မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Sunday, January 8, 2017

Chlamydia (ကဲလ်မီဒီးယား) အဖြစ်များဆုံး STD

(ကန်တော့ပါ)

ဆရာရှင့် ကျွန်မအသက် ၃၆ ပါ။ သားဦးကိုယ်ဝန် ၅ လထဲမှာပါဆရာ။ အခု့့ မှာပါ။ ဆေးရုံသွေးစစ်တော့ Chlamydia Antigen ဆိုတာတွေ့တယ်လို့ပြောပါတယ်။ အဲပိုးက HIV ရောဂါလား၊ ပိုးလား။ ဆရာပေးတဲ့ဆေး ၅ ရက်စာတော့ သောက်ပြိံးပါပြိံ။ ကလေးကိုကူးရင် ဘယ်လိုအကျိုးဆက်တွေဖြစ်နိုင်လဲ။ ဘာသာစကားကလဲ အခက်အခဲရှိလို့ ဘာမှ နားမလည်လို့ပါ။ ကူညိံပါအုံးဆရာ။

လိင်ကတဆင့်ကူးစက်ရောဂါ တဒါဇင်လောက်ထဲမှာ အဖြစ်များဆုံးက Chlamydia (ကဲလ်မီဒီးယား) ရောဂါဖြစ်တယ်။ Chlamydia trachomatis ဗက်တီးရီးယားကနေ ကူးစက်တယ်။ ရောဂါပိုးရှိနေသူတွေမှာ ခံစားရတာ နည်းနည်းကနေ ဆိုးဆိုးဝါးဝါးအထိ ဖြစ်နိုင်တယ်။ အမျိုးသမီး ၈ဝ%၊ အမျိုးသား ၅ဝ% တွေမှာ ရောဂါလက္ခဏာ မရှိကြဘူး။ ပိုးတွေတော့ ရှိနေမယ်။ ကံဆိုးသူတွေမှာ ပြန်ပြင်လို့မရတော့တာ ဥပမာ ကလေးမရနိုင်တာအထိ ဖြစ်သွားနိုင်တယ်။ ယောက်ျားတွေလဲ ဖြစ်တယ်။ (ဂေး) တွေလဲ မလွတ်ပါ။

၂ဝ၁ဝ တုံးက အမေရိကားမှာ လူပေါင်း ၁ သန်း ၃ သိန်းကျော်ဖြစ်ခဲ့တယ်။ စာရင်းမဝင်တာလဲ အများကြီး ရှိနိုင်လို့ ခန့်မှန်းတာတော့ ၂့၈ သန်း။ လိင်ဆက်ဆံဘက် များလေလေ ကူးစက်မှုအခွင့် များလေလေ။ မိန်းကလေးများ အသက်ငယ်ရင် ပိုဖြစ်တယ်။ သားအိမ်အဝက ကောင်းကောင်း မရင့်ကျက်သေးလို့ပါ။

လိင်ဆက်ဆံရာမှာ (ဗဂျိုင်းနား)၊ ပါးစပ်၊ စအို နည်းလမ်း အားလုံးကနေ ကူးစက်နိုင်တယ်။ မိခင်မွေးလမ်းမှာ ပိုးရှိနေရင် မွေးလာမဲ့ကလေးကိုလဲ ကူးစေနိုင်တယ်။ Neonatal conjunctivitis မျက်စိကျိန်းတာ နဲ့ Pneumonitis အဆုပ်ရောင်တာ 30-40% မှာ လာဖြစ်နိုင်တယ်။

