Rescue raft စုန်တခါဆန်တချက်ကယ်နဲ့ ပျက်ရတဲ့သတ်ပုံ

တရားဦးဟောလှဲ့ပါ

ကာမဘောင် ရှုပ်အထွေးကိုလှ
ပျိုလေးမောင် မခင်လို့
ရုန်းချင်ပြီ ဆုပန်ကြားသူရဲ့
တားမြစ်ဖို့ ခွင့်မသာ။

နှစ်ကိုယ်တွဲကာပ
ဒီဝဲ သံသရာက
သောင်ခေမာ ဟိုတဖက်ဆီသို့
ဖောင်မဂ္ဂင် ဆင်ကာကူးမယ်လို့
ဆုထူးကို ပန်ညီသော်လဲ့
ပါရမီ မောင်မရင့်သော်ကြောင့်
သွားနှင့် သက်လျာ။

ဇာတ်မတူ အမူကြမ်းသူဖြင့်
သောင်ကမ်း မမြင်နိုင်လို့
တပင်တိုင် နာဝါပျက်လိုပ
သံသရာ သည်ဂယက်မှာလှ
စုန်တခါ ဆန်တချက်ကယ်နဲ့
မျောလိုက်ကွဲ့ ယောင်ချာချာ
တွယ်ရာဖြင့် ရှိနိုင်ဘူး။

သို့အကြောင်းရယ်ကြောင့်
ချစ်ဟောင်းနွယ်သာကီရဲ့
ပါရမီ ပြည့်လျှံဖြိုးကာပ
တန်ခိုးတွေ တလူလူနဲ့
ဘိက္ခူနီ ထေရီဖြစ်တော့ခါ
မောင်ချစ်ကို မယ်သနားတာဖြင့်
တရားမွန် မှန်သဘောကို
ဟောလှဲ့ပါဦး။     ။

မောင်ဝန်၏ ခေတ်စမ်းကဗျာ
ဂန္ဓလောက ၁၂၉၆ ခု။ ဒုတိယဝါဆိုလ။

မှတ်ချက် -
သောင်ခေမာ ဟိုတစ်ဖက်ဆီသို့ မဟုတ်ပါ။
တစ်ပင်တိုင် နာဝါပျက်လိုပ မဟုတ်ပါ။
စုန်တစ်ခါ ဆန်တစ်ချက်ကယ်နဲ့ မဟုတ်ပါ။
တန်ခိုးတွေ တစ်လူလူနဲ့ မဟုတ်ပါ။
နာဝါ = လှေ
မောင်ဝန် = မင်းသုဝဏ်
၁၂၉၆ = ၁၉၃၄

မြန်မာစာသင်္ဘောပျက်ကြီးကို ဝါးဖေါင်နဲ့ကယ်ကြပါခင်ဗျား။

ဒေါက်တာတင့်ဆွေ
၁၄-၈-၂ဝ၁၆

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး