Dr. Tint Swe's Writings

ချစ်သခင်သည် လောကီငြိုငြင်၊ တောဝင်မွေ့ပျော် လျော်တေညစ်ညမ်း၊ ဖန်ရည်စွန်းသော ဆင်မြန်းဝတ်ရုံ၊ ဆိုတုံကြားရ သည်ခဏမှာ၊ နုလှချောညက် အိစက်ညံ့ထွေး၊ သိုးမွေးကတ္တီပါ ဆင်မြဲစွတ်လွှတ်၊ ဖန်ရည်ဝတ်ခဲ့။ ချစ်သခင်သည် မြင်းပြတ်ညောင်စောင်း၊ မလျောင်းမစက် ပြေထက်မွေ့လျော်၊ ရှိသော်ကြားရ သည်ခဏမှာ၊ ပန်းမွေ့ယာကျင်း ကော်ဇောခင်းဖြန့်၊ ညံ့သက်နုလွ ခြူးကြွကြာရံ၊ သဉ္စာစွန့်လျက် မြေ၌စက်ခဲ့။ ချစ်သခင်သည် တနေ့တာမှ၊ တခါမျှသာ အစာမှီဝဲ၊ ခြိုးခြံမြဲတဲ့ ကြားခဲ့သည်က၊ ချိုမြခဲဖွယ် ပွဲတော်ထူးထူး၊ ဆီဦးထောပတ် တပ်မက်စွန့်ပစ်၊ သစ်သီးသစ်ရွက် တရက်တခါ၊ မှီဝဲလာခဲ့ ဘယ်မှာနှိုင်းဆ၊ တုမရသော ယသော်ဓရာ၊ မေတ္တာဘုရား။ ကိုယ့်ဘုရားကို ဝပ်တွားပူဇော်လိုက်ပါ၏။ (လူထုစိန်ဝင်း) ကျွန်တော့်မှတ်ချက် ဒီပင်္ကရာဘုရားရှင်လက်ထက်မှာ ရမ္မာဝတီပြည်သူပြည်သားတွေဟာ ဘုရားရှင်နဲ့တကွ သံဃာတော်တွေကြွလာရာလမ်းကို သုတ်သင်ရှင်းလင်း ပြင်ဆင်ကြတယ်။ သုမေဓာရသေ့နဲ့ သုမိတ္တာအမျိူးသမီးတို့လည်း ပါဝင်ခဲ့ကြတယ်။ သုမိတ္တာက ကြာပန်းရှစ်ခိုင်ကု ယူလာပြီး၊ ငါးခိုင်ကို သုမေဓာရသေ့ကိုလှူတယ်။ ရသေ့မြတ်ကတော့ သူ့ကိုယ်ခန္ဓာပေါ်မှာ ဘုရားရှင်နဲ့ ရဟန်းတော်တွေကို နင်းလျှောက်စေပြီ...

အရင်တခါ IQ နဲ့ EQ အကြောင်းတင်တော့ ကိုယ့်အမြင် ကိုယ့်ယူဆချက်တွေရေးလာကြတယ်။ IQ နဲ့ EQ ဝေါဟာရ အသုံးဟာ တီထွင်ကြတဲ့ ပညာရှင်တွေရဲ့ မူပိုင်စကားဖြစ်ပြီး မူပိုင်စံတွေရှိပါတယ်။ လူတွေရဲ့ဉာဏ်ရည်ကို သိပ္ပံနည်းကျ ပြောတာတွေဖြစ်တယ်။ အဲဒီစာထဲမှာ ကျွန်တော့်အမြင်အာဘော် ထည့်မထားပါ။ တချို့က ကျွန်တော့်ကို IQ ဖက်က ရေးသလိုထင်ကြတယ်။ တချို့က သူတို့သန်တာကြိုက်တာကို ရေးလာကြတယ်။ ကျွန်တော်ရေးတာက လူတိုင်းကိုယ်စီမှာ IQ ရော EQ ပါရှိနေတာပါ။ ကြိုက်တာတခုတည်းရွေးရှိတာ မဟုတ်ပါ။ IQ နဲ့ EQ အကြောင်းပြောကြရင် သူ့မူဘောင်နဲ့ အဓိပ္ပါယ်ဖွင့်ဆိုချက်အောက်ကနေသာ ပြောရမှာပါ။ ကနေ့မြန်မာ့ နိုင်ငံရေးမှာ ဒီမိုကရေစီဖြစ်ဖြစ်၊ လူ့အခွင့်အရေးဖြစ်ဖြစ်၊ ငြိမ်းချမ်းရေးဖြစ်ဖြစ်၊ ပြည်ထောင်စုမူဖြစ်ဖြစ်ပြောရင် ၂ဝဝ၈ ဖွဲ့စည်းပုံကို ကျော်ပြောလို့သာရသလောက်ပေမဲ့ လုပ်လို့ မရသေးသလိုပါပဲ။ IQ, EQ ခွဲပြောတာ ဟုတ်ပါ့မလား။ လူတွေရဲ့ဉာဏ်ရည်ကိုပြောရင်တော့ IQ နဲ့ EQ ကနေကျော် ပြောရပါတော့မယ်။ လူတဦးရဲ့ဉာဏ်ရည်နဲ့ အောင်မြင်မှုကို နှိုင်းယှဉ်ပြောကြတယ်။ ဘာကတော်လို့၊ ဘာကကောင်းလို့ဖြစ်တယ်။ CEO လို စီးပွါးရေးလုပ်ငန်းတွေမှာ ဦးဆောင်တွေကိုတမျိုး၊ နိုင်ငံရေးခေါင်းဆောင်တွေကိုတ...

ကျွန်တော့်ပို့စ်တခု = Brain size ဦးနှောက်ကြီးသလား ကွန်မင့် (၁) = Kyaw Kyaw - ဥာဏ်အရည်အသွေးကို ဦးဏှောက်လေးတာ ပေါ့တာနှင့် နှိုင်းယှဉ်လို့ရပါလားဆရာ။ ကွန်မင့် (၂) = Chan Naing - Is weight of brain really important? တိုက်ဆိုင်မှုပေါ့။ စောစောကပဲ၊ စင်္ကာပူမှာ ဇီကာဗိုင်းရပ်စ်ကူးစက်တဲ့သတင်းတင်လိုက်တယ်။ ဇီကာကူးစက်ခံနေရတဲ့ ကိုယ်ဝန်ကနေ ဦးနှောက်သေးတဲ့ကလေး မွေးတတ်တယ်။ ဦးနှောက်သေးရင် ဉာဏ်ရည်မမီဘူး။ လူစဉ်မမီဘူး။ မွေးရာပါဦးနှောက်ရောဂါတွေထဲမှာ ဦးနှောက်ထဲကအရည် ရှိသင့်တာထက်များနေရင် ခေါင်းကြီးနေမယ်။ အဲတာကနေလည်း ဉာဏ်ရည်မမီ၊ လူစဉ်မမီဖြစ်နိုင်တယ်။ ဉာဏ်ရည်အကြောင်းရေးပါမယ်။ IQ ကို ၁၈၈၃ ခုနှစ်မှာ Francis Galton ရေးသားတဲ့ Inquiries into Human Faculty and Its Development ကနေစတင်ခဲ့တယ်။ IQ (Intelligence quotient) ဆိုတာ စံသတ်မှတ်ထားတဲ့အတိုင်း စစ်ဆေးတဲ့အခါ ရရှိတဲ့အမှတ်တွေကိုခေါ်တယ်။ ဉာဏ်ကောင်းတာကိုဖေါ်ပြတယ်။ စိတ်ပိုင်းဆိုင်ရာရင်ဆိုင်စရာ (ချဲလင့်) တွေကို ဘယ်လိုကျော်လွှားနိုင်သလည်းဆိုတဲ့ အရည်အသွေး ဖြစ်တယ်။ EQ (Emotional Intelligence) သို့မဟုတ် (Emotional quotient) ဆိုတာ တစုံတခုကို အဲတာဘာလည်းဆိုတာ ဖေါ်ပြတတ်မ...

မနက်က ဆရာဝန်ဂျာနယ်လစ်တွေရဲ့ အင်နယ်လ်ဒီအစိုးရအပေါ် ရိသဲ့သဲ့ ခနဲ့တဲ့တဲ့လုပ်ကြတဲ့အကြောင်းလေးရေးတော့ ကွန်မင့်တခုက ပြောပြလိုက်ပါဆရာလို့ ရေးပါတယ်။ အဲတာနဲ့ ဟောရင်းသာ ပျံတော်မူရမည်၊ ဆန်ဖြူဖြူတခွက်မှ ထွက်ပုံမရလို့ ပြန်ရေးလိုက်ပါတယ်။ နိုင်ငံရေးအပြောင်းအလဲတိုင်းမှာ ဟိုဖက်သည်ဖက်ရှိစမြဲပါ။ ကျွန်တော်ဆိုတဲ့ ဂျာနယ်လစ်မဟုတ်တဲ့ဆရာဝန်ကလည်း ၁၉၉ဝ ကတည်းက အုပ်ချုပ်နေသူတွေကို အကောင်းမပြောခဲ့ပါ။ ဒီတခါက သူတို့အလှည့်။ ကျွန်တော်က နှစ်အစိတ်နဲ့ ဆန်ဖြူတခွက်ရလို့ တစခန်းရပ်နိုင်ခဲ့တယ်။ သူတို့ခေတ် ဘယ်လောက်ကြာမလဲ။ ကြာပါစေသတည်း။ ဒေါက်တာတင့်ဆွေ ၂၉-၈-၂ဝ၁၆

ကိုယ်ခန္ဓာနဲ့ ဦးနှောက်အရွယ်အစားက အချိုးကျကျ ရှိတတ်တယ်။ တချို့အကောင်တွေမှာ ဦးနှောက်ရယ်လို့ သတ်သတ် မှတ်မှတ်မရှိပဲ ဦးနှောက်အလုပ်ကိုလုပ်တဲ့အင်္ဂါလို့သာရှိတယ်။ တချို့အကောင်ငယ်တွေမှာ ဦးနှောက်အင်္ဂါ မပါကြဘူး။ Echinoderms (starfish, sea urchins, sand dollars) အကောင်တွေမှာ ဦးနှောက်အင်္ဂါ မပါကြဘူး။ ကြယ်ငါးတွေမှာ အာရုံခံစရာသာပါပြီး ဗဟိုအာရုံကြောစနစ်မပါဘူး။ အူနေသန်ကောင်အပြားတွေမှာ အာရုံကြောတွေတော့ပါတယ်။ ပုရွက်ဆိတ်တွေမှာတော့ ဦးနှောက်ပါတယ်။ သူ့အရွယ်နဲ့စာရင် ကြီးတယ်။ လူတွေထက် အနံ့ခံအား ပိုကောင်းတယ်။ ဝါရှင်တန်တက္ကသိုလ်သုတေသနအရ Green lizard အစိမ်းရောင်ပုတ်သင်ဟာ ဦးနှောက်အသေးဆုံးရှိတဲ့ အကောင်လို့ သိရတယ်။ Green anole ပုတ်သင်က အရောင်ပြောင်းတယ်။ အညိုရောင်လဲဖြစ်နိုင်တယ်။ ဦးနှောက်-ကိုယ်ခန္ဓာအချိုးအစားတိုင်းတာနည်းရှိတယ်။ ကိုယ်ခန္ဓာကြီးတိုင်း ဦးနှောက်ကြီးတယ်ဆိုတာ ယေဘုယျသာ မှန်တယ်။ ဥပမာ ဆင်ဆိုရင် ဦးနှောက်အရွယ်က ကိုယ်အရွယ်အစားနဲ့ မမျှဘူး။ အသိဥာဏ်ကတော့ ကောင်းပါတယ်။ ဒေါ်လဖင်တွေမှာ ဦးနှောက်-ကိုယ်အလေးချိန်အချိုးအစားမှာ အမြင့်ဆုံးဖြစ်လို့ ဆင်တွေလိုပဲ ဥာဏ်ကောင်းတယ်။ ပုတ်သင်တွေ၊ တချို့လိပ်တွေလည်းအဲလိုပဲ။ ငှက်တွေ...

