မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Wednesday, February 8, 2017

Neck Lumps လည်ပင်း အလုံးအကျိတ်

၁။ မင်္ဂလာပါဆရာရှင့်။ ကျွန်မအသက်က ၂ဝ ပါ။ လည်ပင်းမှာအကျိတ်ဖြစ်တာပါ။ ခုဆို ၁ နှစ်လောက်ရှိပါပြီ။ စဖြစ်တုန်းက ဘာမှမဖြစ်လို့ ဒီတိုင်းထားပြီ ၅လလောက်ကြာတော့ ပြည်တည်အနာလိုဖြစ်လာလို့ ဆေးရုံတတ်ခဲ့ရပါတယ်။ ဆေးရုံကခွဲပေးမယ်ပြောပြီး ၁ဝ ရက်လောက်ထိ ဘာမှမလုပ်ပေးလို့ ဆေးရုံကဆင်းခဲ့ပါတယ်။ အိမ်ပြန်ရောက်တော့ လည်ပင်းကအဖုကပေါက်ပြီး ပြည်တွေထွက်လာပါတယ်။ ဒီတိုင်းကောင်းသွားပြီထင်ခဲ့ပါတယ်။ ဒါပေမဲ့ခုချိန်ထိ အနာလို့ပုံစံဖြစ်နေပြီ။ နာပြီးကိုက်နေပါတယ်။ ဘာဆတ်လုပ်ရမလဲပြောပြပေးပါနော်။ ကျေးဇူးတင်ပါတယ်ဆရာ။

၂။ ကျွန်တော့အမျိုးသမီးက အသက် ၃၂ ရှိပါပြီ။ လည်ပင်းမှာ အကျိတ်ဖြစ်နေပါတယ်။ ၁ လက်မခွဲလောက်ရှိပါတယ်။ လှုပ်လို့ရပါတယ်။ မနာပါဘူး။ နီတာမြန်းတာလည်းမရှိပါဘူး။ ဘယ်ဖက် နားထင် အောက်နားမှာပါ။ စိုးရိမ်နေမိတယ်။ ဘယ်လိုလုပ်ရမလဲ မသိလို့ပါ။ စိုးရိမ်စိတ်တွေနဲ့ မေးမိတာပါ။ ဖြေပေးပါ။

ဆောရီး။ လည်ပင်းကြီးဟော်မုန်းစစ်ရမယ်။ သွေးစစ်တာဖြစ်တယ်။ ဟော်မုန်း နည်း-များသိရင် ဆေးလိုမယ်။ လိုအပ်သူ အာလ်ထွာဆောင်းရိုက်မယ်။ အဖြေရလို့ မေးလိုက မေးပါ။

ဆရာဝန်က ၅ ရက်စာ သောက်ဆေးပေးထားပါတယ်။ ၅ရက်ပြည့်လို့မှာ အကြိတ်ကမသေးသွားရင်ခွဲထုတ်ပေးမယ်တဲ့။ စစ်ထားတဲ့ရလဒ် တွေလည်းမသိရသေးပါဘူး။ သောက်ဆေးက ၂မျိုးပါ။ ကျေးဇူးပါ ဒေါက်တာ။ အခု့့ ဆေးခန်း ပြနေပါတယ်။ ဆရာအခုလို ပြန်ပေးတာကျေးဇူးအထူးတင်မိပါတယ်။ ကျွန်တော်တို့က့့ မြို့မှာနေထိုင်ပါတယ်။ ဆရာ ရှမ်းပြည်ရောက်ရင် လာလည်ဖို့ဖိတ်ခေါ်ပါတယ်။

