How to vote ရွေးကောက်ပွဲဆိုတာ ဘာကိုရွေးတာလည်း
မြန်မာပြည်ကရွေးကောက်ပွဲဆိုတာ နိုင်ငံကိုခေါင်းဆောင်မယ့်သူကို ရွေးပေးရတာမဟုတ်ပါ။ အုပ်ချုပ်မယ့်အစိုးရကိုလည်း ရွေးပေးရတာမဟုတ်ပါ။ ကိုယ်စားလှယ်ကိုသာ မဲပေးခွင့်ရှိတယ်။ အဲတာတောင်မှ မဟုတ်ချင်တော့လို့ အမျိုးသား လွှတ်တော်မှာ (ပီအာ) ဆိုတာ ထွင်လာတယ်။ ကြိုက်တဲ့လူကို ရွေးခွင်မရှိတဲ့စနစ်သာဖြစ်တယ်။ ခုထိသေချာသေးတာက ကိုယ်ကြိုက်တဲ့နိုင်ငံရေးပါတီကို မဲပေးခွင့်ကလေး ရနေသေးတာပါ။ အဲဒါကြောင့် လာမယ့်ရွေးကောက်ပွဲမှာ ပါတီကိုသာ ကြည့်ပြီး မဲပေးကြပါ။
လွှတ်တော်
လွှတ်တော်နေရာ ပေါင်း(၂၂၄ + ၄၄ဝ = ၆၆၄) ထဲက (၅၆) နဲ့ (၁၁ဝ) ယောက်ကို လူတွေကရွေးခွင့်မရှိပါ။ (၁၂၄) နဲ့ (၂၁၂) နေရာတွေကို ပြည်ခိုင်ဖြိုးကအနိုင်ယူထားတယ်။ ကျန်ပါတီတွေက (၄၄) နေရာနဲ့ (၁ဝ၉) နေရာမှာသာရကြတယ်။ NLD ပါတီက (၄) နေရာနဲ့ (၃၈) နေရာသာရထားတယ်။
သမ္မတ
သမ္မတကို လူထုကတိုက်ရိုက်ရွေးခွင့်မရှိပါ။ သမတကသာ လူထုကိုကြိုက်သလိုအုပ်ချုပ်ခွင့်ရှိတယ်။ သမတရွေးချယ် တင်မြောက်ရေးအဖွဲ့ဆိုတာကနေသာ သမတကိုရွေးတယ်။ အဲတာထဲမှာ အစု (၃) စုရှိတယ်။ တိုင်းဒေသကြီးနဲ့ ပြည်နယ်တွေကအမတ်တွေကတစု၊ မြို့နယ်အခြေခံ မဲဆန္ဒနယ်မြေကတက်လာတဲ့ အမတ်တွေကတစုနဲ့ စစ်တပ်ဦးစီးကအမိန့်ပေးထားတဲ့ စစ်တပ်ကိုယ်စားလှယ်တွေကတစုဖြစ်တယ်။ အစုတစုကနေ နာမည်တခုစီအဆိုပြုမယ်။ အဲဒီ (၃) ဦးကို ပြည်ထောင်စုလွှတ်တော်ကနေမဲပေးပြီး မဲအများဆုံးလူကို သမတ၊ ကျန် (၂) ဦးကို ဒုသမတတွေအဖြစ် ရွေးတယ်။ သမတကနေသာ အစိုးရအဖွဲ့ကို ရွေးချယ်ခန့်ထားတယ်။ လူထုနဲ့အစိုးရ ဆက်စပ်မှုမရှိဘူး။
လူထုနဲ့အစိုးရ ဆက်စပ်မှုရှိချင်ရင်
အာဏာရှင်ကိုမကြိုက်သူတွေက (၃) ပုံထဲ (၁) လောက်အတွက်သာ အားခဲရမလိုဖြစ်တယ်။ NLD ပါတီက လွှတ်တော် ၂ ရပ်လုံးမှာ နေရာအများစုရပါမှ သမတအမည်တင်ခွင့်မှာ တပမ်းသာမယ်။ (၁) ခုထဲမှာသာ အများစုရရင်လည်း (၃) မဲ (၁) မဲနဲ့ သမတတင်မယ့်သူ ရှုံးမယ်။ အဲတာကြောင့် အထက်လွှတ်တော်မှာ (ပီအာ) လုပ်လာတာ ဖြစ်တယ်။
မဲပေးနည်း
NLD ကို မုန်းတီးစိတ်နဲ့ကြည့်၊ အခွင့်အရေးလောဘလည်းရှိတဲ့ အမတ်တချို့က (ပီအာ) အတွက် အာနေကြတာဖြစ်တယ်။ အဲတာကြောင့် လာမယ့်ရွေးကောက်ပွဲမှာ အဲလိုအမတ်လောင်းနဲ့ အဲဒီပါတီမျိုးတွေကိုလည်း မဲမပေးပါနဲ့။
လူမျိုးစုအခြေပြု ပါတီတွေကလည်း အာဏာရှင်တွေဖက်မှာနေမှာလား။ NLD နဲ့နေမှာလား။ သီးခြားနေလို့တော့ ပညာရှိရာမကျပါ။
NLD နေရာအပြတ်အသတ်မရလို့ မဲပြားသွားရင် ပြည်ခိုင်ဖြိုးကပဲဆက်စားနေအုံးမယ်။ အဲတာကြောင့် အမတ်လောင်းကို ကြည့်မနေကြပဲ NLD ပါတီကိုသာမဲတွေပုံအောကြမှသာ ဗျူဟာမြောက်တဲ့မဲပေးတဲ့သူဖြစ်ပါမယ်။
ဒေါက်တာတင့်ဆွေ
၂၁-၄-၂ဝ၁၅
Comments
Post a Comment