• 3 = အလေးချိန် = (၃)ပေါင်။ • 4 to 6 = အောက်စီဂျင်မရဘဲ ရှင်နိုင်သည့်အချိန် = (၄-၆)မိနစ်။ • 8 to 10 = သွေးကုန်သဖြင့်သတိမလစ်မီ ရရှိသည့်အချိန် = (၈-၁ဝ)စက္ကန့်။ • 10 to 23 = နိုးနေသည့်အချိန်၌ အသုံးပြုသောလျပ်စစ်စွမ်းအင် (၁ဝ-၂၃)ဝပ်။ • 20 = လှည့်ပတ်နေသောသွေး နှင့် အောက်စီဂျင်၏ ဦးနှောက်သို့ လာသောရာခိုင်နှုန်း = (၂ဝ) • 100,000 = ဦးနှောက်ထဲရှိသည့် သွေးကြောများအား ဆန့်တန်းလျင် ရှည်သည့်မိုင်ပေါင်း = (၁ဝဝဝဝဝ)မိုင်။ • 1,000 to 10,000 = (နူရုန်း) တခုတွင်ရှိသည့် (ဆင်နက်ပ်စစ်)ပေါင်း = ၁ဝဝဝ - ၁ဝဝဝဝ။ • 100 billion = (နူရုန်း) စုစုပေါင်း = ၁ဝဝ ဘီလီယန်။ (ဆင်နက်ပ်စစ်) = ဦးနှောက်နှင့်အာရုံကြောများ အလုပ်လုပ်ရာတွင် ဤနေရာ၌ ကူးလူးဆက်ဆံရသည်။ (နူရုန်း) = ဦးနှောက်နှင့် အာရုံကြောများ၏ အသေးဆုံးယူနစ် (ကလပ်စည်း)။ ယောက်ျားဦးနှောက်နဲ့ မိန်းမဦးနှောက် မတူခြားနားတယ်။ ယောက်ျားဦးနှောက်မှာ ရှေ့ဖက်ကနေ နောက်ဆက်ဆီသွားလမ်းရှိပြီး ဘယ်နဲ့ညာ ကြားဖြတ်တာတွေရှိတယ်။ မိန်းမဦးနှောက်မှာ ဘယ်နဲ့ညာ ကန့်လန့်ဖြတ်သွားလမ်းတွေ ရှိတယ်။ ဒါကိုကြည့်ရင် ယောက်ျားတွေက လေ့လာသင်ယူမှုမှာ အားကောင်းကြပြီး၊ တခုတည်းသောကြွမ်းကျင်မှုကိုလုပ်ဆောင်...

အသက် ၃ဝ/မ၊ ၁၂ လပိုင်းမှာအိမ်ထောင်ပြုပါတယ်။ ကိုယ်ဝန်နဲ့ပါဆရာ။ DD က13.10.2016 ပါ။ သွေးအမျိုးအစားက O+ ပါ။ အမျိုးသားရဲ့သွေးအမျိုးအစားက A ပါ။ OG က ကလေးကိုအသားဝါတတ်တယ်လို့ ပြောပါတယ်။ သွေးအမျိုးအစားကြောင့်လား။ ဘာကြောင့်လဲသိချင်ပါတယ်။ ကလေးအသားဝါရင် စိုးရိမ်ရလားသိချင်လို့ပါ။ ကျေးဇူးပြု၍ဖြေကြားပေးပါဆရာ။ တခါမှမမေးဖူးလို့အမှားပါရင်ခွင့်လွှတ်ပါဆရာ။ ကျေးဇူးတင်ပါတယ်။ သွေးအုပ်စုဆိုတာ A-B-O နဲ့ Rh ဆိုပြီး ၂ မျိုးခွဲရတယ်။ အဆင်မသင့်ရင် မွေးလာတဲ့ကလေးမှာ အသားဝါတတ်တယ်။ ကိုယ်ဝန်ဆောင်နေတုံးမှာ မိခင်ဆီက သွေးနီဥတွေဟာ အချင်းကနေတဆင့် ကလေးဆီရောက်နိုင်တယ်။ အဲလိုဖြစ်ရင် မိခင်မှာ အင်တီဘော်ဒီဆိုတာ ထွက်လာမယ်။ အဲတာကနေ ကလေးကိုတိုက်ခိုက်သလိုဖြစ်မယ်။ Jaundice အသားဝါစေမယ်။ ကလေးမွေးကာနီးမှာ ဖြစ်နိုင်ခြေအများဆုံးကာလဖြစ်တယ်။ auto-immune response လို့ခေါ်တယ်။ သွေးထဲမှာ ဘီလီရူဘင်များနေတာကို Hyperbilirubinemia လို့ခေါ်တယ်။ A-B-O incompatibility ခေါ်မတည့်ခြင်းဟာ ဒီလိုအခြေအနေတွေမှာဖြစ်နိုင်တယ်။ ၁။ မိခင်သွေး O နဲ့ ကလေးသွေး B, A, or AB ၂။ မိခင်သွေး A နဲ့ ကလေးသွေး B or AB ၃။ မိခင်သွေး B နဲ့ ကလေးသွေး A or AB Rh incompatibility ဆ...

ဆရာရှင့် ရိုသေစွာမေးမြန်းလိုပါသည်။ ကျွန်မညီမက သားအိမ်ဘေးမှာရေအိတ်တည်လို့ (၅.၅ စင်တီမီတာ) မှန်ပြောင်းနဲ့ခွဲထားတာ ၇ လပိုင်း ၁၄ ရက်နေ့ကပါ။ သူဆေးရုံကဆင်းပြီး ၂ ပတ်လောက်အကြာမှာ ဗိုက်ပြန်အောင့်တာနဲ့ ultrasound ရိုက်ခိုင်းပြီး ပြန်ကြည့်တော့ ပြည်ဖတ်တွေတွေ့တာနဲ့ ၈ လပိုင်း ၁ ရက်နေ့မှာ ပြန်ခွဲပါတယ်။ ဒီတစ်ခါ မှန်ပြောင်းနဲ့ခွဲတာ မဟုတ်ပါ။ အခုတခါ ဗိုက်နဲနဲပြန်အောင့်နေတာနဲ့ ဆေးခန်းပြပြီး ultrasound ပြန်ရိုက်ကြည့်ခိုင်းတော့ ရေအိတ် ၁ဝ စင်တီမီတာ ထပ်တွေ့ပါတယ် သူ့ BOC မှာ ကင်ဆာမတွေ့ပါဆရာ။ ကျွန်မတို့အနေနဲ့ သူ့ကိုထပ်မခွဲစေလိုပါ။ သူ့မှာခံနိုင်ရည်အား မပြည့်ဝသေးလို့ပါဆရာ။ သူကအပျိုပါရှင့်။ အသက် ၂၃ နှစ်ပါ။ ရေအိတ်စဖြစ်တာ ၁ နှစ်ကျော်လောက် ရှိပါပြီဆရာ။ ကျေးဇူးပြု၍ ဖြေကြားပေးစေလိုပါသည်။ ကျေးဇူးအထူးတင်ပါသည်။ အသက်နဲ့ အိမ်ထောင်ရေးကို အရင်ဆုံးရေးဘို့ မေးနည်းစည်းကမ်းမှာပါတယ်။ နောက်မှရေးတော တခါထပ်ဖတ်ရတယ်။ အာလ်ထွာဆောင်းအဖြေ (ပုံ မဟုတ်) မှာ ဘာရေးထားလဲ။ သားအိမ်လား၊ မျိုးဥအိမ်လား။ ဆရာရှင့် ကျွန်မ ရေအိတ်ဘယ်မှာဖြစ်တာလဲသိပ်နားမလည်လို့ ပုံပို့ပေးလိုက်ပါသည်ရှင့်။ ကျေးဇူးပြု၍ ဖြေကြားပေးပါရှင့်။ တအိမ်သားလုံးလဲ စိတ်ပူနေလို့ပါရှ...

မင်္ဂလာပါဆရာ သမီးမေးပါရစေ။ သမီးအသက် ၂၁ နှစ်ပါ။ သမီးရဲ့ကိုယ်ဝန်က ၈ လထဲမှာပါဆရာ။ ကလေးလှုပ်တာ သိချင်ပါတယ်။ ဆရာ အိုဂျီကပြောပါတယ် ကလေးလှုပ်တဲ့အရေအတွက်ကို မှတ်ထားခိုင်းပါတယ်။ တခါလှုပ်ရင် ၃ ကြိမ်၊ တနေ့ ၁၂ ကြိမ်လှုပ်ရမယ်တဲ့။ ဒါပေမယ့် ၂၉ရက်နေ့ထိ ကလေးကသိပ်မလှုပ်ဘူးဆရာ။ သေချာစောင့်ကြည့်ပါတယ်။ မလှုပ်ဘူးရှင့်။ မနက်တခါ ညအိပ်ရာဝင်တခါလောက်ပဲလှုပ်တာ ၅ ရက်ရှိပါပြီ။ အဲ့ဒါ စိုးရိမ်ရတယ်ပြောပါတယ်။ ဘာတွေ စိုးရိမ်ရလဲ သိချင်ပါတယ်ဆရာ။ ကလေးအလှုပ်နည်းတာ ဘာကြောင့်လည်း သိချင်ပါတယ်ရှင့်။ ပြီးတော့ ကလေး နှလုံးခုန်သံစမ်းတာအရင်တပတ်က ၁၄၈ ရှိပါတယ်။ ဒီတပတ်စမ်းတာ ၁၄၄ ပဲရှိတယ်။ ပုံမှန်အဲ့လောက်ပဲလားဆရာ။ အရမ်း စိုးရိမ်လို့ ပြန်လည်ဖြေပေးပါနော်ဆရာ။ မေးခွန်းထဲက � ၈၂ ခုကို ဖျက်ပြီးဖတ်ရတယ်။ တစ် ၅ ခုကို ဖယ်လိုက်ပါတယ်။ ကိုယ်ဝန် ၅ ပါတ်ရှိရင် အထဲကကလေး နှလုံးစခုန်နေပြီ။ ခုန်ကာစမှာ အမေလို တမိနစ်မှာ ၈ဝ-၈၅ ခုန်ရာကနေ တရက်မှာ ၃ ခါတိုးနှုန်းနဲ့ မြန်မြန်လာတယ်။ ၉ ပါတ်ရှိရင် ၁၇၅ အထိရှိလာတယ်။ ဒိနောက် ပြန်နှေး လာတယ်။ ပုံမှန် Fetal heart rate ဗိုက်ထဲကလေး နှလုံးခုန်နှုန်း တမိနစ်မှာ ၁၂ဝ-၁၈ဝ ရှိတယ်။ မွေးစကနေ ၆ လကလေး = ၁၃ဝ၊ တနှစ်သား = ၁၂ဝ၊ ၃-၆ နှစ်သား = ၁ဝ...