လည်ပင်းကြီးနဲပမဆိုင်တာကိုသာ ရေးပါမယ်။ လည်ပင်းမှာဖြစ်တဲ့အကျိတ်က အမျိုးမျိုးဖြစ်နိုင်တယ်။ ငယ်သူနဲ့ ရွယ်သူတွေမှာ အဖြစ်များကြတယ်။ ဖြစ်နိုင်တဲ့ရောဂါတွေ စာရင်းချပါမယ်။ စာရင်းဖတ်ပြီး စိုးရိမ်စိတ် လိုတာထက် မပိုစေလိုပါ။
1. Abscess ပြည်တည်နာ၊
2. Allergic reactions (အလာဂျီ) တခုခုနဲ့ မတည့်တာ၊
3. Bacterial pharyngitis လည်ချောင်းနာ၊
4. Cancer of the thyroid သိုင်းရွိုက်-ကင်ဆာ၊
5. Carotid aneurysm (ကရောတစ်) သွေးလွှတ်ကြော ဖေါင်းခြင်း၊
6. Cat scratch disease ကြောင်ကုတ်ရောဂါ၊
7. Congenital cervical rib မွေးရာပါ လည်ပင်းနံရိုး၊
8. Congenital sternomastoid tumor မွေးရာပါ ကြွက်သား အကျိတ်၊
9. Focal myositis of the sternomastoid ကြွက်သားရောင်ရောဂါ၊
10. Glandular fever အကျိတ်ရောင် အဖျား၊
11. Goiter လည်ပင်းကြီး၊
12. Graves' disease လည်ပင်းကြီး-ဟော်မုန်းများရောဂါ၊
13. Herpes infections ရေယုံ၊
14. HIV (အိတ်ခ်ျအိုင်ဗွီ)
15. Hodgkin's disease လည်ပင်းအကျိတ်-ကင်ဆာ၊
16. Leukemia လူကီးမီးယား သွေးအားနည်းရောဂါ၊
17. Lipoma အဆီကျိတ်၊
18. Lymphoma တက်စေ့ ကင်ဆာ၊
19. Mouth cancer ခံတွင်းကင်ဆာ၊
20. Mumps ပသိရောင်ရောဂါ၊
21. Rubella (German measles) ဂျာမန် ဝက်သက်ရောဂါ၊
22. Salivary gland tumor တံတွေးထွက် အကျိတ်အလုံး၊
23. Sebaceous cyst အရေပြား ချွေးထွက်အိတ် အကျိတ်၊
24. Spontaneous apical lung herniation အဆုပ်ထိပိုင်း အထက်ကျွံခြင်း၊
25. Stone in salivary duct တံတွေးထွက်ပြွန် ကျောက်၊
26. Strep throat လည်ချောင်းနာ၊
27. Submandibular tumor မေးရိုးအောက် အလုံး၊
28. Swollen Lymph Nodes တက်စေ့ရောင်၊
29. Thyroglossal cyst မွေးရာပါ လည်ပင်းကြီး-အကျိတ်-အိတ်၊
30. Thyroid cancer လည်ပင်းကြီး-ကင်ဆာ၊
31. Thyroid nodule လည်ပင်းကြီး ကင်ဆာမဟုတ် အကျိတ်၊
32. Tonsillitis အာသီးရောင်၊
33. Tuberculosis တီဘီ-အကျိတ်၊

အများအားဖြင့် ကင်ဆာမဟုတ်အကျိတ်တွေ ဖြစ်တယ်။ ကင်ဆာနဲ့ နာတာရှည် ပိုးဝင်တာတွေကနေ ဆက်ဖြစ်တာလဲ ဖြစ်နိုင်တယ်။ ရက်သတ္တ ၃ ပါတ်ထက် စောတာတွေဟာ သူ့အလိုလို သက်သာ ပျောက်ကင်းနိုင်တဲ့ ရောဂါပိုးဝင်တာ ဖြစ်မယ်။ ၄ ပါတ်မှ မပျောက်ရင် ဆရာဝန်ပြပါ။ အလုံး-အကျိတ်-အနာ မှန်သမျှ စမ်းသပ်တဲ့အခါ မျက်စိနဲ့ စရပြီး၊ လက်နဲ့ အသေအခြော စမ်းရပါတယ်။ နေရာ၊ အရောင်၊ အရွယ်အစား၊ ပုံသဏ္ဌာန်၊ အပျော့-အမာ၊ အပူ-အအေး၊ ရွေ့ရ-မရ၊ နာ-မနာ ဆိုတာတွေ သိအောင်လုပ်ရပါတယ်။ လည်ပင်းကြီး-အကျိတ်ဆိုရင် မျိုးချခိုင်းတော့ အထက်-အောက် ရွေ့လိမ့်မယ်။ ကလေးတွေဆိုရင် အာသီးရောင်ဘူတာမေးပါ။ မျက်နှာ-လည်ပင်း အနာဖြစ်ဘူးသလား။

• အလုံးဟာ အရေပြားနဲ့ တဆက်ထဲ၊ အရေပြားထဲမှာဆိုရင် Sebaceous cyst ချွေးထွက်အိတ်-အကျိတ် နဲ့ Lipoma အဆီ-အကျိတ် ဖြစ်နိုင်တယ်။

• အလုံးက အလယ်တည့်တည့်လောက်မှာ ပါးစပ်က မျိုတဲ့အခါ ဒါမှမဟုတ် လျှာထုတ်လို့ အလုံးက ရွေ့လာရင် မွေးရာပါ လည်ပင်ကြီးအိတ်နဲ့ လျှာဆက်နေတဲ့ပြွန် Thyroglossal duct ဖြစ်နိုင်တယ်။ အထဲမှာ အရည်ရှိမယ်။ ပိုးမဝင်ရင် အနာဘူး။

