ဒေါက်တာသန်းထွန်း ပြောင်းပြန်ခေတ်
၁။ ပိသုကာ
၂။ တံခိုး
၃။ စွန့်စားခမ်း။သင်္ဘောပျက်ခမ်း။ စကားပြောခမ်း။
၎။ ကိုယ်လက်ဆွံ့အ။
၅။ အစိပ်အပိုင်း။
၆။ တံဘိုး
၇။ အခဏ်း (၆)
၈။ ခမ်းမပြူ တင်းပေါက် စသည်တို့ကို အမှန်အမှား သိချင်ပါတယ်ဆရာ။
၉။ တ ကိုတော့ အဆတရာတထောင် တစတစ တသိန်း အဲ့ဒီလိုပဲရေးထားပါတယ်ဆရာ။
ဟုတ်။ ဒေါက်တာသန်းထွန်းက တကယ့်ကိုလူတမျိုး။ တကယ့်ပညာတတ်။ သူ့စာအုပ်တွေမှာ ပုကံလို့ရေးတယ်။ ပုဂံဝန်ထောက်ဦးတင်ကို ပုဂံဝန်ထောက်ဦးတင်လို့သာရေးတယ်။ ဆိုလိုတာက ကိုယ့်စာမှာ ကိုယ်ကမှန်တယ်ထင်တာ ရေးတယ်။ သူများကို လိုက်မပြင်။ သူစာမူပို့ရင် သန်းထွန်းလို့သာရေးတယ်။ ဒေါက်တာကို အယ်ဒီတာတွေက ထည့်ကြတာတဲ့။
ခုခေတ်မှာ သူများအမှန်ရေးထားတာတွေကို လိုက်ပြင်ပြီး စာအုပ်ထုတ်ဝေရောင်းစားကြတယ်။ ဒေါင်းလုဒ်စာအုပ်တွေ လုပ်ကြတယ်။ ဒေါက်တာသန်းထွန်း ပြောင်းပြန်လုပ်နည်း။
မြန်မာစာမှာ အဲလို မူကွဲတွေ ဟိုရှေးကတည်းက ရှိခဲ့တယ်။ စာအုပ်တွေမှာရေးတာတိုင်းကို စံကိုက်သတ်ပုံလို့ ယူလို့မရ။ သတ်ပုံကျမ်းကိုသာ အလေးထားရတယ်။ သတ်ပုံကျမ်းတွေကလည်း မတူတာတွေရှိတယ်။ ကျောင်းတွေမှာ ပြဋ္ဌာန်း သတ်ပုံစာအုပ်ရယ်လို့ မရှိ။ လက်စွဲ (ရက်ဖရင့်စ်) လို့ သတ်မှတ်ထားတယ်။ ကျွန်တော်တို့ အထက်တန်းကျောင်းသားမှာ ဝဏ္ဏဗောဓနသတ်အင်းက လက်စွဲစာအုပ်ဖြစ်တယ်။ ဝိဝါဒကွဲနိုင်တဲ့သတ်ပုံအတွက် စာစစ်ဆရာတွေက အမှတ် လျော့တာကို အတော်စဉ်းစားကြတယ်။
စစ်အစိုးရခေတ်မှာ တစက်ကလေးမှ အတိမ်းအစောင်းမခံ။ စာအုပ်ထုတ်ဝေခွင့်မရ။ တစ်တလုံးဘယ်လောက် ဒဏ်ရိုက်တယ်။ ရုံးတွေ ကျောင်းတွေမှာလည်း အထက်အရာရှိတွေ ကျောင်းဆရာတွေက အာဏာရှင်အတိုင်း ကျင့်သုံးကြတယ်။ စာအုပ်ထုတ်ရင် အယ်ဒီတာတွေက ဟစ်တလာလို။
အဲတာနဲ့ မြန်မာစာ တိုးတက်စည်ပင်မလာတော့ပဲ ပေါ်လစီအရသတ်မှတ်တာသာ မှန်တယ်လို့လုပ်ထားတယ်။ မဆလ ခေတ်က ဆိုရှယ်လစ်စီမံကိန်းတွေလိုပဲ။ သတင်းစာထဲမှာတော့ နေ့တိုင်း အောင်မြင်နေခဲ့တယ်။ အခုတော့ ဥပဒေသစ်တွေအထက်မှာ မြန်မာစာအဖွဲ့ရှိတယ်။ ဒေါင်းလုဒ်စာအုပ် လုပ်သူတွေက မူဆိုလီနီ။
၁၉၇၅ ခု စက်တင်္ဘာလထုတ် ဒေါက်တာသန်းထွန်းရေးတဲ့ အသစ်မြင် ဗမာသမိုင်းမှာ သည်လိုတွေ ရေးပါတယ်။
ဗဒလင်းဂူ
ငဆောင်ချ
တရုပ်
အရိမဒ္ဒနာ့
အနိရုဒ္ဓ (အနော်ရထာ)
မြစ်သာ ဆဲတရွာ
ထိလိုင်မင် (ထိလိုင်မင်း၊ ကလန်စစ်သား၊ ကျန်စစ်သား)
နာတောင်မျာ (နာတောင်မသခင်)
က္လစွာ (ကျစွာ)
ဗမာလို့ရေးရင် ရန်လုပ်ခံရတဲ့ခေတ်မှာ ဒေါက်တာသန်းထွန်းက သမိုင်းထဲရောက်သွားပြီ။
ဒေါက်တာတင့်ဆွေ
၂၁-၆-၂ဝ၁၉
၂၃-၆-၂၀၁၉
Comments
Post a Comment