Wine and Women ဝိုင်နဲ့ အမျိုးသမီး

ဆရာရှင့် ကျမက့့ မြို့ကပါဆရာ။ အသက်က ၂၇ ပါ။ အိမ်ထောင်သည်ပါရှင့်။ သမီးလေးတယောက်ရှိပါတယ်ဆရာ။ ဝိုင်က အမျိုးသမီးတွေကျန်းမာရေးအတွက် သင့်တော်တယ်ဆိုတာ ဟုတ်ပါသလားရှင့်။ ကျန်းမာရေးအတွက် ပုံမှန်သောက်သင့်ပါသလားဆရာ။ alcohol %ဘယ်လောက်ပါတဲ့ဝိုင်မျိုးကို နေ့စဉ်သောက်သုံးပေးသင့်ပါသလဲရှင်။ ပမာဏဘယ်လောက်ကို နေ့စဉ်သောက်သင့်ပါသလဲရှင့် ကောင်းကျိုး ဆိုးကျိုးလေးတွေကိုသ်ိချင်ပါတယ်ရှင့်။

အရက်အမျိုးမျိုးထဲမှာ အယ်လ်ကိုဟော ခေါ် အရက်ဘယ်လောက်ပါသလဲ -
• Pilsner ပေလ်စနာ = 3–6%
• Beers ဘီယာ = 3-10%
• Lager လက်ဂါဘီယာ = 4-5%
• IPA (Pale Ale) ပေးလ်-အေးလ် = 6-7%
• Sparkling Wine စပါကလင်-ဝိုင် = 8–12%
• Wine (general) ပုံမှန် ဝိုင် = 10–15%
• Madeira Wine မဒီရာ-ဝိုင် = 15-18%
• Bum Wine ဘမ်-ဝိုင် = 15-20%
• Port Wine ပို့တ်-ဝိုင် = 16-20%
• Fortified Wines ဝိုင်အပြင်း = 16–22%
• Sherry ရှယ်ရီ-ဝိုင် = 17–22%
• Cask Strength Whisky/Rum စည်သွပ် ဝီစကီ၊ ရမ် = 60%
• Vodka/Whiskey/Rum ဗော့ဒဂါ၊ ဝီစကီ၊ ရမ် = 40%
• Neutral Grain Spirits ချက်အရက် = 95%
• Rectified Spirits မီးတောက်အရက် = 96%

အရက်နဲ့ ကျန်းမာရေး
ကာလတိုသက်ရောက်မှုတွေကတော့ Intoxication အဆိပ်အတောက်သင့်ခြင်းနဲ့ ရေ + ဓါတ်ဆား ခမ်းခြောက်ခြင်းတွေဖြစ်မယ်။ ရေရှည်မှာ အရက်စွဲလို့အရက်သမားဖြစ်ခြင်း၊ အာဟာရချို့တဲ့ခြင်း၊ နာတာရှည် သရက်ရွက်ရောင်ခြင်း၊ အရက်ကြောင့်ဖြစ်တဲ့အသည်းရောဂါတွေ၊ ကင်ဆာနဲ့ ဗဟိုနဲ့အဝေးပိုင်း အာရုံကြောစနစ်တွေ ထိခိုက်ခြင်း။ အရက်ကို အသည်းကနေ Carcinogen acetaldehyde ကင်ဆာဖြစ်စေနိုင်တဲ့ဓါတ် ပြောင်းပေးနေတာ ဖြစ်တယ်။

အရက်နည်းနည်းသောက်တာကနေ နှလုံးရောဂါအန္တရာယ်နဲ့ များများသောက်တာကနေ (ဆထုတ်ခ်) ခေါ်တဲ့ ဦးနှောက်-သွေးကြောရောဂါ (လေဖြတ်ခြင်း) နဲ့ သွေးတိုး စတာတွေကို ဖြစ်စေမယ်။ အရက်တိုင်းကနေ (ကယ်လိုရီ) ရစေတယ်။ ကိုယ်အလေးချိန်တိုးစေမယ်။ ဗိုက်ထွက်မယ်။ ဖျင်းစွဲနေရင်တော့ ပိုသိသာမယ်။ (အယ်လ်ကိုဟော) ၁ ဂရမ်ကနေ ပျမ်းမျှ 7.1 kcal ရစေတယ်။ ၁ စီစီ (မယ်လ်) ကနေ 5.6 kcal ရစေမယ်။

မိုးရာသီမှာဖြစ်တဲ့ရောဂါတွေအကြောင်းထဲမှာ မိုးရေဗွက်အိုင်ထဲချော်လဲတာလည်း ထည့်ရေးခဲ့ပါတယ်။ အရက်သောက်လို့ လူမှုရေး၊ အိမ်ထောင်ရေးပြဿနာတွေ၊ ရန်ဖြစ်တာ၊ ရာဇဝတ်မှုဖြစ်တာ၊ အခိုးခံရတာ၊ လူအထင်ကြီး-အထင်သေးခံရတာ၊ စတာတွေလည်း ပါသေးတယ်။

ဒေါက်တာတင့်ဆွေ