My Writings စာတွေကို ဘယ်လိုရေးသလဲ (လွန်ခဲ့တဲ့ ၂ နှစ်တိတိကစာ) ကျွန်တော်က စာတွေရေးဖြစ်တာ မကြာသေးပါ။ ဆေးစာတွေကို ဘာသာပြန်ရင်းကနေ စရေးဖြစ်လာတာပါ။ နောက်မှာ ကိုယ်လုပ်ခဲ့တဲ့နိုင်ငံရေးတွေ ရေးဖြစ်လာတယ်။ စိတ်ထဲပေါ်တာ ပါလာပြန်ရော။ ဘဝဇာတ်ကြောင်း တိုတိုတိတိ မေးလာတာရှိတဲ့အခါရေးပြန်ပါတယ်။ ခုဆိုရင် ပုဒ်ရေထောင်ကျော်လာတော့ တချို့က ကျွန်တော့်ကို စာရေးဆရာထင်လာကြပြန်ရော။ တန်းမဝင်ပါ။ ဖြစ်ချင်တဲ့ ရည်ရွယ်ချက်နဲ့ ဖြစ်အောင်လုပ်တဲ့ ကြိုးပမ်းမှုလဲ မလုပ်ပါ။ ကာရန်သင့်တာလေးတွေနဲ့ ခပ်တိုတိုရေးတော့ ကဗျာလို့ နာမည်တပ်မရ။ ကိုယ့်ကိုယ်ကို သိပ်နှိမ့်ချတာမဟုတ်၊ အသားလိုလို့ အရိုးတောင်းတာ မလုပ်ပါ။ ရသဆိုတာ စာရဲ့ပေတံလို့သဘောထားကြတယ်။ ကျွန်တော်က အဲလို ရသပေါ်အောင် ရေးနိုင်ဘို့မကြိုးစားပါ။ ကြိုးစားရင် အတန်အသင့်တော့ ဖြစ်မလားမပြောတတ်။ ကိုယ်ရေးတဲ့စာကို ဖတ်လိုက်သူမှာ တခုခုရစေချင်တယ်။ အဲဒီတခုခုဟာ အတုံးလိုက်အတစ်လိုက် ဖြစ်ချင်ဖြစ်မယ်။ ဒါပေမဲ့ အချက်အလက် အမှန်တော့ဖြစ်တယ်။ အချက်အလက် မှန်ချင်မှမှန်မှာ မဟုတ်တဲ့ ဝတ္ထုတွေလို စိတ်ကူးကောင်းကောင်းနဲ့ ဖွဲ့နွဲ့ပြီး မရေးချင်ပါ။ ဝတ္ထုတွေကို မကြိုက်တာလဲ မဟုတ်ပါ။ သိပ်ကိုစိတ်ကူးယဉ်လွန်းတာမျိုးကိုလဲ အ...

မုံရွာ TOP ကျောင်းမှာ သီချင်းဆိုပြိုင်ပွဲပို့စ်တွေ တွေ့ပါတယ်။ ကျွန်တော်တို့ ပြည်ပနိုင်ငံရေးလုပ်ကြသူတွေ တခါက ဖိလစ်ပိုင်ကိုသွားကြရတယ်။ ကွန်ဖရင့်အိမ်ရှင်က ဖိလစ်ပိုင် နိုင်ငံခြားရေးဝန်ကြီးဟောင်း Raul Manglapus (ရာအူးလ် မင်္ဂလာပတ်စ်) ဖြစ်တယ်။ သူက တေးဂီတမှာလည်းဆရာကြီး။ ညစာမစားခင်မှာ ကိုယ်ပိုင် (အော်ခက်စထွာ) တီးဝိုင်းနဲ့ ဧည့်ခံတယ်။ ဧည့်သည်တွေထဲက တနိုင်ငံတယောက်ကျ သီချင်းဆိုဘို့ ဖိတ်ခေါ်တယ်။ ကျွန်တော်တို့ မြန်မာ့အရေးအတွက်သွားကြသူတွေက ၁ဝ-၁၅ ယောက်လောက်ရှိမယ်။ မြန်မာပြည် အလှည့်မခေါ်ခင် တယောက်ပြီးတယောက် ထွက်သွားကြရော။ ထွက်မကောင်းလို့ ဝန်ကြီးချုပ် ဒေါက်တာစိန်ဝင်းရယ်၊ ကျွန်တော်ရယ်။ ပအိုဝ်အဖွဲ့က ဦးခွန်ဥက္ကာရယ်။ သုံးယောက်သာကျန်တယ်။ မြန်မာ့အဆိုတော်ကို ဖိတ်ခေါ်တော့ တယောက်ကိုတယောက် လက်တို့ကြတယ်။ တယောက်မှ သီချင်းဆိုတတ်သူကမပါ။ နောက်ဆုံးမှာ ခွန်ဥက္ကာက ကျွန်တော်တို့ စင်ပြိုင်အစိုးရကို ကယ်လိုက်ပါတယ်။ သူကပဲ စင်ပေါ်တက်ပြီး ပအိုဝ်ရိုးရာသီချင်းတပုဒ် (ဆိုလို) လုပ်ပါတယ်။ အခုထိ ကျေးဇူးတင်တယ်။ • နဂါးနီ၊ ရွှေညာဆီသွားမယ်၊ • စိမ်းမြလျှံခြယ်၊ အောင်ပင်လယ်၊ • မင်္ဂလာနံနက်ခင်း၊ မြန်မာ့စိတ်ရင်း မြန်မာ့ရှုခင်း၊ • အောင်ခြင်းရှစ်...

ဆရာ့့ MW ပါဆရာ။ အောက်ခြေဝန်ထမ်းတွေအပေါ်ထားတဲ့ ဆရာ့စိတ်ထားအတွက် မျက်ရည်ဝဲတဲ့အထိ ခံစား ကျေးဇူးတင်တာပါဆရာ။ မြန်မာပြည်က MW တွေ အလုပ်တွေက လူနဲ့မမျှပါဆရာ။ ရှိသမျှ project တွေအကုန်လုံး MW တွေလုပ်ရပါတယ်။ ဒါပေမဲ့ သားဖွါးဆရာမတွေမှာ စာရင်းဇယားနဲ့ပဲ အချိန်ကုန်နေပါတယ်။ ဗဟုသုလည်းနည်းနေပါပြီ အွန်လိုင်းကနေပဲကြည့်နေရတာပါဆရာ။ သင်ကြားပေးပါဆရာ။ ဆရာ အခုအခြေအနေတွေကို သိပ်မသိဘူး။ ပညာလိုချင်ရင်တော့ပြော။ ဆရာစာတွေ အများကြီးရေးထားတယ်။ ဆရာ ဒေလီမှာဖွင့်ခဲ့တဲ့ ယမုန်နာဆေးခန်းလေးမှာ လာကူညီကြမယ့်ဆရာမတွေကို စာသင်ပေးဘို့ ဆေးစာတွေကို ဘာသာပြန်ရာကနေ ဆေးပညာစာတွေရေးတယ်။ ကြာတော့ ခေါင်းစဉ်တွေကစုံလာတယ်။ မေးလာတာကိုဖြေရင်းနဲ့ အမေးအဖြေပါဖြစ်လာတယ်။ ကြာတော့ သဗ္ဗပေါင်းစုံ အကုန်ရေးဖြစ်လာတယ်။ Midwife သားဖွါးဆရာမရဲ့အဓိပ္ပါယ်ဖွင့်ဆိုချက်က သားဖွါးပညာရပ်ကို ဆေးပညာနည်းကျ သင်ယူတတ်မြောက်ထားသူ ဖြစ်ပါတယ်။ သားဖွါးဆရာမတွေဟာ မွေးဖွားခြင်းဆိုင်ရာကျန်းမာရေးအတွက် ကာကွယ်ရေးနဲ့ ကုသရေးမှာ ရှေ့တန်းက နေကြရတယ်။ စိတ်ချရအောင်နဲ့ ကုန်ကျစရိတ်နဲ့မျှစေတာကို လုပ်ပေးကြရတယ်။ ကိုယ်ဝန်ဆောင်ချိန်၊ မွေးဖွါးချိန်နဲ့ မွေးဖွါးပြီးကာလသုံးပါအတွက် အတတ်ပညာကို သင်ယ...

စစ်တွေနဲ့နေခဲ့ရတဲ့တိုင်းပြည်မှာ တစ်တွေနဲ့သာရေးတတ်ကြတယ်။ စစ်တွေဆိုတာ မြို့ မဟုတ်။ တစ်တွေဆိုတာ နံပါတ်ဝမ်း မဟုတ်။ စာအုပ်သစ်တွေ ဘုတ်အုပ်သစ်တွေမှာ စလုံးတွေကများလှတယ်။ စလုံးဆိုတာ စင်္ကာပူမဟုတ်။ စသတ်ဟုတ်။ အဖြစ်ကတော့ တကျွန်းပြန်ကရေးလည်း စသတ်နေလိုက်တာ ဂျွမ်းကိုပြန်လို့။ ကျွန်းဆိုတာ ကျောက်ပြင်မဟုတ်၊ ကိုကိုးကျွန်ဟုတ်။ အမြစ်ကနေလှန်ပြလို့ ပုတ်သင်ဥပေါ်၊ ဘောင်းတော်ညိတ်၊ စိတ်တော်သိသူကများလှတယ်။ ဘောင်းတော်ညိတ်ဆိုတာ ဘုရားထူး အဘခေါ်သူဟုတ်။ မော်ဒန်စာရေးဆရာ၊ ကဗျာဆရာ၊ ထုတ်ဝေသူတွေရဲ့စာအုပ်တွေကို မော်ဒန်ကာတွန်းနဲ့ မလဲချင်တာဟုတ်။ မှတ်ချက်။ အဲလိုမြန်မာစာအုပ်တွေက (ကန်တော့ပါ) ပုဂံဘုရားတွေလို လက်ညှိုးထိုးမလွဲ များလှပေမဲ့ ပုံတင်ရမှာ အားနာလို့။ ဒေါက်တာတင့်ဆွေ ၂၈-၈-၂ဝ၁၆

မိုးစာငှက်သည် ပျံလွှား၊ ဇီဝဇိုးငှက်တို့နှင့်အတူ အိပိုဒီးဒီးမျိုးရင်းတွင် ပါဝင်၍ ပါဏဗေဒအမည်မှာ ဆစ်ပဆီအာရတ် ပါးဗတ် အင်ဖူးမေးတပ်ဖြစ်သည်။ အလျား ၅ လက်မရှိ၍ တကိုယ်လုံးတွင် ကျပ်ခိုးရောင်ထနေသည့် အညိုရောင်လွှမ်းနေသည်။ မိုးစွေငှက်သည် မိုးစာငှက်နှင့် အသွင်အပြင်ချင်း တူသော်လည်း ကိုယ်အနေအထားတည်ဆောက်ထားပုံချင်းမှာ အလွန် ကွဲပြားသည့်ပြင် မျိုးစဉ်နှင့် မျိုးရင်းချင်းလည်း မတူကြချေ။ မိုးစွေငှက်သည် ပက်ဆာရီဖောမီး မျိုးစဉ်နှင့် ဟီရန်ဒီဒီဒီး မျိုးရင်းတွင်ပါဝင်၍ ပါဏဗေဒအမည်မှာ ဟီရန်ဒို ရတ်စတစ်ကား ဂရက်တူရာလစ်ဖြစ်သည်။ မိုးစွေငှက်သည် ပျံသန်းနေစဉ် တောင်ပံကို တခါတခါ အနည်းငယ် ပိတ်၍ပိတ်၍  ပျံတတ်သော်လည်း မိုးစာငှက်ကား မည်သည့်အခါမျှ တောင်ပံကို မပိတ်ချေ။ မှတ်ချက် - ပါဏဗေဒကို နောင်မှာ ဇီဝဗေဒလို့ခေါ်လာတယ်။ လက်မကို လက္မလို့ရေးတာလည်း မမှားပါ။ တစ်ကိုယ်လုံးတွင်လို့ မရေးရပါ။ တစ်ခါတစ်ခါလို့ မရေးရပါ။ ဒေါက်တာတင့်ဆွေ ၂၈-၈-၂ဝ၁၆

