Acne ဝက်ခြံ ရောင်စုံ

သမီးမျက်နှာက သာမန်ဝက်ခြံလေး တစ်ဖုနှစ်ဖုလောက်ပဲပါတယ်ရှင့်။ အခုနောက်ပိုင်း ဝက်ခြံတွေ ပိုပိုထွက်လာပါတယ်ရှင့်။ ဆ်ိုးဝါးတာက သာမန်အဖုလိုမဟုတ်ပဲ အရေပြားအောက်ကနေ မာပြီးနီရဲရောင်နေတာပါပဲ။ ပြီးရင်လည်း တော်ယုံအပြင်ကို မထွက်ပဲ အကြာကြီးဖြစ်နေပါတယ်။ နောက်ကြတော့ အရမ်းယောင်ပြီး ပြည်ပေါက်ထွက်ပါတယ်။ ဆိုးတာက အဲ့နေရာက မဲမဲကြီးနဲ့ ချိုင့်တွေဖြစ်ကျန်ခဲ့တာပါပဲ။ နောက်ပြီးအဖုတွေက ပါးနှစ်ဘက်မှာ အဲ့လို ပြင်လိုက်နီပြီးမာနေတာတွေ ထပ်ဖြစ်လာပါတယ်။ သမီးအရေပြားကပါးပြီး အဆီပြန်တယ်။ ချွေးပေါက်ကျယ်ပါတယ်။ ဆေးတွေလိမ်းတာလည်း အစုံဖြစ်နေပါပြီ။ မသက်သာပဲ ထပ်ခါထပ်ခါ အဖုတွေက ပါးနှစ်ဖက်မှာပေါက်နေပါတယ်။ အရင်တုန်းက ဘာမှမရှိတဲ့မျက်နှာက အခု ၃လအတွင်း လုံးဝကို ပြောင်းလဲသွားပါတယ်။ အမာရွတ်တွေ ချိုင့်တွေနဲ့ဖြစ်ကုန်ပါပြီ။ ဝက်ခြံပေါက်သက်သာမလားဆိုပြီး အိမ်မှာရေနွေးငွေ့နဲ့ ပေါင်းကြည့်တာ ၃ ခါလောက်လုပ်ဖူးပါတယ်။ ချွေးပေါက်တွေ ပိုပြီးကျယ်လာပြီး အဲ့အထဲတွေပါ ဝက်ခြံတွေက လိုက်ဖြစ်ကုန်ပါတယ်။ ဆရာဝန်က အဲ့ဆေးတွေပေးပါတယ်။ မသက်ပါဘူးဆရာ။ အဲ့လိုမျိုးဖြစ်နေတာပါ။ အသက်က ၂၈ ပါဆရာ။ အိမ်ထောင်မရှိပါဘူး။ အခုလိုဖြစ်တာ ၃ လ အတွင်းပဲရှိပါသေးတယ်ဆရာ။ ရာသီကတော့ တစ်လတစ်ခါပုံမှန်လာပါတယ်။

ချွေးထွက်အိတ်တွေကနေ (စီဘမ်) ဆိုတာ ထုတ်ပေးနေလို့ အသားအရေ စိုစွပ်နေစေတယ်။ မြီးကောင်ပေါက်အရွယ် ရောက်ရင် (အင်ဒရိုဂျင်) ဟော်မုန်းတန်ခိုးနဲ့ ပိုထွက်တယ်။ အသက် ၂ဝ ကျော်မှ ပြန်ကျတယ်။ ချွေးနဲ့အတူ (ဆဲလ်) အပျက်အစီးတွေပါ ရောထွက်လာတယ်။ ဒီတော့ အိတ်မှာပြည့်နေမယ်။ ဘေးကအရေပြားကို ပြန့်နှံ့လာစေတယ်။ မျက်နှာအဆီပြန်တယ် ပြောကြတာပေါ့။ ဒီအတိုင်းသာဖြစ်နေရင် ဘာမှပြဿနာမပေါ်ဘူး။

အရေပြား (ဆဲလ်) တွေက ပိုကပ်စေးမှု ဖြစ်လာတာ၊ အိတ်ထိပ်ပိုင်းမှာ ပိုများလာတာ၊ ချွေးထွက်များလာတာဆိုရင် ဒုက္ခ စပေးတော့မယ်။ P. acnes ဆိုတဲ့ ဗက်တီးရီးယားတွေ များပြားလာမယ်။ ရောဂါအဆင့်တော့ မရောက်သေးဘူး။ ဒီအဆင့် ဆိုရင် Benzoyl peroxide ဆေးနဲ့ ဗက်တီးရီးယားတွေကို နှိမ်နိုင်တယ်။ Salicylic acid 2% လိမ်းဆေးက စေးကပ်မှုကို တားပေးမယ်။