ပိုးရှိနေပြီး မသိဘဲနေတာက ၁-၃ ပါတ်အထိ ကြာနိုင်လို့ ဘာမှမဖြစ်သေးသူကနေလဲ ကူးစက်နိုင်တယ်။ အမျိုးသမီးတွေမှာ အရင်ဆုံး သားအိမ်ဝနဲ့ ဆီးထွက်ပြွန်မှာ ဖြစ်တယ်။ (ဗဂျိုင်းနား) ကနေ တမျိုးမျိုး ဆင်းမယ်။ ပူစပ်နေမယ်။ ဆီးအောင့်မယ်။ စဖြစ်ရာကနေ သားအိမ်ပြွန်ကို ဆက်ကူးပေမဲ့ ဘာမှမခံစားရသေးသူတွေလည်းရှိတတ်တယ်။ တချို့ကတော့ ဆီးစပ်နေရာ နာမယ်။ ခါးအောက်ပိုင်း နာမယ်။ ပျို့ချင်မယ်။ ကိုယ်ပူမယ်။ လိင်ဆက်ဆံရင် နာစရာမဟုတ်ဘဲ နာမယ်။ ကြားရက်မှာ သွေးဆင်းမယ်။

ယောက်ျားတွေမှာ ဆီးထွက်ပြွန်၊ မိန်းမတွေမှာ သားအိမ်ဝ၊ ဆီးထွက်ပေါက်တွေမှာ ဖြစ်တယ်။ ဒီလမ်းကြောင်းရဲ့ အထက်ပိုင်းမှာ ဖြစ်နေတာတွေနဲ့လဲ တွဲနေနိုင်တယ်။ ယောက်ျားမှာဖြစ်ရင် လိင်တံအဖျားကနေ အရည်ဆင်းမယ်။ ဆီးပူ-ဆီးအောင့်မယ်။ ပန်းအဖျား ပူစပ်ပူလောင်နေမယ်။ ယောက်ျားတွေမှာ ဆက်တွဲဖြစ်နိုင်တာ ရှားတယ်။ အကြောရောင်တာ ဖြစ်ရင် နာမယ်၊ ဖျားမယ်၊ ကလေးမရတာအထိတော့ အတော်ရှားတယ်။ စအိုလမ်းသုံးရကနေ ကူးစက်တာဆိုရင် စအိုနဲ့ အစာဟောင်းအိမ်နေရာတွေ နာမယ်၊ တခုခုဆင်းမယ်။ သွေးလဲ ဆင်းချင်ဆင်းမယ်။ ပါးစပ်သုံးရာကနေ ကူးရင် အာခေါင်မှာ လာဖြစ်မယ်။ ကျား-ဆီးကျိတ်ကိုလဲ ရောင်စေနိုင်တယ်။

ဆေးမကုဘဲနေတဲ့ အမျိုးသမီးမှာ သားအိမ်၊ သားအိမ်ပြွန်ကို ဆက်ကူးမယ်။ တင်ပါးဆုံတွင်းအင်္ဂါတွေ ရောင်လာမယ်။ (PID) ခေါ်တယ်။ ၁ဝ-၁၅-၂၀-၄၀% အထိဖြစ်တယ်။ ဖြစ်ရင် ဗိုက်နာမယ်။ နာတာရှည်၊ ပြန်ပြင်မရာအထိ ဖြစ်မယ်။ ကလေးမရတာ ၁၁% မှာ ဖြစ်လာနိုင်တယ်။ သားအိမ်ပြင်ပ သန္ဓေတည်တာလဲ ဖြစ်နိုင်တယ်။ အချိန်စော မွေးတာလဲ ဖြစ်နိုင်တယ်။ အရေပြား၊ အဆစ်၊ မျက်စိတွေကို ဖြစ်တာ နည်းတယ်။ HIV ပိုးနဲ့ ထိစပ်မှုရှိရင် ကူးလာနိုင်ခြေ ပိုများတယ်။ တခြား STD ရောဂါတွေနဲ့လဲ တွဲဖြစ်နေနိုင်တယ်။ ဆေးမကုဘဲနေရင် မြုံနေမယ်။ ပြန်ဖြစ်မယ်။