သီချင်းများရေးဖွဲ့ရာမှ တစတစနှင့် ဂီတလောက၌ ကဏ္ဍသစ်တရပ်ဖြစ်သော အော်ပရာခေါ် ဂီတဇာတ်ကို ၁၇ ရာစုနှစ်တွင် ဣတလီနိုင်ငံကပင်စ၍ ထွင်လိုက်ပြန်သည်။့့ (မြန်မာ့စွယ်စုံကျမ်း၊ အတွဲ (၁၃)၊ စာမျက်နှာ (၁၁၉) တစ်စတစ်စနှင့် မဟုတ်။ ကဏ္ဍသစ်တစ်ရပ် မဟုတ်။ ကြာရင် (ဂီတ) ကနေ (ဂီတစ်) များဖြစ်လာလေမလာ့း့ မြမန်းဂီရိ တီး - စောင်းဦးမြင့်မောင်၊ ဆို - ရီရီသန် https://www.youtube.com/watch?v=TXlQ25QAn2k မြမန်းဂီရိ ယိုးဒယား Mya Man Giri (Thailand tune) https://www.youtube.com/watch?v=HPwszPRGzj8 ဒေါက်တာတင့်ဆွေ ၂၇-၈-၂ဝ၁၆

ရှေးလွန်လေပြီးသောအခါ ဗာရာဏသီပြည်အနီး၌နေသော ဒဂါမခေါ် ရွာတရွာတွင် တံငါသည်ကြီးတဦးရှိသည်။ ထိုရွာ၏တဖက်ကမ်းတွင်လည်း တံငါသည်ကြီးတဦးရှိလေရာ ထိုသူနှစ်ဦးတို့သည် မိတ်ဆွေဖြစ်ကြသည့်အလျောက် မိမိတို့၏သားနှင့်သမီးတို့ကို လက်ထပ်ထိမ်းမြားရန် ကတိထားကြလေသည်။ တယောက်သောအမျိုးသားအိမ်၌ ဒုကူလသတို့သားကို ဖွားမြင်၍ တယောက်သောအမျိုးသားအိမ်၌ ပါရီကာသတို့သမီးကို ဖွားမြင်သည်။ ထိုသူတို့ အရွယ်ရောက်သောအခါ ကတိရှိသည့်အတိုင်း ထိမ်းမြားပေးကြသည်။ သို့ရာတွင့့် (မြန်မာ့စွယ်စုံကျမ်း၊ အတွဲ (၁၃)၊ စာမျက်နှာ (၁၅၈) ရွာတစ်ရွာတွင် မဟုတ်။ တံငါသည်ကြီးတစ်ဦး မဟုတ်။ တစ်ဖက်ကမ်းတွင်လည်း မဟုတ်။ တစ်ယောက်သောအမျိုးသားအိမ်၌ မဟုတ်။ ရုပ်ပြစာအုပ်တွေမှာ သတ်ပုံတွေကို လိုသလိုပြင်ထားကြလို့ စာအုပ်နမူနာပုံတင်ရမှာ အားနာလို့ မတင်တော့ပါ။ ဒေါက်တာတင့်ဆွေ ၂၇-၈-၂ဝ၁၆

ကျွန်တော့်ပို့စ်တခု = Tamarind tree ရွာထိပ်က မန်ကျည်းပင် ကွန်မင့် (၁) = Phyu Phyu Tin Aung ကိုယ်ပျောက်နေတာ သူများပျောက်တယ် ထင်တတ်ကြတယ် ဟီးဟီး။ ဆရာ ကျမ်းမာနေဖို့ဘဲလိုပါတယ်၊ အန်တီရောပေါ့။ ကွန်မင့် (၂) = Win Thura Aung ကျွန်တော်ကတော့ ဆရာကို See first လုပ်ထားတော့ ဆရာကြီးရဲ့ Post တွေ နေ့တိုင်း တွေ့ရပါတယ်။ တနေ့တနေ့ အနည်းဆုံး Post သုံးခုလောက်တော့ တွေ့ရပါတယ်။ အဲတာနဲ့ ကိုယ်တနေ့မှာ ပို့်စ်ဘယ်နှစ်ခုရေးဖြစ်လဲ ကြည့်တယ်။ ကနေ့ ၂၇-၈-၂ဝ၁၆ မှာ အခုထိတင်ပြီးတာ 1. Osteoporosis အရိုးပွရောဂါ (သို့) အမေ့ရောဂါ 2. The exiles တက္ကသီလာ ပြည်ပမှာ 3. Pregnancy and Antihistamines ကိုယ်ဝန်နှင့် အအေးမိပျောက်ဆေး 4. Fake Goods အမှား အလကားမဝေပါနဲ့ 5. Hyperprolactinaemia နို့ထွက်ဟော်မုန်းများခြင်း 6. English ဗိုလ်လိုပြောကြခြင်း 7. Tamarind tree ရွာထိပ်က မန်ကျည်းပင် (၇) ခုရှိပြီ။ နေ့တဝက်ကျော်လောက်တော့ရှိပြီ။ ၂၆-၈-၂ဝ၁၆ မနေ့ကတော့ - 1. Miscarriage Prevention ကိုယ်ဝန်မပျက်အောင် 2. Substandard စာရေးညံ့သူ 3. UN headquarters နယူးယော့ဖြစ်သွားသော နေပြည်တော် 4. တစ်မိုး မဟုတ်တဲ့ တင်မိုး 5. Computer Eye Strain ကွ...

Tint Swe မောနင်း။ DrZaw Min အားဖတားနွန်း။ Tint Swe ဆေးကျောင်းမှာ ဗိုလ်လိုပြောခဲ့ရတာဆိုလို့ (ရက်တာ) ကို အဲဒီတခွန်းတည်းသာရှိလို့ အမှတ်တရ ပြောကြည့်တာ။ အင်္ဂလန်မှာနေသူနဲ့ ယူအက်စ်အေမှာနေသူ ဆေးမန်းသူငယ်ချင်းတွေ ဟယ်လို-ဟိုင်း လုပ်ကြတာပါ။ ကျွန်တော်တို့က (မဆလ) ခေတ်မှာ လူဖြစ်ရတာ။ ပညာတွင်းက နက်လှတယ်။ အင်္ဂလိပ်စာဆိုရင် အဝီစိတွင်းလောက်။ ဆေးစာအုပ်တွေက ဘာသာပြန်တာမရှိ။ စကားကြတော့ အင်္ဂလိပ်လိုတလုံးနှစ်လုံးပြောမိရင် ဗိုလ်ရူးအပြောခံရတယ်။ စာကြတော့ ဗမာလိုမရှိတာကို အင်္ဂလိပ်လိုမသင်ရ။ အဲဒီခေတ်က ဗမာနဲ့ မြန်မာ ဝိဝါဒကွဲစေတဲ့ပြဿနာသစ် မရှိသေးပါ။ အခုတော့ အင်္ဂလိပ်စာက မပေါက်မြောက် မြန်မာစာကတော့ ချောက်ထဲရောက်။ ရက်တာ = ပါမောက္ခချုပ် ဒေါက်တာမောင်မောင်ကြီး ဒေါက်တာတင့်ဆွေ ၂၇-၈-၂ဝ၁၆

(မနှစ်က ဒီရက်မှာရေးခဲ့တာ) ၁။ ဆရာရေ ၈၈ မှာတောခိုလာတဲ့လူတွေအများစုက နိုင်ငံပြင်ပကိုရောက်လာရင် ဘာဖြစ်လို့ သဘောထားတွေ ပြောင်းကုန်တာလဲမသိဘူးဆရာ။ တကယ်ဆိုရင် သူတို့လဲအာဏာရှင်ကိုဖြုတ်ချဖို့က လိုရင်းဆိုရင် သူတို့တွေလုပ်ခဲ့တဲ့ တော်လှန်ရေးနဲ့ လက်ရှိလုပ်နေတဲ့ စိတ်ခံစားမှုကဘာဆိုလိုလဲဆိုတာ နားမလည်နိုင်အောင်ပဲဆရာရေ။ ၂။ ကျွန်တော့်အမြင်ကတော့ ဟီးရိုးလုပ်ချင်တာ၊ အများနဲ့မတူပဲဆန့်ကျင်ခဲ့ရင် ထင်ပေါ်မယ်ထင်တာလို့ပဲ မြင်ပါတယ်ဆရာ။ အတော်မေးသင့်တဲ့ မေးခွန်းပါ။ မေးတဲ့သူကိုယ်တိုင်က ကိုယ်ပိုင်လေ့လာမှုသဘောလုပ်ပြီးမှ ကောက်ချက်ထွက်လာမျိုး။ ကာလအပိုင်းအခြား အနည်းဆုံးနှစ်ခုကို ကြည့်ရတာမျိုး။ စာတမ်းလိုမရေးချင်ပါ။ လူနာမည် အသင်းအပင်း နာမည်တွေ မတပ်လိုပါ။ ကျွန်တော်တို့က ဝါအရပြောရင် အကြီးဆုံးမဟုတ်ပါ။ ကျောင်းသားတွေနောက်မှရောက်တဲ့ (နောက်ရောက်တဲ့သူ နောက်ကတန်းစီရတဲ့ခေတ်က) ၁၉၉ဝ အုပ်စုကဖြစ်ပါတယ်။ ဒိနောက်မှ ရောက်လာတဲ့အုပ်စုတွေလည်း ရှိသေးတယ်။ ၁၉၉၆ အုပ်စု၊ ၂ဝဝ၇ အုပ်စု၊ စသဖြင့်။ နောက်ဆုံးမှာ နိုင်ငံရေးနဲ့ လားလားမှမဆိုင်ဘဲရောက်လာသူတွေကနေ ပြည်ပကို ကြီးစိုးလာတယ်။ ဒီမိုကရေစီအရေးဓါတ်ပုံထဲမှာတော့ ရှေ့ဆုံးတန်းကနေကြတယ်။ သူတို့ကိုးကွယ်တဲ့...

