Fungal infections မှိုရောဂါများ

ဆရာရှင့် ရိုသေစွာဖြင့် မေးခွင့်ပြုပါရှင့်။ ကျား (69) နှစ်ပါ။ ကျွန်မအဖေပါ။ အရေပြားပေါ်မှာ နီနီအ၀ိုင်းကွက်တွေပါ။ ခုတလောမှ  လက်မောင်းအတွင်းသားတွေ ချိုင်းနောက်ဘက်တွေမှာပါ ရှိလာတာကို သတိထားမိလို့မေးကြည့်တော့မှ ဖြစ်တာ ကြာပြီး fungiderm ဆေးလိမ်းတယ်လို့တော့ပြောပါတယ်ရှင့်၊ အရင်က ပေါင်ခြံတွေမှာပဲ ရှိတယ်လို့ ပြောပါတယ်ရှင့်။ ပုံမှန် တကိုယ်ရည် သန့်ရှင်းရေး လုပ်ပါတယ်ရှင့်။ လွန်ခဲ့တဲ့ 10 နှစ် နယ်ကို တာဝန်ကျလို့ 1 နှစ်သွားရာက ဖြစ်လာတယ်လို့ပြောပါတယ်ရှင့်။ ဘယ်လို ကုသမှုမျိုးလုပ်ပေးရမလဲ ဆရာရှင့်။ ကျေးဇူးတင်ပါတယ် ဆရာရှင့်။

Fungal Infections (Mycotic infections) မှိုရောဂါတွေကိုအကြမ်းအားဖြင့် အပေါ်ယံနဲ့ အတွင်းပိုင်း ဖြစ်တာတွေလို့ ခွဲခြားထားတယ်။ ဆိုးဝါးတာရော ကုသရတာပါမတူကြဘူး။ Superficial Fungal Infections ကိုယ်ခန္ခာ အပေါ်ယံမှာ ဖြစ်တာတွေကို ဦးစားပေးရေးပါမယ်။ ဦးရေခွံကနေ ခြေမအထိဖြစ်နိုင်တဲ့ရောဂါပါ။

Principles of Treatment မှို-ပွေးရောဂါတွေကိုကုသတဲ့အခါ အခြေခံအားဖြင့် ဘယ်မှိုပိုးလဲဆိုတာဆေးစစ်နည်းတွေနဲ့ သေခြာအောင်လုပ်မှ ကောင်းတယ်။ ထင်တဲ့ဆေးသုံးနေရင်းမပျောက်နိုင်လို့ ဆေးစစ်တော့ ပိုခက်စေနိုင်တယ်။ မှိုရောဂါ အများစုကိုလိမ်းဆေးနဲ့ရတယ်။ လက်သည်း-ခြေသည်းမှာဖြစ်ရင်တော့ လိမ်းဆေးနဲ့တင် မရဘူး။
• အရေပြားမှာ ဖြစ်တာတွေအတွက် Griseofulvin ဆေးကအများဆုံးသုံးပြီးစိတ်ချရတယ်။ ဦးရေခွံနဲ့ လက်သည်း-ခြေသည်းတော့ ဒီဆေးနဲ့မရဘူး။
• Itraconazole နဲ့ Terbinafineဆေးတွေက Dermatophytes အတွက် ပိုကောင်းတယ်။ Griseofulvin ပေးတာထက် ရက်တိုတယ်။
• Fluconazole ဆေးကတော့ Yeasts ဖြစ်တာအတွက် အကောင်းဆုံးဖြစ်တယ်။ ဥပမာMucocutaneous candidiasis အရေပြားနုလေးတွေမှာဖြစ်တာမျိုး။
• Itraconazole, Fluconazole နဲ့ Terbinafine ဆေးတွေကအသဲကောင်းနေသူတွေအတွက်သာသုံးသင့်တယ်။ Dermatophytosisအတွက်တော့နိုင်တယ်။
• Ketoconazole ဆေးကို Dermatophytosis အတွက် တလကျော်ပေးရင် အသဲကိုထိခိုက်စေလို့ အခုမသုံးကြတော့ဘူး။ Tineaversicolor ဖြစ်တာအတွက်တော့ ကောင်းတယ်။

