Tri Color သုံးပန်လှ
နေမကောင်းတာသက်သာလာချိန်မှာ လှဲနေရင်း တီဗွီကြည့်ပါတယ်။ ခဏနေ ကွန်ပြူတာဆီရောက်လာတယ်။ မေးတာတွေဖြေ၊ သူများတင်တာတွေ ဖတ်တယ်။ ကနေ့တော့ အိမ့်ရှင်မက တရားဖွင့်ထားလို့ အလုပ်သုံးမျိုးလို့ပြောရမယ်။
မြန်မာပြည်ကုန်းဘောင်ခေတ်နဲ့အပြိုင် အမေရိကန်နိုင်ငံ စတင်ထူထောင်စဉ်က အကြောင်းတွေရိုက်တဲ့ ရုပ်ရှင်တွေ ကြည့်ဖြစ်တယ်။ သေနတ်နဲ့ ဥပဒေကြား အားပြိုင်တဲ့ကာလကပါ။ စာတမ်းထိုးလည်းပါတယ်။ သူတို့လည်း အင်္ဂလိပ်သဒ္ဒါ မှားတာတွေပါတယ်။
ကွန်ပြူတာဆီပြန်လာတော့လည်း သေနတ်နဲ့ ဥပဒေကြားအားပြိုင်တာ ဖတ်ရတယ်။ မေးတာတွေရော တင်ကြတာတွေမှာ မြန်မာသဒ္ဒါနဲ့ သတ်ပုံတွေ မှားတာတွေပါတယ်။
တရားတော်ထဲမှာ ဇာတ်စနစ်အားကြီးလှတဲ့ဒေသမှာ မြတ်စွာဘုရားက အဲဒီအစွဲမှားကြီးကို ကြိုးစားချွတ်တဲ့အကြောင်းတွေ နာရတယ်။ ကျွန်တော်က အဲဒီဒေသမှာ ၂၄ နှစ်ကြာခဲ့တော့ အခုလည်း အစွဲကြီးနေကြဆဲလို့ မျက်မြင်ကိုယ်တွေ့သိတယ်။
ကွန်ပြူတာဆီပြန်လာတော့ မြန်မာပြည်မှာ အခုလည်း အစွဲကြီးနေကြဆဲလို့ သိရတယ်။
ဒေါက်တာတင့်ဆွေ
၂၈-၃-၂ဝ၁၈
Comments
Post a Comment