ယူနက်စကို ရောက်နေပြီတဲ့။ ငလျင်ဒဏ်ကြောင့် ပျက်စီးသွားရတဲ့ ပုဂံကရှေးဟောင်းအမွေအနှစ်တွေကို စနစ်တကျ ထိန်းသိမ်းနိုင်အောင် ကူညီဘို့တဲ့။ ယူအင် အတွင်းရေးမှူးချုပ်လည်းလာမယ်တဲ့။ လက်နက်ကိုင်ဒဏ်အမျိုးမျိုးကြောင့်ပျက်စီးသွားတဲ့ ငြိမ်းချမ်းရေးအတွက် အားပေးမလို့တဲ့။ ယူအင် အတွင်းရေးမှူးချုပ်ဟောင်းလည်းလာမယ်တဲ့။ နိုင်ငံရေးဒဏ်နဲ့ ဘာသာရေးဒဏ်တွေကြောင့် ယိုယွင်းနေရတဲ့ ရခိုင်ဒေသအတွက် အကြံပြုဘို့တဲ့။ နယူးယော့မှာရှိတဲ့ ယူအင်ဌာနချုပ်ဟာ မီးခြစ်ပုံးနဲ့ သဏ္ဌာန်တူတယ်လို့ ငယ်ငယ်က ကျောင်းဖတ်စာထဲမှာ သင်ခဲ့ရတယ်။ အဲဒီအဆောက်အဦကြီးသာ ငလျင်ဒဏ်ထိရင်တော့ မြန်မာပြည်က စစ်ထောက်လှမ်းရေးချုပ်ဟောင်းကို လွှတ်လိုက်စေချင်တယ်။ ဒေါက်တာတင့်ဆွေ ၂၆-၈-၂ဝ၁၆

Shwe Nwe Yoe ဆရာအချိန်ရတဲ့အခါ စကားပြောနည်းဆယ်နည်း၏ အဓိပ္ပါယ်လေးကိုရှင်းပြပေးပါလား။ လေးစားစွာဖြင်- ကျွန်တော်တို့ ဆယ်တန်း မြန်မာစာပြဋ္ဌာန်းစာအုပ်မှာပါတယ်။ ၁။ ရေကူးညာတင်ပြောနည်း မြစ်ကူးရာတွင် မြစ်ညာကတင်ပြီးကူးမှ ရေစီးအတိုင်းလိုက်၍ အလိုက်သင့်လိုရာ ဆိပ်ကမ်းရောက်မည်ဖြစ်၏။ စကားပြောဆိုရာတွင်လည်း လိုရင်းရောက်အောင် ကြိုတင်ပြင်ဆင်ပြီး ပြောထားခြင်းကို ဆိုလိုသည်။ ၂။ ကောက်ပင်ရိတ်လှီးပြောနည်း စပါးရိတ်သောအခါ ကောက်ပင်များကို တင်းတင်းကြပ်ကြပ်ဆုပ်ကိုင်ပြီးမှ တံစဉ်နှင့် ပြန်ရိတ်ရ၏။ စကားပြော ဆိုရာတွင်လည်း တဖက်လူ၏ စကားကိုမိမိရရဆုပ်ကိုင်မိမှ ချက်ကောင်းယူပြီး ပိုင်အောင်ပြောဆိုနည်းကို ဆိုလိုသည်။ ၃။ ရေစီးဖောင်ဆန်ပြောနည်း ရေစီးသည့်နေရာမှာ ဖောင်ဆန်သည့်အခါ ဖြည်းညှင်းစွာထိုးဝါးနှင့် ထောက်ထောက်ပြီး စိတ်ရှည်လက်ရှည် ဆန်တက်ရ၏။ စကားပြောဆိုရာတွင်လည်း လိုရာရောက်အောင် စိတ်ရှည်လက်ရှည် သာယာညှင်းပျောင်းစွာ ပြောဆိုနည်းကို ဆိုလိုသည်။ ၄။ အိုးတန်ဆန်ခတ်ပြောနည်း အိုးနှင့်ဆန်ကို တန်အောင်ချက်လျှင်နူးနပ်စွာ စားသုံးရ၏။ စကားပြောဆိုရာတွင်လည်း မိမိပြောမည့် စကားသည် မိမိပြောမည့်လူနှင့်တန်သောစကားမျိုးပြောမှမိမိဆိုလိုရင်းကိုထို...

Janese Even Ngalaeng: At Yamuna Clinic with most respected Dr. Tint Swe.... He's the best Doctor ever... I miss u Saryar Tint Swe ကျွန်တော့်အကြီးဆုံးမြေးထက်ငယ်တဲ့ ယမုန်နာဆေးခန်းက အငယ်ဆုံးဆရာမလေး အီဗင်ကတင်ထားတာကို အခုပဲတွေ့တယ်။ သူကအားကိုးရတယ်။ ခွဲစိတ်လူနာကိုပါကူညီနိုင်တဲ့အထိ တတ်မြောက်ခဲ့သူဖြစ်တယ်။ Janese Even Ngalaeng ဆရာ့ကို ဒေလီကမွေးလူနာတွေက သတိရနေကြတယ်။ 😊😊 We miss u ကလေးမွေးမပေးရတာ နှစ်နှစ်ကြာပြီ။ ဒေလီမှာနေစဉ်ကတော့ တနှစ်မှာ ကလေး (၅ဝ) ယောက်ကို ကျွန်တော့်လက်နဲ့ မွေးပေးခဲ့ရတယ်။ ဒေလီမှာကျန်ရစ်ကြတဲ့ မြန်မာပြည်ကဒုက္ခသည်တွေ ကျန်းမာကြပါစေ။ ဒေါက်တာတင့်ဆွေ ၂၆-၈-၂ဝ၁၆

နာမည်ကျော် ရှေးဟောင်းဂရိလက်ရာ ဗီးနပ်ရုပ်တုကို Aphrodite of Milos လို့လည်းခေါ်တယ်။ ရောမ (ရိုမန်) လိုက (ဗီးနပ်စ်) ဖြစ်တယ်။ အလှနဲ့ အချစ် ဂရိနတ်ဘုရား (အဖရိုဒိုက်စ်) ပုံကို ထုလုပ်ထားတာလို့ ယူဆကြတယ်။ (မာဘယ်လ်) ကျောက်နဲ့ လုပ်ထားတယ်။ ၆ ပေ ၈ လက္မမြင့်တယ်။ ၈-၄-၁၈၂ဝ နေ့မှာ စတွေ့ကတည်းက လက်နှစ်ဖက်ကမစုံတော့ပါ။ ပျောက်နေတဲ့လက်နှစ်ဖက်ကို ပညာရှင်တွေအမျိုးမျိုးကြိုးစားပြီး ရှာကြပေမယ့် မတွေ့သေးပါ။ ပုဂံနားက ဘုရားစေတီပုထိုးတွေနဲ့ အဆောင်အအုံတွေသက်တမ်းက နှစ်တထောင် (တစ်ထောင် မဟုတ်) ဝန်းကျင်သာ ကြာသေးတယ်။ ဗီးနပ်စ်ရုပ်တုကို ဘီစီ ၁၃ဝ နဲ့ ၁ဝဝ လောက်ကထုလုပ်ခဲ့တာလို့မှန်းဆရတယ်။ ပန်းပုပညာရှင်တွေက ဒီလောက်လက်ရာကောင်းလှတဲ့ ရုပ်တုက လက်နှစ်ဖက်ကို အသစ်တပ်ဆင်ပေးဘို့ တခါမှ မကြိုးစားကြပါ။ ကျွန်တော်တို့နိုင်ငံမှာ ရှေးဟောင်းလက်ရာတွေကို မွမ်းမံနေကြတာကို ကျွန်တော်တော့ နားမလည်ပါ။ ပြိုပျက်နေတာကို နောက်ထပ်မပျက်စီးအောင်လုပ်တာက အကောင်းဆုံးနည်းလမ်းလို့ ထင်မိတယ်။ စစ်ကိုင်းကောင်းမှုတော်ဘုရားကိုရွှေချတာလည်း ကျွန်တော်က တယောက်တည်းသာရှိရှိ သဘောမတူပါ။ သာလွန်မင်းတရားကြီးတည်ခဲ့သလိုသာရှိစေချင်တယ်။ ၁၂-၇-၂ဝ၁၆ နေ့ကသတင်းထွက်တယ်။ ပုဂံအာနန္ဒာဘုရားကြီ...

တောင်သူသား၊ စိုက်စားစရာမြေမရှိ၊ တောမှာမွေးပေသိ၊ မြို့တွေမှာနေရတာ ဇာတာသက်ထက်လျှော့တာ ၅ နှစ်တိတိ၊ မွေးရပ်မှာမနေရတာ နှစ်အစိတ်ရှိ။ ဧရိယာစတုရန်းမိုင် ၃့၈ သန်းရှိတဲ့တိုင်းပြည်ကြီးမှာ စိုက်ပျိုးစရာ တလက္မမ မပိုင်ရှိ။ ဒါပေသိ ပူစရာမရှိ၊ အသိမိတ်ဆွေတွေက ပေါများပါဘိ။ အခင်းမရှိ၊ ဈေးနှုန်းမသိ၊ ခြေထောက်မရှိတဲ့ အသီးအရွက်တွေဟာ အိမ်တိုင်ယာရောက် ပေါက်ချလာ၊ ညစာ-နေ့စာ-သိမ်းထားစရာ၊ ကျေးဇူးတင်တယ်ဗျာ။ ချဉ်ပေါင်လည်းပါ၊ မြင်းခွါနဲ့ ခွေးတောက်ရွက်၊ ခေါင်းရွက်သည်ဆီကမဟုတ်၊ အမေရိကမှာလုပ်တဲ့ ဗမာဗီတာမင်သုံးထုပ်။ ဒေါက်တာတင့်ဆွေ ၂၆-၈-၂ဝ၁၆

ကျွန်တော်က မြန်မာစာကို တတ်သလောက်လေးနဲ့ ရေးနေတာများပြီ။ ရေးနိုင်တာက လူမှုရေးကွန်ရက်မှာပါ။ ရေးတာကလည်း လမ်းဘေးအမှိုက်လိုက်ကောက်သလို။ အလေအလွင့်ပဲ လိုက်ကောက်နိုင်တယ်။ ကောက်ရင်တော့ (ရီဆိုက်ကယ်) လုပ်လို့ရတာကိုသာ ရွေးကောက်ပါတယ်။ စာရေးဆရာတွေ၊ မြန်မာစာပညာရှိကြီးတွေကသာ ပိုက်ဆံနဲ့ရောင်းရတဲ့စာတွေ ရေးကြပါတယ်။ ကျွန်တော်ရေးတဲ့စာကို စာအုပ်တိုက်တွေ၊ ဂျာနယ်တွေ၊ မဂ္ဂဇင်းတွေက ထုတ်ပေးရဲကြမယ်လည်း မထင်ပါ။ သူတို့ကို အပြစ်မပြောပါ။ သူတို့ခင်ဗျာ ရေဆန်လှော်ရတာက ပိုပင်ပန်းလို့ပါ။ ဆရာဝန်ဆိုတာ လူနာကို (ခီမို) ပေးရတိုင်း စိတ်မကောင်းဖြစ်ကြရပါတယ်။ ဒေါက်တာတင့်ဆွေ ၂၅-၈-၂ဝ၁၆

ငယ်သူငယ်ချင်းတယောက်က ဒီနေ့တော့ Furen International School က video interview ရှိတာနဲ့ မစီးဖြစ်တာကြာပြီ ဖြစ်တဲ့ နက်ကတိုင်လေးစီးဖြစ်တယ် စသဖြင့်ရေးတာတွေ့တယ်။ ခေါင်းစဉ်က ကြောင်လျှာသီးနဲ့တဲ့။ ဟိုတလောက ကျွန်တော် အင်္ဂလိပ်စာသင်ကူနေတဲ့ကျောင်းမှာ ဖတ်စရာတခုမှာ လက်ငင်းဖြစ်နေတဲ့ သတင်းတပုဒ်ကို ဖတ်ခိုင်းတယ်။ အမေရိကန်သမတလောင်း ဒေါ်နယ်ထရမ့်။ Trump ထရမ့်လို့ ရေးတော့ ကျောင်းသားတယောက်က သူ့ဖုန်းထဲက အင်္ဂလိပ်-မြန်မာအဘိဓာန်ထဲမှာလိုက်ရှာတယ်။ စာလုံးနဲ့အနီးစပ်ဆုံးဖြစ်တာ Trumpet ပေါ်လာပြီး ဗမာလို ကြောင်လျှာသီးတဲ့။ ကျောင်းသားက ဘယ်လိုမှဆက်စပ်မရ၊ ဒုက္ခရောက်နေလို့ ရှင်းပြရတယ်။ ကြောင်လျှာပင်ကို Indian Trumpet လို့ခေါ်ကြတာများတယ်။ Broken Bones နဲ့ Damocles Tree လို့လည်းခေါ်တယ်။ ရုက္ခဗေဒလို Oroxylum Indicum ခေါ်တယ်။ ဟင်ဒီလို Muhudie လို့ခေါ်တယ်။ ကြောင်လျှာသီးကို Oroxylum pod လို့ ခေါ်တယ်။ ဒေါက်တာတင့်ဆွေ ၂၅-၈-၂ဝ၁၆

