Elective Dictatorship ရွေးချယ်တင်မြှောက်ခြင်းခံထားရတဲ့ အာဏာရှင်

ဆရာ တခုမရှင်းလို့ပါ Elective dictatorship ရွေးချယ်တင်မြှောက်ခြင်းခံထားရတဲ့အာဏာရှင်က ရွေးချယ်ခံရတယ်လည်း ပြောတယ် ပြီးတော့ ဘယ်လိုလုပ်ပြီး အာဏာရှင်ဖြစ်သွားတာလဲ ဒါမှမဟုတ် ရွေးချယ်တင်မြှောက်ပြီးနောက်ပိုင်းမှ သူ့လုပ်ရပ်တွေက အာဏာရှင်ဆန်လာတာကို ဆိုလိုတာလား။

Elective Dictatorship ရွေးချယ်တင်မြှောက်ခြင်းခံထားရတဲ့ အာဏာရှင်ကို ဗြိတိန်မှာ Executive dominance လို့လည်း ခေါ်တယ်။ ပါလီမန် ခေါ်လွှတ်တော်ကို တက်နေတဲ့အစိုးရက လွှမ်းမိုးထာတာမျိုး။ ဥပဒေပြုတာမှာပါ အုပ်ချုပ်ရေးမှာသာ တာဝန်ရှိတဲ့အစိုးရကနေ လွှမ်းမိုးတာမျိုး။

ခပ်ဆင်ဆင် ဖြစ်စဉ်တွေလည်းရှိပါတယ်။ ရွေးကောက်ပွဲမှာ အနိုင်ရသူမှန်ပြီ၊ တိုင်းပြည်ကို စဉ်တိုက်ဆက်တိုက် အုပ်ချုပ်နေနိုင်ခြင်းမျိုးတွေမှာ မေးခွန်းထုတ်စရာတွေ ရှိတယ်။ ဥပမာတွေလည်း များပါတယ်။

ဇင်ဘာဗွေသမတ ရောဘတ်မူဂါဘေက အထင်ရှားဆုံးတွေထဲကတယောက်ဖြစ်တယ်။ ၁၉၈ဝ-၁၉၈၇ မှာ ဝန်ကြီးချုပ် ဖြစ်တယ်။ ၁၉၈၇ ကနေ ၂ဝ၁၇ အထိ သမတဖြစ်တယ်။  ၁၅-၁၁-၂ဝ၁၇ နေ့မှာ စစ်တပ်ကနေ သူ့ကို ဖယ်ရှားလိုက်တယ်။ သူဟာ ရွေးကောက်ပွဲနည်းနဲ့သာ အာဏာရခဲ့တာဖြစ်တယ်။

ထိုင်းနိုင်ငံမှာ ဝန်ကြီးချုပ် တပ်ဆင်ရှင်နာဝပ်ဟာလည်း ရွေးကောက်ပွဲနည်းနဲ့သာ အာဏာရခဲ့တာဖြစ်တယ်။ ၂ဝဝ၁ ခုနှစ် ရွေးကောက်ပွဲနဲ့ ၂ဝဝ၅ ရွေးကောက်ပွဲတွေမှာ အနိုင်ရခဲ့တယ်။ ၂ဝဝ၆ ခုနှစ် စက်တင်္ဘာ ၁၉ ရက်မှာ စစ်တပ်က အာဏာသိမ်းယူလိုက်တယ်။ တပ်ဆင်လည်း အခုထိ ပြည်ပမှာသာနေရပြီး သူ့နောက် ၂ဝ၁၁-၂ဝ၁၄ မှာ ဝန်ကြီးချုပ် ဖြစ်ခဲ့တဲ့ သူ့နှမ ယင်းလတ်ရှင်နာဝပ်လည်း အရေးယူခံနေရတယ်။

ကျွန်တော် ၁၉၉၈ ကမ္ဘောဒီးယားရွေးကောက်ပွဲမှာ နိုင်ငံတကာလေ့လာသူအဖြစ်ပါခဲ့တယ်။ အဲဒီကတည်းက ဟွန်ဆင် ဝန်ကြီးချုပ်ဖြစ်နေတာ ကနေ့အထိပါ။

ဇင်ဘာဗွေ၊ ထိုင်းနဲ့ ကမ္ဘောဒီးယားတို့ရဲ့ အခြေအနေတွေ မတူဘူးဆိုပေမဲ့ ဆင်တာလည်းရှိတယ်။ ဒီမိုကရေစီ ပါရာဒေါက်စ် တမျိုးဖြစ်တယ်။ ရုရှားသမတ ဗလာဒီမာပူတင်၊ လက်ရှိ တရုပ်ခေါင်းဆောင် ဇီဂျန်းပင်တို့ဇာတ်လမ်းတွေကလည်း တမျိုးစီ။

