English လူသစ်များသို့ပေးစာ (၃)

အင်္ဂလိပ်စာပို့နဲ့ဆက်ပြီး စာအဟောင်းလေးကို ပြန်တင်ပါရစေ။ ကျနော်က အင်္ဂလိပ်စာတော်သူ မဟုတ်ခဲ့ပါ။ ဆေးကျောင်းမှာ စာအုပ်တိုင်းက အင်္ဂလိပ်လိုချည်းဖြစ်လို့ အတော်ကြိုးပမ်းရတယ်။ ကျောင်းဆောင်မှာ ၄ဝ ဝပ်အား မီးလုံးအရောင်နဲ့ ပြောင်ချောနေတဲ့ စာရွက်ကနေ ရောင်ပြန်ဟပ်နေတာကို စိတ်ကတိုရတဲ့အထဲ ရောဂါဗေဒစာအုပ်ထဲမှာ ဒီရောဂါဟာအဖြစ်မများတာ မဟုတ်ပါလို့ ရေးတာကိုဖတ်ရတာ အတော် ကသိကအောက် နိုင်ခဲ့တယ်။ နိုင်ငံရေးထဲရောက်တော့ အဲလိုစကားနဲ့ အရေးအသားမှာ ဝေ့ဝိုက်တာမျိုးတွေကို ပြောတတ်လာတယ်။ မြန်မာပြည်အကြောင်း ဆွေးနွေးတဲ့ပွဲတခုမှာ မြန်မာပြည်ဆိုင်ရာ အိန္ဒိယသံအမတ်ကြီးတယောက်နဲ့ တွဲပြောရတော့ သူက စစ်အစိုးရကို ယုံရတာမဟုတ်ဘူး ကောက်ချက်ချတယ်။ ကျနော်က (အိတ်ဇယ်လင်စီ) ရဲ့ ဆွေးနွေးချက်ကို သဘောမတူစရာ မရှိပါနဲ့ စပြီးဆွေးနွေးလိုက်တယ်။

အဲလို အင်္ဂလိပ်လို လူကြားထဲပြောနိုင်အောင် ကြိုးစားရတဲ့ ကိုယ်ပိုင်နည်းလေး ရေးပါရစေ။

၁၉၉ဝ ခုနှစ်အကုန်မှာ အိန္ဒိယ-မြန်မာနယ်စပ်ကို စဖြတ်ကျော်ကတည်းက နယ်စပ်မြို့လေးမှာ တာဝန်ကျတဲ့ မီဇ်ုလူမျိုး ရဲအရာရှိနဲ့ အင်္ဂလိပ်လို စပြောရတာပါ။ (မဆလ) ခေတ်မှာ ပညာရေးအားမပေးပါ။ အင်္ဂလိပ်လိုပြောတာကိုလည်း ရှုတ်ချသေးတာ။ ဆေးကျောင်းသားဘဝမှာ အင်္ဂလိပ်လိုဆိုလို့ ပါမောက္ခချုပ်နဲ့ ကော်ရီဒါမှာဆုံရင် ဂွတ်တမောနင်းပဲ လုပ်ခဲ့ရပါတယ်။ ဖတ်ရတာသာ အင်္ဂလိပ်လိုချည်းဖြစ်ပေမယ့် စာမေးပွဲဖြေရင် ကပြားဖြေရတော့ အင်္ဂလိပ်စာ ဘယ်တော်ပါ့မလဲ။

အဲဒီခေတ်မှာ တချို့ကလည်း စကားပြောရင် ယူနဲ့ အိုင်နဲ့ပြောတဲ့သူတွေက ရှိတယ်။ ကျွန်တော်တော့ ကွီးတို့ ခွီးတို့ထက် ကြိုက်တယ်။

အိန္ဒိယကို ရောက်ကတည်းက ငါ အင်္ဂလိပ်စကားပြောနိုင်အောင် ဘယ်လိုလုပ်မလဲ နည်းလမ်းရှာပါတယ်။ ကိုယ့်လာရင်း ရည်ရွယ်ချက်ဖြစ်တဲ့ မြန်မာ့ဒီမိုကရေစီရေးကို သူများတွေကို သိအောင်ပြောရမယ်။ မေးရင်ဖြေရမယ်။ ဖြစ်စေချင်တာကို ရေရေလည်လည် ပြောတတ်မှ ဖြစ်တော့မယ်။