ပုဂံငလျင်သတင်းကိုတင်ကြတာမှာ သတ်ပုံအမှားတွေ ရွေးထုတ်လိုက်သလိုထွက်ထွက်လာတယ်။ စူဠာမဏိကိုရေးကြတာ စူဌာမဏိ၊ စူဋ္ဌာမဏိ၊ စုဋာမဏိ၊ စုံနေတာပဲ။ ဌာ နဲ့ ဋ္ဌာ လည်းမတူပါ။ ဋာစာလုံးမြင်တိုင်း ပဋာစာရီပဲထင်မိတယ်။ ဘုရားဘွဲ့တော်တွေကိုတော့ မှန်မှန်ကန်ကန် ရေးသင့်ကြပါတယ်။ အသံထွက်ကော မှန်အောင်မထွက်ကြလို့ စာလုံးပေါင်းမှားရေးတာဖြစ်မယ်။ (စူလာမနိ) သံထွက်ပါတယ်။ တခြား သတ်ပုံတွေဆိုရင် (စူထာမနိ)၊ (စူတာမနိ) ဖြစ်ကုန်မယ်။ (ဒဏ်) ကိုလည်း (ဒါဏ်) လို့ရေးနေကြတာ မှားတယ်။ စစ်အစိုးရဒဏ်ခံကြရတဲ့ နိုင်ငံရေးအကျဉ်းသား (နိုင်-ကျဉ်း) စာရင်းပြုစုသလို ထောင်ချခံရတဲ့ မြန်မာစာသတ်ပုံတွေပါ ပြုစုရင်ကောင်းမယ်။ (နိုင်-ပုံ) လို့ခေါ်မယ်။ ပြည်ပထွက်ပြေးရတဲ့ သတ်ပုံတွေကိုလည်း မမေ့ကြပါနဲ့။ Smile! ဒေါက်တာတင့်ဆွေ ၂၅-၈-၂ဝ၁၆

Tint Swe ဒဏ် Shi Di ဆရာ ဘာပြောချင်တာလဲရှင့် Tint Swe ပဌမဆုံးပုံမှာ ငလျင်ဒါဏ်ခံလို့ရေးတာ သတ်ပုံမှားနေတယ်။ ဒဏ်လို့သာရေးရတယ်။ ဆရာက အမှားတွေကို ဘယ်တော့မှ နမူနာပြစရာအဖြစ် ယူမသုံးပါ။ ဆိုးသွမ်းတဲ့သူ၊ လူမကြည်ညိုသူတွေပုံတွေကိုလည်း မသုံးပါ။ ဆေးအတုတွေကိုလည်း ပုံမတင်ပါ။ တင်ရင် ဘယ်မှာဝယ်ရမလဲကလာပြီ။ အမှားတွေတင်ရင် အမှန်ပဲထင်ကြသူက အလွန့်အလွန်များတယ်။ လူတွေကို ဖမ်းဆီးနှိပ်စက်ခဲ့သူပုံကို ခဏခဏတင်နေကြတာ ကိုးကွယ်ရာကျတယ်။ ဆဲရေး တိုင်းထွာသူပုံတွေကို တင်နေကြတာလည်းအဲလိုပဲ။ အဲလိုလုပ်တာ သူတို့ကို ပရိုမိုးရှင်းလုပ်ပေးရာကျတယ်။ La Min ဆရာ့ကို ဆီးဖတ်လုပ်ထားတာဆရာ Tint Swe ဆရာကတော့ ဆီးဖတ်စ် လို့ရေးစေချင်တယ်။ ဖတ် ဆိုရင် အဖတ်လို့ထင်နိုင်တယ်။ နှမ်းဖတ်ခဲမှတ်လို့ ထပ်ဖတ်ရတယ်။ Smile! အဲလိုရေးတာကို ဗိုလ်ဆန်တာလို့ မခေါ်သင့်ပါ။ မြန်မာပြည်ကြီး အခုတော့ နွားခြေရာကွက်ထဲကထွက်လာရပြီမို့ သူများ အရီမခံရအောင်၊ နားလည်စေအောင် အင်္ဂလိပ်လို ပြောမှ ရေးမှရတာမျိုးကို မှန်ကန်ပီသအောင် ပြောရ ရေးရမယ်။ ခက်နေတာက မြန်မာစကားကို ပဲ့ရွဲ့စောင်းအောင်ပြောနေကြတယ်။ ဒေါက်တာတင့်ဆွေ ၂၅-၈-၂ဝ၁၆

မောင်တို့ ကြားကုန်လော့ မယ်တို့ ကြားကုန်လော့ ရှေးဖျား ပုဂံပြည်မှာဖြင့် မြန်မာတတွေမှာ ရတနာရွှေငွေ အပေါင်းငဲ့ပြင် မင်းကောင်း နော်ရထာတဲ့ မော်စရာ ဟိုတခေတ်ကိုဖြင့် ဉာဏ်သစ်ကာ တရွှင်ရွှင်နဲ့ ဘဝင်မှာ အမြင်မှန်းကာပ တမ်းမ၍ ကြည်ညိုပါ။ ဪ ပြည်မြန်မာခေတ်ထူး ရာဇဝင်မှာ စာတင်လို့ကျူးခဲ့ကြ ငထွေးရူး လုံးလက်ဖယ် ညောင်ဦးနယ် ကိုရွှေဖီး ရွှေထီးလောင်း မင်းကျန်စစ် ထီမထင်အောင်၊ ပြည်ခွင်ကိုချစ်ခဲ့ကြ ရဲစစ်တပ်ခြံအရံ၊ မြန်မာနယ့်တရိုး ရန်ထိုထိုကို၊ ရန်လိုလျှင် ချိုးခဲ့၍ မြို့ရိုးမြင့် ပြည်ပုဂံ၊ ရဲစစ်တပ်ပြန်မှာ။ အောင်လံတွေ ရောင်ပျံမြူးကာပါ့ တပ်ဦးမှာတချီချီနဲ့ အောင်ရွှေစည် အောင်သံညင်းလိုက်တော့ ပြည်တွင်းမှာ ညံဆူဆူနဲ့ ကျန်ရစ်သူ ပုဂံသားတို့မှာလ အားတက်ကြမှာ။ လာစမ်းဟဲ့ မေ့သား အမယ်မင်း ထွားလိုက်တာ စစ်သားကြီး လုံးလုံး၊ ဗိုလ်မှူးကြီးရှုံးလောက်ရဲ့ ပုခုံးနဲ့လက်ပြင်၊ ကြောခြင်က သံချောင်း တနှစ်တွင်းမှာ၊ ချက်ချင်းပဲ ပြောင်းရော့ ကောင်းလိုက်ပေ့ မေ့သား ဤဇမ္ဗူ၊ တလူရှားလောက်ရဲ့ မယ်ဘွားမှာလေ ပန်းသပြေနှင့်၊ ညောင်ရေသွန်းလောင်း ပြည်ကြီးရှင် အနိုင်ရလို့ ငါ့သားလှ ပြန်လာကြောင်းကို နေ့တိုင်းပဲ တောင်းရတယ် အမယ် မမ ...

Save the Bagan လို့ရေးနေကြတာတွေ့တယ်။ ကျွန်တော်တော့ အတော်စဉ်းစားနေရတုံးပဲ။ Save Bagan လို့သာ ရေးသင့်တယ်ထင်ပါတယ်။ Save Berlin ဆိုတာရှိတယ်။ ဘာလင်မြို့ကြီးရဲ့ မြို့ပြအခြေအနေတွေကို တင်ပြတဲ့ (ပရောဂျက်) တခုဖြစ်တယ်။ မြို့တော် ဖွံ့ဖြိုးရေးအတွက်ရည်ရွယ်ပြီး၊ မလိုလားအပ်တဲ ပြုပြင်မှုလုပ်တာတွေကို ထောက်ပြမယ်။ ဘာလင်မြို့ကြီးအနာဂတ်ကို ဆောက်လုပ်ရေးသမားတွေနဲ့ အစိုးရလက်ထဲ ဝကွက်အပ်မထားလိုသူတွေကနေ ဆော်သြကြတာပါ။ နှစ်စဉ်လုပ်ပါတယ်။ ဒေါက်တာတင့်ဆွေ ၂၄-၈-၂ဝ၁၆

Mg Ponnya  ငလျှင် ချောက် ၆့၈ ပုဂံ ၆့၉ အပျက်အစီးဘယ်လောက်များတယ် အတိအကျ မသိရသေး ဓာတ်ပုံ ခရက်ဒစ် ပုဂံဘုရား Nay LA ၂၅-၈-၂ဝ၁၆ ငလျင်ပြင်းအား ၆့၈ ရှိ ငလျင်လှုပ် ထီးလိုမင်းလိုစေတီတော်အပါအဝင် ပုဂံဘုရားအချို့ ပျက်စီး Kyaw Ngwe ၁၃-၄-၂ဝ၁၆ ရေစကြိုမှာ ည ၈ နာရီ ၂၆ မိနစ်ခန့်က ငလျင်လှုပ်သွား၊ ရစ်ချတာ ၆ ကျော်မည်ထင်မိ၊ Ko Naing Htun Maung ဟာ တော်တော့ကိုပြင်းထန်တယ် ငလျင်လှုပ်တယ်ဟ Sein Win ၁၉၇၄ ပုဂံငလျှင်ဟာ ၇့၂ ထင်တယ် ဘုရားတွေပြိုတယ်။ ခုလည်း ဘယ်ကို ဗဟိုပြုသလဲ။ Tint Swe ၁၉၇၄ ပုဂံမှာ ငလျှင်လှုပ်တုန်းက ကျွန်တော် မုံရွာမြို့ ပြည်သူ့ဆေးရုံကြီးမှာ ဆေးကျောင်းသားကနေ ဆရာဝန် စဖြစ်တဲ့ပဌမနှစ်ပါ။ ၅ တန်းကနေ ၁ဝ တန်းအထိစာသင်ခဲ့တဲ့ စတိတ်တူးကျောင်းကနေထွက်တဲ့လမ်းနဲ့ အလုံလမ်းဒေါင့်က ဆေးရုံကပေးတဲ့ ခြေတံမတိုမရှည် အိမ်လေးမှာ နေရပါတယ်။ ဆေးပညာအသိနဲ့ အတွေ့အကြုံကလည်း ဟိုမရောက် သည်မရောက်။ ဘုရားစေတီ၊ တိုက်တာအဆောက်အဦတွေနဲ့ လူသူလေးပါး ငလျင်ဘေးကလွတ်ကင်းချမ်းသာကြပါစေ။ Dr. တင့်ဆွေ ၁၃-၄-၂ဝ၁၆ ၂၄-၈-၂ဝ၁၆ (နေရတဲ့နေရာနေ့စွဲ)

