြည်တည်နာ၊
၂။ နို့ကင်ဆာ၊
၃။ ရောဂါပိုးဝင်တာ၊
၎။ နို့ကို နိုးဆွမှုလုပ်တာ များတာ၊
၅။ Fibroadenoma ဖိုင်ဘရိုအဒီနိုးမား ကင်ဆာမဟုတ်တဲ့ နို့အကျိတ်၊
၆။ Fibrocystic breasts ဖိုင်ဘရိုဆစ်စတစ်ရောဂါ၊
၇။ Ductal carcinoma in situ (DCIS) နို့ထွက်ပြွန်ထဲမှာသာရှိတဲ့ ကင်ဆာ၊
၈။ Galactorrhea ဂလက်တိုးရီးယားရောဂါ၊
၉။ ဟော်မုန်း အချိုးအစား ပြောင်လဲတာ၊
၁ဝ။ ထိခိုက်ဒဏ်ရာရတာ၊
၁၁။ Intraductal papilloma နို့ထွက်ပြွန်ထဲ ကင်ဆာမဟုတ်တဲ့ ပက်ပလိုမားရောဂါ၊
၁၂။ Mammary duct ectasia အတက်ဆီးယား နို့ပြွန်ရောဂါ၊ Thyroid disorder လည်ပင်းကြီးနဲ့ပတ်သက်တယ်။
၁၃။ Paget's disease of the breast ပေးဂျက်စ်ရောဂါ၊
၁၄။ Prolactinoma ပရိုလက်တီနိုးမားရောဂါနဲ့
၁၅။ ကိုယ်ဝန်။

ဆေးတွေကြောင့်လည်း နို့ကနေတခုခုထွက်နိုင်တယ်။ စိတ်ကျလို့ သောက်ရတဲ့ MAOIs နဲ့ SSRI’s ဆေးတွေ။ ဥပမာ citalopram (Celexa), fluoxetine (Prozac), paroxetine (Paxil), sertraline (Zoloft) နဲ့ tricyclics တွေ၊ Anxiolytics အိပ်ဆေး၊  Alprazolam (Xanax), Buspirone (BuSpar) စိတ်ရောဂါဆေး၊ Atenolol (Tenormin), Methyldopa (Aldomet), Reserpine (Serpasil), Verapamil (Calan) သွေးကျဆေး၊ Phenothiazines (Thorazine, Compazine) စိတ်ရောဂါဆေး၊ Cimetidine (Tagamet), Famotidine (Pepcid), Ranitidine (Zantac) လေနာရောဂါဆေး၊ Estrogen + Medroxyprogesterone acetate (Prempro, Premphase) ဟော်မုန်းဆေး၊ Contraceptives ကိုယ်ဝန်တား စားဆေး ထိုးဆေးတွေ၊ တိုင်းရင်းဆေးတွေ = Anise, Blessed thistle, Fennel, Fenugreek, Marshmallow, Nettle, Raspberry, Red clover နဲ့ Cannabis (Marijuana), Opiates မူးယစ်ဆေးတွေ။

နို့ကင်ဆာမဖြစ်ဘို့များတယ်။ တကယ်လို့ ရာသီလာချိန် နို့ကအရည်ထွက်ပြီး လကုန်လို့မပျောက်ရင် ဆရာဝန်ပြပါ။ ဆေးသောက်နေတာကို စစ်ဆေးပါ။ နို့သီးထိပ်ဖျားကို မဆွပါနဲ့၊ ညှစ်ကြည့်တာမျိုး သိပ်မလုပ်ပါနဲ့။ အတွင်းခံ တင်းကျပ်မနေစေပါနဲ့။ လည်ပင်းကြီးဟော်မုန်း နည်းနေသလားစစ်ပါ။ Pituitary tumor (prolactinoma) ဦးနှောက် စကန်လုပ်ပါ။ ပရိုလက်တင် ဟော်မုန်းစစ်ပါ။ များနေရင် နို့ရည် မထွက်သင့်ပဲထွက်နေမယ်။ ရာသီမမှန် ဖြစ်မယ်။ အရိုးအားနည်းမယ်။ ကလေးမရ ဖြစ်မယ်။ ယောက်ျားတွေမှာ အဲတာများနေရင် ရင်သားကြီးနေမယ်။ လိင်စိတ်နဲ့စွမ်းဆောင်မှု အားနည်းနေမယ်။

Caberlin 0.5mg ဆေးကို အများအားဖြင့် တပတ်မှာ ၂ ကြိမ်သောက်ခိုင်းတယ်။ ကုသပေးနေတဲ့ဆရာဝန်က အတိအကျ ပြောပါမယ်။ ဘေးထွက်ဆိုးကျိုးတွေက ပျို့ချင်၊ အန်ချင်၊ ဗိုက်အနေရခက်၊ ဝမ်းချုပ်၊ ခေါင်းမူး၊ ခေါင်းကိုက်၊ ရင်သားနာ။ ဒိထက်ဆိုးတာတွေဖြစ်ရင် ဆရာဝန်ကိုပြောပါ။ နောက်တနည်းက Bromocriptine (Parlodel, Cycloset) 1.25 mg to 2.5 mg စသောက်ပါ။ 2.5 mg to 10 mg အထိ တိုးသောက်နိုင်တယ်။ ဆရာဝန်ညွှန်မှသာ သောက်သင့်တယ်။

Hyperprolactinaemia နို့ထွက်-ဟော်မုန်းများခြင်း http://doctortintswe.blogspot.com/2015/12/hyperprolactinaemia.html

Dr. တင့်ဆွေ