Tuesday, April 28, 2015

Pregnancy test ကိုယ်ဝန်နဲ့ မြန်မာသတ်ပုံ

ကျွန်မအသက် ၃၃ နှစ်ပါ။့့ မှာနေပါတယ်။ အိမ်ထောင်သက် ၆ နှစ်ပါ။ အခုမှ ကိုယ်ဝန်စယူတာပါ။ ၂၆ ရက်နေ့ မနက်ပိုင်းဆီးကို စစ်ကြည့်ပါတယ်။ တစ်ကြောင်းကထင်းပြီး တစ်ကြောင်းက မှိန်နေပါတယ်။ မြင်တော့မြင်ရပါတယ်။ မသေချာလို့ ဆေးရုံမှာဆီးထပ်စစ်တာ ကိုယ်ဝန်ရှိနေပြီလို့ပြောပါတယ်။ မေလ ၁၈ နဲ့ ၂ဝ ကြားကို အိုဂျီအပ်ခိုင်းပါတယ်။ အပျော်လွန်ပြီး ကိုယ်ဝန်ဘယ်နှစ်ရက် ဘယ်နှစ်လဆိုတာမမေးခဲ့မိလို့ ကျွန်မကိုယ်ဝန်မှာ ဘယ်နှစ်ရက် ဘယ်နှစ်လ ဆိုတာလေး သိချင်လို့ပြောပြပေးပါ ဆရာရှင့်။ ပြီးတော့ ဘယ်နှစ်လပိုင်းလောက်မှ ဗိုက်စပြီး ပူပါသလဲဆရာ။ ကိုယ်ဝန်နဲ့ ပတ်သက်တဲ့ခံစားမှုတွေ ဘယ်နှစ်လပိုင်းလောက်မှာ စပြီးခံစားရပါသလဲ ဆရာရှင့်။ အခုရက်ပိုင်းတွင်တော့ ရင်သား နဲနဲနာကျင်တာနဲ့ အဖြူနဲနဲဆင်းတာရယ်။ ဝမ်းချုပ်တာရယ်အဲဒါမျိုးပဲ ဖြစ်ပါတယ်။ တခြားတော့ဘာမှမဖြစ်သေးပါဘူး။ အဲဒါလေးသိချင်လို့ ဖြေကြားပေးစေလိုပါတယ်ဆရာရှင့်။

(ကွန်ဂရက်ကျူလေးရှင်း)။ ကိုယ်ဝန်ကို ရာသီနောက်ဆုံးလာစဉ်က သွေးစဆင်းတဲ့ ပထမရက်နေတွက်ရတယ်။ အဲဒီရင်ထဲကို ၉ လ နဲ့ ၇ ရက်ပေါင်းရင် ခန့်မှန်းချေ မွေးမယ့်ရက်ရမယ်။ ဘယ်နှစ်ပါတ်ဆိုတာနဲ့တွက်တယ်။ ၄ ပါတ်ကို တလလို့သတ်မှတ်တယ်။ ခံစားရတာတွေက မတူကြပါ။ တချို့ ၄ လအထိ အတော်ခံစားရတယ်။ ဗိုက်ပူတာက ၁၂ ပတ် (၃ လ) နောက်မှစတယ်။

မမေးတာကိုပါ ဖြေပါရစေ။

၁။ (ရာသီပီး)၊ (တစ်ကြောင်းကထင်းပီး)၊ (အပျော်လွန်ပီး)၊ (ပီးတော့)၊ (ဗိုက်စပီးပူပါသလဲ)၊ (စပီးခံစားရပါသလဲ) တွေမှာ (ပြီး) လို့သာ ရေးရပါတယ်။

မြန်မာစာသတ်ပုံကျမ်းမှာ
(ပီ) ပြီးရင် (ပု) သာလာတယ်။ (ပီး) ဆိုတာမရှိပါ။

၂။ (ဆီးထက်စစ်တာ) လို့မရေပဲ (ဆီးထပ်စစ်တာ) လို့ရေးရပါတယ်။
မြန်မာစာသတ်ပုံကျမ်းမှာ
(ထက်) ဆိုတာ ထက်ကြပ်မကွာ၊ ထက်ခြမ်းခွဲ၊ ထက်မြက်၊ ထက်ဝက်၊ ထက်ဝန်းကျင်၊ ထက်ဝယ်ဖွဲ့ခွေ၊ ထက်သန်မှာ သုံးရတယ်။

(ထပ်) ဆိုတာကို ထပ်ကျော့၊ ထပ်ဆင့်၊ ထပ်တလဲလဲ၊ ထပ်တူထပ်မျှ၊ ထပ်တွန့်၊ ထပ်မံတွေမှာ သုံးရတယ်။

၃။ အိုဂျီအက်ခိုင်းပါတယ်လို့မဟုတ်ပဲ (အိုဂျီအပ်ခိုင်း) လို့ရေးရပါတယ်။
မြန်မာစာသတ်ပုံကျမ်းမှာ
(အတ်) ကို အတ္တနောမတိ၊ အတ္တဟိတ၊ အတ္ထုပ္ပတ္တိတွေမှာ သုံးရတယ်။

(အပ်) ကို လုပ်အပ်၊ ရင်ချင်းအပ်၊ အပ်ချုပ်၊ အပ်ကျမပ်ကျ၊ အပ်ချည်လုံး၊ အပ်စပ်၊ အပ်နှံတွေမှာသုံးရတယ်။

ဒေါက်တာတင့်ဆွေ
၂၈-၄-၂ဝ၁၅

No comments:

Post a Comment

Note: Only a member of this blog may post a comment.

အရွက် နှင့် အပွင့်

အရွက်တွေသာ ရှိစဉ်က အတူတူ အစိမ်းရောင်သာ။ ပွင့်လာတော့ အရောင်အမျိုးမျိုး။ အဲလိုပါပဲ။ ကိုယ့်သားသမီးတွေ၊ ကိုယ်စာသင်ပေးလိုက်တဲ့ ကျောင်းသူကျောင...