ကျွန်တော်က သတ်ပုံမှားတာလေးတွေ ရေးပါတယ်။ ကနေ့တော့  ပုဂံငလျင်အပျက်အစီးသတင်းတွေမှာ ဗျည်းရေးတာပါ မှားနေကြတာတွေ့တယ်။ (ဌ) နဲ့ (ဠ) လွဲနေတယ်။ စူဠာမဏိလို့ရေးရတယ်။ စူဠာမုဏိလို့ရေးတာလည်း တွေ့ပါတယ်။ ဓါတ်ပုံ = ကျွန်တော့်သူငယ်ချင်း ဆရာဝန်တယောက်က မြန်မာပြည်ကနေ တကူးတကဝယ်လာပြီး၊ အိမ်အရောက် လာပေးတဲ့ လက်ဆောင် တီရှပ်။ ကျွန်တော်က အပြင်ထွက်ရင် တီရှပ်ဝတ်လေ့မရှိတာလေး ဟိုတနေ့ကတင် ရေးထားတယ်။ မနေ့ကတော့ အင်္ဂလိပ်စာသင်ကူနေတဲ့ကျောင်းကိုဝတ်သွားတာ ကျောင်းသူတယောက်က က၊ ခ၊ မေ့တတ်လို့ ရိုက်ထားမယ်တဲ့။ Dr. တင့်ဆွေ ၂၄-၈-၂ဝ၁၆ Photo by Grace T Deih Cing

Premaston ပရိုဂျက်စတီရုန်းဆေး ၁။ ဆရာရှင့် အသက်က ၃ဝ၊ အမျိုးသမီးပါ။ ရှေ့မှာလဲ တခါမေးပြီးပါပြီ။ အခုထပ်မေးချင်တာက သမီးက ကလေးရဖို့ ကြိုးစားနေတာပါ။ အခု ဒီလ ၈ လပိုင်းအတွက် ရာသီမလာသေးပါ။ ဆီးစစ်ကြည့်တော့လဲ negative ပါ ၇ လပိုင်း တုန်းကတော့ Premaston ဟော်မုန်းဆေးသောက်ထားပါတယ်။ အဲ့ဒါသောက်ထားလို့မလာတာလား သိချင်လို့ပါ ဆရာ့ထံမှ အကြံပေးချက်လေးလိုချင်လို့ပါ။ ဆရာဝန်ပြန်ပြသင့်လားဆိုတာလေး ဖြေကြားပေးပါဆရာ။ အရင်ကမေးလို့ဖြေထားပါတယ်။ ၂။ ဆရာ Premaston ရဲ့ Side Effect လေးတွေ သိချင်လို့ပါ။ သမီးကို တနေ့ 3 လုံး 3 Weeks သောက်ခိုင်းလို့ပါ။ လောလောဆယ်တော့ ဆံပင်တွေ အရမ်းကျွတ်နေလို့ပါ။ မြင်မကောင်းအောင်ကျွတ်တာပါဆရာ။ အသက် မသိပါ။ ရာသီ မသိပါ။ အိမ်ထောင်ရေး-ကိုယ်ဝန်-ကလေး မသိပါ။ ၃။ မင်္ဂလာပါဆရာ။ ကိုယ်ဝန်က ၉ လထဲရောက်ပါပြီ။ OG က ကလေးစောမမွေးအောင် ကိုယ်ဝန်ရင့်မှသောက်တဲ့ ခိုင်ဆေး ၁၅ ရက် သောက်ခိုင်းပါတယ်။ ကလေးတခုခုဖြစ်မှာစိုးရိမ်လို့ ဆေးသောက်သင့် မသောက်သင့် ညွှန်ကြားပါဦးရှင့်။ အသက် မသိပါ။ ဆေးအမည် မသိပါ။ အသက်က ၂၈ ပါရှင့်။ ဆေးအမည်က Premaston ပါရှင့်။ ကိုယ်ဝန်က ၃၅ ပတ်ပါဆရာ။ Premaston ဆေးထဲမှာ Allylestrenol 5 mg ပါတယ်။...

မြန်မာနိုင်ငံ ရှေးခေတ်ဘာသာပြန်သမိုင်းအချုပ် (ပုဂံခေတ် အခန်း) တင်ပြသူ ဦးဝန် (မင်းသုဝဏ်)့့ တခြားလူများနှင့် ထွေးရောယှက်တင် ဆက်ဆံပေါင်းသင်းနေထိုင်ကြပြီး၊ ထိုတခြားသူတို့မှာ (က) ကရင်၊ (၂) ကုလား၊ (၃) ကန်တူး၊ (၄) ကမ်းယ့၊ (၅) ဂျွမ်း၊ (၆) ချင်း၊ (၇) စကြဝ်၊ (ဂ) တောင်သူ၊ (၉) ပျူ၊ (၁ဝ) မွန်၊ (၁၁) လဝ၊ (၁၂) သဝ်၊ (၁၃) သက်၊ (၁၄) ရှမ်း စသူတို့ဖြစ်ကြသည်။့့့့ ယခုတင်ပြသည့်စာတမ်းမှာ ထိုစာတမ်း၏ တစိတ်ပိုင်းကို ဖွင့်ဆိုဖြည့်စွက်သောစာတမ်းဖြစ်သည်။ ဒေါက်တာတင့်ဆွေ ၂၃-၈-၂ဝ၁၆ Photo from Phyo Nyein Ko

ဘာသာပြန်ဆောင်းပါး တင်ပြသူ ဦးထင်ဖတ် (မောင်ထင်)့့ ယခုခေတ်၌မူ သာမန်ရွှေလမ်းငွေလမ်းဖောက်ခြင်းထက်လွန်ကဲ၍ သတင်းစာ ရေဒီယို တယ်လီဗစ်ရှင် စသော ဆက်သွယ်ရေးပစ္စည်းများဖြင့် ဆက်သွယ်လျက်ရှိကြလေရာ နိုင်ငံတနိုင်ငံ၏ အတွေးအခေါ်၊ အကြံအစည်၊ အပြောအဆို၊ အပြုအမူ၊ အလုပ်အကိုင်တို့သည် အခြားနိုင်ငံ တနိုင်ငံသို့ ကူးစက်နိုင်သည်။့့ ဆရာမောင်ထင်ဟာ ငဘ၊ ဗမာ့အောင်ဆန်း၊ အာရှနှင့်အောင်ဆန်း၊ မြို့မကျောင်း၊ ကိုဒေါင်း၊ အတွေးပဒေသာ၊ လွတ်လပ်ခြင်း၊ မြန်မာဆယ့်နှစ်လအကြောင်း၊ မဟတ္တမဂန္ဒီတိုက်ပွဲအစ၊ အညတြရဲဘော်၊ လူလားမြောက်သောအရွယ်၊ ပိန္နဲသီး၊ ချက်ကော၏ လူ့ပုတ်သင်၊ မိုပါဆွန်၏ စိန်ပန်းကုံး၊ ရှမ်းပြည်နယ်၏ ခေတ်ပြောင်း၊ အားဆေးစားမလို့လား၊ ရိုးသားဖြောင့်မတ်ခြင်း၊ လွတ်လပ်ခြင်း၊ စတဲ့ အလွန်ကောင်းမွန်တဲ့စာတွေ အမြောက်အများရေးသားခဲ့ပါတယ်။ မောင်ထင်ရဲ့ သရော်စာတပုဒ်ကို အိုးဝေမဂ္ဂဇင်း၊ အတွဲ ၇၊ အမှတ် ၁၊ ၁၉၃၈ မှာ ဖော်ပြပုံနှိပ်ခဲ့ပါသည်။ အယ်ဒီတာဦးညိုမြနဲ့ အပြန်အလှန်သရော်စာရေးကြတာပါ။ တက်ခွေ့း့ ခွေးပြည်သည် ခွေးအဖို့ အမဲရိုးသည် ဒို့အစာ ဟောင်ခြင်းသည် ဒို့စကားဟူ၍ အောင်နက်သည် သုံးကြိမ်တိတိ အူပြီးသော် ဦးသာဝ၏လည်မြိုကို ဟပ်လေ၏။့့ ဒေ...

Scar (3) အမာရွတ် (၃) ၁။ ဆရာရှင့် လွန်ခဲ့တဲ့နှစ်ကျော်လောက်က ဆိုင်ကယ်မှောက်တာ မျက်နှာထိသွားပါတယ်ရှင်။ စိတ်လောပြီး အနာသိပ်မကျက်ခင် hiruscar လိမ်းမိပါတယ်ရှင်။ လိမ်းနေစဉ်မှာ ပျောက်ချင်ဇောနဲ့ ကြိတ်မှန်ရွက်လိမ်းမိပါတယ်ရှင့်။ အမာရွတ်ကမဲသွားတယ်ရှင့်။ နောက်ပိုင်းသနပ်ခါးကိုနေ့ပိုင်းလိမ်း ညပိုင်းအမရွတ်ပျောက်ဆေးလိမ်းပါတယ်ရှင်။ ပျောက်နိုင်ပါလား။ သမီးအမာရွတ်အရှင်းကြီး (ပုံပို့လိုက်ပါတယ်ရှင့်) ပျောက်နိုင်ပါလား ဘယ်လိုလုပ်ရမလဲရှင့်။ ၂။ ဆရာရေ သမီးအသက်က ၁၈ နှစ်ပါ။ သမီးမှာ ငယ်ငယ်လေးထဲက ခြင်ကိုက်လို့ကုတ်ရာကနေ အနာတွေ ဖြစ်လာပါတယ်။ ခုချိန်ထိလည်း မပျောက်သေးပါဘူး။ ပျောက်သွားလည်းခဏပါပဲ။ ပြီးရင်ပြန်ဖြစ်လာရော။ ခြေထောက်နဲ့ လက်တွေမှာပဲ ဖြစ်တာပါ။ အရေပြား အထူးကုတွေနဲ့လည်းပြပါတယ်။ ဒါပေမယ့်ခဏပဲဆရာ ပြီးရင်ပြန်ပြန်ဖြစ်လာရော ခုခေတ် မိန်းကလေးတွေလို အတိုအပြတ်တွေ ဝတ်ချင်လို့တော့မဟုတ်ပါဘူး လူကြားထဲသွားရင် confidence မရှိဘူးဆရာရယ်။ လမ်းညွန်ပါဦး။ သမီးကခု့့ တတ်နေပါတယ်။ ခု အသားဖြူဆေးထိုးလို့ရတယ်ဆိုတဲ့pageတခုမှာ ဆရာပြောပြထားတာတွေ့လို့ အဲ့ဒါကရောဆရာ သမီးထိုးလို့ရလား ဒါမှမဟုတ် အမာရွှတ်ပျောက်အောင် ထိုးလို့ရတာမျိုးရော ရှိလားဟင်။...