ကူးစက်မှုနည်းအောင်၊ စောစောသိအောင်၊ ဆေးကုသမှုခံနိုင်အောင်၊ ဆက်ဖြစ်မှာတွေ မဖြစ်စေအာင်
• အပျိုပေါက်ကနေ အသက် ၂၅ နှစ် အောက် မိန်းကလေးတိုင်းကို တနှစ်တခါ ဆေးစစ်သင့်တယ်။ အသက်ကြီးသူတွေလဲ လုပ်သင့်တယ်။ ကိုယ်ဝန်ဆောင်တွေလည်းလုပ်သင့်တယ်။ ဗဂျိုင်းနား၊ သားအိမ်ဝကနေ ဂွမ်းစလေးနဲ့ယူစစ်နည်း နဲ့ ဆီးစစ်နည်း လုပ်တယ်။
• အဖေါ်အကြောင်း မသိရင် (ယောက်ျားကပြောပြော၊ မိန်းမကပြောပြော သန့်ပါတယ် ပြောတိုင်းလဲ မယုံပါနဲ့) Condom (ကွန်ဒွမ်) သုံးပါ။
• အဖေါ်အရေအတွက် နည်းနိုင်သမျှနည်းပါ။
• (ဗဂျိုင်းနား) ကို ဆေးကြောနည်း ရှောင်ကျဉ်ပါ။

(ကဲလ်မီဒီးယား) ကို ကုသရတာ မခက်ပါ။
• Azithromycin 1 gm တခါတည်းသောက်ပါ။ ဒါမှမဟုတ်
• Azithromycin 500mg ပဌမနေ့၊ 250mg တနေ့တကြိမ်နဲ့ နောက်ထပ် ၃ ရက်၊ ဒါမှမဟုတ်
• Doxycycline 100 mg တနေ့ ၂ ကြိမ်၊ ၇-၁၄ ရက်သောက်ပါ။
• HIV-positive ဖြစ်နေသူတွေလဲ အတူတူပေးနိုင်တယ်။
• Tetracycline 250-500 mg တနေ့ ၄ ကြိမ်၊ ၁၄ ရက်၊ Rosaramicin ဆေးတွေကို 95% ပျောက်မယ်။
• Erythromycin 250-500-800 mg တနေ့ ၄ ကြိမ်၊ ၇ ရက်။ ဆေးပေးတာ ၇၇-၁ဝဝ% ပျောက်တယ်။
• Ofloxacin, Trovafloxacin, Minocycline, Lymecycline, Clarithromycin, Ampicillin, Rifampicin ဆေးတွေ ပေးတာကို တိကျတဲ့ အထောက်အထားမရှိသေးဘူး။
• Ciprofloxacin ပေးတာ ၆၃-၉၂% ပျောက်တယ်လို့ သုတေသနတခုက တွေ့ပြီး နောက်တခုက မတွေ့ရဘူး။
• ကိုယ်ဝန်ဆောင်ကို Azithromycin တခါထဲ ပေးတာက (၇) ရက်ပေးတာထက် ပိုကောင်းတယ်။
• ဆေးသောက်နေတုံးမှာ အတူနေတာကို တပါတ်ရှောင်နေသင့်ကြတယ်။

- Chlamydia အသံထွက်မှန် https://www.youtube.com/watch?v=_9LHV9wuanQ
- Vaginal Discharge မွေးလမ်းကြောင်းမှ အဖြူဆင်းခြင်း http://doctortintswe.blogspot.com/2014/11/vaginal-itching.htm
- Vaginal itching မိန်းမကိုယ်ယားခြင်း http://doctortintswe.blogspot.com/2014/11/vulvovaginitis.html
- Vulvovaginitis အမျိုးသမီးအင်္ဂါရောင်ခြင်း http://doctortintswe.blogspot.com/2014/11/vaginal-itching.html
- Chlamydia (ကလာမိုင်ဒီးယား) အဖြစ်များဆုံး STD http://doctortintswe.blogspot.com/2014/12/chlamydia-std.html
- STDs Basic လိင်မှတဆင့် ကူးစက်သောရောဂါများအခြေခံ http://doctortintswe.blogspot.com/2014/11/stds-basic.html

Dr. တင့်ဆွေ

No comments:

Post a Comment

Note: Only a member of this blog may post a comment.