Yeast Infection မွေးလမ်းမှိုပိုး

Candidiasis လို့လည်းခေါ်တယ်။ Candida albicans ပိုးကနေဖြစ်တယ်။ လိင်ကတဆင့် မဟုတ်တာရော ဟုတ်တကာကနေပါဖြစ်နိုင်တယ်။ အဖြူပျစ်ပျစ်ကနေ ဒိန်ခဲလို အဖတ်အဖတ် ဆင်းတတ်တယ်။ အရည်ကျဲလဲ ဆင်းနိုင်ပေမဲ့ အနံ့မရှိဘူး။ ယားမယ်၊ ဖြစ်တဲ့ နေရာမှာ နီရဲနေမယ်။

ပဋိဇီဝဆေးသောက်တော့ မွေးလမ်းထဲမှာ နဂိုရှိနေတဲ့ မိတ်ဆွေပိုးတွေပါ သေစေတာကြောင့် မှိုဝင်တတ်တယ်။ အမျိုးသမီး ၄ ယောက်မှာ ၃ ယောက်လောက်အထိ တသက်မှာတခါဖြစ်တတ်တယ်။ ဆီးချိုကို ထိန်းမထားမိလို့၊ ကိုယ်ခံအားနည်းလို့၊ ရာသီဖြစ်စဉ်မှာ ဟော်မုန်း အပြောင်းအလဲရှိလို့၊ စိတ်ဖိအားများလို့၊ အအိပ်အနေနည်းလို့တွေကနေ မှိုပိုးဝင်လာနိုင်တယ်။

ကုသဘို့ရာ -
• Clotrimazole 1% ခရင်မ်၊ ဒါမှမဟုတ် Miconazole 2% ခရင်မ်၊ ၃-၇ ရက်၊ ဒါမှမဟုတ် Fluconazole 150 mg စားဆေး၊ Clotrimazole မွေးလမ်းထဲထည့်ဆေး၊ 100 mg ၆-၇ ညထည့်ပါ။ 200 mg ၃ ညထည့်ပါ။ Monistat; Femizol; Vagistat; M-Zole; Micatin; Lotrimin နာမယ်တွေနဲ့ ရောင်းတယ်။ (ရာသီလာချိန်မှာလဲ သုံးနိုင်တယ်။)
• Nystatin 100,000 IU, Nystatin Ointment လိမ်းဆေး၊ ထည့်ဆေးတွေကိုလည်း သုံးတယ်။
• ခဏခဏဖြစ်သူတွေ Diflucan (Fluconazole) 150 mg တခါတည်းသောက်ပါ။ လိုအပ်ရင် ရက်ပိုပေးပါတယ်။ Nystatin (Bio-Statin, Mycostatin, Pastilles, Nilstat, Nyamyc, Nystex, Nystop, Pedi-Dri) စားဆေး၊ (400,000 to 600,000 units) တနေ့ ၄ ကြိမ်သောက်ပါ။


မွေးလမ်းကြောင်းမှိုရောဂါအတွက် လိမ်းဆေးတွေထဲမှာ Miconazole (Monistat-7, M-Zole) နဲ့ Clotrimazole တွေက ၈၅-၉ဝ% ပျောက်မယ်။ Nystatin ဆေးက ၇၅-၈ဝ% ပျောက်မယ်။ လိမ်းဆေးတွေနဲ့ မရသေးရင် သောက်ဆေးတွေက Fluconazole နဲ့ Itraconazole ဖြစ်တယ်။ ၃-၅ ရက်သောက်ရင် ၈ဝ% ပျောက်မယ်။ အသည်းမကောင်းရင် သတိထားရမယ်။ ခဏခဏပြန်ဖြစ်သူတွေက Fluconazole နဲ့ Itraconazole သောက်ဆေးရယ် Clotrimazole ထည့်ဆေးရယ်ကို ၆ လကြာ သုံးရတတ်တယ်။ ကိုယ်ဝန်ရှိနေချိန်ဆိုရင် ဆရာဝန်နဲ့ တိုင်ပင်ပါ။

ဒီကြားထဲ လိင်ဆက်ဆံတာ ရှောင်နေတာကောင်းတယ်။ မွေးလမ်းနေရာ ခြောက်သွေ့စေပါ။ အနေတော် (ကော်တွန်) အတွင်းခံသာ သုံးပါ။ မ-အင်္ဂါနေရာကိုရေဆေးရင် လက်ကို ရှေ့ကနေ နောက်ဆီကိုသာ တလမ်းသွားလုပ်ပါ။ ဆပ်ပြာ အဆန်းတွေ၊ ဆေးအဆန်းတွေမသုံးပါနဲ့။ Tampons, Pad ရာသီလာတာအတွက်သုံးတဲ့ မွေးလမ်းထည့်ပစ္စည်း၊ Diaphragms ကိုယ်ဝန်တားပစ္စည်းသုံးတာ အချိန်မကြာစေနဲ့။ အချိုလျှော့စားပါ။ ဆေးတွေအပြင် Sitz baths ခေါ်တာမျိုး လုပ်နိုင်တယ်။ ရေ ၁ ဂါလဲထဲမှာ ဗနီဂါရည်ဇွန်းသေးလေး တဇွန်းထည့်ပြီး မွေးလမ်းတဝှိုက်ကို ဆေးတာမျိုး လုပ်နိုင်တယ်။ Yogurt ဒိန်ချဉ်စားပေးတာလဲ ကောင်းတယ်။ ဖြစ်စေတဲ့အကြောင်းကို မကုဘဲတော့မရပါ။ ယားလို့ကုပ်ရအထိ ဖြစ်ရင် Calamine lotion (အယား သက်သာဆေး)၊ Xylocaine ointment (ထုံဆေး) တခုခု လိမ်းနိုင်တယ်။ ဒါလဲ ရောဂါ ဖြစ်စေတာကို ကုတာ မဟုတ်ပါ။

ရိုးရိုးမှိုပိုးဝင်တာကို Gynazle, Lotrimin, Monistat, and Terazol စတဲ့လိမ်းဆေး (ထည့်ဆေး) တွေ ၁-၂-၃ ရက်နဲ့ ပျောက်တယ်။ Fluconazole (Diflucan) တပြားသောက်တာနဲ့ပျောက်မယ်။

ဆိုးတာဆိုရင် -
- ထည့်ဆေးနည်း Azole ဆေး ၁၄ ရက်ထည့်ရမယ်။ Vaginal cream, ointment, tablet or suppository အနေနဲ့ လာတယ်။ Clotrimazole (Gyne-Lotrimin), miconazole (Monistat 3), and terconazole (Terazol 3) တွေဖြစ်တယ်။ တချို့ဆေးတွေက ဆေးညွှန်မှာ ၅-၆ ညထည့်ခိုင်းတယ်။ ဆေးညွှန်အတိုင်းသုံးပါ။ - စားဆေးနည်း Fluconazole (Diflucan) စားဆေးကို ၂-၃ ရက်သောက်ဖို့ ထည့်ဆေးအစားပေးတယ်။ ကိုယ်ဝန်ရှိရင် မပေးရပါ။
- ထိန်းထားဘို့လိုသူကို Fluconazole tablets စားဆေး တပါတ် ၁ ပြား၊ ၆ လကြာ။ Clotrimazole vaginal suppository ထည့်ဆေးကို တပါတ် ၁ ခါလည်းပေးနိုင်တယ်။
- လိင်ကတဆင့်ကူးစက်တာဆိုရင် အဖေါ်ကိုလည်းဆေးကုသပါ။

ဒေါက်တာတင့်ဆွေ
၈-၄-၂ဝ၁၆