အခွင့်ကောင်းတခုကတော့ လမ်းဘေးဆိုင်းဘုတ်တွေပါ။ အားလုံးကို အင်္ဂလိပ်လိုချည်းပဲ ရေးထားတယ်။ အိုက်ဇောမြို့ထဲ သွားစရာရှိတိုင်း လမ်းဘေးကမြင်မြင်သမျှ မသိတဲ့အင်္ဂလိပ်စာလုံးတိုင်းကို အိတ်ကပ်ထဲက မှတ်စုစာအုပ်လေးမှာ ရေးမှတ်ခဲ့တယ်။ ယာယီနေထိုင်ရာစခန်းရောက်မှ (ပေါ့ကပ် ဒေရှင်နရီ) ကို လှန်ပါတယ်။ အင်္ဂလိပ်သတင်းစာတစောင်မှာ ဖတ်တယ်။ ပညာတွင်းက နက်ပါတယ်။ နုတ်စာအုပ်တို့ အဘိဓာန်တို့ဝယ်နိုင်အောင် မနည်းလုပ်ရတဲ့ဘဝပါ။ မြန်မာပြည်ကနေ (ဂွတ်အင်္ဂလိခ်ျ) ကို စာအုပ်ရော ကက်ဆက်ခွေပါ မှာယူတယ်။ အတူလာသူတွေကို အင်္ဂလိပ်စာ သင်ပေးတယ်။ ဘီဘီစီအင်္ဂလိပ်ပိုင်းကိုပါ နားထောင်ပါတယ်။

တစစနဲ့ တိုးတက်လာပါတယ်။ အကြား၊ စကား၊ နောက် အရေးအသားပါလုပ်ကြည့်တယ်။ ကွန်ပျူတာ မပေါ်သေးပါ။ ဗလာစာအုပ်က စာရွက်ဆုပ်ပြီး မြန်မာ့နိုင်ငံရေးဆောင်းပါးစရေးတယ်။ အိန္ဒိယအရှေ့မြောက်ဒေသမှာ ထုတ်ဝေနေတဲ့ အပတ်စဉ်ဂျာနယ်တခုကို ပို့တယ်။ သဘောကောင်းကြတယ်၊ ထည့်ပေးတယ်။ တပုဒ်မှာတော့ ခံလိုက်ရတယ်။ (ဟော်စ်ပီတယ်လ်တီ) ဧည့်ဝတ်ကျေပွန်မှုကို ကျေးဇူးတင်ကြောင်းရေးတာကို သူတို့က (ဟော့စ်တယ်လ်တီ) လို့ စာရိုက်တော့ ရန်လိုမှုဖြစ်သွားရော။ သဘောကောင်းကြတယ်၊ ပြန်ပြီးရန်မတွေ့ပါ။

၁၉၉၂ အစကတည်းက ဒေလီကိုရွှေ့နေတော့ ဆိုက်ကားစီးတာ၊ ခရမ်းချဉ်သီး ဝယ်တာကအစ အင်္ဂလိပ်လိုရလာတယ်။ နိုင်ငံရေးကိစ္စတွေကို အင်္ဂလိပ်လိုမပြောဆိုရတဲ့နေ့ရယ်လို့ မရှိပါ။ အစည်းအဝေးတွေ၊ အခမ်းအနားတွေ၊ ဆီမီနာတွေ၊ ကွန်ဖရင့်တွေက များမှများ။ အဲဒါနဲ့ အိုးနင်းခွက်နင်းအဆင့်ကနေ တက်လာတယ်။ စကားလည်းကြွယ်လာတယ်။ နိုင်ငံရေးစကားပြောရာမှာ ဘာသာစကားကျွမ်းကျင်မှုလိုတယ်ဆိုတာတော့ ပြောစရာမလိုပါ။ ထပ်လိုတာရှိသေးတယ်။ စကားပြောကောင်းရင် နားထောင်တဲ့သူများမယ်။ ဖြစ်စေချင်တာကို ပြောတတ်ရင် ဖြစ်လာဖို့ မျှော်လင့်နိုင်တယ်။ ထပ်လိုသေးပါတယ်။ အပြောကောင်းရုံနဲ့တော့ တပွဲတိုးပဲရမယ်။ အချက်ကျကျ ပြောတတ်ရတယ်။ ပရိသတ်ကိုသိရမယ်။ အချိန်အခါ ရွေးတတ်ရမယ်။ ကိုယ်ပိုင်အမြင်ကို တင်နိုင်ရမယ်။ အဲတော့ ဆက်ကြိုးစားရပြန်ပါတယ်။