မြန်မာပြည်က အဖြစ်သနစ်က တခြားတိုင်းပြည်တွေနဲ့ မတူပါ။ ဦးနေဝင်းဟာ တပါတီစနစ်နဲ့ တပါတီတည်း ရွေးကောက်ပွဲ လုပ်ပြီး ၁၉၇၄ ကနေ ၁၉၈၈ အထိအုပ်ချုပ်တယ်။ လက်ရှိဖွဲ့စည်းပုံက အလွန်ဆန်းတယ်။ တိုင်းပြည်မှာ အရေးပါတာမှန်သမျှ အရွေးခံရတဲ့ အရပ်သားလူတဦးချင်းကိုပေးတာ မဟုတ်ဘဲ၊ စစ်တပ်ဦးစီး တဦးချင်းကိုသာ ပေးထားတာ။ ဗိုလ်ချုပ်နေဝင်းနဲ့ ဆင်တာက အရံအင်အားအဖြစ် ပါတီကြီးတခုထားတယ်။ လက်ကိုင်တုတ်အဖွဲ့တွေထားတယ်။ အခုပိုလာတာက အရပ်သားလည်းမဟုတ်၊ စစ်သားလည်းမဟုတ်တဲ့ အင်အားစုကိုပါ မွေးထုတ်ထားသေးတယ်။ သေချာတွက်ကြည့်ရင် ရွေးချယ်တင်မြောက်ခြင်းခံရတဲ့ အရပ်သားဟာ အဏာရှင်မဖြစ်နိုင်။ အရွေးမခံရသူသည်သာ။

အခုဥပမာတွေက ခေါင်းဆောင်ဖြစ်လာခြင်းကိုသာပြောတာဖြစ်ပြီး အုပ်ချုပ်နည်းတွေ မပါသေးပါ။ ရှည်မှာစိုးလို့ ဒီစာထဲ မရေးတော့ပါ။

1. Constitutional dictatorship ဖွဲ့စည်းပုံအာဏာရှင် https://doctortintswe.blogspot.com/2014/11/constitutional-dictatorship.html
2. Current World Dictators http://www.planetrulers.com/current-dictators/
3. Dictators and Rulers အာဏာရှင်ကြီးများနှင့် အုပ်စိုးသူများ https://doctortintswe.blogspot.com/2017/11/dictators-and-rulers.html
4. Dictators research အာဏာရှင်စာရင်းပြုစုခြင်း အာဏာရှင်အုပ်ချုပ်နေသောနိုင်ငံများ http://www.ranker.com/list/countries-ruled-by-dictatorship/reference
5. Dictatorship worship အာဏာရှင်ကို ကိုးကွယ်ခြင်း https://doctortintswe.blogspot.com/2017/06/dictatorship-worship.html
6. Dictatorship အာဏာရှင်အမျိုးမျိုး https://doctortintswe.blogspot.com/2015/12/dictatorship.html
7. http://www.amazon.com/The-Rape-Nanking-Forgotten-Holocaust/dp/0465068367 နန်ကင်ကို အဓမ္မပြုကျင့်ခြင်းစာအုပ် ကျွန်တော့်ဆီမှာရှိတယ်။
8. http://www.amazon.com/Ugly-Americans-Cowboys-Markets-Millions/dp/0060575018 အမေရိကန် ကိုရုပ်ဆိုးစာအုပ်လည်း ဘာသာပြန်ဖတ်ဖူးတယ်။ ငယ်ငယ်တုံးကပါ။
9. http://www.imdb.com/title/tt0087553/ လူသတ်ကွင်းရုပ်ရှင်ကို တိုင်းပြည်ကမထွက်ခက်ကတည်းကကြည့်ရတယ်။
10. http://www.planetrulers.com/current-dictators/
11. Strongman (စထောင်းမင်း) https://doctortintswe.blogspot.com/2015/03/strongman.html
12. သက်ရှိ အဆိုးဆုံးအာဏာရှင် (၁ဝ) ယောက် http://listverse.com/2007/07/03/top-10-worst-living-dictators/
13. သမိုင်းထဲက အာဏာရှင် ၂၅ ယောက် http://list25.com/25-of-historys-deadliest-dictators/
14. အာဏာရှင်များစာရင်း http://www.conservapedia.com/List_of_dictators#North_America
15. အာဏာရှင်အုပ်ချုပ်နေသောနိုင်ငံများ http://www.ranker.com/list/countries-ruled-by-dictatorship/reference
16. ခေတ်သမိုင်းထဲက အရက်စက်ဆုံးအာဏာရှင် (၁ဝ) ယောက် http://historylists.org/people/list-of-top-10-most-brutal-dictators-in-modern-history.html

ဒေါက်တာတင့်ဆွေ
၁၇-၃-၂ဝ၁၈