Blood type change question သွေးအုပ်စုပြောင်းတတ်သလား

ဆရာခင်ဗျာ စစ်ကိုင်းတိုင်း တမူးမြို့ တမူးလူငယ်ကွန်ရက်သွေးလှူအသင်းကပါခင်ဗျာ။ သိချင်တာလေးမေးမြန်းပါရစေခင်ဗျာ။ ကျွန်တော်တို့အသင်းအနေဖြင့် စတင်သည်မှ သွေးပုလင်း ၂ဝဝဝ ကျော် လှူဒါန်းခဲ့ပြီး ဖြစ်ပါတယ်ခင်ဗျာ။ ယခုသိလိုသည်များ ဖြေကြားပေးရန် အကူညီတောင်းခံအပ်ပါတယ်ခင်ဗျာ။
၁။ သွေးအုပ်စု ပြောင်းလဲမှုရှိနိုင်ပါသလား (ဥပမာ A  မှ B) နဲ့
၂။ သွေးအမျိုးအစား ပြောင်းလဲမှု ရှိနိုင်ပါသလား (ဥပမာ + A  မှ - A) ခင်ဗျာ။

ယခု ကျွန်တော်တို့ သွေးလှူအသင်းအနေဖြင့် +A  သွေးလှူ ရှင်  ၉ ကြိမ်မြောက်လှူ ပြီး ထပ်လှူရန်သွေးစစ်ရာ (- A) ဖြစ်နေတာ ၂ ဦး ကြုံတွေ့ရပြီး၊ ယနေ့  နှစ်ကြိမ် (+ AB) လှူဒါန်းပြီးသောလူငယ်တဦးအား ထပ်မံသွေးလှူရန် စစ်ဆေးရာတွင် ( - ) ဖြစ်နေသည်ဟု  ဓာတ်ခွဲခန်းမှအဖြေထွက်လာ၍  ဆရာအားလေးစားစွာ သိလိုသည်များတင်ပြလိုက်ရပါတယ်ခင်ဗျား။

Yin Ko Oo
တမူးလူငယ်ကွန်ရက် သွေးလှူအသင်း (ကိုယ်စား)
ဆရာခင်ဗျာ fb မှာ tag တွဲပြီးတင်ပေးရန် လေးစားစွာ တောင်းဆိုပါတယ်။

တန်းဖြေရရင် လူတယောက်ဟာ တသက်တာမှာ သွေးအုပ်စုမပြောင်းတော့ပါ။

ဒါပေမယ့် ပြောင်းတာတွေတွေ့နေရတယ်။ မြန်မာပြည်တုန်းကသိထားခဲ့တဲ့၊ အမျိုးသားမှတ်ပုံတင်မှာလည်းရေးထားတဲ့ သွေးအုပ်စုဟာ တခြာတိုင်းပြည်သွားပြီး ကိုယ်အင်္ဂါအစိတ်အပိုင်းလဲဘို့ စစ်ဆေးတော့ တခြားသွေးအုပ်စုဖြစ်နေတာမျိုး ကြုံရဘူးတယ်။ အမေ-အဖေသွေးအုပ်စုနဲ့ မွေးလာတဲ့ကလေးသွေးအုပ်စုတွေအရ မိဘမစစ်သလို ထင်မှတ်ရတာမျိုးလည်း တွေ့ရဘူးတယ်။ သွေးအုပ်စုစစ်စဉ်က Operator error ခေါ်လူအမှားနဲ့ Poor lighting စက်အမှားကြောင့်လို့ယူဆပါတယ်။ ပြန်စစ်သင့်တယ်လို့ အကြံပြုလိုက်ပါတယ်။

ဆေးသုတေသနကို ကိုးကားရေးပါမယ်။ အလွန်ရှားပါးတဲ့အခြေအနေမျိုးမှာ သွေးအုပ်စုပြောင်းတာဖြစ်နိုင်တယ်။ Suppression of an antigen in infection ရောဂါပိုးဝင်ခံလို့ (အင်တီဂျင်) ဖိနှိပ်ခံထားရချိန်၊ Malignancy ကင်ဆာတချို့ နဲ့ Autoimmune disease အော်တိုအင်မြူခေါ် ရောဂါပြီးစနစ်ကမောက်မဖြစ်ခြင်းတို့မှာ သွေးအုပ်စုပြောင်းသွားတာ ဖြစ်နိုင်တယ်။ Bone marrow transplant ရိုးတွင်းခြင်ဆီအစားထိုးကုသမှုကနေလည်း ဖြစ်စေနိုင်တယ်။

၁-၅-၂ဝ၁၅ နေ့က ဘီဘီစီကျန်းမာရေးသတင်းတခုမှာ သွေးအုပ်စုပြောင်းစေတဲ့ (အင်ဇိုင်းမ်) ကိုတွေ့ရှိလို့ပါခဲ့တယ်။ Blood types A နဲ့ B မှာရှိတဲ့ (အင်တီဂျင်) ကို သက်ရောက်ပြီး Type O သွေးဖြစ်သွားစေတယ်။ ကနေဒါရှိ University of British Columbia ကနေစမ်းသပ်တွေ့ရှိခဲ့တာဖြစ်ပါတယ်။ 98 glycoside hydrolase အင်ဇိုင်းမ်လို့ခေါ်တယ်။ Streptococcus pneumoniae ပိုးကနေထုတ်ယူတာဖြစ်တယ်။

သွေးအုပ်စု (အေ) သွေးနီဥမျက်နှာပြင်မှာ N-acetylgalactosamine residue ဆိုတာရှိပြီး (ဘီ) သွေးနီဥမျက်နှာပြင်မှာ galactose residue ရှိတယ်။ (အို) မှာ အဲတာတွေတခုမှမရှိပဲ (အေဘီ) မှာ နှစ်မျိုးလုံးရှိတယ်။ အသစ်တွေ့ရှိလာတဲ့ (အင်ဇိုင်းမ်) ကနေ သွေးအုပ်စု (အင်တီဂျင်) ကို ၁ဝဝ% အထိတော့မပြောင်းစေနိုင်ပါ။ အဲလိုသွေးကိုသွင်းမိရင်တော့ စိုးရိမ်စရာကောင်းတဲ့ Immune response ခုခံအားတုန့်ပြန်မှုဖြစ်စေနိုင်တယ်။

သွေးအုပ်စုပြောင်းတာကို ပိုပြီးသတိထားမိလာတာ (၃) နှစ်လောက်သာရှိသေးတယ်။ သိပ်မစိုးရိမ်ဘို့ကတော့ သွေးမသွင်းမီမှာ Cross matching စစ်ဆေးမှုလုပ်လို့ သွေးအုပ်စုတွေက ဘာတွေဖြစ်နေနေ သွင်းပေးမယ့်သွေးနဲ့ သွေးသွင်းခံမယ့်သူတွေ တည့်မတည့်သိပြီးမှသာ သွေးသွင်းပါမယ်။

ဒေါက်တာတင့်ဆွေ
၁၉-၄-၂ဝ၁၆