မဟာမြတ်မုနိ

မဟာမြတ်မုနိဆိုရင် = ကြီးမြတ်လှသော မြတ်စွာဘုရားလို့ အဓိပ္ပါယ်ရတာလား ဆရာ။

မြန်မာစာနဲ့ ပါဠိ ရောထားတဲ့စာလုံးဖြစ်တယ်။

မဟာကို ပါဠိ-မြန်မာအဘိဓာန်မှာ ကြီးသော၊ မြတ်သော၊ ကြီးကျယ်သော၊ မွန်မြတ်သောလို့ ဖွင့်ဆိုတယ်။

မုနိကို ပါဠိ-မြန်မာအဘိဓာန်မှာ ဆိတ်ဆိတ်သောအကျင့်ယှိသောသူ။ ဥာဏ်ပညာနှင့်ပြည့်စုံသောသူ။ ပစ္စုပ္ပန်ကာလ အတိတ်ကာလကိုသိသောပုဂ္ဂိုလ်။ ရဟန်း။ ရဟန္တာလို့ရေးထားတယ်။

သရုပ်ပြမာတိကာကျမ်းမှာ မုနိ (၅) ပါး
၁။ ပစ္စေကမုနိ - ပစ္စေက ဗုဒ္ဓါ။
၂။ သေက္ခမုနိ - သောတာပန်၊ သကဒါဂါမ်၊ အနာဂါမ် ပုဂ္ဂိုလ်။
၃။ အသေက္ခမုနိ - ရဟန္တာ။
၎။ အဂါရမုနိ - အိမ်ရာထောင်ပြီးမှဖြစ်သော ရဟန္တာ။
၅။ အနာဂါရမုနိ - အိမ်ရာမထောင်ဘဲ ဖြစ်သော ရဟန္တာ။

လက်လှမ်းမိသလောက်သာ ဖြစ်ပါတယ်။

ဘုရားဘွဲ့တော် အမည်တော်တွေကို သက်ဆိုင်ရာဘုရားအကြောင်းရေးတဲ့စာတွေထဲမှာပါရှိပါမယ်။ ကျွန်တော်က စာလုံး အဓိပ္ပါယ်ကိုသာ တင်ပြတာဖြစ်တယ်။

ဒေါက်တာတင့်ဆွေ
၁၈-၃-၂ဝ၁၈

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး