Antral Gastritis အစာအိမ်ရောင်ခြင်း

(၁) ဆရာရှင့် အသက် ၃ဝ၊ မ။ ကျွန်မ အစာအိမ်ဖြစ်နေသည်မှာ ၁ဝ လဝန်းကျင်ရှိနေပါပြီ။ ဓာတ်အမြဲချုပ်ပါတယ်။ သွားပြီးရင်လည်း ဗိုက်အောင့်နေပါတယ်။ အစာမစားခင် အောင့်တက်ပြီး အစာစားပြီးရင် အဆင်ပြေပါတယ်။ အောင့်တယ်ဆိုတာလည်း ထိုးအောင့်တာမျိုးမဟုတ်ပါ။့့ မှာနေပါတယ် အလုပ်ကတော့ စာရင်းကိုင်ပါ။ အလုပ်ချိန်ပေမဲ့ ကြိုးစားပြီး အစာစားပါတယ်။ ကြာဇံကိုပဲအဓိကစားနေရပါတယ်. ထမင်းစားရင် အများဝကီးစားပြီး ဝမ်းမသွားလို့ပါ။ ရန်ကုန်ပြန်တုန်းက ဆေးစစ်ချက်ပို့ပေးလိုက်ပါတယ်ဆရာ။ သမီးဘာလုပ်သင့်တယ်ဆိုတာ သိပါရစေ။

(၂) Mild antrum gastritis က ပျောက်ဖို့ အချိန်ကြာပါသလား။ သမီးအမြန်ဆုံး ပျောက်ချင်လို့ပါ။ အခုဆိုရင် ဘယ်မှ မသွားရပါဘူး။ အန်မှာစိုးရိမ်နေရလို့ပါ။

• Antral gastritis ဆိုတာ အစာအိမ်အောက်ပိုင်းရောင်တာ ဖြစ်တယ်။ စားလိုက်တဲ့အစာတွေက အစာအိမ်ထဲကနေ ဆက်ပြီး အူသိမ်ထဲကို ဆင်းတော့မဲ့နေရာမှာရောင်နေတာ ဖြစ်တယ်။
• Bacterial ဗက်တီးရီးယား H pylori ကနေဖြစ်တာက အများဆုံး။ Tuberculosis တီဘီ၊ Syphilis ဆစ်ဖလစ်၊ Viral infections ဗိုင်းရပ်စ်၊ Fungus ဖန်းဂတ်စ်၊ Parasites ပါရာဆိုက်တွေဝင်လို့လဲဖြစ်မယ်လို့ ယူဆကြတယ်။ တခြားအကြောင်းတွေကနေလဲ ဖြစ်သေးတယ်။
• ဆေးဝါးတွေကနေဖြစ်စေနိုင်တယ်။ NSAIDS (Naproxen or Ibuprofen) အနာသက်သာဆေးတွေ၊ Steroids (စတီရွိုက်) ဆေးတွေ၊ Potassium (ပိုတက်ဆီယမ်)၊ Iron tablets သံဓါတ်ဆေား၊ Cancer ကင်ဆာဆေးတွေကနေ ဖြစ်စေနိုင်တယ်လို့ ယူဆတယ်။
• ပိုးကြောင့်မဟုတ်တာကို Autoimmune disorder အုပ်စုထဲမှာထည့်တယ်။ ရောဂါပြီးစနစ် ကမောက်ကမ ဖြစ်တာမျိုးကနေ ဆက်ဖြစ်လာတာပါ။
• စိတ်ဖိအား များလွန်းရာကနေလဲ ဖြစ်နိုင်သေးတယ်။
• ကော်ဖီ နဲ့ ဆေးလိပ်တွေကနေဖြစ်သလားလို့ ယူဆတာလဲရှိတယ်။ အပေါစားအရက်၊ အပြင်စားအရက်လဲပါတယ်။ အားလုံးက လက်ခံတဲ့အချက်တော့ မဟုတ်ပါ။
• Corrosives (Lye and Acid) လောင်စတာကို မြိုချရင်၊
• ဆရာဝန်တွေက ရောဂါရှာရာမှာ၊ ကုသရာမှာသုံးတဲ့ကရိယာကြောင့် ထိခိုက်တာ အမှတ်တမဲ့ အရာဝတ္ထုတခုခု (ပင်အပ်) မြိုချမိတာ၊
• အန်လွန်းလို့ကနေလဲဖြစ်နိုင်တယ်။ Pernicious anemia သွေးအားနည်းရောဂါ၊
• Unbalanced nutrition အစားအသောက်မမျှတတာ၊ Irregular nutrition အစားအသောက်မမှန်တာ၊ Poor quality food အစားအသောက်ညံ့တာ။