တကယ်လို့ ထွက်ပေါက်ကျဉ်းပြီး ပိတ်လာရင် Whitehead (Closed Comedone) ဝက်ခြံခေါင်းဖြူဆိုတာ ဖြစ်လာမယ်။ အပေါက်ပွင့်နေသေးရင် Blackhead (Open Comedone) ဝက်ခြံခေါင်းမဲခေါ်တယ်။ ပိုးကိုသေအောင် ပဋိဇီဝစားဆေး၊ လိမ်းဆေး သုံးရမယ်။ Tetracycline, Erythromycin, Minocycline, Doxycycline, Clindamycin ဆေးတွေ ဖြစ်တယ်။ စာသပ်သပ်ရေးထားပါတယ်။

ဝက်ခြံကို အဆင့်ဆင့်ခေါ်သေးတယ်။ Acne Pimple ဆိုတာ ဗက်တီးရီးယားကြောင့် ဘေးကအရေပြားကို ရောဂါရလာတဲ့ အဆင့်၊ Red bump နီပြီးဖေါင်းလာမယ်။ ပဋိဇီဝဆေးကို သေခြာပေါက်ပေးရမယ်။ Acne Pustule ဆိုတာ ပြည်တည် လာတာကို ခေါ်တယ်။ Acne Cyst ဆိုတာကတော့ အိတ်တခုလို ပိုကြီးလာတာပါ။

ကုရတာက လာမယ်ကြာမယ်အစားဖြစ်ပါတယ်။ ဝက်ခြံစဖြစ်တာ အရွယ်ရောက်ချိန်ကြမှမို့ အရွယ်ရလာရင် ပျောက်မှာ သေခြာတယ်။ အရွယ်ဆိုတာလဲ ဟော်မုန်းနဲ့ သိပ်ဆိုင်တယ်။ ဝက်ခြံနဲ့ပါတ်သက်တဲ့ ဟော်မုန်းက အသက်နဲ့တင်မကဘူး၊ လိင်စိတ်ပြောင်းတာ၊ ကျား-မ ဆက်ဆံတာ၊ အိမ်ထောင်ကျတာ၊ ကိုယ်ဝန်ရှိတာစတဲ့ အခြေအနေမျိုးတွေကို လိုက်တယ်။ ဝက်ခြံရှိနေသူဟာ နုပျိုသစ်လွင်သေးတယ်ဆိုတဲ့ ပြရုပ်အစစ် ဖြစ်ပါတယ်။

ဝက်ခြံရောင်စုံတွေအတွက် အရေပြားကို ဂရုစိုက်ဘို့လိုပါတယ်။ ဂရုစိုက်ယုံနဲ့ပျောက်မယ် ပြောတာတော့ မဟုတ်ပါ။ အစားအစာကြောင့်ဖြစ်တာ မဟုတ်လို့ အစားကိုထည့်ပြောတာ နည်းလမ်းမကျပါ။ အဆီတွေ၊ (ဆဲလ်) အသေတွေ ရှင်းအောင်လို့ သိပ်မပြင်းတဲ့ ဆပ်ပြာနဲ့ မျက်နှာသစ်ပါ။ ဆီနဲ့လုပ်တဲ့မိတ်ကပ် မသုံးပါနဲ့။

ဆရာဝန်တွေက မဟုတ်ဘဲ အတွေ့အကြုံ ရှိသူတွေပေးတဲ့ နည်းတွေပါ ရေးပါရစေ။
(၁) ရေ ဖန်ခွက် ၃-၄ ခွက်ကို ကျိုပြီး Soda bicarbonate ဆိုဒါမှုံ့ လက်ဖက်ရည်ဇွန်း ၂ ဇွန်းထည့်ပါ။ မျက်နှာသုတ်ပုဝါကို အဲဒီအထဲစိမ်ပြီး မျက်နှာပေါ် ၅-၆ ခါ အုပ်ပါ။ နောက် ဆန်မှုံ့ လက်ဖက်ရည်ဇွန်း ၁ ဇွန်းနဲ့ Curd ဒိန် ၁ ဇွန်းကို ရောပြီး လိမ်းပေးပါ။ နောက်ဆုံး ရေအေးနဲ့မျက်နှာသစ်ပါ။
(၂) အလှဆီ-ဆပ်ပြာ Glycerin soap နဲ့ ဆားနဲနဲရောပြီး သုတ်လိမ်းပါ။ ၁ ပါတ် ဆက်လုပ်ပါ။
(၃) နံနံပင် အရွက်ကို အရည်လုပ်၊ လက်ဖက်ရည်ဇွန်း ၁ ဇွန်းနဲ့ နံနွင်းမှုံ့ လက်ဖက်ရည်ဇွန်း တဝက် ရောပါ။ ညအိပ်ရာဝင်မှာ လိမ်းပေးပါ။ မနက်လင်းရင် မျက်နှာသစ်ပါ။ ၁ ပါတ် ဆက်လုပ်ပါ။
(၄) သံပရာရည် လက်ဖက်ရည်ဇွန်း ၁ ဇွန်းနဲ့ သစ်ကြံပိုးအမှုံ့ လက်ဖက်ရည်ဇွန်း ၁ ဇွန်းရောပါ။ ညအိပ်ရာဝင်မှာ လိမ်းပေးပါ။ မနက်လင်းရင် မျက်နှာသစ်ပါ။ ၁ ပါတ် ဆက်လုပ်ပါ။

