Hysteria ဟစ်တီးရီယား

၁။ Hysteria ဖြစ်ရတဲ့အကြောင်းကို ဗဟုသုတအနေနဲ့ သိချင်ပါတယ်ဆရာ။ ကျေးဇူးတင်ပါတယ်ဆရာ။

၂။ Hysteria အကြောင်းလေးကို သိချင်လို့ မှတ်စုလေးရေးပေးပါ။ တချို့က ဆေးပညာရောဂါနာမည် မဟုတ်ကြပါဘူးတဲ့။ အရပ်ခေါ်ပေါ့နော်။ ပိုပြီး နားလည်သိချင်တာက အိမ်ထောင်ပျက်ထားတာမျိုး၊ ရည်းစားနဲ့ကွဲထားတာမျိုး ဖြစ်ခဲ့ဘူးသော အိမ်ထောင်မကျသေးသော အပျိုကြီးတွေမှာ ပိုပြီးတော့ အဲ့လို စရိုက်လက္ခဏာ ခပ်ကြောင်ကြောင်၊ ခပ်ဂေါက်ဂေါက်မျိုးတွေ ပိုဖြစ်တတ်ပါသလား။

၃။ Hysteria ကုထုံးအနေနဲ့ရော ဘယ်လိုမျိုးတွေရှိတတ်လဲ ဆရာ။ ကျွန်တော်တို့မှာ ဆေးပညာဆိုင်ရာ ဝေါဟာရပဲဖြစ်ဖြစ်၊ ရောဂါဗေဒနဲ့ပဲဖြစ်ဖြစ် လက်လှမ်းဝေးရပါတယ်။ သာမန်အဘိဓါန်ဆိုတာကလည်း လုံလောက်တဲ့ ရှင်းလင်းချက် အပြည့်အစုံ မပါပါဘူး။ ကျွမ်းကျင်ဆရာဝန်နဲ့ ဆွေးနွေးဖို့ဆိုတာကလည်း ကိုယ့်မိတ်ဆွေအသိုင်းအဝိုင်းထဲမှာ ဆရာဝန်ရှိအုံးမှပါ။ ရှိပြန်လို့ ဆွေးနွေးပြန်ရင်လည်း တော်တော်များများက သူတို့ ပြောပြတာကိုသာ နားထောင်စေချင်တာ။ သာမန်လူတွေနဲ့ ဆွေးနွေးခြင်းကို မလိုလားသလို ခံစားရပါတယ်။

ဟစ်တီးရီယားဟာ စိတ်ပညာသုံးဝေါဟာရအစစ်တော့ မဟုတ်ပါ။ ထိန်းမနိုင်တဲ့ စိတ်လှုပ်ရှားမှု ပြင်းထန်လွန်းတဲ့ အခြအနေကို ခေါ်တယ်။ ကိုယ့်ကိုယ်ကို မထိန်းနိုင်တာမျိုးလို အဖြစ်အပျက်တွေမှာလဲ သုံးပါတယ်။ တကယ်ရှိတဲ့ ကိုယ်ခန္ဓာအစိတ်အပိုင်းမှာဖြစ်ဖြစ် စိတ်ကူးထဲက အစိတ်အပိုင်းမှာဖြစ်ဖြစ်ကို ဗဟိုပြုပြီး ကြောက်လွန်းတာမျိုးကို ခေါ်တယ်။

Female hysteria မိန်းမ ဟစ်စတီးရီယား
ဆေးပညာဖခင်ကြီး ဟစ်ပိုကရေးတီးစ်ကနေပေးခဲ့တဲ့နာမည်ဖြစ်တယ်။ အဲဒီကာလမှာ အမျိုးသမီးတွေမှာသာ ဖြစ်တယ်လို့ယူဆပြီး ဂရိဘာသာနဲ့ သားအိမ်ကို အထူးပြုပြီး ဒီနာမည်ပေးခဲ့တာဖြစ်ပါတယ်။ သမိုင်းကြောင်းမှာလည်း အမျိုးသမီးတွေက ဇာတ်လိုက်မင်းသမီးဖြစ်တယ်။ နောက်ပိုင်းမှာ လိင်ပိုင်းဆိုင်ရာ ချို့ယွင်းချက် ရှိတာနဲ့ တွဲခေါ်လာတယ်။ လိင်ဆန္ဒမပြည့်ဝသူမျိုးကို ဒီနာမည်တပ်ပြီး ကုသမှုပေးရတာရှိတယ်။

အရင်ကတော့ အများကလက်ခံခဲ့တဲ့ အသုံးအနှုန်းဖြစ်တယ်။ လူကြားထဲ သတိလစ်မေ့မြောသွားတဲ့အခါ ရုပ်ရှင် ပြဇာတ်တွေထဲမှာ သရုပ်ဆောင်မင်းသမီးတွေလို လှလှလေး လဲကျသွားတာမျိုး။ ဒါ့ပြင် ဂနာမငြိမ်ဖြစ်တာ၊ လိင်စိတ် ဖြစ်ပေါ်တာ၊ စားချင်စိတ်နဲ့ လိင်စိတ်နည်းတာ၊ အိပ်မပျော်တာ၊ အသက်ရှူမဝတာ၊ စိတ်တိုတာတွေပါတယ်။