ဘာကြောင့်ဖြစ်ဖြစ် ခံစားရတာတွေက အတူတူပါ။
• Indigestion အစာမကျေခြင်း အများဆုံးခံစားရမယ်။ အစာအောက်ဆင်းတာလဲနှေးစေမယ်။
• Nausea ပျို့မယ်။ အစာမရှဘဲလဲ အန်ချင်တယ်။ နည်းနည်းအန်ချင်တာနဲ့ အတော်ဆိုးဆိုးဝါးဝါး အန်ချင်တာ ဖြစ်နိုင်တယ်။ ကြာတော့ စားချင်စိတ်နည်းလာတတ်တယ်။ တခါတလေ အန်တဲ့ထဲ သွေးပါနိုင်သေးတယ်။
• Gas လေထမယ်။ အစာမကရောကဖြစ်လာရင် လေက ကဇော်ဖေါက်သလိုမို့ အနံ့ဆိုးမယ်။
• Discomfort အနေရခက်မယ်။
• Stool Changes ဝမ်းအနေအထား တချို့လူတွေမှာ ပြောင်းမယ်။ အရောင် ညိုမဲနိုင်တယ်။ သွေးပါနေခဲ့လို့ ကတ္တရာစေးလိုအထိ မည်းနိုင်သေးတယ်။ အဲတာဆို အရေးပေါ်ကုသမှုခံယူပါ။
• အစကတည်းက ဒီရောဂါရှိနေရင် ကိုယ်ဝန်ဆောင်တော့ ပိုဆိုးလာတတ်တယ်။
• တခါတလေ ဘာလို့ဖြစ်သလဲ ဆရာဝန်တွေကမသိပါ။

ဒီရောဂါမှာ ဆရာဝန်တွေကြားမှာလဲ အမြင်မတူတာတွေ ရှိတတ်ပါတယ်။
• Gastroscopist အစာလမ်းကို မှန်ပြောင်းနဲ့ ကြည့်တဲ့ဆရာဝန်က အစာလမ်းကိုဖုံးနေတဲ့ Mucosa အလွှာကို မျက်စိနဲ့ ကရိယာကတဆင့် ကြည့်တယ်။ လှုတ်ရှားနေတာ၊ အရောင်၊ Peristaltic waves အစာခြေလှိုင်းတွေကို မြင်သိတယ်။ အပေါ်ယံဖြစ်အနာကိုလဲမြင်တယ်။
• Radiologist ဓါတ်မှန်ဆရာဝန်ကတော့ အထူး-အပါးနဲ့ လှုတ်ရှားမှုကိုသိတယ်။ crater အနာခွက်ဖြစ်နေတာကိုလဲ သိတယ်။ Peristalsis အစာခြေလှိုင်းတွေကိုလဲ သိမယ်။
• Pathologist ရောဂါဗေဒဆရာဝန်ကတော့ အစာအိမ်တခုလုံးရဲ့ နံရံကိုသိတယ်။ အနုကြည်မှန်ဘီးလူးနဲ့ ပြောင်းလဲနေတာကို သိမယ်။

အများအားဖြင့် အသက် ၄ဝ-၇ဝ ကြားဖြစ်ကြတယ်။ ကျား-မ ဆတူဖြစ်တယ်။ စစ်ဆေးရတာမှာ အဲလိုဝေဝါးမှု ရှိတတ်သလို ရောဂါလက္ခဏာတွေအရ ဆုံးဖြတ်ရတာလဲ မရေရာသလိုနေတတ်တယ်။ ဥပမာ တချို့က စားလိုက်ရင် ပိုဆိုးပြီး တချို့က သက်သာတယ်။

ကုသနည်းတွေ -
• ဗက်တီးရီးယားကနေဖြစ်တာဆိုရင် ပဋိဇီဝဆေးပေးတယ်။ Amoxacillin, Tetracycline, Claithromycin, Metronidazole တွေကို သုံးတယ်။ ဆေးတပတ်လည်အောင်ပေးရတယ်။
• Antacids အက်စစ်ပျယ်ဆေးလဲပေးတယ်။ အများကြီးရှိတယ်။ အိန္ဒိယမှာ (ဒိုင်ဂျင်း)။ ဗမာပြည်မှာ (ဂျဲလ်မက်)၊ အခု ထုတ်သေးလားတော့မသိဘူး။ (ဆိုဒါမင့်) ဆိုတဲ့ဆေးပြား အလည်မှာ ချိုင့်ခွက်လေးနဲ့မို့၊ ချက်ပုံပါတဲ့ဆေးလို့ အရပ်ထဲမှာ ခေါ်ကြတယ်။ Aluminium Hydroxide and Oxide, Magnesium Trisilicate 250-1500 mg တနေ့ ၃ ကြိမ်၊ Magnesium Carbonate, Magnesium Oxides, Magnesium hydroxide 200-400 mg တနေ့ ၃ ကြိမ်၊ Calcium Carbonate 1250-1500 mg တနေ့ ၃ ကြိမ်။
• အက်စစ်အထွက်နည်းဆေး Atropine Sulphate 0.5-1.0 mg IM ထိုးဆေး၊ Proton pump inhibitors (Omeprazole, Rabeprazole) 20-40 mg တနေ့ ၁ ကြိမ်၊ ၁ လ၊ ၁ လခွဲ သောက်ပါ။ Histamine H 2-receptor Antagonists (Ranitidine) 150 mg တနေ့ ၂-၃-၄ ကြိမ်။
• အစားအသောက်အကျင့်ကောင်း ပြောင်းပါ။ အဆီနည်းပါစေ၊ အဝကြီးတခါတည်းမစားပါနဲ့။ ထောပတ်၊ ကျော်ထားတာကို သတိထားစားပါ။ လတ်ဆတ်တဲ့အသီးတွေ၊ ဟင်းသီးဟင်းရွက်တွေကို ပိုစားပါ။ အစာကိုအချိန်မှန်စားပါ။ အမျိုးအစားမှန်စားပါ။
• စိတ်ဖိအား လျှော့ဘို့လိုသူက လျှော့ချပါ။

GERD အချဉ်ရည် အထက်ဆန်ခြင်း http://doctortintswe.blogspot.com/2014/12/gerd.html

ဒေါက်တာတင့်ဆွေ