စစ်အစိုးရလက်အောက်မှာရှိတဲ့ မြန်မာပြည်ကို (အာဆီယံ) အဖွဲ့ဝင်အဖြစ် လက်မခံရေး လုံးပန်းခဲ့ကြတယ်။ ၁၉၉၆ မှာ ဥက္ကဋ္ဌမဖြစ်ရေးလည်း ချကြတယ်။ AIPMC ဖွဲ့ပြီး (အာဆီယံ) နိုင်ငံတွေထဲကအမတ်တွေနဲ့ လက်တွဲလုပ်ရတယ်။ ဆွေးနွေးပွဲတွေအပြင် ဧည့်ခံပွဲတွေကိုလည်း တက်ရတယ်။ တခါက ထိုင်းနိုင်ငံခြားရေးဝန်ကြီး (ဆူရင် ပစ်ဆဝမ်) နဲ့ ညနေပွဲတခုမှာ မိတ်ဆက်ပေးတော့ မြန်မာစစ်အစိုးရကို ဆန့်ကျင်နေတဲ့ဘက်ကလို့ ဆိုတော့ အာ့း့ အတော်ခက်တဲ့ အလုပ်ပဲလို့ သူက မှတ်ချက်ပေးတယ်။ အဲဒီစကားကို ကောက်တတ်ရင် မြန်မာစစ်အစိုးရကို ဆန့်ကျင်ရတာ တကယ်ကိုခက်ခဲတာကို ပိုခိုင်မာစေပါတယ်။ (နက်ကတိုင်) မဖြုတ်ကြနဲ့ပေါ့။

နိုင်ငံတကာကွန်ဖရင့်လည်း ပေါင်းစုံတက်ရတယ်။ စကားတွေ ပိုပြောတတ်လာပြီ။ နိုင်ငံတကာအထာလည်း သိလာပြီ။ အသံထွက်ကတော့ ငါးပိသံမပျောက်ပါ။ တချို့ပွဲတွေမှာ လက်တန်းပြောနိုင်လာပါတယ်။ စာကိုလည်း အင်္ဂလိပ်လိုရေးနည်း တိုးတက်အောင် လုံးပန်းရပြန်တယ်။ အိန္ဒိယမီဒီယာကို ကျေးဇူးတင်ရတယ်။ ပို့တာကို ထည့်ပေးပါတယ်။ လုပ်ရင်းကိုင်ရင်းနဲ့ တတ်အောင်လုပ်ရတာပါ။

အိန္ဒိယ-အင်္ဂလိပ်ကတမျိုး၊ ဗြိတိသျှ-အင်္ဂလိပ်က တမျိုး၊ အမေရိကန်-အင်္ဂလိပ်ကတမျိုး။ အိန္ဒိယမှာ အနေကြာသွားသူတွေ အင်္ဂလိပ်စာ တော်လာကြပါတယ်။ ဒါပေမယ့် အတော်များများ အိန္ဒိယ-အင်္ဂလိပ်ကို စွဲသွားကြတာကို သတိထားမိတယ်။ အသံထွက်သာမဟုတ် အသုံးအနှုန်းပါ ဆင်တူ ယူမိလိုက်ကြတယ်။ ကျနော်ကတော့ အိန္ဒိယ-အင်္ဂလိပ်ရော မြန်မာ-အင်္ဂလိပ်ကိုပါ မယူပါ။

