Models Wanted မော်ဒယ် အလိုရှိသည်
တခါက အရက်ခွက်ကိုယ်စီနဲ့ အမျိုးသမီး ၃ ယောက်ပုံကို သင်္ကြန်ပညာပေးစာတခုမှာသုံးမိတယ်။ တယောက်နေ အဲတာ ကျမပုံပါဆရာ။ ဖျက်ပေးပါဆိုတာနဲ့ ချက်ခြင်း တခြားပုံတခုနဲ့ ပြောင်းလိုက်ပါတယ်။ သူက ယဉ်ယဉ်ကျေးကျေး ရေးတာ။
နောက်တခါ အရက်အကြောင်းဆေးပညာစာတခုမှာ အမျိုးသမီး ၂ ယောက် ဆိုင်တခုမှာ ဘီယာပုလင်းတွေနဲ့ပုံ ယူသုံးမိတယ်။ တယောက် ကက်ကက်လန်ရန်တွေ့တယ်။ တရားစွဲမယ်တဲ့။ ပုံကို ပြောင်းထည့်ပေးပါတယ်။ သူတို့ပုံက အခုထိ ဂူဂယ်လ်အင်မေ့ခ်ျမှာ ရှိပါတယ်။
ကျွန်တော်က ပုံတွေကို ဂူဂယ်လ်မှာ ရှာရတာများတယ်။ တခါတလေ ပြည်တွင်းကို ရိုက်ပေးပါခိုင်းရတယ်။ ခက်တာက ကြာကြာမစောင့်နိုင်။ အချိန်က ၁၂ နာရီကွာတယ်။ ရိုက်ပေးမယ့်သူက ပြောတဲ့နေရာဋ္ဌာနရောက်အောင် သွားရဦးမှာဆိုတော့ သိပ်အဆင်မပြေလှပါ။
မော်ဒယ်ငှားရိုက်ချင်မိတယ်။ အဲတာက မူပိုင်ခွင့်ရှိမယ်။ ပိုက်ဆံaတော့မပေးနိုင်။ ကျွန်တော့်မော်ဒယ်တွေက အမျိုးမျိုးဖြစ်မှာ။ ခပ်ချောချောတွေက ရှားမယ်။ ဗျူတီအကြောင်းသာ အသုံးကျမှာ။ အများစုက ရောဂါသယ်တွေ၊ ကိုယ်ဝန်ဆောင်တွေ။ ကလေးအမေတွေ။ အိုနာကျိုးကန်းတွေ။
ဆေးမစားမီပုံနဲ့ ဆေးစားပြီးပုံတွေ ယှဉ်ပြီးကြောငြာတာတွေရှိတယ်။ အဲတာတွေက အင်တွေ။ ဆေးသုတေသနစာတမ်း တွေမှာသာ အမှန်အကန်ပုံတွေရတယ်။ ဆေးပတ်လည်အောင်ပေးပြီး သက်သာပျောက်ကင်းဖို့ ဆိုတာ တလ၊ ခြောက်လ၊ တနှစ်၊ ဆယ်နှစ်ကြာတယ်။
အဲလိုပုံတွေမှာ အမေရိကန်ဖြစ်ဖြစ် အင်္ဂလန်ဖြစ်ဖြစ် မဖြစ်နိုင်။ မြန်မာပြည်၊ ထိုင်းနိုင်ငံ၊ ဂျပန်ကပုံတွေပြရင်တော့ ပိုက်ဆံရတယ်။ ပုံမြင်တာနဲ့ အဟုတ်မှတ်ပြီး ဆေးဝယ်ကြလို့။
မော်ဒယ် အလိုရှိသည်။
ဒေါက်တာတင့်ဆွေ
၂ဝ-၇-၂ဝ၁၈
Comments
Post a Comment