မြန်မာစာသတ်ပုံတွေကို ထောက်ပြပေးလို့ ကျေးဇူးပါဆရာ။ ဆရာကျမ်းမာပါစေ။ ကျမရေးတာ သတ်ပုံမှန်လားတော့ မသိဘူး။ (ကျမ္မာ) လို့အရင်ကရေးသားခဲ့ကြတာ အမှန်ရှိခဲ့တယ်။ အခုတော့ ကျန်းမာလို့သာရေးကြတယ်။ မှားလို့ပြောင်းတာ မဟုတ်ပါ။ ခေတ်ကာလအရ ပြောင်းတာမျိုး။ ပိုပြီးလွယ်ကူအောင်ရေးလာကြတာမျိုးသဘောဖြစ်ပါတယ်။ ဥပမာ ဆြာ၊ သ္ခင်၊ ယ္ခင်၊ ဥူး၊ စတာတွေလိုပါပဲ။ (ကလေး) ရော (ခလေး) ပါ အရင်ကတည်းက ရေးခဲ့တာရှိတယ်။ သူငယ်တန်းဖတ်စာမှာ (ကလေး) လို့လုပ်ခဲ့ပြီးသာဖြစ်လို့ (ကလေး) ကသာ သင့်မှန်ပါတယ်။ လွယ်နေပြီးသား (တ) ကို (တစ်) လုပ်တာ မမှန်သင့်ပါ။ မခက်လှတဲ့ (ပြီ) ကို (ပီ) နဲ့ (ပြီး) ကို (ပီး) လုပ်တာ မှားတယ်။ မြန်မာစာမှာ တပြေးညီ ဘယ်တုံးကမှမဖြစ်ခဲ့ပါ။ သည်လိုပဲ ဆွေးနွေးငြင်းခုံကြရတယ်။ အဲတာကောင်းတယ်။ မကောင်းတာကတော့ အထက်ညွှန်ကြားချက်အတိုင်းမဟုတ်ရင် စာမေးပွဲအမှတ်မပေးတာတို့၊ ထုတ်ဝေခွင့်မရတာတို့၊ တလုံးဘယ်လောက်ဆိုပြီး ဒဏ်ငွေတပ်တာတို့။ အဲတာ အမိန့်ရထန်းရည်ဆိုင်မြန်မာစာ။ အမိန့်ရထားရင် ရောချင်တာရောရောင်းလို့ရတယ်။ ဒေါက်တာတင့်ဆွေ ၂၃-၈-၂ဝ၁၆ ဓါတ်ပုံ = ရဲလင်းအောင် (သတင်းအမရ)

Khin Thida Wai Wai အကြောင်းအရာက အဓိကပါ။ စာလုံးပေါင်းကကိစ္စမရှိပါဘူး။ ကျန်းမာရေးဗဟုသုတတွေ အများကြီးရပါတယ်။ ကျေးဇူးပါ။ အဲလိုသဘောထားပေးတာ ကျွန်တော့်အတွက် နားလည်မှုပေးတာလို့ သဘောပေါက်ပါတယ်။ ဒါပေမယ့် လွယ်လွယ်နဲ့ ခွင့်မလွှတ်စေချင်ပါ။ ယဉ်ကျေးစွာနဲ့ ပြုပြင်ပေးကြစေချင်တယ်။ ကိုယ်ရေးတဲ့စာမှာ သဒ္ဒါမှာ၊ သတ်ပုံလွဲနေရင် အဝတ်အစားကပိုကရိုနဲ့ လူကြားထဲ ထွက်မိသလို မနေတတ်ဖြစ်ပါတယ်။ စကားလုံးလေးတလုံးရေးရေး၊ ဝါကျတကြောင်းရေးရေး မှန်အောင်ကြိုးစားသင့်တယ်။ ကျွန်တော် စာရေးတိုင်းမှားတယ်။ လူမှုရေးကွန်ရက်နဲ့ ကိုယ်ပိုင်ဘလော့မှာဖြစ်လို့ ပေါ့ဆတာလည်းပါတယ်။ ပြန်စစ်ပါတယ်။ ပြင်သေးသူတွေကပြင်ပေးလာတိုင်း ချက်ချင်းပြင်လိုက်တယ်။ ကြယ်သီးပေါက်မှားတပ်ထားတာကို သူများပြောမှသာ သိသလိုပေါ့။ ကျွန်တော့်မှာ ပြင်ရတာ (၅) နေရာရှိတယ်။ ပြင်တာပဲ။ သူများတိုင်းပြည်အမျိုးမျိုးမှာနေရတော့ အသိတခုရတယ်။ မြက်ရိတ်တာ စနစ်တကျတတ်ထားမှ အာကာသယာဉ်ကို တည်ဆောက်နိုင်တယ်။ မြက်ရှင်းပြီးရောလုပ်ရင် လယ်တောယာတော ကန်သင်းအပြင်ကို  ထွက်ရမှာမဟုတ်ပါ။ နည်းပညာဆိုတာအရေးပါသလို စည်းစနစ်ကျတာလည်းလိုတယ်။ ဝိုင်းကြဝန်းကြစို့။ ဒေါက်တာတင့်ဆွေ ၂၃-၈-၂ဝ၁၆

(ဒီပို့စ်အတွက် ကန်တော့ပါ) လိင်ကတဆင့်ကူးစက်တဲ့ ဂိုနိုးရီးယားရောဂါကို ပါးစပ်ဆေး ဆေးရည်သုံးတာနဲ့ ကာကွယ်နိုင်မယ်လို့ ကနေထွက် ဆေးသုတေသနသတင်းကဆိုလိုက်ပါတယ်။ ဂိုနိုးရီးယားရောဂါပိုးဟာ ကျားလိင်အင်္ဂါ၊ မလိင်အင်္ဂါတွေအပြင် လည်ချောင်းကထွက်တဲ့အရည်ထဲမှာနေနိုင်တယ်။ အဲဒီလမ်းကြောင်း သုံးခုလုံးကနေ ကူးစက်တယ်။ လိင်ဆက်ဆံရာမှာ ပါးစပ်သုံးလို့ လိင်ကတဆင့်ကူးစက်နိုင်တဲ့ပိုးတွေဟာ ပါးစပ် (ခံတွင်း) ထဲဝင်လာမယ်။ ရောဂါလက္ခဏာ မပြသေးပဲ ရင်ကြာကြာနေနိုင်ကြတယ်။ အဲဒီအချိန်မှာ ပါးစပ်သုံးနည်း လုပ်ရင် သူများကိုပါကူးစက်မယ်။ ပါမောက္ခ ခရစ်စတိုဖါ ဖဲယားလေးကနေ ခံတွင်းမှာ ဂိုနိုးရီးယားပိုးရှိနေကြတဲ့ ယောက်ျား ၅၈ ယောက်ကို လေ့လာမှု ပြုခဲ့တယ်။ Mouthwash theory ပါးစပ်ဆေးရည် သီအိုရီလို့ခေါ်တယ်။ လူဦးရေတဝက်ကို ဆားရေနဲ့သာပါးစပ်ဆေးစေပြီး ကျန်တဝက်ကို ဆိုင်တွေမှာ ဝယ်လို့ရနေတဲ့ Antiseptic mouthwash ပိုးသေဆေးပါ ခံတွင်းသန့်ဆေးရည်သုံးစေတယ်။ ဒုတိယအုပ်စုများ ပိုးတွေသိသိသာသာနည်းသွားတာတွေ့ရတယ်။ ဂိုနိုးရီးယားရောဂါပိုးရှိနေတဲ့ ယောက်ျား ၁ဝ ယောက်မှာ ၁ ယောက်နဲ့ မိန်းမ ၁ဝ ယောက်မှာ ၅ ယောက်သာ ရောဂါ လက္ခဏာ ခံစားရတယ်။ ဆီးလမ်းကနေ အဖြူ၊ ခပ်ဝါဝါအရည်ဆင်းမယ်။ ဆီးပူ...

ကွန်မင့်တခုကို ဖုန်းကနေ အင်္ဂလိပ်လိုရိုက်ထားပြီး ပုံနဲ့တွဲပို့ပါတယ်။ ပုံထဲမှာ တထောင့်တညပုံပြင်များစာအုပ် လေးတွဲပုံကို တွေ့ပါတယ်။ အဖုံးတိုင်းက သတ်ပုံအမှားကိုလည်း တန်းမြင်ပါတယ်။ ကျွန်တော်ကပါ အင်္ဂလိပ်လိုပြန်ရေးလိုက်ပါတယ်။ I prefer to the termite eaten old books than the brand new look-good laser-printed ones with policy spellings. ကျွန်တော်ကတော့ ခြထိုး၊ ပိုးဟပ်စားနေပေမဲ့ သတ်ပုံမှန်တဲ့စာအုပ်ဟောင်းတွေကိုသာ တန်ဖိုးထားတယ်။ လေဆာ ပရင်တာနဲ့ ကွန်ပြူတာစာစီထားတဲ့စာအုပ်သစ်တွေကို စာအုပ်စဉ်မှာ တင်မထားချင်ပါ။ လက်ဆောင်လည်း မရချင်ပါ။ ရုပ်ရှင်တွေမှာသာ မဟုတ်ပါ၊ မြန်မာစာနဲ့ စာအုပ်တွေလည်း ပေါ်လစီထုတ်တွေ များလွန်လွန်းနေတယ်။ အဲတာမျိုးကို ပေါ်လစီသတ်ပုံလို့ ခေါ်တယ်။ အရင်က အမိန်နဲ့ခိုင်းတယ်။ အခုက လုပ်ပိုင်ခွင့်နဲ့ခိုင်းတယ်။ အတူတူပါပဲ။ ဒေါက်တာတင့်ဆွေ ၂၃-၈-၂ဝ၁၆

Nay Ta Yar = ဆရာ ဆရာ့ဘော်ဒါကြီး ဒေါက်တာစိန်ဝင်း ပြည်တော်ဝင်မယ်ဟု ကြားတယ်ဆရာ။ ဆရာကော ပြည်တော် ပြန်မဝင်ခြင်သေးဘူးလားဆရာ။ ချင်၊ ခြင်၊ ချဉ် Tint Swe ဝင်ချင်သလားမေးရင် ဝင်ချင်တယ်။ ခြင်ကိုက်မှာလည်း မကြောက်ပါ။ ကျွန်တော့်ကို အသေရရ အရှင်ရရ ဖမ်းချင်သူတွေကတော့ တစခန်းသိမ်းသွားပြီထင်ရတယ်။ ဒါပေမဲ့ ချဉ်နေသူတွေ ရှိမှန်းတော့သိတယ်။ Smile! ဆင်ခြင်တုံတရားနဲ့ စဉ်းစားနေရတယ်။ သွားချင်လာချင်ပေမဲ့ လိုချင်တာမရသေးလို့ စောင့်နေရတယ်။ ဖြစ်ချင်တိုင်း ဖြစ်နေတာတွေကို လာကြည့်ချင်တာလို့တော့ မပြောပါ။ Smile! ခြင်ပုန်း၊ ခြင်ကောင်ရန်ကနေကာကွယ်ဘို့ရာ ခြင်ထောင်နဲ့အိပ်ပါမယ်။ နေ့ခင်းမှာ ခြင်ယပ်သုံးမှာပေါ့ဗျာ။ ဟောက်ဆာဂျင် လုပ်ခဲ့တဲ့ ရိုးတွင်းခြင်ဆီ စိမ့်အောင်အေးတဲ့ မေမြို့ဆောင်းကို သတိရနေတာအခါခါ။ ပုလဲက အိမ်ဟောင်းလေးမှာ အခြင်ရနယ် ပျက်နေပြီတဲ့။ No smile! ဝယ်ချင်တာတွေကို ခြင်တွယ်ဝယ်ပါမယ်။ ခွက်ခြင်ရောင်းတာတော့ မသောက်တော့ပါ။ လာလည်ရတဲ့အခါ အကြောအခြင်ပြေမှာ အမှန်ပါ။ Smile! မြန်မာပြည်ကအစားအစာတွေကို စားချင်တယ်။ ချဉ်ပေါင်၊ အချဉ်ဖတ်၊ ငါးချဉ်တွေပါစားချင်တာ။ လေချဉ်တက်ရင် ဒိန်ချဉ်ပဲသောက်မယ်။ စိတ်ချဉ်ပေါက်ပြီး၊ ချဉ်စုတ်စုတ်အရည်တွေေ...