ဆရာဝန်မလိုတဲ့ နောက်နည်းတွေကလဲ စိတ်ဝင်စားကြမယ် ထင်ပါတယ်။
• ရေနွေး ဖန်ခွက် ၄ ပုံ ၁ ပုံထဲကို ဆားခါး Epsom salt (Magnesium sulfate) လက်ဖက်ရည်ဇွန်း ၁ ဇွန်း နဲ့ Iodine အိုင်အိုဒင်း ၄ စက် ရောထည့်ပါ။ အေးလာတဲ့အခါ ဂွမ်းစလေးနဲ့ ဖြစ်တဲ့နေရာတွေကို လိမ်းပေးပါ။ ခြောက်သွေ့ချိန်မှာ အဝတ်သန့်သန့်နဲ့ ရှင်းပြစ်ပါ။
• Methi (Fenugreek) leaves ပဲနံ့သာရွက် လတ်လတ် ဆတ်ဆတ်ကို ရေနဲ့ရော ချေပြီး၊ ၁ဝ-၁၅ မိနစ် လိမ်းပေးပါ။
• သံပရာရည် လက်ဖက်ရည်ဇွန်း ၁ ဇွန်း နဲ့ ကျိုတားတဲ့ နွားနို့ တဖန်ခွက်ထဲရောပြီး လိမ်းပါ။
• နံသာနီ Red sandalwood 5 gm နဲ့ Cinnamon powder နနွင်းမှုံ့ 5 gm ရောပါ။ နွားနို့နဲနဲပါ ထည့်ပါ။
• Almond powder ဗာဒံစေ့ အမှုံ့ကို ရေနဲ့ရောပြီး လိမ်းပေးပါ။
• ဆား၊ ပျားရည် နဲ့ သံပရာရည်ဆတူရော လိမ်းပါ။ Yogurt ဒိန်ချဉ်လဲ ထည့်နိုင်တယ်။
• ပျားရည် ခပ်နွေးနွေးနဲ့ မျက်နှာသစ်နိုင်တယ်။
• မြေပဲဆီ သံပရာရည် ဆတူရောပြီး လိမ်းပါ။
• ကြက်ဥအကာ (အဖြူ) လိမ်းပါ။
• ပျားရည် လက်ဖက်ရည်ဇွန်း ၃ ဇွန်း နဲ့ Cinnamon powder နနွင်းမှုံ့ လက်ဖက်ရည်ဇွန်း ၁ ဇွန်းရောပြီး လိမ်းပါ။

• Acne ဝက်ခြံ ရောင်စုံ http://doctortintswe.blogspot.com/2014/10/acne.html
• Acne Antibiotics ဝက်ခြံအတွက် ပဋိဇီဝဆေးများ http://doctortintswe.blogspot.com/2014/10/acne-antibiotics.html
• Acne Scars ဝက်ခြံအမာရွတ် http://doctortintswe.blogspot.com/2014/11/acne-scars.html
• Acne vulgaris ဆိုးတဲ့ ဝက်ခြံ http://doctortintswe.blogspot.com/2014/10/acne-vulgaris.html
• Acne Laser treatment ဝက်ခြံကို လေဆာ နဲ့ ကုသခြင်း http://doctortintswe.blogspot.com/2014/10/acne-laser-treatment.html
• Seborrheic Keratosis or Keratosis pilaris ဆားဝက်ခြံ http://doctortintswe.blogspot.com/2014/11/seborrheic-keratosis-or-keratosis_22.html
• Thigh Acne ချိုင်းနဲ့ ပေါင်မှာပေါက်တဲ့ ဝက်ခြံ http://doctortintswe.blogspot.com/2014/11/thigh-acne.html

Dr. တင့်ဆွေ