နိုငံရေးအင်္ဂလိပ်စာမှာ မီဒီယာသုံး၊ သံတမန်သုံး၊ ပညာရှင်သုံး သီးခြားစီရှိပြီး ကျနော်တို့က တမျိုးသုံးရတယ်။ ကျနော်တို့ ဆိုတာမှာလည်း တက်ကြွလှုပ်ရှားသူတွေနဲ့ နိုင်ငံရေးပါတီကိုကိုယ်စားပြု စကားပြောကြရသူ မတူကြပါ။ စကားလုံး ရွေးကြရတယ်။ သံတမန်တွေက ယဉ်ကျေးတာ၊ မရေရာတာကို ရွေးပြောကြတယ်။ သွယ်ဝိုက်ပြောကြတယ်။ မီဒီယာသမားတွေကတော့ နားထောင်တဲ့သူ မျက်လုံးပြူး၊ ပါးစပ်ဟောင်းလောင်း ဖြစ်စေတာမျိုး ကြိုက်ကြတယ်။ နိုင်ငံရေးသမားတွေထဲမှာလည်း ကိုယ်ပိုင်ကိုယ်ရည်ကိုယ်သွေးအရ မတူကြပြန်ပါ။ ကိုယ့်စတိုင်နဲ့ ကိုယ်ပါပဲ။
ဒေလီမှာရှိတဲ့ (ဂျေအင်ယူ) တက္ကသိုလ်မှာ ခဏခဏစကားပြောရပါတယ်။ တခါတလေ အိန္ဒိယအစိုးရလုပ်တာကို အလိုမကျရင် အပြစ်တင်စကားတွေကိုချည်း ပြောမိတော့ ရင်းနှီးတဲ့ ပါမောက္ခတွေကို အားနာရမှန်းမသိတဲ့ အမှားမျိုး ကျူးလွန်ခဲ့ဖူးတယ်။ စကားလုံးအပြင် ပရိသတ်ရွေးပြောသင့်တဲ့ အင်္ဂလိပ်စာကိုပါ ကြိုးစားလာရပါတယ်။

နောက်ပိုင်းမှာ အင်္ဂလိပ်မီဒီယာပါ ဝင်တိုးလာရတယ်။ ဒေလီအခြေစိုက် တီဗွီတွေအပြင် လန်ဒန်အခြေစိုက်တီဗွီ၊ ဒိုဟာ အခြေစိုက်တီဗွီ စသဖြင့်တွေကနေ ခေါ်ကြပါတယ်။ ၂ဝဝ၇ သံဃာတော်အရေးအခင်းတုန်းကဆိုရင် စတူဒီယိုတွေကို လှည့်ပြေးနေရတယ်။ အဆာပြေအစာကို တက္ကစီပေါ်မှာသာစားရတယ်။ မြို့တကာလည်း လှည့်ပြောရဟောရတယ်။ ဒေါ်အောင်ဆန်းစုကြည် လွတ်မြောက်လာတော့လည်း မထူးဘူး။ (အင်ဒီ-တီဗွီ) ကတော့ ကျနော်နေတဲ့အိမ်အထိ စလောင်းဝိုင်းကြီး အမိုးပေါ်တင်ထားတဲ့ ကားနဲ့ တီဗွီ အင်တာဗျူးလာလုပ်တယ်။ အရပ်ထဲကလူတွေ ဘောလိဝုဒ် ရုပ်ရှင်ရိုက်တာ မှတ်နေကြတယ်။ Smile!

ကြွားသလိုဖြစ်နေတာကိုတော့ နားလည်ပေးကြပါ။ အဲလို ကိုယ့်နိုင်ငံအကြောင်း စကားမတူသူတွေကို သိစေအောင် ပြောပြနိုင်ဖို့ရာ ဘယ်လို အဆင့်ဆင့်ကြိုးစားရသလဲဆိုတဲ့ သင်ခန်းစာလေးကို ရေးတာပါ။ အင်္ဂလိပ်စာကို မွှတ်နေအောင် ပြောတတ်ရုံနဲ့ မပြီးတာကိုပါ သိစေလိုပါတယ်။ ကြိုးစားရတယ်ဆိုတာ နိစ္စဓူဝအလုပ်ပါ။ နေရာသစ်ကို ရောက်ပြန်ပြီ။ အမေရိကန်အင်္ဂလိပ်နဲ့ နပန်းလုံးရပါပြီ။ မေးတဲ့သူတွေ လိုချင်စိတ်ရှိတာကိုက လမ်းပေါ်ရောက်လာပါပြီ။ အားပေးတယ်။ ငယ်သူတွေက ပိုလွယ်ကြတယ်။

ဒေါက်တာတင့်ဆွေ
ဓါတ်ပုံ = ၁၉၉၁ အိန္ဒိယနိုင်ငံ အိုက်ဇောမြို့အစွန်မှာ ငှားနေရတဲ့ယာယီစခန်းမှာ အင်္ဂလိပ်သတင်းစာတစောင်ကို ကြိုးစားဖတ်နေစဉ်