1) Tinea Corporis or Tinea Circinata (Body Ringworm) ကိုယ်ခန္ခာ-မှို (ပွေး)၊
• Miconazole, Clotrimazole, Butenafineနဲ့ Terbinafine လိမ်းဆေးတွေ ပေးရတယ်။
• Terbinafine နဲ့ Butenafine ဆိုရင် ရက်တိုတိုနဲ့ရတယ်။
• မျက်မြင်မှာ ကင်းစင်နေပေမဲ့ နောက်ထပ် ၁-၂ ပါတ်အထိဆေးပေးရတယ်။
• Betamethasone Dipropionate with Clotrimazole (Lotrisone) ဆေးမသုံးရဘူး။
• စားဆေးအဖြစ် Griseofulvin (ultramicrosize) 250–500 mg တနေ့ ၂ ကြိမ်၊ ၄-၆ ပါတ်။
• Itraconazole 200 mg တနေ့ ၁ ကြိမ်၊ ၇ ရက်။
• Terbinafine 250 mg တနေ့ ၁ ကြိမ်၊ ၁ လ။

2) TineaCruris (Jock Itch) ဂျွတ်
• ပေါင်ခြံနဲ့ တင်ပါးနေရာတွေမှာဖြစ်တယ်။ လက်သည်းမှိုနဲ့ပါတွဲနေတတ်တယ်။ အတော်ယားတယ်။
• Miconazole nitrate (Zeasorb-AF) powder ဆေးမှုံ့သုံးပါ။ အတွင်းခံချောင်တာဝတ်ပါ။
• Terbinafine cream ကိုတနေ့ ၁ ကြိမ်၊ ၇ ရက် လိမ်းရင် လူနာ ၈ဝ% ကျော်ပျောက်တယ်။
• Griseofulvinultramicrosize 250–500 mg စားဆေးတရက် ၂ ကြိမ်၊ ၁-၂ ပါတ်သောက်ပါ။ ဒါမှမဟုတ်
• Itraconazole 200 mg တနေ့ ၁ ကြိမ်၊ ၇ ရက်။ ဒါမှမဟုတ်
• Terbinafine 250 mg တနေ့ ၁ ကြိမ်၊ ၇ ရက်။

3) Tinea Manuum & Tinea Pedis (Dermatophytosis, Tinea of Palms & Soles) ကို Athlete's Foot အားကစားသမားခြေထောက်လို့ အခေါ်များတယ်။ ခြေချောင်းတွေကြားမှာဖြစ်တယ်။ ယားမယ်၊ စပ်ပူစပ်လောင် နေမယ်။

ဖြစ်စမှာ -
- Aluminum subacetate solution ဆေးရည်ထဲမှာမိနစ် ၂ဝ ကြာ၊ တနေ့ ၂ ခါ စိမ်ထားပါ။
- Imidazoles or Ciclopirox ခရင်မ်-ဆေးရည် တနေ့ ၁ ခါ၊ တပါတ်ကြာသုံးရင် ဗက်တီးရီးယားဝင်နေတာတွေ ကောင်းသွားမယ်။ အဲဒါနဲ့မရသေးရင် Terbinafine or Butenafine ကိုတနေ့ ၁ ခါ၊ တပါတ်ကြာလိမ်းပါ။

နောက်ပိုင်းမှာ -
- Griseofulvin 250–500 mg စားဆေးတရက် ၂ ကြိမ်၊ ၁-၂ ပါတ်သောက်ပါ။ ဒါမှမဟုတ်
- Itraconazole 200 mg တနေ့ ၁ ကြိမ်၊ ၂ ပါတ်၊ ဒါမှမဟုတ် Itraconazole 400 mg တနေ့ ၁ ကြိမ်၊ ၁ ပါတ်၊ ဒါမှမဟုတ်
- Terbinafine 250 mg တနေ့ ၁ ကြိမ်၊ ၂-၄ ပါတ်၊