ရောဂါတခုခု သတင်းထွက်ပေါ်လာတဲ့အခါ လူတွေအားလုံးကနေ ကြောက်စိတ်၊ စိုးရိမ်စိတ်တွေ အကြီးအကျယ်ဖြစ်တာကို Mass hysteria လို့ ခေါ်ကြတယ်။ Salem witch trials လို့နာမည်ကြီးတဲ့ စုန်းမလို့စွပ်စွဲခံရသူကို တရားစီရင်တဲ့အခါ လူတွေ အထိန့်တလန့် ဖြစ်ကြတာမျိုး။

အခုနောက်ပိုင်းမှာ Somatoform နဲ့ Dissociative ဆိုပြီး ၂ မျိုးခွဲခြားလိုက်ပါတယ်။ Hysterical neurosis ကိုလဲ Conversion disorder လို့ခေါ်ပါတော့တယ်။ Schizophrenia စကီဇိုဖရီးနီးယား၊ Conversion disorder, Anxiety attacks စတဲ့ စိတ်ရောဂါတွေမှာ အဲလို လက္ခဏာမျိုးတွေ တွေ့နိုင်ပါတယ်။

ဟစ်တီးရီးယားကို သာမန်စိတ်ရောဂါအတန်းအစားလို့ သတ်မှတ်တယ်။ Psychoneurosis ဆိုက်ကိုနူရိုးဆစ်တခု ဖြစ်တယ်။ ပြင်းထန်တဲ့စိတ်လှုပ်ရှားမှု၊ ကြောက်စိတ်နဲ့ ဆောက်တည်ရာမရဖြစ်မှု၊ အာရုံခံရော လှုပ်ရှားနိုင်စွမ်းရှိတဲ့ အာရုံကြောစနစ်တွေကိုပါ သက်ရောက်မှုတွေကို ခံစားနေရနိုင်တယ်။ ကိုယ်အင်္ဂါအစိတ်အပိုင်းတွေမှာ ပြစ်ချက်ရှာမရဘဲ မထိန်းနိုင်မသိမ်းနိုင် အမူအယာပျက်ယွင်းမှုဖြစ်တယ်။

ဖြစ်စေနိုင်တဲ့အကြောင်းခံတွေကတော့ -
• Past trauma အတိတ်ကာလ စိတ်ဒဏ်ရာ၊
• Conflict ပဋ္ဋိပက္ခဖြစ်တာ၊
• Undue stress လိုတာထက်ပိုတဲ့ စိတ်ဖိစီးမှု၊
• History of abuse မတော်မတရားအပြုခံခဲ့ရမှုတွေ ဖြစ်နိုင်တယ်။

နောက်သီအိုရီတခုအရ Repression of sexual လိင်ပိုင်းဆိုင်ရာ ဖိနှိပ်မှု (လွှမ်းမိုးမှု) နဲ့ Aggressive behavior ကြမ်းတမ်းတဲ့အမူအယာတွေကနေ စေ့ဆော်တယ်လို့ ဆိုပါတယ်။

အမှန်မှာ Personality disorders လူ့ပုဂ္ဂိုလ်ရေးမူ မမှန်ခြင်းတွေထဲက တခုသာဖြစ်တယ်။ လူတယောက်ဟာ လူမှုအသိုင်းအဝိုင်းထဲမှာတော့ အောင်မြင်သူဖြစ်နေပေမဲ့ သူ့တကိုယ်ရေဆက်ဆံရေး (အချစ်ရေး၊ အိမ်ထောင်ရေး) မှာ ပြဿနာ ရှိနေသူမျိုးမှာ ဖြစ်တတ်တယ်။ သူ့ခံစားချက်တွေကို လိုတာထက်ပိုပြီး ထုတ်ပြောမယ်။ သူများနဲ့မတူ ထူးခြားနေမယ်။ ခပ်ထိမ်ထိမ်သာဖြစ်ပေမဲ့ သူ့ကိုယ်သူ ဗဟိုပြု ထင်နေ၊ ပြောနေမယ်။ ဝမ်းနည်းစရာ၊ အနုတ်သဘော ဆောင်တာတွေ ဖြစ်မယ်။ သူများကဂရုစိုက်လာစေချင်နေမယ်။ နာနေကိုက်နေတာ၊ ပျို့-အန်နေတာ၊ ဗိုက်နာနေတာ၊ လိင်အကြောင်းပြောပြတာ၊ လေဖြတ်သလိုဖြစ်နေတာ၊ မျက်စိကောင်းကောင်းမမြင်နိုင်တာ၊ အနံ့-အရသာ-အထိအတွေ့ အားနည်းတာ၊ စိတ်ကနေမခိုင်းဘဲ မျက်လုံး၊ မျက်ခုံး၊ ကြွက်သားတွေလှုပ်နေတာ၊ ဒူးဆစ်ကွေးနေတာမျိုးတွေ ဖြစ်လေ့ရှိတယ်။

ဆေးကုသခြင်း
• Antidepressants နဲ့ Anxiolytics စိတ်မကျဆေး၊ စိုးရိမ်စိတ်နည်းဆေးတွေ ပေးနိုင်တယ်။
• နာတာကိုက်တာအတွက် Painkillers ဆေးတွေပေးနိုင်တယ်။
• Psychotherapy စိတ်ပိုင်းကုသမှု လိုမယ်။

ဒေါက်တာတင့်ဆွေ