• Lymph nodes တက်စေ့ရောင်တာ အတော်များများဖြစ်ကြတယ်။ နဲနဲနာမယ်၊ မာတင်းတင်း ရာဘာလိုနေမယ်၊ ကိုင်ပြီး ရွေ့ရင် ရချင်ရမယ်၊ မရတာလဲရှိမယ်။ တက်စေ့ တွေ့ရင် ပါးစပ်၊ တံတွေးထွက်အိတ်တွေ ဆက်စစ်ပါ။ ကင်ဆာ၊ အနာ ရှာပါ။

• Dermoid cyst ဆိုတာ အရေပြားမှာ အိတ်လေးနဲ့အကျိတ်၊ ခွဲရင် အထဲမှာ အမွှေးလို၊ ချွေးလိုပါနေတာတွေ့မယ်။

• မေးရိုးအောက်နား အကျိတ်တွေက လူကြီးဆိုရင် မာပြီး၊ မနာရင် ကင်ဆာ၊ လူငယ်-ကလေးတွေဆိုရင် တီဘီ၊ (အင်ဖက်ရှင်)၊ Salivary calculus တံတွေးထွက်လမ်း-ကျောက် စတာတွေ ဖြစ်နိုင်တယ်။ မျိုချခိုင်းလို့ မရွေ့တာက Salivary gland swelling တံတွေးထွက်အိတ်၊ Branchial cyst မွေးရာပါ (ဘရန်ခီရယ်) အိတ်၊ Cystic hygroma မွေးရာပါ (ဆစ်စတစ်-ဟိုက်ဂရိုးမား) အလုံး၊ Carotid aneurysm (ကရောတစ်) သွေးလွှတ်ကြော ဖေါင်းတာ၊ Carotid body tumour (ကရောတစ်) အကျိတ်၊ Sternomastoid tumour (စတာနို-မတ်စရွိုက်) ကြွက်သားအလုံး (မွေးတုံးက ထိခိုက်မိတာ)၊ Laryngocoele လေပြွန်အိတ် (လေမှုတ်ရင် ပိုဖေါင်းတာမယ်)၊

• အကျိတ်တခုမက တွေ့တာဆိုရင် TB တီဘီ၊ Glandular fever အကျိတ်ရောင်အဖျား၊ HIV (အိတ်ခ်ျအိုင်ဗွီ)၊ Lymphoma (လင်ဖိုးမား-တက်စေ့ကင်ဆာ) Metastases တနေရာမှာ ကင်ဆာဖြစ်လို့ ပြန့်လာတာ တခုခု စဉ်းစားပါ။ တခြားနေရာက တက်စေ့တွေလည်း စစ်ဆေးပါ။ ဥပမာ ချိုင်း၊ ဘေလုံး၊ အသည်း၊

• Cervical rib မွေးရာပါ လည်ပင်းနံရိုး၊

• Subclavian artery aneurysm လည်ပင်း (ဆပ်ဖ်ကလေးဗီးယမ်း) သွေးလွှတ်ကြော ဖေါင်းတာ၊

• Pharyngeal pouch မွေးရာပါ (ဖရင်ဂျီရယ်-ပေါက်ခ်ျ)၊

ဒီတော့ ဖြစ်နိုင်တာတွေထဲက တခုချင်း ဖယ်ထုတ်နည်းနဲ့ စကာတင်းရွေးရမယ်။ လိုသေးတဲ့ စမ်းသပ် စစ်ဆေးတာတွေ လုပ်ရလိမ့်မယ်။ တခြား ကျန်းမာရေး အခြေအနေတွေလည်း ကြည့်ရမယ်။ အလေးချိန်ကျလာ၊ ညချွေး ထွက်တာ၊ ကိုယ်ပူတာ၊ ဓါတ်မှန်၊ (အာလ်ထွာဆောင်း)၊ သွေးစစ်၊ သလိပ်စစ်၊ အသာစထုတ်စစ်။ လည်ပင်းအကျိတ်ကို ပြည်တည်တာကလွဲရင် မခွဲရတာများပါတယ်။ ရုတ်တရက် သက်သာသွားတာမျိုးဟာ အကျိတ်အိတ်ထဲမှာ အရည်ရှိခဲ့ရာကနေ ခမ်းသွားလို့ ဖြစ်နိုင်ပါတယ်။ အဆုပ်တီဘီကြောင့် ဒီမှာလာဖြစ်တာ ဟုတ်နိုင်သလို တခြားဟာလဲ ဖြစ်နိုင်သေးပါတယ်။ Biopsy အသားစထုတ်စစ်တာမလုပ်ဘဲနဲ့ ဒီအကျိတ်ဟာ ဘာလို့ အတိအကျ ပြောမရပါ။

Dr. တင့်ဆွေ

No comments:

Post a Comment

Note: Only a member of this blog may post a comment.