4) TineaVersicolor (PityriasisVersicolor) ညှင်း
• ကူးစက်ရောဂါ မဟုတ်ပါ။
• Selenium sulfide lotion ဆေးလိမ်းပါ။ လည်ပင်းကနေခါးအထိတနေ့ ၁ ခါ၊ ဆေးကို ၅-၁၅ မိနစ်ကြာထားပါ။ တလမှာ ၇ ရက်လိမ်းပါ။
• Ketoconazole shampo- 1% or 2% တခါလိမ်း ၅ မိနစ်၊ တလမှာ ၇ ရက်။
• Ketoconazole 200 mg တနေ့ ၁ ခါ၊ ၇ ရက် သောက်ပါ။ ဒါမှမဟုတ် Ketoconazole 400 mg တကြိမ်ထဲသောက်ပါ။ ဆေးသောက်ပြီးရင် ၈-၁၂ နာရီအတွင်းရေမချိုးပါနဲ့။ ပူအိုက်တဲ့နေရာဒေသတွေမှာတခါထဲသောက်ဆေးမတိုးတတ်ပါ။ များရင်လဲအသဲထိုခိုက်မှာစိုးရတယ်။ fluconazole 300 mg ကိုတခါသောက်ပြီးနောက် ၁၄ ရက်မှာတခါထပ်သောက်ပါ။
• Imidazole creams, solutions, and lotions လိမ်းဆေးတွေကနေရာကွက်ဖြစ်တာအတွက်ရတယ်။

5) Scalp fungus = Scalp ringworm ဦးရေခွံပွေး (မှို) ခေါ်တဲ့ (ဖန်းဂတ်စ်) ခေါ်တယ်။
Griseofulvin စားဆေးကို၈-၁၂ပါတ်အထိသောက်ရတယ်။ အသက် ၁၂ နှစ်ကျော်ရင် တခါသောက် ၁ ပြား၊ တနေ့၂ကြိမ်။ ငယ်ရင် ကိုယ်အလေးချိန်အရ လျှော့သောက်ရမယ်။
Terbinafine ကိုလဲအစားထိုးပေးနိုင်တယ်။ Itraconazoleနဲ့ Fluconazole ကိုလဲသုံးနိုင်တယ်။
Antifungal creams and shampoos လိမ်းဆေးနဲ့ခေါင်းလျှော်ရည်လဲလာတယ်။ စားဆေးလောက်မထိရောက်ပါ။ စားဆေးပါသောက်ပြီးခေါင်းလိမ်းရင်တပါတ်မှ၂ခါသာလိမ်းပါ။

မှိုရောဂါမဖြစ်အောင်၊ ပျောက်ပြီးနောက်မပေါ်အောင် စိုထိုင်းနေတဲ့ အရေပြားမျိုးဟာမှိုတွေကိုဖိတ်ခေါ်နေတာကိုသတိပြု ဆင်ခြင်ပါ။ ရေချိုး-ဆေးကြောပြီးရင် ခြောက်သွေ့အောင်လုပ်ပါ။ ကိုယ်လိမ်းပေါင်ဒါ သုံးနိုင်တယ်။ တခြားရောဂါအတွက် Corticosteroids (စတီရွိုက်) ဆေးလိမ်းနေရရင် Candidal infection ထပ်ဝင်လာလို့ Antifungals မှိုဆေးပါ တွဲလိမ်းရတတ်တယ်။

ပဋ္ဋိဇီဝဆေး၊ စတီရွိုက်ဆေး၊ immunosuppressant drugs ခုခံအားကျအတွက်ဆေးနဲ့ contraceptives ကိုယ်ဝန်တားဆေးတွေသုံးနေရသူတွေမှာမှိုရောဂါကိုပိုဆိုးစေနိုင်တယ်။ Endocrine disorders ဟော်မုန်းရောဂါ၊ Immune diseases ရောဂါပြီးစနစ်ရောဂါ၊ လူဝလွန်းတာ၊ AIDS ရောဂါ၊ တီဘီ၊ ကြီးမားတဲ့ မီးလောက်နာ၊ လူကီးမီးယား၊ ဆီးချိုရောဂါ ရှိနေသူတွေမှာလဲမှိုရောဂါ ဆိုးစေနိုင်သေးတယ်။ ပဋ္ဋိဇီဝဆေးကြောင့်လဲ မှိုရောဂါရလာနိုင်တယ်။

မှိုရောဂါ ဟုတ်-မဟုတ်စစ်ရာမှာ KOH (Potassium hydroxide) နည်းသုံးတယ်။ နောက်ပြီး Wood's ultraviolet lamp မီးနဲ့ကြည်ရင်လဲသိတယ်။ လိုအပ်ရင် Culture and sensitivity test လုပ်ရတယ်။

ဒေါက်တာတင့်ဆွေ